ᑲᓓᔕᐊᓇ 4:25 - ᐅᔅᑭ ᑎᔅᑌᒥᓐᑦ

²⁵ ᐌᓴ ᐊᐗ ᐁᑳᕐ ᐁᐗᒀᓂᒪ ᓵᐃᓈᐃ ᐗᒋ ᐊᕃᐱᔭᐃᒃ, ᓀᔥᑕ ᓇᔅᐱᑐᐌᒪᑲᓐ ᒋᕉᓴᓚᒻ ᐊᓄᒡ ᑳ ᐃᑕᑾᒃ, ᓀᔥᑕ ᐊᐗᑳᔑᐌᐎᓂᒃ ᑳ ᐃᑖᑦ ᐊᓯᒋ ᐅᑦ ᐊᐙᔑᒥᔕ᙮

ᑲᓓᔕᐊᓇ 4:25 Iomraidhean Croise

ᐅᐸᓓᑭᔅ ᒫᑎᐤ 23:37

ᐅ ᒋᕉᓴᓚᒻ, ᒋᕉᓴᓚᒻ, ᑳ ᓂᐸᐊᒋᒃ ᐅᑭᔅᑭᐙᐃᑫᐗᒃ, ᓀᔥᑕ ᑳ ᐱᒶᓯᓇᐗᒋᒃ ᐊᓂᑭ ᑳ ᐃᑎᔕᐊᒫᑲᐎᔭᓐ, ᑖᓐ ᐁᔅᐱᒋ ᒥᒉᑣᒃ ᑫ ᐎ ᒪᐗᓴᑲᓇᒀᐸᓐ ᑭᑦ ᐊᐙᔑᒥᔕᒃ, ᑖᐱᔅᑯᒡ ᐹᑲᐋᒀᓐ ᐁ ᒪᐗᓴᑲᓇᑦ ᐅ ᐹᑲᐋᒀᓂᔑᒪ ᔑᐹ ᐅ ᑕᑾᑾᓂᒃ, ᓇᒪᐎᓚ ᒫᑲ ᑭ ᐯᑌᓇᐗᐤ!

ᐅᐸᓓᑭᔅ ᓘᒃ 13:34

ᐅ ᒋᕉᓴᓚᒻ, ᒋᕉᓴᓚᒻ, ᑳ ᓂᐸᐊᒋᒃ ᐅᑭᔅᑭᐙᐃᑫᐗᒃ, ᓀᔥᑕ ᑳ ᐱᒶᓯᓈᑕᐗᒋᒃ ᐊᓂᑭ ᑳ ᐃᑎᔕᐊᒫᑲᐎᔭᓐ: ᑖᓐ ᐁᔅᐱᒋ ᒥᒉᑡᐤ ᑫ ᐎ ᒪᐗᓴᑯᓇᒀᐸᓐ ᑭᑦ ᐊᐙᔑᒥᔕᒃ ᑖᐱᔅᑯᒡ ᐹᑲᐋᒀᓐ ᐁ ᒪᐗᓴᑯᓈᑦ ᐅ ᐹᑲᐋᑾᓂᔑᔑᒪ ᔑᐹ ᐅᑕᑲᑾᓂᒃ, ᓇᒪᐎᓚ ᒫᑲ ᑭ ᐅᒋ ᐯᑌᓈᐗᐤ!

ᐅᐸᓓᑭᔅ ᓘᒃ 19:44

ᓀᔥᑕ ᑭ ᑳ ᑕᑕᑯᐅᑾᒃ ᒧᔅᑕᔅᑲᒥᒃ, ᓀᔥᑕ ᑭᑦ ᐊᐙᔑᒥᔕ ᑳ ᐱᒋᔅᑳᔅᑭᒃ; ᓇᒪᐎᓚ ᒫᑲ ᑲᑕ ᐃᔥᑯᓀᐗᒃ ᐯᔭᒃ ᑭᑦ ᐊᓯᓂᒪ ᑕᑯᒡ ᑯᑕᑭᔭ, ᐁᑳ ᐁ ᐅᒋ ᑭᔅᑫᓕᑕᒪᓐ ᐃᔅᐱ ᐁ ᒫᐗᑎᑎᑲᐎᔭᓐ᙮

