ᑲᓓᔕᐊᓇ 1:6 - ᐅᔅᑭ ᑎᔅᑌᒥᓐᑦ

⁶ ᓂ ᒫᒪᔅᑳᑌᓐ ᐁ ᐃᔑ ᑭᓕᐱ ᐃᑲᑌᓂᑲᐎᔦᒃ ᐊᓇ ᐅᒋ ᑳ ᑮ ᓇᑐᒥᑖᒃ ᐅ ᔕᐌᓕᒋᑫᐎᓂᒃ ᙭, ᑯᑕᒃ ᒥᓗᐋᒋᒧᐎᓂᒃ ᐃᔑ;

ᑲᓓᔕᐊᓇ 1:6 Iomraidhean Croise

ᐅᐸᓓᑭᔅ ᒫᕐᒃ 6:6

ᑮ ᒫᒪᔅᑲᑕᒬᐤ ᒫᑲ ᐅᑦ ᐋᓉᔦᓕᑕᒧᐎᓂᓕᐤ, ᐊᓂᐃ ᐃᑖᐎᓂᔑᒃ ᒫᑲ ᐙᔅᑲ ᑮ ᐹᐸᐃᑐᑌᐤ ᐁ ᑭᔅᑭᓄᐊᒫᑫᑦ᙮

ᐅᐸᓓᑭᔅ ᒑᓐ 9:30

ᐊᓇ ᐃᓕᓕᐤ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑖᐺ ᐅᒪ ᒫᒪᔅᑳᑌᓕᑖᑾᓐ, ᐁᑳ ᐁ ᑭᔅᑫᓕᑕᒣᒃ ᐃᑕ ᐌᒌᑦ, ᐁᓕᐌᒃ ᒫᑲ ᐁ ᑮ ᐋᐸᐊᒃ ᓂᔅᑭᔑᑾ᙮

ᐊᐸᔅᑕᓚᒃ 15:11

ᒫᑲ ᑭ ᑖᐺᑌᓈᓇᐤ, ᐅ ᔕᐌᓕᒋᑫᐎᓐ ᐅᒋ ᐅᑎᐯᓕᒋᑫᐤ ᒋᓴᔅ ᙭ ᑭᒋ ᐱᒫᒋᐃᑲᐎᔭᒃ, ᑖᐱᔅᑯᒡ ᐎᓚᐗᐤ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:3

ᐌᓴ ᐁᑳ ᐁ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒀᔭᔅᑭᑖᑎᓯᐎᓂᓕᐤ, ᓀᔥᑕ ᐁ ᑯᒋᑖᒋᒃ ᑭᒋ ᐋᔨᒋᑳᐸᐎᑖᒋᒃ ᑎᐱᓚᐌ ᐅ ᒀᔭᔅᑭᑖᑎᓯᐎᓂᐗᐤ, ᓇᒪᐎᓚ ᑮ ᐃᔑ ᐸᑭᑎᓂᑎᓱᐗᒃ ᑭᒋᒪᓂᑐᐗ ᐅ ᒀᔭᔅᑭᑖᑎᓯᐎᓂᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:2

ᐁᐗᒀᓇ ᓀᔥᑕ ᐅᒋ ᓈᑕᒪᒃ ᑖᐺᔦᓕᑕᒧᐎᓂᒃ ᐅᒋ ᐅᒪ ᔕᐌᓕᒋᑫᐎᓐ ᐃᑕ ᐁ ᐁᔑ ᓂᐸᐎᔭᒃ, ᓀᔥᑕ ᑭ ᒥᓚᐙᑌᓈᓇᐤ ᐁ ᐊᔅᐯᓕᒧᑐᑕᒶᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:28

ᑭ ᑭᔅᑫᓕᑌᓈᓇᐤ ᓀᔥᑕ ᒥᓯᐌ ᑫᒀᓇ ᐁ ᒫᒪᐎ ᐊᑑᔅᑫᒪᑲᑭ ᑭᒋ ᐅᒋ ᒥᓗᐋᔮᒋᒃ ᐊᓂᑭ ᑳ ᓵᑭᐋᒋᒃ ᑭᒋᒪᓂᑐᐗ, ᐊᓂᑭ ᑳ ᑮ ᓇᑐᒫᑲᓂᐎᒋᒃ ᐁ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:30

ᓀᔥᑕ ᒫᑲ ᐊᓂᐃ ᑳ ᑮ ᓂᑳᓂᑭᔅᑭᓇᐌᔦᓕᒫᑦ, ᐅᐅ ᓀᔥᑕ ᑮ ᓇᑐᒣᐤ: ᐊᓂᐃ ᓀᔥᑕ ᑳ ᑮ ᓇᑐᒫᑦ, ᐁᐗᒀᓂᐃ ᓀᔥᑕ ᑳ ᑮ ᒀᔭᔅᑭᑖᑎᓯᐋᑦ; ᓀᔥᑕ ᐊᓂᐃ ᑳ ᑮ ᒀᔭᔅᑭᑖᑎᓯᐋᑦ, ᐁᐗᒀᓂᐃ ᓀᔥᑕ ᑳ ᑮ ᑭᔅᑎᓕᑖᑯᐋᑦ᙮

ᓂᔥᑕᒻ ᑯᕆᓐᑎᐊᓇ 4:15

ᐌᓴ ᐋᑕ ᐁ ᐋᔭᐌᑾᒃ ᒥᑖᑡᐤ ᑭᒋᒥᑖᑐᒥᑕᓇᐤ ᐅᑭᔅᑭᓄᐊᒫᑫᐗᒃ ᙭ᑎᒃ, ᐁᓕᐌᒃ ᓇᒪᐎᓚ ᒥᒉᑎᐗᒃ ᑯᑖᐎᐗᐗᒃ; ᐌᓴ ᙭ ᒋᓴᓯᒃ ᑭ ᑮ ᓂᑕᐎᑭᐃᑎᓇᐗᐤ ᒥᓗᐋᒋᒧᐎᓂᒃ ᐅᒋ᙮

ᓂᔓ ᑯᕆᓐᑎᐊᓇ 11:4

ᐌᓴ ᑮᔥᐱᓐ ᐊᓇ ᑳ ᐯᒋ ᐃᑐᑌᑦ ᑲᑫᔅᑭᒥᐌᑌ ᑯᑕᑭᔭ ᒋᓴᓴ, ᐁᑳ ᑳ ᑮ ᑲᑫᔅᑭᒥᐌᔮᒃ ᓂᓚᓈᓐ, ᓀᔥᑕᐱᑯ ᑮᔥᐱᓐ ᐅᑎᓀᑴ ᑯᑕᒃ ᐊᒑᒃ ᐁᑳ ᑳ ᑮ ᐅᑎᓀᒃ, ᓀᔥᑕᐱᑯ ᑯᑕᒃ ᒥᓗᐋᒋᒧᐎᓐ, ᐁᑳ ᑳ ᑮ ᐅᑎᓇᒣᒃ, ᑖᐺ ᑭ ᑳ ᔑᐱᓚᐌᓯᔅᑕᐙᑕᐗᐤ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᑲᓓᔕᐊᓇ 1:11

ᒫᑲ ᑭ ᐎᑕᒫᑎᓇᐗᐤ, ᓂᒋᔖᓂᑐᒃ, ᐊᓂᒪ ᒥᓗᐋᒋᒧᐎᓐ ᑳ ᑮ ᑲᑫᔅᑭᒥᐌᔮᓐ ᓇᒪᐎᓚ ᐃᓕᓕᒃ ᑮ ᐅᒋᐸᓕᐤ᙮

ᑲᓓᔕᐊᓇ 1:15

ᒫᑲ ᐃᔅᐱ ᑳ ᑮ ᐃᔑ ᒥᓜᓕᑕᒃ ᑭᒋᒪᓂᑐ ᑳ ᑮ ᐸᑳᓂᐃᑦ ᓂᑳᐎ ᐅᔅᐹᔮᒃ ᐅᒋ, ᓀᔥᑕ ᑳ ᑮ ᓇᑐᒥᑦ ᐅ ᔕᐌᓕᒋᑫᐎᓐ ᐅᒋ,

ᑲᓓᔕᐊᓇ 1:7

ᓇᒪᐎᓚ ᒫᑲ ᑯᑕᒃ; ᒫᑲ ᐃᑖᐗᒃ ᐋᑎᑦ ᑳ ᒥᑯᔥᑳᒋᐃᑖᑾᒃ, ᓀᔥᑕ, ᑳ ᐎ ᓂᔑᐗᓈᒋᑕᐙᒋᒃ ᐅ ᒥᓗᐋᒋᒧᐎᓂᓕᐤ ᙭ᑕ᙮

ᑲᓓᔕᐊᓇ 2:14

ᒫᑲ ᐃᔅᐱ ᐎᐋᐸᑕᒫᓐ ᐁᑳ ᒀᔭᔉ ᐁ ᐃᔑ ᐱᒧᑌᒋᒃ, ᑳ ᐃᑕᔅᑌᒃ ᑖᐺᐎᓐ ᒥᓗᐋᒋᒧᐃᓂᒃ, ᓂ ᑮ ᐃᑕᐤ ᐱᑕᕐ, ᐅᑎᔥᑲᐤ ᒥᓯᐌ ᐁ ᐃᑕᓯᒋᒃ, ᑮᔥᐱᓐ ᑭᓚ ᐁ ᒎᐎᔭᓐ, ᐃᔑ ᐱᒫᑎᓯᔭᓐ ᑖᐱᔅᑯᒡ ᒉᓐᑖᐃᓚᒃ, ᓇᒪᐎᓚ ᒫᑲ ᑖᐱᔅᑯᒡ ᒎᐗᒃ; ᑕᓀᑭ ᐌᒋ ᔖᑯᒋᐊᒋᒃ ᒉᓐᑖᐃᓚᒃ ᑭᒋ ᐃᔑ ᐱᒫᑎᓯᒋᒃ ᑖᐱᔅᑯᒡ ᒎᐗ?

