ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:21 - ᐅᔅᑭ ᑎᔅᑌᒥᓐᑦ

²¹ ᐁᐗᑯ ᐅᒋ, ᓇᑲᑕᒧᒃ ᒥᓯᐌ ᐎᓂᓯᐎᓐ ᓀᔥᑕ ᑳ ᒥᒉᑎᒃ ᒪᒑᑎᓯᐎᓐ, ᐅᑎᓇᒧᒃ ᒫᑲ ᓗᔅᐹᑎᓯᐎᓂᒃ ᐊᓂᒪ ᑭᒋᑭᔑᑲᐎ ᐋᔭᒥᐎᓐ ᑫ ᑮ ᐅᒋ ᐱᒫᒋᐋᑲᓂᐎᒋᒃ ᑭᑦ ᐊᒑᑯᐙᐗᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:21 Iomraidhean Croise

ᐅᐸᓓᑭᔅ ᒫᑎᐤ 5:5

ᔕᐌᓕᑖᑯᓯᐗᒃ ᑳ ᓗᔅᐹᑎᓯᒋᒃ; ᐌᓴ ᑲᑕ ᐋᔮᐗᒃ ᐊᔅᑭᓕᐤ᙮

ᐅᐸᓓᑭᔅ ᒑᓐ 6:63

ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮

ᐅᐸᓓᑭᔅ ᒑᓐ 6:68

ᐁᑯ ᓀᔥᑴᐗᔑᐃᑯᑦ ᓵᐃᒪᓐ ᐱᑕᕋ, ᑌᐯᓕᒋᑫᔭᓐ, ᐊᐌᓇ ᑫ ᓈᑕᑭᑦ? ᑭᓚ ᑭᑦ ᐋᔮᓐ ᑳᑭᑫ ᐱᒫᑎᓯᐎᓂ ᐋᔭᒥᐎᓇ᙮

ᐊᐸᔅᑕᓚᒃ 10:33

ᑣᔦᒃ ᒫᑲ ᑭ ᑮ ᐃᔑᑎᔕᐊᒫᑎᓐ: ᓀᔥᑕ ᒀᔭᔉ ᑭ ᑮ ᑐᑌᓐ ᐁ ᑕᑯᔑᓂᔭᓐ᙮ ᐊᓄᒡ ᒫᑲ ᒥᓯᐌ ᐅᑕ ᓂᑦ ᐃᑖᓈᓐ ᐅᑎᔥᑲᐤ ᑭᒋᒪᓂᑐ, ᑭᒋ ᐯᑕᒫᒃ ᒥᓯᐌ ᑫᒀᓇ ᑳ ᐃᑕᔓᐙᑎᔉ ᑭᒋᒪᓂᑐ᙮

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:17

ᑮᔥᐱᓐ ᒫᑲ ᐋᑎᑦ ᐗᑎᑾᓇ ᓈᑡᐸᓕᑾᐎ, ᑭᓚ ᒫᑲ ᐱᑾᒋ ᐊᓕᑉ ᒥᔅᑎᒃ, ᐁᑯᑕ ᑭ ᑮ ᑭᓕᑲᐎᐗᑯᑳᑎᑲᐎᔭᓐ, ᐊᓯᒋ ᒫᑲ ᐁᐗᑾᓂᐃ ᐅᑎᓇᒪᓐ ᐅᒉᐱᒃ ᓀᔥᑕ ᐁ ᐃᔑ ᐎᓕᓗᑦ ᐊᓇ ᐊᓕᑉ ᒥᔅᑎᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:17

ᒫᑲ ᑭᒋᒪᓂᑐ ᑲᑕ ᐎ ᓇᓈᔅᑯᒪᐤ, ᐁ ᑮ ᐅᑦ ᐊᑑᔅᑫᓚᑲᓂᒥᑯᔦᒃ ᒪᒋᑣᐎᓐ, ᒫᑲ ᑭᑌᐃᐙᒃ ᑭ ᑮ ᐅᒋ ᓇᓇᐃᑌᓇᐗᐤ ᐊᓂᒪ ᑐᐎ ᑭᔅᑭᓄᐊᒫᑫᐎᓐ ᑳ ᑮ ᐸᑭᑎᓇᒫᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 15:2

