ᑲᓓᔕᐊᓇ 2:2 - ᐅᔅᑭ ᑎᔅᑌᒥᓐᑦ

² ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᑲᓓᔕᐊᓇ 2:2 Iomraidhean Croise

ᐅᐸᓓᑭᔅ ᒫᑎᐤ 10:16

ᒫᑎᑲ, ᑭᑦ ᐃᑎᔕᐅᑎᓇᐗᐤ ᑖᐱᔅᑯᒡ ᒫᓂᔥᒑᓂᔕᒃ ᐃᑕ ᐁ ᐃᑖᓕᒋ ᒪᐃᑲᓇ: ᐁᐗᑯ ᐅᒋ ᓕᑆᑳᒃ ᑖᐱᔅᑯᒡ ᑭᓀᐱᑾᒃ, ᓀᔥᑕ ᓗᔅᐹᑎᓯᒃ ᑖᐱᔅᑯᒡ ᐅᒥᒥᐗᒃ᙮

ᐊᐸᔅᑕᓚᒃ 15:12

ᐁᑯ ᒥᓯᐌ ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᑭ ᑭᐱᑐᐌᐗᒃ, ᓀᔥᑕ ᑮ ᓇᑐᑕᐌᐗᒃ ᐹᕐᓇᐸᓴ ᓀᔥᑕ ᐹᓚ, ᐁ ᐙᐎᑕᒥᓕᒋ ᐊᓂᐃ ᒫᒪᔅᑳᒋᐃᓯᒋᑫᐎᓇ ᓀᔥᑕ ᒫᒪᑖᐎ ᐊᑑᔅᑫᐎᓇ ᑭᒋᒪᓂᑐ ᑳ ᑮ ᑐᑕᒪᐙᑦ ᐊᓂᐃ ᒉᓐᑖᐃᓚ, ᐎᓚᐗᐤ ᐅᒋ᙮

ᐊᐸᔅᑕᓚᒃ 15:2

ᐁᐗᑯ ᐅᒋ ᐃᔅᐱ ᐹᓪ ᓀᔥᑕ ᐹᕐᓇᐸᔅ ᐁᑳ ᐊᐱᔑᔥ ᑳ ᐋᓉᑕᐙᒌᒃ ᓀᔥᑕ ᐋᔑᑌᒫᒋᒃ, ᑮ ᐃᑌᓕᑕᒶᒃ ᐊᓇ ᐹᓪ ᓀᔥᑕ ᐸᕐᓇᐸᔅ ᓀᔥᑕ ᐊᑎᑦ ᑯᑕᑭᔭᒃ ᐁ ᐃᑕᔑᒋᒃ, ᑭᒋ ᐃᑐᑌᒋᒃ ᒋᕉᓴᓚᒥᒃ, ᑭᒋ ᓈᑖᒋᒃ ᐋᐸᔅᑎᓚ ᓀᔥᑕ ᑳ ᓂᑳᓀᓕᑖᑯᓯᓕᒋ, ᐅᒪ ᑲᑴᒋᑫᒧᐎᓐ ᐅᒋ᙮

ᐊᐸᔅᑕᓚᒃ 15:4

ᐃᔅᐱ ᒫᑲ ᑳ ᑕᑯᔑᑭᒃ ᒋᕉᓴᓚᒥᒃ, ᑮ ᐅᑎᓂᑯᐗᒃ ᒫᒪᐎᐋᔭᒥᐋᐗ, ᓀᔥᑕ ᐊᐸᔅᑎᓚ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ, ᑮ ᑎᐹᑐᑕᒶᒃ ᒫᑲ ᒥᓯᐌ ᑫᒀᓇ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ᙮

