ᐦᐃᑉᕉᐗ 4:2 - ᐅᔅᑭ ᑎᔅᑌᒥᓐᑦ

² ᐌᓴ ᑭᓚᓈᓇᐤ ᓀᔥᑕ ᑭ ᑮ ᐎᑕᒫᑲᐎᓈᓇᐤ ᒥᓗᐋᒋᒧᐎᓐ, ᑖᐱᔅᑯᒡ ᐎᓚᐗᐤ: ᒫᑲ ᐊᓂᐁᓕᐤ ᐋᔭᒥᐎᓂᓕᐤ ᑳ ᑮ ᐯᑕᑭᒃ ᓇᒪᐎᓚ ᐙᔦᔥ ᑮ ᐃᑖᐸᒋᐃᑯᐗᒃ, ᐁᑳ ᐊᓯᒋ ᐁ ᑮ ᑖᐺᔦᓕᑕᑭᒃ ᐊᓂᑭ ᑳ ᑮ ᐯᑕᑭᒃ᙮

ᐦᐃᑉᕉᐗ 4:2 Iomraidhean Croise

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 3:26

ᑭᓚᐗᐤ ᐅᒋ ᓃᔥᑕᒻ ᑭᒋᒪᓂᑐ, ᐁ ᑮ ᐗᓂᔥᑳᓇᑦ ᐅᑯᓯᓴ ᒋᓴᓴ, ᑮ ᐃᔑᑎᔕᐌᐤ ᑭᒋ ᒥᓦᑭᒥᑖᒃ, ᐁ ᑴᔅᑭᓂᑖᒃ ᑕᑐ ᐁ ᐃᑕᔑᔦᒃ ᑭ ᒪᒑᑎᓯᐎᓂᐙᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:25

ᐌᓴ ᑭᔅᑭᓄᐙᒋᔓᐎᓐ ᑖᐺ ᑭᑦ ᐗᐸᒋᐃᑯᓐ, ᑮᔥᐱᓐ ᑫᓇᐌᓕᑕᒪᓇ ᐅᓚᔓᐌᐎᓐ: ᒫᑲ ᑮᔥᐱᓐ ᐹᑯᓇᒪᓂ ᐅᓚᔓᐌᐎᓐ, ᑭ ᑭᔅᑭᓄᐋᒋᔓᐎᓐ ᑖᐱᔅᑯᒡ ᐁᑳ ᑭᔅᑭᓄᐙᒋᔓᐎᓐ ᐃᔑᑖᓂᐗᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:3

ᑫᒀᓐ ᒫᑲ ᑮᔥᐱᓐ ᐋᑎᑦ ᐁᑳ ᑮ ᑖᐺᑕᑭᒃ? ᐅᑦ ᐋᓉᑕᒧᐎᓂᐗᐤ ᓈ ᐌᒋ ᐁᑳ ᐙᔦᔥ ᑫ ᐃᑖᐸᑕᓂᓕᒃ ᑭᒋᒪᓂᑐ ᐅ ᑖᐺᔦᓕᑕᒧᐎᓐ?

ᓂᔥᑕᒻ ᑯᕆᓐᑎᐊᓇ 13:3

ᐋᑕ ᒫᑲ ᐁ ᒥᓕᐌᔮᓐ ᒥᓯᐌ ᓂᑦ ᐋᔮᓇ ᑭᒋ ᐊᔕᒪᑭᒃ ᑳ ᒪᓀᓯᒋᒃ, ᐋᑕ ᒫᑲ ᐁ ᐸᑭᑎᓇᒫᓐ ᓂᔭᐤ ᑭᒋ ᐃᔅᒀᓯᑳᑌᒃ, ᐁᑳ ᒫᑲ ᐊᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂ ᑲᔥᑭᑕᒫᑯᓐ᙮

ᑲᓓᔕᐊᓇ 3:2

ᐅᒪ ᐱᑯ ᑭ ᓇᑕᐌᓕᒥᑎᓇᐗᐤ ᑭᒋ ᑫᔅᑫᓕᑕᒥᐃᔦᒃ; ᑭ ᑮ ᒥᓕᑲᐎᓇᐗᐤ ᓈ ᐊᒑᒃ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᓀᔥᑕᐱᑯ ᐁ ᑮ ᐯᑕᒣᒃ ᑖᐺᔦᓕᑕᒧᐎᓐ?

