ᑲᓓᔕᐊᓇ 5:3 - ᐅᔅᑭ ᑎᔅᑌᒥᓐᑦ

³ ᐌᓴ ᒥᓇ ᓂ ᐎᑕᒪᐗᐤ ᒥᓯᐌ ᑕᑐ ᐃᓕᓕᐤ ᑳ ᑭᔅᑭᓄᐙᒋᔣᑲᓂᐎᑦ, ᒪᓯᓇᐃᑫᐤ ᒥᑐᓂ ᑭᒋ ᑎᐱᑐᑕᒃ ᐅᓚᔓᐌᐎᓂᓕᐤ᙮

ᑲᓓᔕᐊᓇ 5:3 Iomraidhean Croise

ᐅᐸᓓᑭᔅ ᒫᑎᐤ 23:16

ᑭ ᑳ ᑲᒀᑕᑭᓯᓇᐗᐤ, ᐁᑳ ᐎᐋᐱᔦᒃ ᐋᑕ ᐁ ᑭᔅᑭᓄᑕᐃᐌᔦᒃ, ᑳ ᐃᑗᔦᒃ, ᐊᐌᓇ ᐁ ᑭᒋᐃᑗᑦ, ᑫ ᐊᔅᐱᒧᑴ ᑭᒋᐋᔭᒥᐁᐎᑲᒥᑯᓕᐤ, ᓇᒪᐎᓚ ᐙᔦᔥ ᐃᑌᓕᑖᑾᓐ; ᒫᑲ ᐊᐌᓇ ᐁ ᑭᒋᐃᑗᑦ ᑫ ᐊᔅᐱᒧᑴ ᐅᓵᐎᔔᓕᐊᓈᐱᔅᑾ ᑭᒋᐋᔭᒥᐁᐎᑲᒥᑯᒃ, ᐅᒪᓯᓇᐃᑲᓂᒥᐤ!

ᐅᐸᓓᑭᔅ ᒫᑎᐤ 23:18

ᓀᔥᑕ ᒫᑲ, ᐊᐌᓇ ᐁ ᑭᒋᐃᑗᑦ ᑫ ᐊᔅᐱᒧᑴ ᐸᑭᒋᑲᓈᐱᔅᑲᓕᐤ, ᓇᒪᐎᓚ ᐙᔦᔥ ᐃᑌᓕᑖᒀᓐ; ᒫᑲ ᐊᐌᓇ ᐁ ᑭᒋᐃᑗᑦ ᑫ ᐊᔅᐱᒧᑴ ᒥᓕᐌᐎᓂᓕᐤ ᐁᑯᑕ ᑳ ᐊᔅᑌᓕᒃ, ᐅᒪᓯᓇᐃᑲᓂᒥᐤ᙮

ᐅᐸᓓᑭᔅ ᓘᒃ 16:28

ᐌᓴ ᓂᔮᓚᓕᐗᒃ ᓂᒋᔖᓇᒃ; ᑭᒋ ᐃᑖᒋᒧᔅᑕᐙᑦ, ᐁᑳ ᐎᓚᐗᐤ ᐊᓯᒋ ᐅᑕ ᑭᒋ ᐯᒋ ᐃᑐᑌᒋᒃ ᐃᑕ ᐁ ᐙᐎᓴᑫᓕᒋᑳᑌᒃ᙮

ᐊᐸᔅᑕᓚᒃ 15:1

ᐊᑎᑦ ᒫᑲ ᐃᓕᓕᐗᒃ ᑳ ᑮ ᐯᒋ ᐅᑐᑌᒋᒃ ᒎᑎᐊᐃᒃ ᑮ ᑭᔅᑭᓄᐊᒪᐌᐗᒃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑗᐗᒃ, ᑮᔥᐱᓐ ᐁᑳ ᑭᔅᑭᓄᐙᒋᔓᑲᐎᔦᑴ ᑳ ᐃᔑ ᑲᑫᔅᑭᒥᐌᑦ ᒧᓯᔅ, ᓇᒪᐎᓚ ᑭ ᑳ ᑮ ᐱᒫᒋᐅᓈᐙᐤ᙮

