ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12 - ᐅᔅᑭ ᑎᔅᑌᒥᓐᑦ

¹² ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12 Iomraidhean Croise

ᐅᐸᓓᑭᔅ ᒫᑎᐤ 10:22

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ; ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:4

ᓀᔥᑕ ᔑᐱᓚᐌᓯᐎᓐ, ᑭᔅᑫᓕᑕᒧᐎᓂᒃ; ᓀᔥᑕ ᑭᔅᑫᓕᑕᒧᐎᓐ ᐊᔅᐯᓕᒧᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:28

ᑭ ᑭᔅᑫᓕᑌᓈᓇᐤ ᓀᔥᑕ ᒥᓯᐌ ᑫᒀᓇ ᐁ ᒫᒪᐎ ᐊᑑᔅᑫᒪᑲᑭ ᑭᒋ ᐅᒋ ᒥᓗᐋᔮᒋᒃ ᐊᓂᑭ ᑳ ᓵᑭᐋᒋᒃ ᑭᒋᒪᓂᑐᐗ, ᐊᓂᑭ ᑳ ᑮ ᓇᑐᒫᑲᓂᐎᒋᒃ ᐁ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ᙮

ᓂᔥᑕᒻ ᑯᕆᓐᑎᐊᓇ 2:9

ᒫᑲ, ᐁ ᐃᑕᓯᓇᐃᑳᑌᒃ, ᒥᔅᑭᔑᒃ ᓇᒪᐎᓚ ᑮ ᐅᒋ ᐙᐸᑕᒧᒪᑲᓐ, ᓇᒪ ᓀᔥᑕ ᒥᑕᐗᑳᔾ ᑮ ᐯᑕᒧᒪᑲᓐ, ᓇᒪ ᓀᔥᑕ ᑮ ᐱᑐᑫᒪᑲᓂᓕᐗ ᐅᑌᐃᒃ ᐃᓕᓕᐤ, ᐊᓂᐃ ᑭᒋᒪᓂᑐ ᑳ ᑮ ᐙᐌᔑᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᓂᔥᑕᒻ ᑯᕆᓐᑎᐊᓇ 8:3

ᒫᑲ ᑮᔥᐱᓐ ᐊᐌᓇ ᐃᓕᓕᐤ ᓯᐋᑭᐋᑴ ᑭᒋᒪᓂᑐᐗ, ᐁᐗᒀᓇ ᓀᔥᑕ ᑳ ᑭᔅᑫᓕᒥᑯᑦ᙮

ᓂᔥᑕᒻ ᑯᕆᓐᑎᐊᓇ 9:25

ᓀᔥᑕ ᒥᓯᐌ ᑕᑐ ᐊᐌᓇ ᑳ ᑯᒋᐸᔅᑭᓛᑫᑦ ᒥᓯᐌ ᑫᒀᓕᐤ ᐯᑳᒡ ᐊᐸᒋᑕᐤ᙮ ᐎᓚᐗᐤ ᒫᑲ ᑐᑕᒶᒃ ᑭᒋ ᐅᑎᓇᑭᒃ ᐸᔅᑭᓚᐌᐎ ᐊᔅᑐᑎᓂᓕᐤ ᑫ ᓂᔑᐗᓈᑕᓂᓕᒃ; ᒫᑲ ᑭᓚᓈᓇᐤ ᐊᓂᒪ ᐁᑳ ᑫ ᓂᔑᐗᓈᑕᒃ᙮

ᓂᔓ ᑎᒧᑎ 2:15

ᐎ ᑲᑴ ᐙᐸᑎᓕᐌ ᐁ ᒥᓜᓕᒥᔉ ᑭᒋᒪᓂᑐ, ᐊᑑᔅᑫᐎᓕᓕᐤ ᐁᑳ ᑫ ᐎ ᓇᓀᐯᐎᓰᑦ, ᒀᔭᔉ ᐁ ᒫᑎᓇᒫᑫᔭᓐ ᑖᐺᐎᓂ ᐋᔭᒥᐎᓐ᙮

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᐦᐃᑉᕉᐗ 10:32

ᒫᑲ ᑭᔅᑭᓯᒃ ᐊᓂᐃ ᑳᔮᔥ ᑭᔑᑳᐗ, ᐁᑯᔅᐱ, ᐹᑎᒫ ᐁ ᑮ ᐙᔅᑌᓇᒫᑲᐎᔦᒃ, ᑭ ᑮ ᒧᔑᑖᓇᐗᐤ ᑭᒋ ᐊᓕᒥᓯᐎᓂ ᓄᑎᓂᑫᐎᓐ;

ᐦᐃᑉᕉᐗ 11:17

ᑖᐺᔦᓕᑕᒧᐎᓐ ᐅᒋ ᐁᑉᕃᐋᒻ, ᐃᔅᐱ ᑫᑴᒋᐋᑲᓂᐎᑦ, ᑮ ᐸᑭᑎᓂᑫᐤ ᐋᐃᓯᑲ: ᐊᓇ ᒫᑲ ᑳ ᑮ ᒥᓛᑲᓂᐎᑦ ᐊᓂᐃ ᐊᔓᑕᒫᑫᐎᓇ, ᑮ ᐸᑭᑎᓂᑫᐤ ᐅ ᐯᔭᑯᔖᓇ,

