4 ᓇᒪᐎᓚ ᐁᔥᑾ ᒥᑯᒃ ᐃᔑ ᑭ ᑮ ᒫᒫᔑᑳᓇᐗᐤ, ᐁ ᓇᔅᑯᔅᑕᒣᒃ ᒪᒋᑣᐎᓐ᙮
ᐁᑯ ᑫ ᐸᑭᑎᓂᑖᑾᒃ ᑭᒋ ᑲᒀᑕᑭᐃᑳᐎᔦᒃ, ᑭ ᑳ ᓂᐹᐃᑯᐙᐗᒃ ᒫᑲ: ᓀᔥᑕ ᑭ ᑳ ᐸᒀᑎᑯᐙᐗᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ᙮
ᓇᒪᐎᓚ ᑲᑴᒋᐃᐌᐎᓐ ᑭ ᑮ ᐅᒋ ᒫᑯᓂᑯᓇᐗᐤ ᐊᓂᐃ ᐱᑯ ᒧᔕᒃ ᑳ ᐅᑎᑎᑯᒋᒃ ᐃᓕᓕᐗᒃ: ᒫᑲ ᑭᒋᒪᓂᑐ ᒀᔭᔅᑭᑎᐤ, ᓇᒪᐎᓚ ᒫᑲ ᑭ ᑳ ᐸᑭᑎᓂᑯᐗᐤ ᐊᐙᓯᑌ ᑭᒋ ᑲᑴᒋᐃᑲᐎᔦᒃ ᐁ ᐃᔅᐱᒋ ᓱᑳᑎᓯᔦᒃ; ᒫᑲ ᐁ ᑲᑴᒋᐃᑲᐎᔦᒃ ᑭ ᑳ ᐙᐸᑎᓕᑯᐗᐤ ᑫ ᐃᔑ ᐅᔑᒧᔦᒃ, ᑭᒋ ᑮ ᔕᑯᑖᔦᒃ᙮
ᓀᔥᑕ ᒫᑲ, ᑖᐱᔅᑯᒡ ᐃᓕᓕᐤ ᐁ ᑮ ᐃᔑ ᒥᔅᑲᐙᑲᓂᐎᑦ, ᑮ ᑕᐸᑌᓕᑖᑯᐃᑎᓱ, ᓀᔥᑕ ᑭ ᓇᓇᐃᑕᒻ ᐱᓕᔥ ᓂᐱᐎᓂᓕᐤ, ᐙᐙᒡ ᓂᐱᐎᓂᓕᐤ ᐋᔑᑌᐋᑎᑯᒃ᙮
ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮
ᐁᐗᑯ ᐅᒋ ᐁᑯᔑ ᐗᓚᐎᑎᒥᒃ ᑲᐯᔑᐎᓂᒃ ᓇᑕᐎ ᓈᑖᑕᐤ, ᐁ ᓇᔭᑕᒶᒃ ᐅ ᓇᓀᐯᐎᐃᑯᓯᐎᓐ᙮
ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮
ᓂ ᑮ ᐙᐸᒪᐤ ᒫᑲ ᐃᔅᑴᐤ ᐁ ᑮᔥᑴᐯᔅᑳᑯᓕᒋ ᐅ ᒥᑯᓕᐤ ᐅᐸᓓᑫᓴ ᓀᔥᑕ ᐅᒥᑯᓕᐤ ᐅ ᒫᕐᑕᓕᒪ ᒋᓴᔅ: ᐃᔅᐱ ᒫᑲ ᐎᐋᐸᒪᒃ, ᓂ ᑮ ᒫᒪᔅᑳᑌᓐ ᓈᔅᐱᒡ ᐁ ᒫᒪᔅᑳᑌᓕᑕᒫᓐ᙮
ᐱᒋ ᒫᑲ ᐁ ᐃᑖᑦ ᑮ ᒥᔅᑭᑳᑌᓕᐤ ᐅᒥᑯᐗᐤ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᓀᔥᑕ ᒥᓯᐌ ᐊᓂᑭ ᐅᑦ ᐊᔅᑮᒃ ᑳ ᑮ ᓂᐸᐋᑲᓂᐎᒋᒃ᙮
ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮
