ᑲᓓᔕᐊᓇ 2:4 - ᐅᔅᑭ ᑎᔅᑌᒥᓐᑦ

⁴ ᐌᓴ ᐋᑎᑦ ᑭᓛᔅᑭᐎ ᐎᒋᔖᓂᒪᐗᒃ ᑭᒧᒡ ᐁ ᑮ ᐱᑐᑲᐋᑲᓂᐎᒋᒃ, ᑭᒧᒡ ᑳ ᑮ ᐯᒋ ᐃᑐᑌᒋᒃ ᑭᒋ ᑭᒫᐸᑕᑭᒃ ᓂ ᑎᐯᓕᒥᑎᓯᐎᓂᓈᓐ, ᑳ ᐋᔮᔮᒃ ᙭ ᒋᓴᓯᒃ ᑭᒋ ᐃᔑᐎᓕᔭᒥᒋᒃ ᐊᐗᑳᑎᑯᐎᓂᒃ:

ᑲᓓᔕᐊᓇ 2:4 Iomraidhean Croise

ᐅᐸᓓᑭᔅ ᓘᒃ 5:38

ᒫᑲ ᐅᔥᑭ ᔓᒥᓈᐳ ᔮᓕᑌᓪ ᑲᑕ ᐱᑕᐃᑳᑌᐤ ᐅᔥᑭ ᐎᒀᒃ; ᐁᑯ ᒫᑲ ᑖᐱᔅᑯᒡ ᑫ ᑲᓇᐌᓕᒋᑳᑌᑭ᙮

ᐊᐸᔅᑕᓚᒃ 15:1

ᐊᑎᑦ ᒫᑲ ᐃᓕᓕᐗᒃ ᑳ ᑮ ᐯᒋ ᐅᑐᑌᒋᒃ ᒎᑎᐊᐃᒃ ᑮ ᑭᔅᑭᓄᐊᒪᐌᐗᒃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑗᐗᒃ, ᑮᔥᐱᓐ ᐁᑳ ᑭᔅᑭᓄᐙᒋᔓᑲᐎᔦᑴ ᑳ ᐃᔑ ᑲᑫᔅᑭᒥᐌᑦ ᒧᓯᔅ, ᓇᒪᐎᓚ ᑭ ᑳ ᑮ ᐱᒫᒋᐅᓈᐙᐤ᙮

ᐊᐸᔅᑕᓚᒃ 15:24

ᐁ ᑮ ᐯᑕᒫᒃ, ᐋᑎᑦ ᑳ ᑮ ᐗᓚᐎᒋᒃ ᓂᓚᓈᓐ ᐅᒋ ᐁ ᑮ ᒥᑯᔅᑳᒋᐃᑖᑾᒃ ᐋᔭᒥᐎᓇ ᐅᒋ, ᐁ ᐎ ᐗᓂᔑᒫᒋᒃ ᑭᑦ ᐊᒑᑯᐙᐗ, ᐁ ᐃᑗᒋᒃ, ᑭ ᑳ ᑭᔅᑭᓄᐗᒋᔓᑲᐎᑖᐗᐤ ᐃᓴ, ᓀᔥᑕ ᑭ ᑳ ᑲᓇᐌᓕᑌᑖᐗᐤ ᐅᓚᔓᐌᐎᓐ: ᐊᓂᑭ ᐁᑳ ᑳ ᑮ ᐃᔑ ᐅᓚᔓᒪᑭᒋᒃ;

ᐊᐸᔅᑕᓚᒃ 20:30

ᓀᔥᑕ ᒫᑲ ᑫᒋᐙᒃ ᑭᓚᐙᐤ ᐅᒋ ᐃᓕᓕᐗᒃ ᑲᑕ ᐸᓯᑯᐗᒃ ᐁ ᐊᓕᒧᑕᑭᒃ ᒪᒋ ᑫᒀᓇ, ᑭᒋ ᐅᒋᐱᑕᒫᓱᒋᒃ ᑭᔅᑭᓄᐊᒪᐗᑲᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:15

ᐌᓴ ᓇᒪᐎᓚ ᑭ ᑮ ᐅᒋ ᒥᓕᑲᐎᓇᐗᐤ ᐊᐗᑳᓂᐎ ᐊᒑᒃ ᒥᓇ ᑭᒋ ᓭᑭᓯᔦᒃ; ᒫᑲ ᑭ ᑮ ᒥᓕᑲᐎᓇᐗᐤ ᐅᑯᓯᓯᒪᐎ ᐊᒑᒃ ᑳ ᐅᒋ ᑌᐺᔦᒃ, ᐋᐸ, ᓄᑖ᙮

