ᑲᓓᔕᐊᓇ 5:13 - ᐅᔅᑭ ᑎᔅᑌᒥᓐᑦ

¹³ ᐌᓴ, ᓂᒋᔖᓂᑐᒃ, ᑭ ᑮ ᓇᑐᒥᑲᐎᓇᐗᐤ ᑎᐯᓕᒥᑎᓱᐎᓂᒃ ᐃᔑ; ᐁᑳᐎᓚ ᒫᑲ ᐋᐸᒋᑖᒃ ᑎᐯᓕᒥᑎᓱᐎᓐ ᐎᔮᓯᐎᓂᒃ ᐃᔑ, ᒫᑲ ᓵᑭᐃᐌᐎᓂᒃ ᐊᑑᔅᑳᑐᒃ᙮

ᑲᓓᔕᐊᓇ 5:13 Iomraidhean Croise

ᐅᐸᓓᑭᔅ ᓘᒃ 4:18

ᐅᑎᐯᓕᒋᑫᐤ ᐅᑦ ᐊᒑᑾ ᓂ ᑭᑭᔥᑳᑯᓕᐗ, ᐌᓴ ᓂ ᑮ ᑕᒪᔅᑯᓂᒃ ᑭᒋ ᑎᐹᒋᒧᔅᑕᐗᑭᒃ ᒥᓗᐋᒋᒧᐎᓂᓕᐤ ᐊᓂᑭ ᑳ ᑭᑎᒫᑭᓯᒋᒃ; ᓂ ᑮ ᐯᒋᑎᔕᐅᒃ ᑭᒋ ᒥᓇᐋᒋᐊᑭᒃ ᐊᓂᑭ ᑳ ᐱᑯᑌᐁᒋᒃ, ᑭᒋ ᑎᐹᒋᒧᔅᑕᐗᑭᒃ ᐋᐸᐊᒫᑫᐎᓂᓕᐤ ᐊᓂᑭ ᑳ ᐋᐗᑳᓂᐎᒋᒃ, ᓀᔥᑕ ᐙᐱᐎᓂᓕᐤ ᐊᓂᑭ ᐁᑳ ᑳ ᐙᐱᒋᒃ, ᑭᒋ ᐋᐸᐗᑭᒃ ᐊᓂᑭ ᑳ ᐅᑐᑭᓯᒋᒃ,

ᐊᐸᔅᑕᓚᒃ 20:35

ᒥᓯᐌ ᑫᒀᓇ ᑭ ᑮ ᐙᐸᑎᓕᑎᓈᐗᐤ, ᐊᓂᒪ ᐁ ᐋᐸᑎᓯᔦᒃ ᐅᒋ ᑭ ᑳ ᐅᑎᓇᒪᐗᑖᐙᐗᒃ ᐊᓂᑭ ᑳ ᓕᓚᒥᓯᒋᒃ, ᓀᔥᑕ ᑭᒋ ᑭᔅᑭᓯᑐᑕᒬᒃ ᐅᑦ ᐋᔭᒥᐎᓇ ᐅᑎᐯᓕᒋᑫᐤ ᒋᓴᔅ, ᑖᓂ ᑳ ᐃᔑ ᐃᑗᑦ, ᐊᐙᓯᑌ ᔕᐌᓕᑕᑯᓯᓇᓂᐗᓐ ᐁ ᒥᓕᐙᓂᐗᒃ ᐃᔥᐱᔥ ᐁ ᐅᑎᓂᑳᓂᐗᒃ᙮

