ᑲᓓᔕᐊᓇ 5:16 - ᐅᔅᑭ ᑎᔅᑌᒥᓐᑦ

¹⁶ ᐅᒪ ᒫᑲ ᓂᑦ ᐃᑣᓐ, ᐊᒑᑯᒃ ᐱᒧᑌᒃ, ᐁᑯ ᐁᑳ ᑫ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᐎᓐ᙮

ᑲᓓᔕᐊᓇ 5:16 Iomraidhean Croise

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:12

ᐁᐗᑯ ᒫᑲ ᐅᒋ ᐁᑳᐎᓚ ᒪᒋᑣᐎᓐ ᑭ ᑳ ᑎᐯᓕᒥᑯᓇᐗᐤ ᑭᔭᐎᐙᒃ ᑫ ᓂᐱᒫᑲᑭ, ᑭᒋ ᐎ ᓇᓇᐃᑕᒣᒃ ᐁ ᐃᔑ ᒪᒋᐃᑌᓕᑕᒧᒪᑲᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᓂᔥᑕᒻ ᑯᕆᓐᑎᐊᓇ 7:29

ᒫᑲ ᐅᒪ ᓂᑦ ᐃᑣᓐ, ᓂᒋᔖᓂᑐᒃ, ᒐᑲᐙᔑᓋ ᑭᔑᑳᐗ: ᐃᑌᓕᑖᑾᓐ, ᐊᓂᑭ ᑳ ᐎᐎᒋᒃ ᑭᒋ ᐃᔑᓈᑯᓯᒋᒃ ᑖᐱᔅᑯᒡ ᑮᔥᐱᓐ ᐁᑳ ᑮ ᐎᐎᒋᒃ:

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᑲᓓᔕᐊᓇ 3:17

ᐅᒪ ᓀᔥᑕ ᓂᑦ ᐃᑣᓐ, ᐊᓂᒪ ᓇᔅᑯᒥᑐᐎᓐ, ᓂᑳᓐ ᑳ ᑮ ᐋᔨᒋᑖᑦ ᑭᒋᒪᓂᑐ ᙭ᑎᒃ, ᐅᓚᔓᐌᐎᓐ ᐹᑎᒫ ᓀᐗᐤ ᒥᑖᑐᒥᑕᓇᐤ ᓀᔥᑕ ᓂᔅᑐᒥᑕᓇᐤ ᐱᐴᓋ ᑳ ᒥᓕᐙᓂᐗᒃ, ᓇᒪᐎᓚ ᑮ ᑴᔅᑭᑖᒪᑲᓐ ᑭᒋ ᐅᒋ ᐁᑳ ᐋᐸᑕᒃ ᐊᓂᒪ ᐊᔔᑕᒫᑫᐎᓐ᙮

ᑲᓓᔕᐊᓇ 6:8

ᐌᓴ ᐊᓇ ᐎᔮᓯᐎᓂᒃ ᑳ ᐃᔑ ᐗᓴᓶᐱᓂᑫᑦ, ᐎᔮᓯᐎᓂᒃ ᑲᑕ ᐅᒋ ᒪᐗᒋᑕᐤ ᓂᔑᐗᓈᑎᓯᐎᓂᓕᐤ; ᒫᑲ ᐊᓇ ᐊᒑᑯᒃ ᑳ ᐃᔑ ᐗᓴᓶᐱᓂᑫᑦ ᐊᒑᑯᒃ ᑲᑕ ᐅᒋ ᒪᐗᒋᑕᐤ ᑳᑭᑫ ᐱᒫᑎᓯᐎᓂᓕᐤ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᑯᓚᔑᔭᓇ 2:11

ᐊᓇ ᑭᓚᐗᐤ ᓀᔥᑕ ᑳ ᐅᒋ ᑭᔅᑭᓄᐙᒋᔓᑲᐎᔦᒃ ᐊᓂᒪ ᑭᔅᑭᓄᐙᒋᔓᐎᓐ ᐅᒋ ᐁᑳ ᒥᒋᒋᔭ ᑳ ᐅᒋ ᐅᔑᑖᓂᐗᒃ, ᐁ ᐃᑲᑌᔅᑖᔦᒃ ᐁ ᐎᔭᐎᒪᑲᑭ ᐎᔮᓯᐎᓂ ᒪᒋᑣᐎᓇ, ᐅ ᑭᔅᑭᓄᐙᒋᔔᐃᓐ ᙭ ᐅᒋ:

ᓂᔥᑕᒻ ᐱᑕᕐ 1:14

ᑖᐱᔅᑯᒡ ᑳ ᓇᓇᐃᑕᑭᒃ ᐊᐙᔑᔕᒃ, ᐁᑳ ᐁ ᐃᔑᐃᑎᓱᔦᒃ ᑳ ᑮ ᐃᔑ ᒪᒋ ᓇᑕᐌᓕᑕᒣᒃ ᐌᔅᑳᒡ ᐃᔅᐱ ᐁᑳ ᑳ ᑮ ᑭᔅᑫᓕᑕᒣᒃ;

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᐱᑕᕐ 2:11

ᑳ ᑭᒋ ᓵᑭᐃᑕᑾᒃ, ᑭ ᓇᑐᑕᒫᑎᓇᐗᐤ, ᑖᐱᔅᑯᒡ ᒫᓐᑌᐗᒃ ᓀᔥᑕ ᐅᐸᐹᒧᑌᐗᒃ, ᐌᐱᓇᒧᒃ ᐎᔮᓯᐎ ᓇᑕᐌᓕᑕᒧᐎᓇ, ᑳ ᓇᑐᐸᓖᔅᑖᑯᑦ ᐊᒑᒃ;

ᓂᔥᑕᒻ ᐱᑕᕐ 4:6

ᐌᓴ, ᐁᐗᑯ ᐅᒪ ᐅᒋ ᒥᓗᐋᒋᒧᐎᓂᓕᐤ ᑮ ᐙᐎᑕᒪᐙᐗᒃ ᐊᓂᑭ ᑳ ᓂᐱᒋᒃ, ᐎᓚᐗᐤ ᑭᒋ ᑎᐹᔅᑯᓈᑲᓂᐎᒋᒃ ᑖᐱᔅᑯᒡ ᐊᓂᐃ ᐎᔮᓯᒃ ᑳ ᐃᑖᓕᒋ, ᒫᑲ ᑳ ᐱᒫᑎᓯᔅᑕᐙᓕᒋ ᑭᒋᒪᓂᑐᐗ ᐊᒑᑯᒃ᙮