ᑲᓓᔕᐊᓇ 6:3 - ᐅᔅᑭ ᑎᔅᑌᒥᓐᑦ

³ ᐌᓴ ᑮᔥᐱᓐ ᐊᐌᓇ ᐃᓕᓕᐤ ᐙᔦᔥ ᐁᑌᓕᒥᑎᓱᒋ, ᐋᑕ ᐁᑳ ᐙᔦᔥ ᐁ ᐃᑌᓕᑖᑯᓯᑦ, ᐙᔦᔑᐃᑎᓱ᙮

ᑲᓓᔕᐊᓇ 6:3 Iomraidhean Croise

ᐅᐸᓓᑭᔅ ᓘᒃ 18:11

ᐊᓇ ᐸᕋᓯ ᐁ ᐯᔭᑯ ᓂᐸᐎᑦ ᐅᒪ ᑮ ᐃᔑ ᐋᔭᒥᐊᐤ, ᑭᒋᒪᓂᑐ, ᑭ ᓇᓈᔅᑯᒥᑎᓐ, ᐁᑳ ᐁ ᓇᔅᐱᑕᐗᑭᒃ ᑯᑕᑭᔭᒃ ᐃᓕᓕᐗᒃ, ᐅᒪᔅᑲᑗᐗᒃ, ᐁᑳ ᑳ ᒀᔭᔅᑭᑎᒋᒃ, ᐅᐱᔑᒀᑎᓯᐗᒃ, ᐁᑳ ᓀᔥᑕ ᑖᐱᔅᑯᒡ ᐊᐗ ᐸᑉᓕᑳᓐ᙮

ᐊᐸᔅᑕᓚᒃ 5:36

ᐌᓴ ᐹᒧᔑ ᐅᐅ ᑭᔑᑳᐗ ᑮ ᐸᓯᑯ ᑎᔪᑕᔅ ᐁ ᑮ ᑲᑭᒋᒥᓱᑦ ᑖᐱᔅᑯᒡ ᐊᐌᓇ ᑳ ᑭᔅᑎᓯᑦ; ᐊᓇ ᐋᑎᑦ ᐃᓕᓕᐗ ᑳ ᑮ ᐎᒉᐎᑯᑦ, ᓈᓐᑕᐤ ᓀᐗᐤ ᒥᑖᑐᒥᑕᓇᐤ ᐁ ᐃᑕᓯᓕᒋ: ᑳ ᑮ ᓂᐸᐋᑲᓂᐎᑦ: ᓀᔥᑕ ᒥᓯᐌ, ᐱᑯ ᑕᑐ ᑳ ᑮ ᑖᐺᑖᑯᑦ, ᑮ ᐗᓴᓶᑎᔕᐙᑲᓂᐎᓕᐗ, ᓀᔥᑕ ᑮ ᐊᑎ ᒣᒋᐸᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:16

ᐋᔮᒃ ᐯᔭᒃ ᒥᑐᓀᓕᒋᑲᓐ ᑭᒋ ᐃᑌᓕᑕᒫᑐᔦᒃ᙮ ᐁᑳᐎᓚ ᐱᓯᔅᑫᓕᑕᒧᒃ ᑳ ᐃᔅᐯᓕᑖᑾᑭ, ᒫᑲ ᐙᑯᒥᑯᒃ ᑳ ᑕᐸᑌᓕᑖᑯᓯᒋᒃ᙮ ᐁᑳᐎᓚ ᓂ ᑲᑫᑕᐌᓕᑌᓐ ᐃᑌᓕᒥᑎᓱᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:3

ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᑯᕆᓐᑎᐊᓇ 3:18

ᐁᑯᔑ ᐁᑳᐎᓚ ᐊᐌᓇ ᑲᑕ ᐙᔦᔑᐃᑎᓱ: ᑮᔥᐱᓐ ᐊᐌᓇ ᐃᓕᓕᐤ ᐁ ᐃᑕᔑᔦᒃ ᑫᑫᑕᐌᓕᒥᒋ ᐅᑕ ᐊᔅᑮᒃ, ᐁᑯᔑ ᑲᑕ ᑮᔥᑴᑲᓂᐎᐤ, ᐁᑯ ᐃᔑ ᑭᒋ ᑲᑫᑕᐌᓕᑕᒃ᙮

ᓂᔥᑕᒻ ᑯᕆᓐᑎᐊᓇ 8:2

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᓂ ᑭᔅᑫᓕᑌᓐ ᑫᒀᓐ ᐁᑌᓕᑕᒧᑴ, ᓇᒪᐎᓚ ᐁᔥᑾ ᑫᒀᓕᐤ ᑭᔅᑫᓕᑕᒻ ᑫ ᐃᔑ ᑭᔅᑫᓕᑕᑭᐸᓐ᙮

ᓂᔓ ᑯᕆᓐᑎᐊᓇ 12:11

ᓂ ᑮ ᐊᑎ ᑭᔥᑴᑳᓂᐎᓐ ᐁ ᒫᒪᑖᑯᒧᔮᓐ; ᑭᓚᐗᐤ ᑳ ᑮ ᑲᔥᑭᐃᔦᒃ: ᐌᓴ ᔮᓕᑌᓐ ᑭ ᑳ ᑮ ᒥᓗᐋᓕᒧᒥᑕᐗᐤ; ᐌᓴ ᓇᒪᐎᓚ ᑫᒀᓐ ᓂ ᐅᒋ ᓄᑌᐸᓕᓐ ᐊᓂᑭ ᒪᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮

ᓂᔓ ᑯᕆᓐᑎᐊᓇ 3:5

ᐁᑳ ᐁ ᑲᔥᑭᑖᔮᒃ ᓂᓚᓈᓐ ᑫᒋᐙᒃ ᑫᒀᓐ ᑭᒋ ᒫᒥᑐᓀᓕᑕᒫᒃ, ᒫᑲ ᑭᒋᒪᓂᑐ ᐁᐗᒀᓇ ᑳ ᐅᒋ ᑲᔥᑭᑖᔮᒃ᙮

ᑲᓓᔕᐊᓇ 2:6

ᒫᑲ ᐊᓂᑭ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐊᐌᓂᑭ ᐁᑐᑫ, ᓇᒪᐎᓚ ᐗᔦᔥ ᓂᑦ ᐃᑌᓕᑌᓐ: ᑭᒋᒪᓂᑐ ᓇᒪᐎᓚ ᑭᔅᑕᑭᒣᐤ ᐊᐌᓕᐗ ᐁ ᐃᔑᓈᑯᓯᓕᒋ: ᐌᓴ ᐊᓂᑭ ᐋᑕ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐁ ᐋᔭᔭᒥᐃᑐᓈᓂᐗᒃ ᓇᒪᐎᓚ ᑫᒀᓐ ᓂ ᑮ ᐃᔑ ᐎᒋᐃᑾᒃ:

ᑲᓓᔕᐊᓇ 2:9

ᐃᔅᐱ ᒫᑲ ᒉᒻᔅ, ᓯᐹᔅ, ᓀᔥᑕ ᒑᓐ ᓯᑣᔅᑲᐃᑲᓇ ᑳ ᐃᑌᓕᑖᑯᓯᒋᒃ, ᐎᐊᐸᑕᑭᒃ ᐊᓂᒪ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓂ ᑮ ᒥᓕᑾᒃ ᓀᔥᑕ ᐸᕐᓇᐸᔅ ᐅᑭᒋᓂᔅᑭ ᐎᒉᑐᐎᓐ, ᓂᓚᓈᓐ ᑭᒋ ᓇᑕᑭᒋᒃ ᐁᑳ ᑳ ᐋᔭᒥᐋᒋᒃ, ᐎᓚᐗᐤ ᒫᑲ ᐊᓂᐃ ᑳ ᑭᔅᑫᓄᐙᒋᔣᑲᓂᐎᓕᒋ᙮

ᓂᔓ ᑎᒧᑎ 3:13

ᒫᑲ ᒪᒋ ᐃᓕᓕᐗᒃ ᓀᔥᑕ ᐅᐙᔦᔑᐃᐌᐗᒃ ᐋᒋᐱᑯ ᐋᒋᐱᑯ ᑲᑕ ᒪᒋᑣᐗᒃ, ᐁ ᐙᔦᔑᐃᐌᒋᒃ ᓀᔥᑕ ᐁ ᐙᔦᔑᐋᑲᓂᐎᒋᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:22

ᒫᑲ ᑐᑕᒧᒃ ᑳ ᐃᑗᒪᑲᒃ ᐋᔭᒥᐎᓐ, ᐁᑳ ᒫᑲ ᐯᑕᒧᒃ ᐱᑯ, ᐁ ᐙᔦᔑᐃᑎᓱᔦᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:26

ᑮᔥᐱᓐ ᐊᐌᓇ ᐁ ᐃᑕᔑᔦᒃ ᐅᑖᔭᒥᐊᐤ ᐙ ᐃᑌᓕᑖᑯᓯᑴ, ᐁᑳ ᒫᑲ ᑌᐯᓕᑕᑭ ᐅᑌᓕᓕ, ᒫᑲ ᐁ ᐙᔦᔑᑖᑦ ᑎᐱᓚᐌ ᐅᑌᐃ, ᐊᐗ ᐃᓕᓕᐤ ᐅᑦ ᐋᔭᒥᐋᐎᓐ ᓇᒪᐎᓚ ᐙᔦᔥ ᐃᑖᐸᑕᓂᓕᐤ᙮

ᓂᔥᑕᒻ ᒑᓐ 1:8

ᑮᔥᐱᓐ ᐃᑗᔭᑴ, ᓇᒪᐎᓚ ᑭᑦ ᐋᔮᓈᓇᐤ ᒪᒋᑣᐎᓐ, ᑭ ᐙᔦᔑᐃᑎᓱᓈᓇᐤ, ᓇᒪ ᓀᔥᑕ ᑖᐺᐎᓐ ᑭ ᐱᒋᔅᑳᑯᓈᓇᐤ᙮