ᑲᓓᔕᐊᓇ 6:8 - ᐅᔅᑭ ᑎᔅᑌᒥᓐᑦ

⁸ ᐌᓴ ᐊᓇ ᐎᔮᓯᐎᓂᒃ ᑳ ᐃᔑ ᐗᓴᓶᐱᓂᑫᑦ, ᐎᔮᓯᐎᓂᒃ ᑲᑕ ᐅᒋ ᒪᐗᒋᑕᐤ ᓂᔑᐗᓈᑎᓯᐎᓂᓕᐤ; ᒫᑲ ᐊᓇ ᐊᒑᑯᒃ ᑳ ᐃᔑ ᐗᓴᓶᐱᓂᑫᑦ ᐊᒑᑯᒃ ᑲᑕ ᐅᒋ ᒪᐗᒋᑕᐤ ᑳᑭᑫ ᐱᒫᑎᓯᐎᓂᓕᐤ᙮

ᑲᓓᔕᐊᓇ 6:8 Iomraidhean Croise

ᐅᐸᓓᑭᔅ ᒫᑎᐤ 19:29

ᒥᓯᐌ ᑕᑐ ᐊᐌᓇ ᒫᑲ ᑳ ᑮ ᓇᑲᑕᒃ ᐙᔅᑳᔨᑲᓇ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭ, ᓂᑦ ᐃᔑᓂᑲᓱᐎᓂᓕᐤ ᐅᒋ, ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ, ᑲᑕ ᐋᔭᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᓘᒃ 18:30

ᐁᑳ ᐊᓄᒡ ᑫ ᒥᓛᑲᓂᐎᑦ ᒥᒉᑡᐤ ᐃᔥᐱᔥ, ᓀᔥᑕ ᐊᔅᑭᒃ ᑫ ᐅᑎᒋᐸᓕᒃ ᑳᑭᑫ ᐱᒪᑎᓯᐎᓂᓕᐤ᙮

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 4:36

ᐊᓇ ᒫᑲ ᑳ ᒪᓂᔑᑫᑦ ᐅᑎᓇᒻ ᑎᐸᐊᒫᑯᓯᐎᓂᓕᐤ, ᓀᔥᑕ ᒪᐗᒋᑕᐤ ᓂᑖᐎᑭᑖᑲᓇ ᑭᒋ ᐅᒋ ᑳᑭᑫ ᐱᒫᑎᓰᑦ: ᑖᐱᔅᑯᒡ ᐊᓇ ᑳ ᐸᑭᑎᓂᑫᑦ ᓀᔥᑕ ᐊᓇ ᑳ ᒪᓂᔑᑫᑦ ᑭᒋ ᒥᓚᐙᑕᑭᒃ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:14

ᒫᑲ ᐳᔅᑎᔥᑳᒃ ᐅᑎᐯᓕᒋᑫᐤ ᒋᓴᔅ ᙭, ᐁᑳᐎᓚ ᒫᑲ ᐙᔦᔥ ᐃᑌᓕᑕᒧᒃ ᐎᔮᓯᐎᐤ, ᑭᑕ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:13

ᐁᑳᐎᓚ ᓀᔥᑕ ᐸᑭᑎᓇᒧᒃ ᑭ ᐸᔅᑫᓯᐎᓂᐙᐗ ᑕᐱᔅᑯᒡ ᒪᒑᑎᓯᐎ ᐋᐸᒋᑖᑲᓇ ᒪᒋᑣᐎᓇᒃ ᐃᔑ: ᒫᑲ ᐸᑭᑎᓇᑎᓯᔅᑖᒃ ᑭᒋᒪᓂᑐ, ᑖᐱᔅᑯᒡ ᐊᓂᑭ ᑳ ᐱᒫᑎᓯᒋᒃ ᐅᓂᐱᐗ ᐅᒋ, ᓀᔥᑕ ᑭ ᐸᔅᑫᓯᐎᓂᐗᐗ ᑖᐱᔅᑯᒡ ᒀᔭᔅᑭᑖᑎᓯᐎ ᐋᐸᒋᑖᑲᓇ ᑭᒋ ᓂᑐᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23

ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:11

ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:13

ᐌᓴ ᑮᔥᐱᓐ ᐎᔮᓯᐎᓂᒃ ᐃᔑ ᐱᒫᑎᓯᔦᑴ, ᑭ ᑳ ᓂᐱᓇᐗᐤ: ᒫᑲ ᑮᔥᐱᓐ ᐋᒑᒃ ᐅᒋ ᓂᔑᐗᓈᒋᑖᔦᑴ ᒥᔭᐎ ᐃᔑᑣᐎᓇ, ᑭ ᑳ ᐱᒫᑎᓯᓇᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:6

ᐌᓴ ᑭᒋ ᐎᔮᓯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᓂᐱᐎᓐ; ᒫᑲ ᑭᒋ ᐊᒑᑯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᐱᒫᑎᓯᐎᓐ ᓀᔥᑕ ᑳᔮᒣᓕᑕᒧᐎᓐ᙮

