25 ᑮᔥᐱᓐ ᐊᒑᑯᒃ ᐯᒫᑎᓯᐗᑴ, ᐁᑯᔑ ᓀᔥᑕ ᐊᒑᑯᒃ ᐱᒧᑖᑕᐤ᙮
ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮
ᑮᔥᐱᓐ ᒫᑲ ᙭ ᐱᐃᒋᔅᑳᑖᑴ, ᒥᔭᐤ ᑮ ᓂᐱᒪᑲᓐ ᒪᒋᑣᐎᓐ ᐅᒋ; ᒫᑲ ᐊᒑᒃ ᐱᒫᑎᓯᐎᓂᐎᐤ ᒀᔭᔅᑭᑖᑎᓯᐎᓐ ᐅᒋ᙮
ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮
ᐁᑯ ᓀᔥᑕ ᐁᑕᓯᓇᐃᑳᑌᒃ, ᐊᓇ ᓃᔥᑕᒻ ᓈᐯᐤ, ᐋᑕᒻ, ᑮ ᐃᔑᐋᑲᓂᐎᐤ ᐁ ᐱᒫᑎᓯᓕᒋ ᐊᒑᑾ ᑭᒋ ᐋᔭᐙᑦ; ᐊᓇ ᒫᒋᒡ ᐋᑕᒻ ᑮ ᐃᔑᐋᑲᓂᐎᐤ ᑭᒋ ᐱᒫᑎᓯᐃᐌᑦ ᐊᒑᒃ᙮
ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮
ᐅᒪ ᒫᑲ ᓂᑦ ᐃᑣᓐ, ᐊᒑᑯᒃ ᐱᒧᑌᒃ, ᐁᑯ ᐁᑳ ᑫ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᐎᓐ᙮
ᐌᓴ ᑭᓚᓈᓇᐤ ᑭᔅᑭᓄᐙᒋᔓᐎᓐ ᑭᑦ ᐋᔮᓈᓇᐤ, ᑳ ᓇᐗᑭᔥᑕᐗᒃ ᑭᒋᒪᓂᑐ ᐊᒑᑯᐎᓂᒃ, ᓀᔥᑕ ᑳ ᒥᓚᐙᑕᔭᒃ ᙭ ᒋᓴᔅ, ᓀᔥᑕ ᐁᑳ ᐊᔅᐯᓕᒧᑐᑕᒪᒃ ᐎᔮᓯᐎᐎᓂᒃ:
ᐌᓴ, ᐁᐗᑯ ᐅᒪ ᐅᒋ ᒥᓗᐋᒋᒧᐎᓂᓕᐤ ᑮ ᐙᐎᑕᒪᐙᐗᒃ ᐊᓂᑭ ᑳ ᓂᐱᒋᒃ, ᐎᓚᐗᐤ ᑭᒋ ᑎᐹᔅᑯᓈᑲᓂᐎᒋᒃ ᑖᐱᔅᑯᒡ ᐊᓂᐃ ᐎᔮᓯᒃ ᑳ ᐃᑖᓕᒋ, ᒫᑲ ᑳ ᐱᒫᑎᓯᔅᑕᐙᓕᒋ ᑭᒋᒪᓂᑐᐗ ᐊᒑᑯᒃ᙮
ᑮ ᐳᓂᐸᓕᑾᐌ ᒫᑲ ᓂᔅᑐ ᑭᔑᑳᐗ ᓀᔥᑕ ᐋᐱᑕᐤ, ᐱᒫᑎᓯᐎᓂ ᐊᒑᒃ ᑭᒋᒪᓂᑐ ᐅᒋ ᑮ ᐱᑐᑫᔅᑳᑲᐌᐤ, ᐅ ᓯᑎᓕᒃ ᒫᑲ ᑮ ᐃᔑ ᓂᐸᐎᓕᐗ; ᑭᒋ ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᐊᓂᑭ ᑳ ᑭ ᐙᐸᒫᒋᒃ᙮
