25 ᔕᐌᓕᒋᑫᐎᓐ ᒥᓯᐌ ᑭ ᑳ ᐎ ᐎᒉᐎᑯᓇᐗᐤ᙮ ᐁᒣᓐ᙮
ᒥᓯᐌ ᕈᒥᒃ ᑳ ᐃᑖᔦᒃ, ᑳ ᓵᑭᐃᑖᒃ ᑭᒋᒪᓂᑐ, ᑳ ᓇᑐᒥᑳᐎᔦᒃ ᑭᒋ ᐸᓓᑭᓯᔦᒃ: ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑌᐯᓕᒋᑫᑦ ᒋᓴᔅ ᙭᙮
ᑭᒋᒪᓂᑐ ᒫᑲ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᐎᐸᒡ ᑲᑕ ᐊᐱᑕᐌᐤ ᓭᑕᓇ ᔑᐹ ᑭᓯᑎᐙᒃ᙮ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮
ᑫᐊᔅ ᑳ ᐱᑐᑲᐃᑦ, ᓀᔥᑕ ᒥᓯᐌ ᒫᒪᐎᐋᔭᒥᐊᐗᒃ, ᑭᑦ ᐊᑕᒥᔅᑳᑯᐗᐤ, ᐃᕌᔅᑕᔅ ᐅᑲᓇᐎᔔᓕᐋᐌᐤ ᐃᑖᐎᓂᒃ ᑭᑦ ᐊᑕᒥᔅᑳᑯᐗᐤ, ᓀᔥᑕ ᑾᕐᑕᔅ ᑳ ᐎᒋᔖᓇᒪᐎᑦ᙮
ᔕᐌᓕᒋᑫᐎᓂᓕᐤ ᑲᑕ ᐎ ᐎᒉᐃᑯᐗᒃ ᒥᓯᐌ ᐊᓂᑭ ᑳ ᓵᑭᐋᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ ᑖᐺᐎᓂᒃ᙮ ᐁᒣᓐ᙮
ᐊᑕᒥᔅᑳᑫᐎᓐ ᓂᓚ ᐹᓪ ᓂᒋᒋᒃ ᐅᒋ᙮ ᑭᔅᑭᓯᑐᑕᒪᒃ ᓂ ᒪᒪᒋᑾᐱᔅᑲᐃᑲᓇ᙮ ᔕᐌᓕᒋᑫᐎᓐ ᑭ ᑳ ᐎ ᐎᒉᐎᑯᓇᐗᐤ᙮ ᐁᒣᓐ᙮
ᐅᑎᐯᓕᒋᑫᐤ ᒋᓴᔅ ᙭ ᑲᑕ ᐎ ᐎᒉᐌᐤ ᑭᑦ ᐊᒑᑾ᙮ ᔕᐌᓕᒋᑫᐎᓐ ᑭ ᑳ ᐎ ᐎᒉᐎᑯᓐ᙮ ᐁᒣᓐ᙮
ᒥᓯᐌ ᐊᓂᑭ ᑳ ᐎᒉᐎᒋᒃ ᑭᑦ ᐊᑕᒥᔅᑳᑾᒃ᙮ ᐊᑕᒥᔅᑲᐎᒃ ᐊᓂᑭ ᑳ ᓵᑭᐃᑕᒃ ᑖᐺᔦᓕᑕᒧᐎᓂᒃ᙮ ᔕᐌᓕᒋᑫᐎᓐ ᑭ ᑳ ᐎ ᐎᒉᐎᑯᓇᐗᐤ ᒥᓯᐌ ᐁ ᐃᑕᔑᔦᒃ᙮ ᐁᒣᓐ᙮
ᒉᒻᔅ ᐅᑦ ᐊᑑᔅᑫᓛᑲᓇ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᐊᓂᐃ ᑳ ᓂᔓᔖᐳᑌᐎᓯᓕᑭ ᑳ ᓇᓈᓂᔅ ᐃᑖᓕᒋ, ᐊᑖᒥᔅᑲᐌᐤ᙮
ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ ᒥᓯᐌ ᐁ ᐃᑕᔑᔦᒃ᙮ ᐁᒣᓐ᙮
