ᑲᓓᔕᐊᓇ 4:4 - ᐅᔅᑭ ᑎᔅᑌᒥᓐᑦ

⁴ ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;

ᑲᓓᔕᐊᓇ 4:4 Iomraidhean Croise

ᐅᐸᓓᑭᔅ ᒫᑎᐤ 1:23

ᒫᑎᑲ, ᐅᔥᑭᓂᑭᔅᑴᐤ ᑲᑕ ᑲᓄᔥᑲᑖᐗᓱ, ᑲᑕ ᐅᑯᓯᓯᐤ ᒫᑲ, ᐃᒫᓐᔫᐃᓪ ᒫᑲ ᑲᑕ ᐃᔑᓂᑳᑎᒣᐗᒃ, ᑳ ᐃᑗᒪᑲᒃ, ᐁ ᐃᑗᔅᒋᑳᑌᒃ, ᑭᒋᒪᓂᑐ ᑭ ᐎᒋᑕᔑᑫᒥᑯᓇᐤ᙮

ᐅᐸᓓᑭᔅ ᒫᑎᐤ 3:15

ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑳᔮᒻ ᐁᑯᔑ ᑲᑕ ᐃᑭᓐ; ᐌᓴ ᐁᑯ ᐁᔑ ᓇᑕᐌᓕᑖᑯᓯᔭᒃ ᑭᒋ ᑎᐱᑐᑕᒪᒃ ᒥᓯᐌ ᒀᔭᔅᑭᑖᑎᓯᐎᓐ᙮ ᐁᑯ ᑎᐋᐺᑖᐙᑦ᙮

ᐅᐸᓓᑭᔅ ᒫᑎᐤ 5:17

ᐁᑳᐎᓚ ᐃᑌᓕᑕᒧᒃ ᐁ ᐯᒋ ᑕᑯᔑᓂᔮᓐ ᑭᒋ ᓂᔑᐗᓈᒋᑖᔮᓐ ᐅᓚᔓᐌᐎᓐ ᓀᔥᑕᐱᑯ ᐅᑭᔅᑭᐙᐃᑫᐗᒃ: ᓇᒪᐎᓚ ᓂ ᐯᒋ ᑕᑯᔑᓂᓐ ᑭᒋ ᓂᔑᐗᓈᒋᑖᔮᓐ, ᒫᑲ ᑭᒋ ᑎᐱᑐᑕᒫᓐ᙮

ᐅᐸᓓᑭᔅ ᒫᕐᒃ 1:15

ᐁ ᐃᑗᑦ ᒫᑲ ᐋᔕᔾ ᑎᐱᐸᓕᐤ, ᓀᔥᑕ ᑭᒋᒪᓂᑐ ᐅᑦ ᐅᑭᒫᐎᐎᓐ ᐯᔓᓈᑾᓂᓕᐤ: ᑴᔅᑳᑎᓰᒃ, ᑖᐺᑕᒧᒃ ᒫᑲ ᒥᓗᐋᒋᒧᐎᓐ᙮

ᐅᐸᓓᑭᔅ ᓘᒃ 1:31

ᒫᑎᑲ, ᒫᑲ, ᑭ ᑳ ᑲᓄᔥᑲᑖᐗᓱᓐ ᑭᔅᐹᔭᒃ, ᓀᔥᑕ ᑭ ᑳ ᐅᑯᓯᓯᓐ, ᑭ ᑳ ᐃᔑᓂᑳᑕᐤ ᒫᑲ ᒋᓴᔅ᙮

ᐅᐸᓓᑭᔅ ᓘᒃ 1:35

ᐁᓐᒐᓪ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᐸᓓᑭ ᐊᒑᒃ ᑭ ᑳ ᐯᒋ ᐅᑎᑎᒃ, ᓀᔥᑕ ᒫᐗᒋ ᐁᔅᐯᓕᑖᑯᓯᑦ ᐅ ᑲᔥᑭᐅᐎᓐ ᑭ ᑳ ᐅᑲᐙᔅᑌᔅᑳᑯᐙᓐ: ᐁᐗᑯ ᐌᒋ ᐊᓂᒪ ᐸᓓᑭ ᑫᒀᓐ ᑫ ᓂᑖᐎᑭᑖᔭᓐ ᑭᒋᒪᓂᑐ ᐅᑯᓯᓴ ᑲᑕ ᐃᔑᓂᑳᑌᐤ᙮

