ᐦᐃᑉᕉᐗ 2:10 - ᐅᔅᑭ ᑎᔅᑌᒥᓐᑦ

¹⁰ ᐌᓴ ᑮ ᐃᑕᔅᑌᓕᐤ, ᐊᓇ ᑳ ᐅᒋ ᐃᑕᑾᑭ ᒥᓯᐌ ᑫᒀᓇ, ᓀᔥᑕ ᑳ ᐅᒋᐸᓕᑭ ᒥᓯᐌ ᑫᒀᓇ, ᐁ ᐯᔑᐙᑦ ᒥᒉᑦ ᐅᑯᓯᓯᒪᐗ ᑭᔅᑌᓕᑖᑯᓯᐎᓂᒃ ᐃᔑ, ᑭᒋ ᒥᑐᓂᐎᐗᑦ ᐊᓂᐃ ᑳ ᑎᐯᓕᑕᒥᓕᒋ ᐅ ᐱᒫᒋᐃᑯᓯᐎᓂᐗᐤ ᐎᓴᑫᓕᑕᒧᐎᓇ ᐅᒋ᙮

ᐦᐃᑉᕉᐗ 2:10 Iomraidhean Croise

ᐅᐸᓓᑭᔅ ᓘᒃ 13:32

ᑮ ᐃᑌᐤ ᒫᑲ, ᓇᑕᐎ ᐎᑕᒫᒃ ᐊᓇ ᒪᑫᓯᐤ, ᒫᑎᑲ, ᓂ ᐗᓚᐎᐌᐱᓈᐗᒃ ᒪᒋ ᐊᒑᑾᒃ, ᓀᔥᑕ ᓂ ᒥᓇᐙᒋᐃᐙᓐ ᐊᓄᒡ ᐁ ᑭᔑᑳᒃ ᓀᔥᑕ ᑫ ᐙᐸᒃ, ᓂᔅᑐ ᑭᔑᑳᑫ ᒫᑲ ᓂ ᑳ ᒥᑐᓂᐎᐃᑳᐎᓐ᙮

ᐅᐸᓓᑭᔅ ᓘᒃ 2:14

ᑲᑕ ᐎ ᒫᒥᒋᒪᐤ ᑭᒋᒪᓂᑐ ᑭᒋᑭᔑᑯᒃ, ᐊᔅᑮᒃ ᒫᑲ ᑲᑕ ᐎ ᐃᑕᑾᓐ ᑳᔮᒣᓕᑕᒧᐎᓐ, ᑲᑕ ᐎ ᔕᐌᓕᒫᐗᒃ ᐃᓕᓕᐗᒃ᙮

ᐅᐸᓓᑭᔅ ᓘᒃ 24:26

ᓇᒪ ᓈ ᙭ ᑲᑕ ᑮ ᐎᓴᑫᓕᑕᒧᐸᓐ ᐅᐅ ᑫᒀᓇ, ᐁᑯ ᑭᒋ ᐱᑐᑫᑦ ᐅ ᑭᔅᑌᓕᑖᑯᓯᐎᓂᒃ?

ᐅᐸᓓᑭᔅ ᓘᒃ 24:46

ᑮ ᐃᑌᐤ ᒫᑲ, ᐅᒪ ᐃᑕᓯᓇᐃᑳᑌᐤ, ᐁᑯ ᓀᔥᑕ ᔮᓕᑌᓪ ᐁᑌᓕᑖᑯᓯᑦ ᙭ ᑭᒋ ᐎᓴᑫᓕᑕᒃ, ᓀᔥᑕ ᑭᒋ ᐗᓂᔥᑳᑦ ᐅᓂᐱᐗ ᐅᒋ ᐁ ᓂᔅᑐ ᑭᔑᑳᓕᒃ;