ᐊᐸᔅᑕᓚᒃ 1:11

ᑳ ᐃᑗᒋᒃ ᒫᑲ, ᑭᓚᐗᐤ ᐃᓕᓕᑐᒃ ᑲᓕᓖᒃ ᐅᒋ, ᑖᓀᑭ ᐌᒋ ᐃᔑᑳᐸᐎᔦᒃ ᐁ ᐃᑖᐱᔦᒃ ᑭᒋᑭᔑᑯᒃ? ᐊᐗ ᑫᔮᐸᒡ ᒋᓴᔅ, ᑳ ᐅᑎᓈᑲᓂᐎᑦ ᐃᔥᐱᒥᒃ ᐃᔑ ᑭᓚᐗᐤ ᐅᒋ, ᐁᑯ ᑖᐱᔅᑯᒡ ᑫ ᐃᔑ ᑕᑯᔑᒃ, ᑳ ᐃᔑ ᐙᐸᒣᒃ ᐁ ᐃᑐᑌᑦ ᑭᒋᑭᔑᑯᒃ᙮

ᑲᓓᔕᐊᓇ 1:17

ᓇᒪ ᓀᔥᑕ ᓂ ᑮ ᐃᑐᑖᓐ ᒋᕉᓴᓚᒥᒃ, ᑭᒋ ᓈᑕᑭᒃ ᐊᓂᑭ ᑳ ᑮ ᐊᐸᔅᑕᓕᐎᒋᒃ ᐸᒧᔑ ᓂᓚ; ᒫᑲ ᓂ ᑮ ᐃᑐᑖᓐ ᐊᕃᐱᔭᐱᒃ, ᒥᓇ ᒫᑲ ᓂ ᑮ ᐯᒋ ᑭᐙᓐ ᑕᒫᔅᑲᓯᒃ᙮

ᑲᓓᔕᐊᓇ 4:24

ᐅᐅ ᑫᒀᓇ ᒫᑲ ᒥᔅᑯᒋᑫᐎᓂᐗᓐ: ᐌᓴ ᐅᑯ ᐁᐗᒀᓂᐃ ᓂᔓ ᓇᔅᑯᒥᑐᐎᓇ; ᐯᔭᒃ ᓵᐃᓈᐃ ᐗᒌᒃ ᐅᒋ, ᑳ ᐎ ᐊᐗᑳᓂᐃᐌᒪᑲᒃ, ᐁᐗᑯ ᐁᑳᕐ᙮

ᑲᓓᔕᐊᓇ 4:26

ᒫᑲ ᒋᕉᓴᓚᒻ, ᐃᔥᐱᒥᒃ ᑳ ᐃᑕᑾᒃ, ᑎᐯᓕᒥᑎᓱᒪᑲᓐ, ᐁᐗᑯ ᒥᓯᐌ ᐁ ᐃᑕᔑᔭᒃ ᑭᑳᐎᓇᐤ᙮

ᐦᐃᑉᕉᐗ 12:18

ᐌᓴ ᓇᒪᐎᓚ ᑮ ᐯᒋ ᓈᑌᓇᐗᐤ ᐊᓂᒪ ᐗᒋ ᑫ ᓵᒥᓂᑳᑌᒃ, ᓀᔥᑕ ᑳ ᑮ ᐸᓯᑌᒃ, ᓇᒪ ᓀᔥᑕ ᐁ ᐃᔑ ᒪᑲᑌᐗᔅᑾᒃ, ᓀᔥᑕ ᐁ ᐗᓂᑎᐱᔅᑳᒃ ᓀᔥᑕ ᐁ ᑮᔅᑎᒃ,