ᐦᐃᑉᕉᐗ 12:5

ᑭ ᑮ ᐗᓂᑭᔅᑭᓯᓇᐗᐤ ᒫᑲ ᐊᓂᒪ ᔑᑭᒥᐌᐎᓐ, ᑳ ᐋᔭᒥᐃᑯᔦᒃ ᑖᐱᔅᑯᒡ ᐊᐙᔑᔕᒃ, ᓂᑯᓯᔅ, ᐁᑳᐎᓚ ᐋᑕᐌᓕᑕᒻ ᐅᑎᐯᓕᒋᑫᐤ ᐅ ᒫᒥᓗᐃᐌᐎᓐ, ᐁᑳ ᓀᔥᑕ ᓄᑌᓯ ᐃᔅᐱ ᓀᑭᒥᔅᑭ;

ᐦᐃᑉᕉᐗ 6:15

ᐁᑯᔑ ᒫᑲ, ᐃᔅᐱ ᑳ ᑮ ᔑᐱᓚᐌᓯᐎ ᔑᐯᓕᑕᒃ, ᑮ ᒥᓚᐤ ᐊᔓᑕᒫᑫᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:11

ᒫᑎᑲ, ᑭᑦ ᐊᑭᒫᓇᐗᒃ ᐁ ᒥᓜᓕᑕᑭᒃ ᐊᓂᑭ ᑳ ᔑᐯᓕᑕᑭᒃ᙮ ᑭ ᑮ ᐯᑕᒸᓇᐗᐤ ᐅ ᔑᐱᓚᐌᓯᐎᓐ ᒍᑉ, ᓀᔥᑕ ᑭ ᑮ ᐙᐸᑌᓇᐗᐤ ᒫᒋᒡ ᑳ ᑮ ᑐᑕᒃ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓈᔅᐱᒡ ᐁ ᑭᔐᐙᑎᓰᑦ, ᓀᔥᑕ ᐁ ᓗᔅᐱᓯᐎ ᔕᐌᓕᒋᑫᑦ᙮

ᓂᔥᑕᒻ ᐱᑕᕐ 3:14

ᒫᑲ ᑮᔥᐱᓐ ᒀᔭᔅᑭᑖᑎᓯᐎᓐ ᐅᒋ ᓇᓀᑳᒋᐃᑲᐎᔦᑴ, ᑭ ᒥᓚᐙᑌᓇᐗᐤ: ᐁᑳᐎᓚ ᓀᔥᑕ ᑯᔅᑕᒸᒃ ᐊᓂᐃ ᑳ ᐎ ᐅᒋ ᓭᑭᐃᑖᑾᒃ, ᐁᑳ ᓀᔥᑕ ᒥᑯᔥᑳᑌᓕᑕᒧᒃ;

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᓂᔥᑕᒻ ᐱᑕᕐ 4:14

ᑮᔥᐱᓐ ᑭᑳᒥᑲᐎᔦᑴ ᐅᑦ ᐃᔑᓂᑳᓱᐎᓐ ᙭ ᐅᒋ, ᒥᓚᐙᑌᓇᐗᐤ; ᐌᓴ ᑭᔅᑌᓕᑖᑯᓯᐎ ᐊᒑᒃ ᓀᔥᑕ ᑭᒋᒪᓂᑐ ᐅᑦ ᐊᒑᑾ ᑭ ᐎᒉᐎᑯᐗᐤ: ᐎᓚᐗᐤ ᐅᒋ ᒪᒋᐋᓕᒧᒪᐤ, ᒫᑲ ᑭᓚᐗᐤ ᐅᒋ ᑭᔅᑌᓕᑖᑯᐊᐤ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᓂᔥᑕᒻ ᐱᑕᕐ 5:4

ᐃᔅᐱ ᒫᑲ ᐯᒋ ᓄᑯᓯᑌ ᒫᐗᒋ ᑳ ᓂᑳᓀᓕᑖᑯᓯᑦ ᒫᓂᔥᒑᓂᔑᐎᓕᓕᐤ, ᑭ ᑳ ᒥᓕᑲᐎᓇᐗᐤ ᑭᔅᑌᓕᑖᑯᓯᐎ ᐅᑭᒪᐗᔅᑐᑎᓐ ᐁᑳ ᑳ ᐊᑎ ᓂᐳᐎᓈᑾᒃ᙮

ᓂᔥᑕᒻ ᒑᓐ 4:19

ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮

ᑭᔅᑫᓕᑖᑯᑖᑫᐎᓐ 3:19

ᒥᓯᐌ ᑕᑐ ᑳ ᓵᑭᐊᑭᒃ, ᓂ ᑭᑕᐊᒪᐙᐗᒃ ᓀᔥᑕ ᓂ ᐸᐸᓴᔅᑕᐙᐗᒃ: ᒪᔥᑲᐌᓕᑕ ᒫᑲ ᓀᔥᑕ ᒥᒋᓚᐌᔦᓕᑕ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