ᑲᓓᔕᐊᓇ 3:8

ᓀᔥᑕ ᒪᓯᓇᐃᑫᐎᓐ, ᓂᑳᓐ ᐁ ᐙᐸᑕᒧᒪᑲᒃ ᑭᒋᒪᓂᑐ ᑭᒋ ᒀᔭᔅᑳᑎᓯᐋᑦ ᐁᑳ ᑳ ᐋᔭᒥᐋᓕᒋ ᑖᐺᔦᓕᑕᒧᐎᓐ ᐅᒋ, ᓂᑳᓐ ᒥᓗᐋᒋᒧᐎᓂᓕᐤ ᑮ ᑲᑫᔅᑭᒥᑯ ᐁᑉᕃᐊᒻ, ᐁ ᐃᑎᑯᑦ, ᑭᓚ ᐅᒋ ᑲᑕ ᒥᓦᑭᒪᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑲᓓᔕᐊᓇ 4:13

ᑭ ᑭᔅᑫᓕᑌᓇᐗᐤ ᐎᔮᓯᐎ ᓕᓚᒥᓯᐎᓂᒃ, ᑳ ᐃᔑ ᑲᑫᔅᑭᒥᑕᑾᒃ ᒥᓗᐋᒋᒧᐎᓐ ᓃᔥᑕᒻ᙮

ᓂᔥᑕᒻ ᑌᓴᓗᓂᔭᓇ 1:5

ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮

ᓂᔥᑕᒻ ᑌᓴᓗᓂᔭᓇ 2:13

ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮

ᓂᔥᑕᒻ ᑎᒧᑎ 4:8

ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮

ᐦᐃᑉᕉᐗ 11:6

ᐁᑳ ᒫᑲ ᐁ ᐃᑕᑾᒃ ᑖᐺᔦᓕᑐᒧᐎᓐ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓇᐃᓚᐌᐋᑲᓂᐎᑦ ᑭᒋᒪᓂᑐ: ᐌᓴ ᐊᓇ ᑳ ᐯᒋ ᓈᑖᑦ ᑭᒋᒪᓂᑐᐗ ᑲᑕ ᑖᐺᑕᒻ ᐁ ᐃᑖᓕᒋ, ᓀᔥᑕ ᐁ ᑎᐸᐊᒪᐙᓕᒋ ᐊᓂᐃ ᓱᑲ ᑳ ᓈᓇᑕᐌᓕᒥᑯᓕᒋ᙮

ᐦᐃᑉᕉᐗ 3:12

ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮

ᐦᐃᑉᕉᐗ 4:6

ᐁ ᓄᑾᒃ ᒫᑲ, ᐁ ᐃᑭᒃ ᐋᑎᑦ ᐁᑯᑕ ᑭᒋ ᐱᑐᑫᒋᒃ, ᓀᔥᑕ ᐊᓂᑭ ᓃᔥᑕᒻ ᑳ ᑮ ᐎᑕᒪᐙᑲᓂᐎᒋᒃ ᒥᓗᐋᒋᒧᐎᓂᓕᐤ ᐁᑳ ᐁ ᑮ ᐱᑐᑫᒋᒃ ᐁᑳ ᐁ ᑮ ᑕᐺᑕᑭᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:21

ᐁᐗᑯ ᐅᒋ, ᓇᑲᑕᒧᒃ ᒥᓯᐌ ᐎᓂᓯᐎᓐ ᓀᔥᑕ ᑳ ᒥᒉᑎᒃ ᒪᒑᑎᓯᐎᓐ, ᐅᑎᓇᒧᒃ ᒫᑲ ᓗᔅᐹᑎᓯᐎᓂᒃ ᐊᓂᒪ ᑭᒋᑭᔑᑲᐎ ᐋᔭᒥᐎᓐ ᑫ ᑮ ᐅᒋ ᐱᒫᒋᐋᑲᓂᐎᒋᒃ ᑭᑦ ᐊᒑᑯᐙᐗᒃ᙮

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