ᓂᔥᑕᒻ ᑯᕆᓐᑎᐊᓇ 15:42

ᐁᑯ ᓀᔥᑕ ᐅ ᐗᓂᔥᑳᐎᓂᐗᐤ ᐅᓂᐱᐗᒃ᙮ ᐸᑭᑎᓂᑳᑌᐤ ᑭᒋ ᓂᔑᐗᓈᑕᒃ; ᐗᓂᔥᑳᓂᑳᑌᐤ ᐁᑳ ᑭᒋ ᓂᔑᐗᓈᑕᒃ:

ᑲᓓᔕᐊᓇ 6:7

ᐁᑳᐎᓚ ᐙᔦᔑᐃᑎᓱᒃ; ᑭᒋᒪᓂᑐ ᓇᒪᐎᓚ ᐋᔭᓵᒋᐊᐤ: ᐌᓴ ᐱᑯ ᑫᒀᓕᐤ ᑳ ᐗᓴᓶᐱᓇᒃ ᐃᓕᓕᐤ, ᐁᐗᑴᓕᐤ ᓀᔥᑕ ᑫ ᒪᓂᔕᒃ᙮

ᓂᔥᑕᒻ ᑎᒧᑎ 1:16

ᐁᓕᐌᒃ ᒫᑲ, ᐅᒪ ᐅᒋ ᓂ ᑮ ᒥᓕᑲᐎᓐ ᔕᐌᓕᒋᑫᐎᓐ, ᓂᓚ ᒪᐗᒋ ᓂᑳᓐ ᑭᒋ ᐅᒋ ᐙᐸᑎᓕᐌᑦ ᒥᓯᐌ ᔑᐱᓚᐌᓯᐎᓂᓕᐤ, ᑭᒋ ᑭᔅᑭᓄᐙᐸᑕᑭᒃ ᐊᓂᑭ ᐁᔥᑾ ᑫ ᑖᐺᔦᓕᒫᒋᒃ ᑳᑭᑫ ᐱᒫᑎᓯᐎᓂᒃ ᐃᔑ᙮

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:18

ᓀᔥᑕ ᐁ ᐃᔑ ᒥᓂᔑᐗᒃ ᒀᔭᔅᑭᑖᑎᓯᐎᓐ ᓂᑕᐎᑭᑕᒪᐗᐗᒃ ᑳᔮᒣᓕᑕᒧᐎᓂᒡ ᐊᓂᑭ ᑳ ᑳᔮᒣᓕᑕᒧᐎᓂᑫᒋᒃ᙮

ᓂᔓ ᐱᑕᕐ 2:12

ᒫᑲ ᐅᑯ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐁ ᑮ ᐅᔑᐋᑲᓂᐎᒋᒃ ᑭᒋ ᐅᑎᓈᑲᓂᐎᒋᒃ ᓀᔥᑕ ᑭᒋ ᓂᔑᐗᓈᒋᐋᑲᓂᐎᒋᒃ, ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᓂᓯᑐᑕᑭᒃ; ᒥᑐᓂ ᒫᑲ ᑲᑕ ᓂᔑᐗᓈᑎᓯᐗᒃ ᑎᐱᓚᐌ ᐅ ᒪᒑᑎᓯᐎᓂᐙᒃ;

ᓂᔓ ᐱᑕᕐ 2:19

ᒣᒀᒡ ᐁ ᐊᔓᑕᒪᐙᒋᒃ ᑎᐯᓕᒥᑎᓱᐎᓂᓕᐤ, ᐎᓚᐗᐤ ᑫᒋᐙᒃ ᐊᑑᔅᑫᔅᑕᒶᒃ ᒪᒑᑎᓯᐎᓂᓕᐤ: ᐌᓴ ᐊᓂᐁᓕᐤ ᑳ ᔖᑯᒋᐃᑯᑦ ᐃᓕᓕᐤ ᐁᐗᑴᓕᐤ ᑳ ᐊᐗᑳᓂᐃᑯᑦ᙮

ᒎᑦ 1:21

ᑲᓇᐌᓕᒥᑎᓱᒃ ᑭᒋᒪᓂᑐ ᐅ ᓵᑭᐃᐌᐎᓂᒃ, ᐁ ᐊᔕᐙᐸᑕᒬᒃ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑳᑭᑫ ᐱᒫᑎᓯᐎᓂᒃ ᐃᔑ᙮

ᑭᔅᑫᓕᑖᑯᑖᑫᐎᓐ 22:11

ᐊᓇ ᑳ ᒪᒑᑎᓰᑦ, ᐁᑯᔑ ᑫᔮᐸᒡ ᑲᑕ ᒪᒑᑎᓯᐤ; ᐊᓇ ᓀᔥᑕ ᑳ ᐎᓂᓯᑦ, ᐁᑯᔑ ᑫᔮᐸᒡ ᑲᑕ ᐎᓂᓯᐤ; ᐊᓇ ᓀᔥᑕ ᑳ ᒀᔭᔅᑭᑖᑎᓰᑦ ᐁᑯᔑ ᑫᔮᐸᒡ ᑲᑕ ᒀᔭᔅᑭᑖᑎᓯᐤ; ᐊᓇ ᓀᔥᑕ ᑳ ᐸᓓᑭᓯᑦ ᐁᑯᔑ ᑫᔮᐸᒡ ᑲᑕ ᐸᓓᑭᓯᐤ᙮