ᓂᔓ ᑯᕆᓐᑎᐊᓇ 11:13

ᐌᓴ ᐁᐗᑯ ᑐᐎ ᑭᓛᔅᑭᐎ ᐊᐸᔅᑕᓚᒃ, ᐙᔦᔑᐃᐌᐎ ᐅᑕᑐᔅᑫᐗᒃ, ᐁ ᑴᔅᑭᓈᑯᐃᑎᓱᒋᒃ ᑳ ᐃᔑᓈᑯᓯᓕᒋ ᐅᑦ ᐊᐸᔅᑕᓕᒪ ᙭᙮

ᓂᔓ ᑯᕆᓐᑎᐊᓇ 11:17

ᐊᓂᒪ ᑳ ᐃᑗᔮᓐ, ᓇᒪᐎᓚ ᓂ ᓇᔅᐱᑕᐗᐤ ᐅᑎᐯᓕᒋᑫᐤ, ᒫᑲ ᐱᑯ ᒫᓇ ᑲᑫᐹᑎᓯᐎᓂᒃ ᐃᔑ, ᐁ ᑫᒋᓇᐅᔮᓐ ᐅᒪ ᐁ ᒫᒪᑖᑯᒧᔮᓐ᙮

ᓂᔓ ᑯᕆᓐᑎᐊᓇ 11:20

ᐌᓴ ᑭᑦ ᐃᓕᓀᓇᐗᐤ ᑮᔥᐱᓐ ᐊᐌᓇ ᐯᔑᑖᒃ ᐊᐗᑳᔑᐌᐎᓂᒃ, ᑮᔥᐱᓐ ᐊᐌᓇ ᒣᔅᑎᓂᑖᒃ, ᑮᔥᐱᓐ ᐊᐌᓇ ᒪᔅᑲᒥᑖᒃ, ᑮᔥᐱᓐ ᐊᐌᓇ ᑭᔅᑌᓕᒥᑎᓱᑦ, ᑮᔥᐱᓐ ᐊᐌᓇ ᐸᓯᑴᐅᑖᒃ᙮

ᓂᔓ ᑯᕆᓐᑎᐊᓇ 11:26

ᒥᒉᑡᐤ ᓂ ᑮ ᐸᐸᒧᑖᓐ, ᓂ ᑮ ᐅᒋ ᓈᓂᓵᓂᓰᓐ ᓂᐱᐊ, ᓂ ᑮ ᐅᒋ ᓈᓂᓵᓂᓰᓐ ᐅᒪᔅᑲᑗᐗᒃ, ᓂ ᑮ ᐅᒋ ᓈᓂᓴᓂᓰᓐ ᑎᐱᓚᐌ ᓂ ᐎᑕᔅᑭᒫᑲᓇᒃ, ᓂ ᑮ ᐅᒋ ᓈᓂᓵᓂᓰᓐ ᐋᔭᒡ ᐃᓕᓕᐗᒃ, ᓂ ᑮ ᓈᓂᓵᓂᓰᓐ ᐃᑖᐎᓂᒃ, ᓂ ᑮ ᓈᓂᓵᓂᓰᓐ ᐸᑾᑕᔅᑮᒃ, ᓂ ᑮ ᓈᓂᓵᓂᓰᓐ ᑭᒋᑲᒦᒃ, ᓂ ᑮ ᓈᓂᓵᓂᓰᓐ ᐃᑕ ᐁ ᐃᑖᒋᒃ ᓇᔅᐹᒡ ᐎᒋᔖᓂᒪᐗᒃ;

ᓂᔓ ᑯᕆᓐᑎᐊᓇ 3:17

ᐅᑎᐯᓕᒋᑫᐤ ᒫᑲ ᐁᐗᑯ ᐊᒑᒃ: ᐃᑕ ᒫᑲ ᐁ ᐃᑖᓕᒋ ᐅᑎᐯᓕᒋᑫᐤ ᐅᑦ ᐊᒑᑾ, ᐁᑯᑕ ᐃᑕᑾᒃ ᑎᐯᓕᒥᑎᓯᐎᓐ᙮

ᑲᓓᔕᐊᓇ 1:7

ᓇᒪᐎᓚ ᒫᑲ ᑯᑕᒃ; ᒫᑲ ᐃᑖᐗᒃ ᐋᑎᑦ ᑳ ᒥᑯᔥᑳᒋᐃᑖᑾᒃ, ᓀᔥᑕ, ᑳ ᐎ ᓂᔑᐗᓈᒋᑕᐙᒋᒃ ᐅ ᒥᓗᐋᒋᒧᐎᓂᓕᐤ ᙭ᑕ᙮

ᑲᓓᔕᐊᓇ 4:25

ᐌᓴ ᐊᐗ ᐁᑳᕐ ᐁᐗᒀᓂᒪ ᓵᐃᓈᐃ ᐗᒋ ᐊᕃᐱᔭᐃᒃ, ᓀᔥᑕ ᓇᔅᐱᑐᐌᒪᑲᓐ ᒋᕉᓴᓚᒻ ᐊᓄᒡ ᑳ ᐃᑕᑾᒃ, ᓀᔥᑕ ᐊᐗᑳᔑᐌᐎᓂᒃ ᑳ ᐃᑖᑦ ᐊᓯᒋ ᐅᑦ ᐊᐙᔑᒥᔕ᙮