ᐅᐸᓓᑭᔅ ᒑᓐ 11:52

ᓇᒪᐎᓚ ᒫᑲ ᐱᑯ ᐊᓂᐃ ᐃᓕᓕᐗ ᐅᒋ, ᒫᑲ ᐊᓯᒋ ᑭᒋ ᒪᐗᒋᐃᒫᓕᒋ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᑭᒋ ᐯᔭᑯᓕᒋ ᑳ ᓇᓈᓂᔅ ᐃᑖᓕᒋ᙮

ᐅᐸᓓᑭᔅ ᒑᓐ 19:30

ᐃᔅᐱ ᒫᑲ ᒋᓴᔅ ᑳ ᑮ ᐅᑎᓇᒃ ᔑᐎᑳᐳᓕᐤ, ᑮ ᐃᑗᐤ, ᑭᔑᒋᑳᑌᐤ: ᐁᑯ ᓂᔮᒥᔅᑴᓕᑦ, ᓀᔥᑕ ᐯᑭᑎᓈᑦ ᐅᑦ ᐊᒑᑾ᙮

ᐊᐸᔅᑕᓚᒃ 3:15

ᑭ ᑮ ᓂᐸᐋᐗᐤ ᒫᑲ ᐊᓇ ᑳ ᑎᐯᓕᑕᒃ ᐱᒫᑎᓯᐎᓂᓕᐤ, ᐊᓇ ᑭᒋᒪᓂᑐᐗ ᑳ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ; ᐁᐗᒀᓇ ᑳ ᑎᐸᒋᒪᑭᑦ᙮

ᐊᐸᔅᑕᓚᒃ 5:31

ᐁᐗᒀᓂᐃ ᑭᒋᒪᓂᑐ ᑳ ᑮ ᑭᔅᑌᓕᑖᑯᐋᑦ ᐅ ᑭᒋᓂᔉ ᐅᒋ ᑭᒋ ᐅᑭᒪᐎᓕᑭ ᓀᔥᑕ ᑭᒋ ᐱᒫᒋᐃᐌᓕᒋ, ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᐃᔅᕃᐃᓚ ᓀᔥᑕ ᐁ ᐌᐯᓕᒋᑲᑌᓕᑭ ᒪᒋᑣᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:36

ᐌᓴ ᐎᓚ ᐅᒋᐸᓕᐗ, ᓀᔥᑕ ᐎᓚ ᐅᒋ, ᓀᔥᑕ ᐎᓚ ᑭᒋ ᐋᔮᑦ, ᐃᑕᒀᓋ ᒥᓯᐌ ᑫᒀᓇ: ᑲᑕ ᐎ ᐋᔭᐤ ᒫᑲ ᑭᔅᑖᒋᒥᑯᓯᐎᓂᓕᐤ ᑳᑭᑫ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:23

ᓀᔥᑕ ᑭᒋ ᐃᔑ ᑭᔅᑫᓕᑖᑯᑖᑦ ᐁ ᐃᔑ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ ᐊᓂᐃ ᔕᐌᓕᒋᑫᐎ ᐊᓯᐗᒋᑲᓇ, ᓂᑳᓐ ᑳ ᑮ ᐙᐌᔑᑖᑦ ᑭᔅᑌᓕᑖᑯᓯᐎᓂᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 2:7

ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᓂᔥᑕᒻ ᑯᕆᓐᑎᐊᓇ 8:6

ᒫᑲ ᑭᓚᓈᓇᐤ ᐅᒋ ᐯᔭᑯ ᐱᑯ ᑭᒋᒪᓂᑐ, ᐊᓇ ᐌᐅᑖᐎᒫᐎᑦ, ᑳ ᐅᒋᐸᓕᑭ ᒥᓯᐌ ᑫᒀᓇ, ᓀᔥᑕ ᑭᓚᓈᓇᐤ ᐊᓇ ᑳ ᐅᒋ ᐃᑖᔭᒃ᙮

ᓂᔓ ᑯᕆᓐᑎᐊᓇ 3:18

ᒫᑲ ᒥᓯᐌ ᐁ ᐃᑕᔑᔭᒃ, ᒧᔐ ᐁ ᐅᑖᔅᑕᒥᑯᔭᒃ, ᐁ ᐙᐸᑕᒶᒃ ᑖᐱᔅᑯᒡ ᐗᐹᒧᐎᓂᐤ, ᐅ ᑭᔅᑌᓕᑖᑯᓯᐎᓐ ᐅᑎᐯᓕᒋᑫᐤ, ᑭ ᑴᔅᑭᓈᑯᐃᑲᐎᓈᓇᐤ ᐊᓂᒪ ᐃᔑᓈᑯᓯᐎᓂᒃ ᑭᔅᑌᓕᑖᑯᓯᐎᓂᒃ ᐅᒋ ᑭᔅᑌᓕᑖᑯᓯᐎᓂᒃ ᐃᔑ, ᑖᐱᔅᑯᒡ ᐅᑎᐯᓕᒋᑫᐤ ᐅᒋ ᑳ ᐊᒑᑯᐎᑦ᙮

ᓂᔓ ᑯᕆᓐᑎᐊᓇ 4:17

ᐌᓴ ᑳ ᓛᑯᔑᒃ ᑭ ᑲᒀᑕᑭᓯᐎᓂᓇᐤ, ᐱᑕᒫ ᐱᑯ ᑳ ᐃᑭᒃ, ᓂ ᑲᔥᑭᑕᒫᑯᓈᓐ ᓈᔅᐱᒡ ᐊᐙᓯᑌ ᑴᓯᑾᒃ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓐ;

ᓂᔓ ᑯᕆᓐᑎᐊᓇ 5:18

ᓀᔥᑕ ᒥᓯᐌ ᑫᒀᓇ ᐃᑕᑾᓂᓕᐤ ᑭᒋᒪᓂᑐ ᐅᒋ, ᑳ ᑮ ᐅᑐᑌᒥᒥᑕᒃ ᒋᓴᔅ ᙭ ᐅᒋ, ᓀᔥᑕ ᑳ ᑮ ᒥᓕᑕᒃ ᐅᑐᑌᒥᐃᐌᐎ ᐊᑑᔅᑫᐎᓐ;

ᓂᔓ ᑯᕆᓐᑎᐊᓇ 6:18

ᓀᔥᑕ ᑭ ᑳ ᐅᑦ ᐅᑕᐎᒥᓇᐗᐤ, ᓀᔥᑕ ᑭᓚᐗᐤ ᑭ ᑳ ᐅᑯᓯᓯᒥᑎᓇᐗᐤ ᓀᔥᑕ ᑭ ᑳ ᐅᑖᓂᓯᒥᑎᓇᐗᐤ, ᐃᑗᐤ ᐅᑎᐯᓕᒋᑫᐤ ᒥᓯᐌ ᓯᔫᑳᑎᓰᑦ᙮

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᐃᐱᓯᔭᓇ 2:7

ᐊᓂᐃ ᐁ ᑭᔑᑳᑭ ᐁᔥᑾ ᑫ ᐅᑎᒋᐸᓕᑾᐌ ᑭᒋ ᐙᐸᑎᓕᐌᑦ ᐁ ᐃᔅᐱᒋ ᓈᔅᐱᒡ ᐌᓗᑕᓂᓕᒃ ᐅ ᔕᐌᓕᒋᑫᐎᓐ, ᓀᔥᑕ ᐁ ᐃᔑ ᑭᔐᐙᑐᑖᑕᒃ ᐎᓚ ᐅᒋ ᒋᓴᔅ ᙭᙮

ᐃᐱᓯᔭᓇ 3:10

ᐊᓂᑭ ᑳ ᑎᐯᓕᒋᑫᒋᒃ ᓀᔥᑕ ᑳ ᓯᑳᑎᓯᒋᒃ ᑭᒋᑭᔑᑯᒃ ᐊᓄᒡ ᒫᒪᐎᐋᔭᒥᐊᐗ ᐅᒋ, ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᑲᑫᑕᐌᓕᑕᒧᐎᓂᓕᐤ ᑳ ᐋᔭᑶᑕᐗᓂᓕᒃ,