ᐅᐸᓓᑭᔅ ᓘᒃ 2:7

ᑮ ᓂᑖᐎᑭᐁᐤ ᒫᑲ ᐅ ᓃᔥᑕᒧᔖᓇ, ᑮ ᐌᐌᑭᓀᐤ ᒫᑲ ᐌᐌᑭᓂᐎ ᐎᓛᒋᑲᓂᒃ, ᑮ ᐱᒥᔑᒣᐤ ᒫᑲ ᐊᐗᑳᓂᑲᒥᑯᒃ; ᐁᑳ ᐁ ᑮ ᑕᐙᓕᒃ ᑭᒋ ᐃᑖᒋᒃ ᐃᑖᐎᑲᒥᑯᒃ᙮

ᐅᐸᓓᑭᔅ ᓘᒃ 20:44

ᐁᐗᑯ ᐅᒋ ᑌᐱᑦ, ᐅᑎᐯᓕᒋᑫᐤ, ᐃᔑᓂᑳᑌᐤ, ᑖᓐᑌ ᒫᑲ ᐌᒋ ᐅᑯᓯᓯᑦ?

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 10:36

ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:38

ᐌᓴ ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ, ᓇᒪᐎᓚ ᑭᒋ ᑐᑕᒫᓐ ᓂᓚ ᑎᐱᓚᐌ ᓂᑦ ᐃᑌᓕᑕᒧᐎᓐ, ᒫᑲ ᐊᓇ ᑳ ᐯᒋᑎᔕᐅᑦ ᐅᑦ ᐃᑌᓕᑕᒧᐎᓐ᙮

ᐅᐸᓓᑭᔅ ᒑᓐ 8:42

ᒋᓴᔅ ᑮ ᐃᑌᐤ, ᑮᔥᐱᓐ ᑭᒋᒪᓂᑐ ᐌᑖᐎᔦᑯ, ᑭ ᑳ ᓵᑭᐃᑕᐗᐤ: ᐌᓴ ᑭᒋᒪᓂᑐᒃ ᓂᑦ ᐅᒌᓐ ᓀᔥᑕ ᓂᑦ ᐅᑐᑖᓐ; ᓇᒪᐎᓚ ᓀᔥᑕ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᓂᑦ ᐅᒋ ᐯᒋ ᐃᑐᑖᓐ, ᒫᑲ ᓂ ᑮ ᐯᒋᑎᔕᐅᒃ᙮

ᐊᐸᔅᑕᓚᒃ 1:7

ᑮ ᐃᑗᐤ ᒫᑲ, ᓇᒪᐎᓚ ᑭᓚᐗᐤ ᑭ ᑳ ᑭᔅᑫᓕᑌᑕᐗᐤ ᐊᓂᐃ ᑭᔑᑳᐗ ᓀᔥᑕ ᐁ ᐃᔅᐱᑖᔭᐙᒃ ᐅᑖᐎᒫᐤ ᑳ ᑮ ᐊᔅᑖᑦ ᑎᐱᓚᐌ ᐅ ᑲᔥᑭᐅᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:3

ᐅᑯᓯᓴ ᒋᓴᔅ ᙭ ᑭ ᑎᐯᓕᒋᑫᒥᓇᐤ ᐅᒋ, ᑳ ᑮ ᐯᒋ ᐅᒌᑦ ᐅᑦ ᐊᐙᔑᒥᔑᒃ ᑌᐱᑦ ᐎᔮᓯᐎᐎᓂᒃ ᐃᔑ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:8

ᓂᑦ ᐃᑣᓐ ᒫᑲ ᒋᓴᔅ ᙭ ᐁ ᑮ ᐊᑑᔅᑫᔅᑕᒃ ᑭᔅᑭᓄᐙᒋᔓᐎᓂᓕᐤ ᐅ ᑖᐺᐎᓐ ᑭᒋᒪᓂᑐ ᐅᒋ, ᑭᒋ ᐋᔨᒋᑖᓂᐗᑭ ᐊᓂᐃ ᐊᔓᑕᒫᑫᐎᓇ ᑳ ᑮ ᐊᔓᑕᒫᒋᒃ ᐅᑖᐎᒪᐗᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:6