ᑲᓓᔕᐊᓇ 4:3

ᐁᑯ ᑖᐱᔅᑯᒡ ᑭᓚᓈᓇᐤ, ᐃᔅᐱ ᑳ ᑮ ᐊᐙᔑᔑᐎᔭᒃ ᑭ ᑮ ᐊᐗᑳᑎᑯᓈᓇᐤ ᐊᓂᐃ ᐊᔅᑭᐎ ᓃᔥᑕᒻ ᑭᔅᑭᓄᐊᒫᑫᐎᓇ:

ᑲᓓᔕᐊᓇ 5:1

ᐋᔨᒋᑳᐸᐎᒃ ᒫᑲ ᐊᓂᒪ ᑎᐯᓕᒥᑎᓱᐎᓂᒃ ᑳ ᑮ ᐃᔑ ᑎᐯᓕᒥᑎᓱᐃᑖᒃ ᙭, ᐁᑳᐎᓚ ᒫᑲ ᒥᓇ ᓇᒀᑕᐅᓱᒃ ᐊᐗᑳᔑᐌᐎ ᑖᐱᔅᑳᑲᓂᒃ᙮

ᑲᓓᔕᐊᓇ 5:10

ᑭ ᒪᒥᔑᑐᑖᑎᓇᐗᐤ ᐅᑎᐯᓕᒋᑫᐤ ᐅᒋ, ᐁᑳ ᐱᑐᔥ ᑭᒋ ᒥᑐᓀᓕᒋᑲᓂᔦᒃ: ᒫᑲ ᐊᓇ ᑳ ᒥᑯᔥᑲᒋᐃᑖᒃ ᑲᑕ ᓇᔭᑕᒻ ᐅ ᑎᐹᔅᑯᓂᑯᓯᐎᓐ, ᐊᐌᓂᑳᓐᑐᑫ᙮

ᓂᔓ ᑎᒧᑎ 3:6

ᐌᓴ ᐅᒪ ᑐᐎᑳᓇᒃ ᐁᐗᑾᓂᑭ ᑳ ᐹᐱᑐᑫᑖᒋᒧᒋᒃ ᐙᔅᑳᔨᑲᓂᒃ, ᓀᔥᑕ ᑳ ᐊᐗᑳᓂᐋᒋᒃ ᑲᑫᐹᑎᔅᑴᐗ ᐁ ᓇᔭᑕᒥᓕᒋ ᒪᒋᑣᐎᓂᓕᐤ ᐁ ᐋᐃᔑᐎᓕᑯᒋᒃ ᓇᓈᑲᐤ ᒪᒋ ᓇᑕᐌᓕᑕᒧᐎᓇ,

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:25

ᒫᑲ ᐊᐌᓇ ᑫᓇᐙᐸᑕᒧᑴ ᐊᓂᐁᓕᐤ ᒫᐗᒡ ᑳ ᒥᓨᔑᓂᓕᒃ ᑎᐯᓕᒥᑎᓱᐎ ᐅᓚᔓᐌᐎᓂᓕᐤ, ᓀᔥᑕ ᒧᔕᒃ ᑫᓇᐎᑖᒋ, ᐎᓚ ᐁᑳ ᐁ ᐗᓂᑭᔅᑭᓯᑦ ᐁ ᐯᑕᒃ, ᒫᑲ ᐁ ᑐᑕᒃ ᐊᓂᐁᓕᐤ ᐊᑑᔅᑫᐎᓂᓕᐤ, ᐊᐗ ᐃᓕᓕᐤ ᑲᑕ ᔕᐌᓕᑖᑯᓯᐤ ᐅᑦ ᐋᔨᑎᐎᓂᒃ᙮

ᓂᔥᑕᒻ ᐱᑕᕐ 2:16

ᑖᐱᔅᑯᒡ ᐅᑎᐯᓕᒥᑎᓱᐗᒃ, ᐁᑳ ᒫᑲ ᐁ ᐋᐸᒋᑖᔦᒃ ᑭ ᑎᐯᓕᒥᑎᓱᐎᓂᐗᐤ ᑭᒋ ᐅᒋ ᐊᑾᓇᐊᒣᒃ ᒪᒋ ᐋᔨᑎᐎᓇ, ᒫᑲ ᑖᐱᔅᑯᒡ ᑭᒋᒪᓂᑐ ᐅᑦ ᐊᑑᔅᑫᓚᑲᓂᒪ᙮

ᓂᔓ ᐱᑕᕐ 2:19

ᒣᒀᒡ ᐁ ᐊᔓᑕᒪᐙᒋᒃ ᑎᐯᓕᒥᑎᓱᐎᓂᓕᐤ, ᐎᓚᐗᐤ ᑫᒋᐙᒃ ᐊᑑᔅᑫᔅᑕᒶᒃ ᒪᒑᑎᓯᐎᓂᓕᐤ: ᐌᓴ ᐊᓂᐁᓕᐤ ᑳ ᔖᑯᒋᐃᑯᑦ ᐃᓕᓕᐤ ᐁᐗᑴᓕᐤ ᑳ ᐊᐗᑳᓂᐃᑯᑦ᙮

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