20 ᐅᑖᔭᒥᔅᑕᒫᑫᐤ ᒫᑲ ᓇᒪᐎᓚ ᐃᑖᐤ ᐃᑕ ᐁ ᐃᑖᓕᒋ ᐯᔭᒃ ᐊᐌᓕᐗ ᐱᑯ, ᒫᑲ ᑭᒋᒪᓂᑐ ᐯᔭᑯ᙮
ᐦᐁᕋᑦ ᒫᑲ ᓈᔅᐱᒡ ᑮ ᓇᔦᑕᐌᓕᒣᐤ ᐊᓂᐃ ᑖᐃᕐ ᓀᔥᑕ ᓵᐃᑕᓂᒃ ᑳ ᐃᑖᓕᒋ: ᒫᑲ ᑮ ᐯᒋ ᒫᒪᐎ ᓈᑌᐗᒃ: ᐁ ᑮ ᑐᑕᐙᒋᒃ ᒫᑲ ᑉᓛᔅᑕᔅ ᑭᒋ ᐅᑭᒪᐗ ᐅᑦ ᐊᑐᔅᑫᓛᑲᓂᒪ ᑭᒋ ᐅᑑᑌᒥᒥᑯᒋᒃ, ᑮ ᓇᑕᐌᓕᑕᒶᒃ ᑳᔭᒣᐎᓯᐎᓂᓕᐤ: ᐌᓴ ᐅᑦ ᐊᔅᑭᐗᐤ ᑮ ᐅᒋ ᐱᒫᑕᓐ ᑭᒋᐅᑭᒪᐤ ᐅᑦ ᐊᔅᑭᓕᐤ ᐅᒋ᙮
ᐅᒪ ᓀᔥᑕ ᓂᑦ ᐃᑣᓐ, ᐊᓂᒪ ᓇᔅᑯᒥᑐᐎᓐ, ᓂᑳᓐ ᑳ ᑮ ᐋᔨᒋᑖᑦ ᑭᒋᒪᓂᑐ ᙭ᑎᒃ, ᐅᓚᔓᐌᐎᓐ ᐹᑎᒫ ᓀᐗᐤ ᒥᑖᑐᒥᑕᓇᐤ ᓀᔥᑕ ᓂᔅᑐᒥᑕᓇᐤ ᐱᐴᓋ ᑳ ᒥᓕᐙᓂᐗᒃ, ᓇᒪᐎᓚ ᑮ ᑴᔅᑭᑖᒪᑲᓐ ᑭᒋ ᐅᒋ ᐁᑳ ᐋᐸᑕᒃ ᐊᓂᒪ ᐊᔔᑕᒫᑫᐎᓐ᙮
ᐌᓴ ᐯᔭᑯ ᑭᒋᒪᓂᑐ, ᐯᔭᑯ ᓀᔥᑕ ᐅᑕᔭᒥᐁᔅᑕᒫᑫᐤ ᑕᔅᑕᐎᒡ ᑭᒋᒪᓂᑐᐗ ᓀᔥᑕ ᐃᓕᓕᐗ, ᐊᓇ ᐃᓕᓕᐤ ᙭ ᒋᓴᔅ;
ᓀᔥᑕ ᒋᓴᔅ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓀᔥᑕ ᒥᑯ ᐁ ᐸᑭᑲᐎᐌᐱᓂᑳᑌᒃ, ᓇᐗᒡ ᒥᓗ ᑫᒀᓇ ᑳ ᐋᓕᒧᑕᒧᒪᑲᑭ ᐃᔥᐱᔥ ᐅᒥᑯᒻ ᐁᐱᓪ᙮
ᐊᓄᒡ ᒫᑲ ᐋᔭᐤ ᐊᐙᓯᑌ ᑫᔅᑌᓕᑖᑾᓂᓕᒃ ᐊᑑᔅᑫᐎᓂᓕᐤ, ᑖᐱᔅᑯᒡ ᓀᔥᑕ ᐁ ᐋᔭᒥᐁᔅᑕᒫᑫᑦ ᐊᐙᓯᑌ ᑳ ᒥᓨᔑᒃ ᓇᔅᑯᒥᑐᐎᓂᒃ, ᑳ ᑮ ᒪᔥᑲᐗᔅᑖᓂᐗᒃ ᐊᐙᓯᑌ ᑳ ᒥᓨᔑᑭ ᐊᔓᑕᒫᑫᐎᓂᒃ᙮
ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