ᓂᔥᑕᒻ ᑯᕆᓐᑎᐊᓇ 8:9

ᒫᑲ ᔮᒀᒥᓯᒃ ᐅᒪ ᑭ ᑎᐯᓕᒥᑎᓱᐎᓂᐗᐤ ᐁᑳ ᒦᔅᑲᐤ ᑭᒋ ᐸᑭᔑᐃᑯᒋᒃ ᐊᓂᑭ ᑳ ᓕᓚᒥᓯᒋᒃ᙮

ᓂᔥᑕᒻ ᑯᕆᓐᑎᐊᓇ 9:19

ᐌᓴ ᐋᑕ ᐁᑳ ᐊᐌᓇ ᐁ ᑎᐯᓕᒥᑦ, ᐁᓕᐌᒃ ᒫᑲ ᓂ ᑮ ᐃᔑᐃᑎᓱᓐ ᑭᒋ ᐊᑑᔅᑲᐗᑭᒃ ᒥᓯᐌ, ᑭᒋ ᐃᔑ ᑲᔥᑭᐊᑭᒃ ᓇᐗᒡ ᒥᒉᑦ᙮

ᓂᔓ ᑯᕆᓐᑎᐊᓇ 12:15

ᓀᔥᑕ ᒫᑲ ᓈᔅᐱᒡ ᓂ ᑳ ᒥᓜᓕᑌᓐ ᑭᒋ ᒑᑭᓇᒫᓐ ᓀᔥᑕ ᑭᒋ ᒑᑭᐸᓕᔮᓐ ᑭᓚᐗᐤ ᐅᒋ; ᐋᑕ ᐊᐙᓯᑌ ᐁ ᐃᔑ ᓵᑭᐃᑕᑾᒃ, ᐋᐱᔑᔥ ᐱᑯ ᐁ ᓵᑭᐃᑳᐎᔮᓐ᙮

ᓂᔓ ᑯᕆᓐᑎᐊᓇ 2:8

ᐁᐗᑯ ᐅᒋ ᑭ ᐸᑯᓭᓕᒥᑎᓇᐗᐤ ᑭᒋ ᐋᔨᒋᑕᒪᐌᒃ ᑭ ᓵᑭᐃᐌᐎᓂᐗᐤ᙮

ᓂᔓ ᑯᕆᓐᑎᐊᓇ 3:17

ᐅᑎᐯᓕᒋᑫᐤ ᒫᑲ ᐁᐗᑯ ᐊᒑᒃ: ᐃᑕ ᒫᑲ ᐁ ᐃᑖᓕᒋ ᐅᑎᐯᓕᒋᑫᐤ ᐅᑦ ᐊᒑᑾ, ᐁᑯᑕ ᐃᑕᑾᒃ ᑎᐯᓕᒥᑎᓯᐎᓐ᙮

ᓂᔓ ᑯᕆᓐᑎᐊᓇ 4:5

ᐌᓴ ᓇᒪᐎᓚ ᓂ ᑲᑫᔅᑭᒥᐙᓱᓈᓐ, ᒫᑲ ᒋᓴᔅ ᙭ ᐅᑎᐯᓕᒋᑫᐤ; ᓂᓚᓈᓐ ᓀᔥᑕ ᑭᑦ ᐊᑐᔅᑫᓚᑲᓂᐗᐗᒃ ᒋᓴᔅ ᐅᒋ᙮

ᑲᓓᔕᐊᓇ 2:4

ᐌᓴ ᐋᑎᑦ ᑭᓛᔅᑭᐎ ᐎᒋᔖᓂᒪᐗᒃ ᑭᒧᒡ ᐁ ᑮ ᐱᑐᑲᐋᑲᓂᐎᒋᒃ, ᑭᒧᒡ ᑳ ᑮ ᐯᒋ ᐃᑐᑌᒋᒃ ᑭᒋ ᑭᒫᐸᑕᑭᒃ ᓂ ᑎᐯᓕᒥᑎᓯᐎᓂᓈᓐ, ᑳ ᐋᔮᔮᒃ ᙭ ᒋᓴᓯᒃ ᑭᒋ ᐃᔑᐎᓕᔭᒥᒋᒃ ᐊᐗᑳᑎᑯᐎᓂᒃ:

ᑲᓓᔕᐊᓇ 4:22

ᐌᓴ ᐃᑕᓯᓇᐃᑳᑌᐤ, ᐁᑉᕃᐋᒻ ᐁ ᑮ ᓂᔑᓕᒋ ᐅᑯᓯᓴ, ᐯᔭᒃ ᐊᐗᑳᓐ ᐃᔅᑴᐗ ᐅᒋ, ᑯᑕᑭᔭ ᑎᐯᓕᒥᑎᓱᐎ ᐃᔅᑴᐗ ᐅᒋ᙮

ᑲᓓᔕᐊᓇ 5:1

ᐋᔨᒋᑳᐸᐎᒃ ᒫᑲ ᐊᓂᒪ ᑎᐯᓕᒥᑎᓱᐎᓂᒃ ᑳ ᑮ ᐃᔑ ᑎᐯᓕᒥᑎᓱᐃᑖᒃ ᙭, ᐁᑳᐎᓚ ᒫᑲ ᒥᓇ ᓇᒀᑕᐅᓱᒃ ᐊᐗᑳᔑᐌᐎ ᑖᐱᔅᑳᑲᓂᒃ᙮

ᑲᓓᔕᐊᓇ 5:14

ᐌᓴ ᒥᓯᐌ ᐅᓚᔓᐌᐎᓐ ᐯᔭᑯ ᐋᔭᒥᐎᓐ ᐅᒋ ᑎᐱᑐᒋᑳᑌᐤ, ᐅᒪ ᐅᑎ; ᑭ ᑳ ᓵᑭᐊᐤ ᑭᒋᐃᓕᓕᐤ ᐁ ᐃᔑ ᓵᑭᐃᑎᓱᔭᓐ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᑲᓓᔕᐊᓇ 6:2

ᓇᔭᑕᒫᑐᒃ ᒣᒥᔅᑯᒡ ᑭ ᓇᔭᒋᑲᓂᐗᐗ, ᐁᑯ ᑫ ᐃᔑ ᑎᐱᑐᑕᒬᒃ ᐅᑦ ᐅᓚᔓᐌᐎᓐ ᙭᙮

ᐃᐱᓯᔭᓇ 5:21

ᐁ ᑕᐸᑌᓕᒥᑎᓱᔅᑖᑐᔦᒃ ᐅ ᓇᓂᒌᔅᑖᑯᓯᐎᓂᒃ ᑭᒋᒪᓂᑐ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔥᑕᒻ ᐱᑕᕐ 2:16

ᑖᐱᔅᑯᒡ ᐅᑎᐯᓕᒥᑎᓱᐗᒃ, ᐁᑳ ᒫᑲ ᐁ ᐋᐸᒋᑖᔦᒃ ᑭ ᑎᐯᓕᒥᑎᓱᐎᓂᐗᐤ ᑭᒋ ᐅᒋ ᐊᑾᓇᐊᒣᒃ ᒪᒋ ᐋᔨᑎᐎᓇ, ᒫᑲ ᑖᐱᔅᑯᒡ ᑭᒋᒪᓂᑐ ᐅᑦ ᐊᑑᔅᑫᓚᑲᓂᒪ᙮

ᓂᔓ ᐱᑕᕐ 2:19

ᒣᒀᒡ ᐁ ᐊᔓᑕᒪᐙᒋᒃ ᑎᐯᓕᒥᑎᓱᐎᓂᓕᐤ, ᐎᓚᐗᐤ ᑫᒋᐙᒃ ᐊᑑᔅᑫᔅᑕᒶᒃ ᒪᒑᑎᓯᐎᓂᓕᐤ: ᐌᓴ ᐊᓂᐁᓕᐤ ᑳ ᔖᑯᒋᐃᑯᑦ ᐃᓕᓕᐤ ᐁᐗᑴᓕᐤ ᑳ ᐊᐗᑳᓂᐃᑯᑦ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