ᐌᓴ ᒣᒀᒡ ᑫᔮᐸᒡ ᐁᑳ ᐁ ᒪᔥᑲᐎᓯᐎᓂᔭᒃ, ᐃᔅᐱ ᐁᑎ ᐅᑎᒋᐸᓕᒃ, ᙭ ᑮ ᓂᐳᔅᑐᒪᐌᐤ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᐃᐱᓯᔭᓇ 1:10

ᐃᔅᐱ ᒥᑐᓂ ᐅᑎᒋᐸᓕᑫ ᐁ ᑭᔑᑳᒃ, ᑭᒋ ᐯᔭᑯ ᒫᒪᐎ ᒪᐗᒋᑖᑦ ᒥᓯᐌ ᑫᒀᓇ ᙭ᑎᒃ, ᐊᓂᐃ ᑭᒋᑭᔑᑯᒃ ᑳ ᐃᑕᑾᓂᓕᑭ, ᐊᓂᐃ ᓀᔥᑕ ᐅᑕ ᐊᔅᑮᒃ ᑳ ᐃᑕᑾᓂᓕᑭ, ᐎᓚ ᐅᑎ ᑭᒋ ᐱᒋᔅᑳᑯᑦ:

ᑯᓚᔑᔭᓇ 2:14

ᐁ ᑮ ᑳᓯᐊᒃ ᐊᓂᒪ ᒥᒋᒋᐎ ᒪᓯᓇᐃᑫᐎᓐ ᐊᓂᐃ ᐃᑕᔓᐌᐎᓇ ᑳ ᑮ ᐸᑲᒥᔅᑳᑯᔭᒃ ᐊᓂᒪ ᑳ ᑮ ᑭᐱᔥᑳᑯᔭᒃ, ᒣᔅᑲᓈᒃ ᒫᑲ ᐁ ᑮ ᐅᒋ ᐃᑲᑌᓇᒃ, ᐁ ᑮ ᒋᔅᑖᔅᒀᑕᒃ ᐅᑦ ᐋᔑᑌᐋᑎᑯᒥᒃ;

ᓂᔥᑕᒻ ᑎᒧᑎ 2:6

ᐊᓇ ᑳ ᑮ ᐸᑭᑎᓂᑎᓱᑦ ᑭᒋ ᑎᐸᐊᒫᑫᔅᑕᒪᐙᑦ ᒥᓯᐌ, ᐁ ᑎᐱᐸᓕᒃ ᐁ ᑭᔑᑳᒃ ᑭᒋ ᑎᐹᑐᒋᑳᑌᒃ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᐦᐃᑉᕉᐗ 9:10

ᐃᑕ ᑳ ᐃᑕᑾᑭ ᒥᒋᓱᐎᓇ ᐱᑯ ᓀᔥᑕ ᒥᓂᑴᐎᓇ, ᓀᔥᑕ ᓇᓈᑲᐤ ᑭᒋᔅᑕᐸᐗᓕᑎᓱᐎᓇ, ᓀᔥᑕ ᐎᔮᓯᐎ ᐃᑕᔓᐌᐎᓇ, ᑳ ᑮ ᐅᓚᔓᐙᓂᐗᑭ ᐱᓕᔥ ᑫ ᐅᑎᒋᐸᓕᑯᐸᓀ ᒥᑐᓂ ᒀᔭᔉ ᐋᔭᒥᐋᐎᓐ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔥᑕᒻ ᒑᓐ 4:2

ᐅᒪ ᑭ ᑳ ᐅᒋ ᑭᔅᑫᓕᒥᒪᐙᐗ ᑭᒋᒪᓂᑐ ᐅᑦ ᐊᒑᑾ᙮ ᒥᓯᐌ ᑕᑐ ᐊᒑᒃ ᑳ ᐃᑕᒃ ᒋᓴᔅ ᙭ᑕ ᐎᔮᓯᒃ ᐁ ᑮ ᑕᑯᔑᓂᓕᒋ, ᑭᒋᒪᓂᑐᒃ ᐅᒋᐤ᙮