2 ᓇᔭᑕᒫᑐᒃ ᒣᒥᔅᑯᒡ ᑭ ᓇᔭᒋᑲᓂᐗᐗ, ᐁᑯ ᑫ ᐃᔑ ᑎᐱᑐᑕᒬᒃ ᐅᑦ ᐅᓚᔓᐌᐎᓐ ᙭᙮
ᑭᒋ ᑎᐱᐸᓕᒃ ᑳ ᑮ ᐃᑗᑦ ᐋᐃᓭᔭ ᐅᑭᔅᑭᐙᐃᑫᐤ, ᐁ ᐃᑗᑦ, ᐎᓚ ᑫᒋᐙᒃ ᑮ ᐅᑎᓇᒻ ᑭ ᓕᓚᒥᓯᐎᓂᓇᐗ, ᓀᔥᑕ ᑮ ᓇᔭᑕᒻ ᑭᑦ ᐋᑯᓯᐎᓂᓇᐗ᙮
ᑮ ᐃᑗᐤ ᒫᑲ, ᑭ ᑳ ᑲᒀᑕᑭᓯᓇᐗᐤ ᓀᔥᑕ ᐅᓚᔓᐌᐎᓕᓕᑐᒃ! ᐌᓴ ᑭ ᐳᔅᒋᐗᑕᐊᐙᐗᒃ ᐃᓕᓕᐗᒃ ᐎᐗᔑᐎᓇ ᐁ ᐋᓕᒪᑭ ᑭᒋ ᐎᐗᔑᓈᓂᐗᑭ, ᑭᓚᐗᐤ ᒫᑲ ᓇᒪᐎᓚ ᑭ ᓵᒥᓀᓇᐗᐤ ᐎᐗᔑᐎᓇ ᐯᔭᒃ ᑭ ᓕᓕᑭᒋᒑᓂᐗᐤ ᐅᒋ᙮
ᐅᔥᑭ ᑲᑫᔅᑴᐎᓐ ᑭ ᒥᓕᑎᓇᐗᐤ, ᑭᒋ ᓵᑭᐃᑐᔦᒃ; ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ, ᑭᓚᐗᐤ ᓀᔥᑕ ᑭᒋ ᐃᔑ ᓵᑭᐃᑐᔦᒃ᙮
ᐁᐗᑯ ᐅᒪ ᓂ ᑲᑫᔅᑴᐎᓐ, ᑭᒋ ᓵᑭᐃᑐᔦᒃ, ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ᙮
ᑭᓚᓈᓇᐤ ᒫᑲ ᑳ ᒪᔥᑲᐎᓯᔭᒃ ᑭ ᑳ ᓇᔭᑕᒸᑕᓇᐤ ᐅᑦ ᐊᓕᒥᓯᐎᓂᐗᐗ ᐊᓂᑭ ᑳ ᓕᓚᒥᓯᒋᒃ, ᓇᒪᐎᓚ ᑭᒋ ᓇᐃᓚᐌᐃᑎᓱᔭᒃ᙮
ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮
ᑭᑭ ᐊᓂᑭ ᐁᑳ ᑳ ᐅᑦ ᐅᓚᔓᐌᐎᓂᒋᒃ, ᑖᐱᔅᑯᒡ ᐁᑳ ᐁ ᐅᑦ ᐅᓚᔓᐌᐎᓂᔮᓐ, ᓇᒪᐎᓚ ᐁᑳ ᐁ ᐅᑦ ᐅᓚᔓᐌᐎᓂᔮᓐ ᑭᒋᒪᓂᑐᒃ ᐃᔑ, ᒫᑲ ᐁ ᑎᐯᓕᒥᑯᐗᒃ ᐅᑦ ᐅᓚᔓᐌᐎᓐ ᙭, ᑭᒋ ᐃᔑ ᑲᔥᑭᐊᑭᒃ ᐊᓂᑭ ᐁᑳ ᑳ ᐅᑦ ᐅᓚᔓᐌᐎᓂᒋᒃ᙮
ᐌᓴ ᒥᓯᐌ ᑕᑐ ᐃᓕᓕᐤ ᑲᑕ ᓇᔭᑕᒻ ᑎᐱᓚᐌ ᐅ ᓇᔭᒋᑲᓐ᙮
ᐊᓄᒡ ᒫᑲ ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᔮᒀᒥᒥᑯᒃ ᐊᓂᑭ ᑳ ᐋᓉᑕᑭᒃ, ᑳᑭᒋᐃᑯᒃ ᐊᓂᑭ ᑳ ᓕᓚᒥ ᒥᑐᓀᓕᒋᑲᓂᒋᒃ, ᓂᔓᑲᒫᑯᒃ ᐊᓂᑭ ᑳ ᓕᓚᒥᓯᒋᒃ, ᔑᐱᓚᐌᓯᔅᑖᑯᒃ ᒥᓯᐌ ᐃᓕᓕᐗᒃ᙮
ᒫᑲ ᐊᐌᓇ ᑫᓇᐙᐸᑕᒧᑴ ᐊᓂᐁᓕᐤ ᒫᐗᒡ ᑳ ᒥᓨᔑᓂᓕᒃ ᑎᐯᓕᒥᑎᓱᐎ ᐅᓚᔓᐌᐎᓂᓕᐤ, ᓀᔥᑕ ᒧᔕᒃ ᑫᓇᐎᑖᒋ, ᐎᓚ ᐁᑳ ᐁ ᐗᓂᑭᔅᑭᓯᑦ ᐁ ᐯᑕᒃ, ᒫᑲ ᐁ ᑐᑕᒃ ᐊᓂᐁᓕᐤ ᐊᑑᔅᑫᐎᓂᓕᐤ, ᐊᐗ ᐃᓕᓕᐤ ᑲᑕ ᔕᐌᓕᑖᑯᓯᐤ ᐅᑦ ᐋᔨᑎᐎᓂᒃ᙮
ᐃᔑ ᐋᔭᒥᒃ, ᓀᔥᑕ ᐃᔑ ᑐᑕᒧᒃ, ᑖᐱᔅᑯᒡ ᐊᓂᑭ ᑎᐯᓕᒥᑎᓱᐎ ᐅᓚᔓᐌᐎᓐ ᑫ ᐅᒋ ᑎᐹᔅᑯᓈᑲᓂᐎᒋᒃ᙮
ᑮᔥᐱᓐ ᑎᐱᑐᑕᒣᒃ ᐊᓂᒪ ᑭᒋᐅᑭᒪᐎ ᐅᓚᔓᐌᐎᓐ, ᐁ ᐃᑗᒪᑲᒃ ᒪᓯᓇᐃᑫᐎᓐ, ᑭ ᑳ ᓵᑭᐊᐤ ᑭᒋᐃᓕᓕᐤ ᐁ ᐃᔑ ᓵᑭᐃᑎᓱᔭᓐ, ᑭ ᒥᓗ ᑐᑌᓇᐗᐤ:
ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮
ᐌᓴ ᐊᐙᓯᑌ ᑲᑕ ᑮ ᒥᓦᔑᓂᓕᐸᓐ ᐁᑳ ᑭᒋ ᑮ ᑭᔅᑫᓂᑕᒧᐙᔅᐸᓐ ᑳᔭᔅᑭᑖᑎᓯᐎᓂ ᐃᔑᑡᐎᓂᓕᐤ, ᐃᔥᐱᔥ, ᐃᔅᐱ ᐁ ᑮ ᑭᔅᑫᓕᑕᑭᒃ ᑭᒋ ᓇᑲᑕᑭᒃ ᐊᓂᐁᓕᐤ ᐸᓓᑭ ᑲᑫᔅᑴᐎᓂᓕᐤ ᑳ ᑮ ᐸᑭᑎᓇᒫᒋᒃ᙮
ᑭᒋ ᒥᑐᓀᓕᑕᒣᒃ ᐊᓂᐃ ᐋᔭᒥᐎᓇ ᐌᔅᑳᒡ ᑳ ᑮ ᐃᑗᒋᒃ ᐊᓂᑭ ᐸᓓᑭ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᐃ ᑳ ᑮ ᐃᑕᔓᐌᔮᒃ ᓂᓚᓈᓐ ᐅᑦ ᐊᐸᔅᑕᓕᒪ ᐅᑎᐯᓕᒋᑫᐤ ᐯᒫᒋᐃᐌᑦ;
ᐅᒪ ᑲᑫᔅᑴᐎᓐ ᒫᑲ ᑭ ᑮ ᒥᓕᑯᓇᐤ, ᐊᓇ ᑳ ᓵᑭᐋᑦ ᑭᒋᒪᓂᑐᐗ ᐎᒋᔖᓇ ᐊᓯᒋ ᑭᒋ ᓵᑭᐋᑦ᙮