ᐊᐸᔅᑕᓚᒃ 2:40

ᒥᒉᑦ ᒫᑲ ᑯᑕᑭᔭ ᐋᔭᒥᐎᓇ ᐅᒋ ᑮ ᑎᐸᒋᒧᔅᑕᐌᐤ, ᓀᔥᑕ ᑮ ᔑᑭᒣᐤ, ᐁ ᐃᑗᑦ, ᐱᒫᒋᐃᑎᓱᒃ ᐅᑯ ᐅᒋ ᐊᓄᒡ ᑳ ᐋᓂᔅᑫ ᐱᒫᑎᓯᒋᒃ ᑳ ᑲᑫᐹᑎᓯᒋᒃ᙮

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:25

ᐌᓴ ᑭᔅᑭᓄᐙᒋᔓᐎᓐ ᑖᐺ ᑭᑦ ᐗᐸᒋᐃᑯᓐ, ᑮᔥᐱᓐ ᑫᓇᐌᓕᑕᒪᓇ ᐅᓚᔓᐌᐎᓐ: ᒫᑲ ᑮᔥᐱᓐ ᐹᑯᓇᒪᓂ ᐅᓚᔓᐌᐎᓐ, ᑭ ᑭᔅᑭᓄᐋᒋᔓᐎᓐ ᑖᐱᔅᑯᒡ ᐁᑳ ᑭᔅᑭᓄᐙᒋᔓᐎᓐ ᐃᔑᑖᓂᐗᓐ᙮

ᑲᓓᔕᐊᓇ 3:10

ᐌᓴ ᒥᓯᐌ ᑳ ᑎᐯᓕᑖᑯᓯᒋᒃ ᐅᓚᔓᐌᐎ ᐃᔑᒋᑫᐎᓂᒃ ᒪᒐᑭᑖᑯᓯᐎᓂᒃ ᐃᑕᐗᒃ: ᐌᓴ ᐃᑕᓯᓇᐃᑳᑌᐤ, ᒪᒉᓕᑖᑯᓯᐤ ᒥᓯᐌ ᑕᑐ ᐊᐌᓇᐌᑳ ᒧᔕᒃ ᑳ ᑲᓇᐌᓕᑕᒃ ᒥᓯᐌ ᑫᒀᓇ ᑳ ᒪᓯᓇᐃᑳᑌᓕᒋ ᐅᓚᔓᐌᐎᓂ ᒪᓯᓇᐃᑲᓂᒃ ᑭᒋ ᑐᑕᒃ᙮

ᑲᓓᔕᐊᓇ 5:2

ᒫᑎᑲ, ᓂᓚ ᐹᓪ ᑭᑦ ᐃᑎᓇᐗᐤ, ᑮᔥᐱᓐ ᑭᔅᑭᓄᐙᒋᔓᑳᐎᔦᒃ, ᙭ ᓇᒪᐎᓚ ᐙᔦᔥ ᑭ ᑳ ᐃᑖᐸᒋᐃᑯᐗᐤ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᓂᔥᑕᒻ ᑌᓴᓗᓂᔭᓇ 4:6

ᐁᑳᐎᓚ ᐊᐌᓇ ᐙᔦᔥ ᐁ ᑐᑕᒃ ᑭᒋ ᒪᒋᑐᑕᐙᑦ ᓀᔥᑕ ᐙᔦᔑᐋᑦ ᐎᒋᔖᓇ; ᐌᓴ ᐅᑎᐯᓕᒋᑫᐤ ᑲᑕ ᐋᔅᑯᒋᐁᐤ ᒥᓯᐌ ᐁᑯᑐᐎ, ᑖᐱᔅᑯᒡ ᐁ ᑮ ᐃᔑ ᓂᔮᑲᓇ ᐎᑕᒫᑖᒃ ᓀᔥᑕ ᐋᓕᒧᑕᒫᑖᒃ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