ᐊᓂᒪ ᓀᔥᑕ ᑳ ᐅᒋ ᐱᒫᒋᐃᑳᐎᔦᒃ, ᑮᔥᐱᓐ ᒥᒋᒥᓇᒣᑴ ᑮ ᐎᑕᒫᑕᑾᒃ, ᐁᑳᐎᓚ ᐸᑾᓐᑕᐤ ᑳ ᑖᐺᑕᒧᐌᑴ᙮

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᐃᐱᓯᔭᓇ 1:13

ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᐃᐱᓯᔭᓇ 4:25

ᐁᐗᑯ ᐅᒋ, ᐁ ᐌᐱᓇᒣᒃ ᑭᓛᔅᑭᐎᓐ, ᐁᑯᔑ ᒥᓯᐌ ᐊᐌᓇ ᑲᑕ ᑖᐺᒣᐤ ᐎᒋᐃᓕᓕᐗ: ᐌᓴ ᑭ ᐯᔭᑯᑌᐎᓯᓈᓇᐤ᙮

ᐃᐱᓯᔭᓇ 5:4

ᐁᑳ ᓀᔥᑕ ᐎᓂᑐᑕᒧᐎᓐ, ᐁᑳ ᓀᔥᑕ ᐸᑾᓐᑕᐤ ᐋᔭᒥᐎᓐ, ᐁᑳ ᓀᔥᑕ ᒪᒋ ᐗᐎᔭᑗᐎᓐ, ᐁᑳ ᑳ ᒥᓗᐃᑌᓕᑖᑾᒃ; ᒫᑲ ᐊᐙᓯᑌ ᐁ ᓈᓈᔅᑯᒧᓈᓂᐗᒃ᙮

ᓂᔥᑕᒻ ᑌᓴᓗᓂᔭᓇ 1:5

ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮

ᓂᔥᑕᒻ ᑌᓴᓗᓂᔭᓇ 2:13

ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮

ᑕᐃᑕᔅ 2:11

ᐌᓴ ᐅ ᔕᐌᓕᒋᑫᐎᓐ ᑭᒋᒪᓂᑐ, ᑳ ᐯᑕᒧᒪᑲᒃ ᐱᒫᒋᐃᐌᐎᓐ, ᑮ ᓄᑯᓯᔅᑖᑯᐗᒃ ᒥᓯᐌ ᐃᓕᓕᐗᒃ,

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᐦᐃᑉᕉᐗ 4:2

ᐌᓴ ᑭᓚᓈᓇᐤ ᓀᔥᑕ ᑭ ᑮ ᐎᑕᒫᑲᐎᓈᓇᐤ ᒥᓗᐋᒋᒧᐎᓐ, ᑖᐱᔅᑯᒡ ᐎᓚᐗᐤ: ᒫᑲ ᐊᓂᐁᓕᐤ ᐋᔭᒥᐎᓂᓕᐤ ᑳ ᑮ ᐯᑕᑭᒃ ᓇᒪᐎᓚ ᐙᔦᔥ ᑮ ᐃᑖᐸᒋᐃᑯᐗᒃ, ᐁᑳ ᐊᓯᒋ ᐁ ᑮ ᑖᐺᔦᓕᑕᑭᒃ ᐊᓂᑭ ᑳ ᑮ ᐯᑕᑭᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:8

ᐯᔣᐸᒥᒃ ᑭᒋᒪᓂᑐ, ᐁᑯ ᒫᑲ ᑫ ᐯᔣᐸᒥᑖᒃ᙮ ᑭᒋᔅᑎᓇᒧᒃ ᑭᒋᒋᐗᐗ, ᒣᒋᑣᔦᒃ; ᐸᔦᑭᑖᒃ ᒫᑲ ᑭᑌᐃᐙᐗ ᑳ ᓂᔓ ᒥᑐᓀᓕᒋᑲᓂᔦᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:20

ᐁᑯᔑ ᑲᑕ ᑭᔅᑫᓕᑕᒻ, ᐊᓇ ᑳ ᑴᔅᑳᑎᓯᐋᑦ ᐅᒪᒋᑣᐗ ᐅ ᐗᓂᑖᑎᓯᐎᓐ ᐅᒋ, ᑲᑕ ᐱᒫᒋᐁᐤ ᐊᒑᑾ ᓂᐱᐎᓂᒃ ᐅᒋ, ᓀᔥᑕ ᑲᑕ ᑳᑕᐤ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᐱᑕᕐ 1:9

ᐁ ᒥᓕᑲᐎᔦᒃ ᐁ ᐃᔑ ᑲᔥᑭᑖᒪᑲᒃ ᑭ ᑖᐺᔦᓕᑕᒧᐎᓂᐗᐤ, ᑭᒋ ᐱᒫᒋᐋᑲᓂᐎᒋᒃ ᑭᑦ ᐊᒑᑯᐙᐗᒃ ᐅᑎ᙮

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᐱᑕᕐ 2:11

ᑳ ᑭᒋ ᓵᑭᐃᑕᑾᒃ, ᑭ ᓇᑐᑕᒫᑎᓇᐗᐤ, ᑖᐱᔅᑯᒡ ᒫᓐᑌᐗᒃ ᓀᔥᑕ ᐅᐸᐹᒧᑌᐗᒃ, ᐌᐱᓇᒧᒃ ᐎᔮᓯᐎ ᓇᑕᐌᓕᑕᒧᐎᓇ, ᑳ ᓇᑐᐸᓖᔅᑖᑯᑦ ᐊᒑᒃ;