ᑯᓚᔑᔭᓇ 3:4

ᐃᔅᐱ ᙭, ᐁᐗᑯ ᑭ ᐱᒫᑎᓯᐎᓂᓇᐤ ᓄᑯᓯᑌ, ᐁᑯ ᓀᔥᑕ ᑭᓚᐗᐤ ᑫ ᐎᒋᓄᑯᓯᒣᒃ ᒪᓂᑐᐙᔅᑌᐎᓂᒃ᙮

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 6:20

ᐃᑌ ᓀᑳᓄᑌᑦ ᑳ ᐃᔑ ᐱᑐᑫᑦ ᑭᓚᓈᓇᐤ ᐅᒋ, ᒋᓴᔅ ᐅᑎ, ᐁ ᑮ ᑭᒋ ᓵᓵᑭᐎᓕᐌᐎᓕᓕᐎᐋᑲᓂᐎᑦ ᑖᐱᔅᑯᒡ ᑳ ᐃᑎᔅᐸᓐ ᒣᓪᑭᓯᑌᒃ᙮

ᐦᐃᑉᕉᐗ 7:26

ᐌᓴ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐋᔭᐗᓇᐤ, ᑳ ᐸᓓᑭᓯᑦ, ᑳᑳᔮᒣᐎᓰᑦ, ᑳ ᒥᓗᑣᑦ, ᑳ ᐹᑳᓂᓯᑦ ᐅᒪᒋᑣᐗ ᐅᒋ, ᓀᔥᑕ ᐊᐙᓯᑌ ᑳ ᑭᔅᑎᓯᐋᑲᓂᐎᑦ ᐃᔥᐱᔥ ᑭᒋᑭᔑᑾ;

ᐦᐃᑉᕉᐗ 7:28

ᐌᓴ ᐅᓚᔓᐌᐎᓂᓕᐤ ᑭᒋ ᓵᓵᑭᐎᓕᐌᐎᓕᓕᐎᐃᑯᐗᒃ ᐃᓕᓕᐗᒃ ᑳ ᓕᓚᒥᓯᒋᒃ; ᒫᑲ ᑳ ᐃᑗᒪᑲᓂᓕᒃ ᑭᒋᐃᑗᐎᓐ, ᑳ ᐃᑕᑾᒃ ᐊᔅᐱᓐ ᐅᓚᔓᐌᐎᓐ, ᐃᔑᐃᑯ ᐅᑯᓯᓯᒪᐤ, ᑳ ᒥᑐᓂᐎᐋᑲᓂᐎᑦ ᑳᑭᑫ᙮

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮

ᑭᔅᑫᓕᑖᑯᑖᑫᐎᓐ 7:9

ᑳ ᐳᓂᐸᓕᒃ ᐅᒪ ᓂ ᑮ ᐙᐸᑌᓐ, ᒫᑎᑲ ᒫᑲ ᓈᔅᐱᒡ ᐁ ᒥᒉᑎᒋᒃ ᐃᓕᓕᐗᒃ ᐁᑳ ᑳ ᑮ ᐊᑭᒥᑯᒋᒃ ᐊᓂᐁᓕᐗ, ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ ᐅᒋ, ᓀᔥᑕ ᐁ ᐃᑕᑐᑌᐎᓯᒋᒃ ᐃᓕᓕᐗᒃ, ᓀᔥᑕ ᐹᐱᑐᔥ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᔑᑭᔗᒋᒃ, ᑮ ᓂᐸᐎᐗᒃ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᓀᔥᑕ ᐅᑎᔥᑲᐤ ᒫᓂᔥᒑᓂᔑᔕ, ᐁ ᑭᑭᔥᑲᑭᒃ ᐙᐱ ᐊᑲᐅᓇ, ᓀᔥᑕ ᐁ ᑕᑯᓇᑭᒃ ᐹᒻ ᐗᑎᑾᓇ;