ᐊᐸᔅᑕᓚᒃ 18:9

ᐁᑯ ᒫᑲ ᐅᑎᐯᓕᒋᑫᐤ ᑳ ᐊᔭᒥᐋᑦ ᐹᓚ ᓂᐹᑎᐱᔉ ᐸᐙᒧᐎᓂᒃ, ᐁᑳᐎᓚ ᑯᔅᑖᒋ ᒫᑲ ᐋᔭᒥ, ᓀᔥᑕ ᐁᑳᐎᓚ ᑭᐱᑐᐌ:

ᐊᐸᔅᑕᓚᒃ 23:11

ᐊᓂᐁᓕᐤ ᒫᑲ ᐁ ᑎᐱᔅᑳᓕᒃ ᑮ ᐎᒋᑳᐸᐎᔅᑖᑯ ᐅᑎᐯᓕᒋᑫᐗ, ᑮ ᐃᑎᑯ ᒫᑲ, ᒥᓜᓕᑕ, ᐹᓪ: ᐌᓴ ᑖᐱᔅᑯᒡ ᑳ ᑮ ᐃᑖᒋᒥᔭᓐ ᒋᕉᓴᓚᒥᒃ, ᐁᑯ ᓀᔥᑕ ᑫ ᐃᑖᒋᒧᔭᓐ ᕈᒥᒃ᙮

ᐊᐸᔅᑕᓚᒃ 5:34

ᐁᑯ ᒫᑲ ᑳ ᐸᓯᑯᑦ ᐯᔭᒃ ᐊᓐᑕ ᐅᓚᔓᐌᐎᑲᒥᑯᒃ, ᐁ ᐸᕋᓯᐎᑦ, ᑲᒣᓕᔭᓪ ᐁ ᐃᔑᓂᑳᓱᑦ, ᐁ ᑲᑫᑖᐌᓕᑕᒃ ᐅᓚᔓᐌᐎᓂᒃ, ᑳ ᑭᔅᑌᓕᒥᑯᑦ ᒥᓯᐌ ᐃᓕᓕᐗ, ᓀᔥᑕ ᑮ ᐃᑗᐤ ᐅᐱᒣᔑᔥ ᑭᒋ ᐃᑐᑕᐃᒥᒋ ᐊᓂᐃ ᐊᐹᔅᑕᓚ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:16

ᓄᑾᓐ ᒫᑲ ᓇᒪᐎᓚ ᐊᓇ ᐅᒋ ᑳ ᐃᑌᓕᑕᒃ, ᓇᒪ ᓀᔥᑕ ᐊᓇ ᐅᒋ ᑳ ᐱᒥᐸᑖᑦ, ᒫᑲ ᑭᒋᒪᓂᑐ ᐅᒋ ᑳ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 2:2

ᐌᓴ ᓂ ᑮ ᑯᒋᐃᑌᓕᑌᓐ ᐁᑳ ᑫᒀᓐ ᑭᒋ ᑭᔅᑫᓕᑕᒫᓐ ᐃᑕ ᐁ ᐃᑖᔦᒃ, ᐱᑯ ᒋᓴᔅ ᙭, ᓀᔥᑕ ᐎᓚ ᐁ ᑮ ᒋᔅᑖᔅᑾᐅᑦ᙮

ᓂᔥᑕᒻ ᑯᕆᓐᑎᐊᓇ 9:24

ᓇᒪ ᓈ ᑭ ᑭᔅᑫᓕᑌᓇᐗᐤ, ᐊᓂᑭ ᑳ ᑲᑴᒋᔅᑲᑎᑐᒋᒃ, ᒥᓯᐌ ᐱᒥᐸᐗᒃ, ᐯᔭᒃ ᒫᑲ ᐱᑯ ᐅᑎᓇᒻ ᐸᔅᑭᓚᐌᐎ ᑎᐸᐊᒫᑯᓯᐎᓂᓕᐤ? ᐁᑯ ᐃᔑ ᐱᒥᐸᑖᒃ, ᑭᒋ ᑮ ᐅᑎᓇᒣᒃ᙮

ᓂᔥᑕᒻ ᑯᕆᓐᑎᐊᓇ 9:26

ᐁᐗᑯ ᐌᒋ ᐃᔑ ᐱᒥᐸᑖᔮᓐ ᓂᓚ, ᓇᒪᐎᓚ ᐁᑳ ᐁ ᑫᒋᓇᐅᔮᓐ; ᐁᑯ ᓀᔥᑕ ᐁᔑ ᓄᑎᓂᑫᔮᓐ, ᓇᒪᐎᓚ ᑖᐱᔅᑯᒡ ᐊᐌᓇ ᐁ ᐅᑖᒪᐊᒃ ᐁ ᓗᑎᓂᓕᒃ:

ᓂᔓ ᑯᕆᓐᑎᐊᓇ 12:1

ᓇᒪᐎᓚ ᑭᔅᑎᓈᒡ ᒥᓗᐸᓕᐤ ᑭᒋ ᒫᒪᑖᑯᒧᔮᓐ᙮ ᓂ ᑳ ᒫᒋ ᐋᓕᒧᑕᒸᓐ ᐅ ᐙᐸᑎᓕᐌᐎᓇ ᓀᔥᑕ ᐅ ᑭᔅᑫᓕᑖᑯᑖᑫᐎᓇ ᐅᑎᐯᓕᒋᑫᐤ᙮

ᑲᓓᔕᐊᓇ 1:12

ᐌᓴ ᓇᒪᐎᓚ ᓂ ᑮ ᐅᒋ ᒥᓕᒃ ᐃᓕᓕᐤ, ᓇᒪ ᓀᔥᑕ ᓂ ᑮ ᑭᔅᑭᓄᐊᒫᑲᐎᓐ, ᒫᑲ ᑳ ᐃᔑ ᑭᔅᑫᓕᑕᒥᐃᑦ ᒋᓴᔅ ᙭᙮

ᑲᓓᔕᐊᓇ 1:16

ᑭᒋ ᑭᔅᑫᓕᑕᒥᐃᑦ ᐅᑯᓯᓴ, ᑭᒋ ᑎᐹᒋᒥᒪᒃ ᐃᑕ ᐁ ᐃᑖᒋᒃ ᐁᑳ ᑳ ᐋᔭᒥᐋᒋᒃ; ᓇᒪᐎᓚ ᐱᑕ ᓂ ᑮ ᓇᑕᐌᓕᑌᓐ ᐎᔮᔅ ᓀᔥᑕ ᒥᑯ ᑭᒋ ᑲᑫᔅᑭᒥᑯᔮᓐ;

ᑲᓓᔕᐊᓇ 1:6

ᓂ ᒫᒪᔅᑳᑌᓐ ᐁ ᐃᔑ ᑭᓕᐱ ᐃᑲᑌᓂᑲᐎᔦᒃ ᐊᓇ ᐅᒋ ᑳ ᑮ ᓇᑐᒥᑖᒃ ᐅ ᔕᐌᓕᒋᑫᐎᓂᒃ ᙭, ᑯᑕᒃ ᒥᓗᐋᒋᒧᐎᓂᒃ ᐃᔑ;

ᑲᓓᔕᐊᓇ 2:6

ᒫᑲ ᐊᓂᑭ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐊᐌᓂᑭ ᐁᑐᑫ, ᓇᒪᐎᓚ ᐗᔦᔥ ᓂᑦ ᐃᑌᓕᑌᓐ: ᑭᒋᒪᓂᑐ ᓇᒪᐎᓚ ᑭᔅᑕᑭᒣᐤ ᐊᐌᓕᐗ ᐁ ᐃᔑᓈᑯᓯᓕᒋ: ᐌᓴ ᐊᓂᑭ ᐋᑕ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐁ ᐋᔭᔭᒥᐃᑐᓈᓂᐗᒃ ᓇᒪᐎᓚ ᑫᒀᓐ ᓂ ᑮ ᐃᔑ ᐎᒋᐃᑾᒃ:

ᑲᓓᔕᐊᓇ 2:9

ᐃᔅᐱ ᒫᑲ ᒉᒻᔅ, ᓯᐹᔅ, ᓀᔥᑕ ᒑᓐ ᓯᑣᔅᑲᐃᑲᓇ ᑳ ᐃᑌᓕᑖᑯᓯᒋᒃ, ᐎᐊᐸᑕᑭᒃ ᐊᓂᒪ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓂ ᑮ ᒥᓕᑾᒃ ᓀᔥᑕ ᐸᕐᓇᐸᔅ ᐅᑭᒋᓂᔅᑭ ᐎᒉᑐᐎᓐ, ᓂᓚᓈᓐ ᑭᒋ ᓇᑕᑭᒋᒃ ᐁᑳ ᑳ ᐋᔭᒥᐋᒋᒃ, ᐎᓚᐗᐤ ᒫᑲ ᐊᓂᐃ ᑳ ᑭᔅᑫᓄᐙᒋᔣᑲᓂᐎᓕᒋ᙮

ᑲᓓᔕᐊᓇ 5:7

ᑭ ᑮ ᒥᓗᐱᒥᐸᑖᑕᐗᐤ; ᐊᐌᓇ ᑳ ᑭ ᑭᐌᑎᔕᐅᑖᒃ ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ?

ᐱᓕᐱᔭᓇ 2:16

ᐁ ᑲᓇᐌᓕᑕᒣᒃ ᐱᒫᑎᓯᐎᓂ ᐋᔭᒥᐎᓐ; ᓂᓚ ᑭᒋ ᒧᒋᑫᓕᑕᒫᓐ ᐅ ᑭᔑᑳᒥᒃ ᙭, ᐁᑳ ᐸᑾᓐᑕᐤ ᐁ ᑮ ᐱᒥᐸᑖᔦᒃ, ᐁᑳ ᓀᔥᑕ ᐸᑾᓐᑕᐤ ᐁ ᑮ ᐊᑑᔅᑫᔦᒃ᙮

ᐱᓕᐱᔭᓇ 2:29

ᐱᑐᑲᐃᒃ ᒫᑲ ᐅᑎᐯᓕᒋᑫᐤ ᒥᓯᐌ ᓯᑭᓓᓯᐎᓂᒃ; ᓀᔥᑕ ᐁᑯ ᑐᐎ ᑭᔅᑌᓕᒥᒃ:

ᓂᔥᑕᒻ ᑌᓴᓗᓂᔭᓇ 3:5

ᐌᐗᑯ ᐅᒋ, ᐃᔅᐱ ᐁᑳ ᑫᔮᐸᒡ ᐁ ᑮ ᑭᐱᒋᔮᓐ, ᓂ ᑮ ᐃᔑᑎᔕᐅᐙᓐ ᑭᒋ ᑭᔅᑫᓕᑕᒫᓐ ᑭ ᑖᐺᔦᓕᑕᒧᐎᓂᐗᐤ, ᒫᔅᑯᒡ ᓈᓐᑕᐤ ᐃᔑ ᑳ ᑲᑴᒋᐃᑖᑴ ᐅᑲᑴᒋᐃᐌᐤ, ᓀᔥᑕ ᐸᑾᓐᑕᐤ ᑭᒋ ᐊᑑᔅᑫᔮᒃ᙮

ᓂᔓ ᑎᒧᑎ 4:7

ᓂ ᑮ ᓇᑎᓂᑳᓐ ᒥᓗ ᓄᑎᓂᑫᐎᓐ, ᓂ ᑮ ᑭᔑᑖᓐ ᓂ ᑲᑴᒋᔅᑲᔑᐌᐎᓐ, ᓂ ᑮ ᑲᓇᐌᓕᑌᓐ ᐊᓂᒪ ᑖᐺᔦᓕᑕᒧᐎᓐ:

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;