ᑲᓓᔕᐊᓇ 2:2

ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᑲᓓᔕᐊᓇ 2:5

ᐁᑯ ᒫᑲ ᓇᒪᐎᓚ ᓂ ᑮ ᐸᑭᑎᓂᑎᓱᔅᑕᐙᓈᓐ, ᓇᒪᐎᓚ ᐃᔥᐱᔥ ᐯᔭᒃ ᑎᐹᔨᑲᓐ ᐱᓯᒧᑳᓂᒃ; ᒥᓗᐋᒋᒧᐎᓂ ᑖᐺᐎᓐ ᑫᔮᐸᒡ ᑭᒋ ᐋᔮᔦᒃ᙮

ᑲᓓᔕᐊᓇ 2:7

ᒫᑲ ᐱᑐᔥ ᐃᔑ, ᐃᔅᐱ ᐎᐋᐸᑕᑭᒃ ᐁ ᑮ ᐸᑭᑎᓂᒫᑲᐎᔮᓐ ᓂᓚ ᑭᒋ ᑲᑫᔅᑭᒪᑭᒃ ᒥᓗᐋᒋᒧᐎᓂᓕᐤ ᐊᓂᑭ ᐁᑳ ᑳ ᑭᔅᑭᓄᐙᒋᔣᑲᓂᐎᒋᒃ, ᑖᐱᔅᑯᒡ ᐁ ᑮ ᐸᑭᑎᓇᒪᐙᑦ ᐱᑕᕐ ᐊᓂᐃ ᑳ ᑭᔅᑭᓄᐙᒋᔣᑲᓂᐎᓕᒋ;

ᑲᓓᔕᐊᓇ 5:14

ᐌᓴ ᒥᓯᐌ ᐅᓚᔓᐌᐎᓐ ᐯᔭᑯ ᐋᔭᒥᐎᓐ ᐅᒋ ᑎᐱᑐᒋᑳᑌᐤ, ᐅᒪ ᐅᑎ; ᑭ ᑳ ᓵᑭᐊᐤ ᑭᒋᐃᓕᓕᐤ ᐁ ᐃᔑ ᓵᑭᐃᑎᓱᔭᓐ᙮

ᑲᓓᔕᐊᓇ 5:4

᙭ ᓇᒪᐎᓚ ᐙᔦᔥ ᑭᑦ ᐃᑖᐸᒋᐃᑯᐗᐤ, ᐊᐌᓂᑭ ᐁ ᐃᑕᔑᔦᒃ ᐅᓚᔓᐌᐎᓐ ᑳ ᐅᒋ ᑾᔭᔅᑭᑖᑎᓯᐃᑲᐎᔦᒃ: ᔕᐌᓕᒋᑫᐎᓂᒃ ᑭ ᑮ ᐅᒋ ᐸᑭᔑᓂᓇᐗᐤ᙮

ᓂᔓ ᑌᓴᓗᓂᔭᓇ 2:14

ᐃᑕ ᑳ ᑮ ᐃᔑ ᓇᑐᒥᑖᒃ ᓂ ᒥᓗᐋᒋᒧᐎᓂᓈᓐ ᐅᒋ, ᑭᒋ ᒥᓕᑲᐎᔦᒃ ᐅ ᑭᔅᑌᓕᑖᑯᓯᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔥᑕᒻ ᑎᒧᑎ 1:14

ᓀᔥᑕ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᓈᔅᐱᒡ ᑮ ᐌᓗᒋᐸᓕᓕᐤ, ᐊᓯᒋ ᑖᐺᔦᓕᑕᒧᐎᓐ ᓀᔥᑕ ᓵᑭᐃᐌᐎᓐ ᑳ ᐃᔑ ᐱᒋᔅᑳᑯᑦ ᙭ ᒋᓴᔅ᙮

ᓂᔥᑕᒻ ᑎᒧᑎ 1:3

ᑳ ᐃᔑ ᐸᑯᓭᓕᒥᑖᓐ ᑫᔮᐸᒡ ᑭᒋ ᑕᔑᑫᔭᓐ ᐁᐱᓴᓯᒃ, ᐃᔅᐱ ᑳ ᐱᑐᑌᔮᓐ ᒫᓯᑐᓂᔭᐃᒃ, ᑭᒋ ᐃᑕᔓᒪᒋᒃ ᐋᑎᑦ ᐊᐌᓂᑭ ᐁᑳ ᑯᑕᑭᓕᐤ ᑭᔅᑭᓄᐊᒫᑫᐎᓂᓕᐤ ᑭᒋ ᑭᔅᑭᓄᐊᒫᑫᒋᒃ,

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᓂᔓ ᑎᒧᑎ 2:1

ᑭᓚ ᒫᑲ, ᓂᑯᓯᔅ, ᒪᔥᑲᐎᓯ ᔕᐌᓕᒋᑫᐎᓂᒃ ᐊᓂᒪ ᙭ ᒋᓴᔅ ᑳ ᐱᒋᔅᑳᑯᑦ᙮

ᓂᔥᑕᒻ ᐱᑕᕐ 1:15

ᒫᑲ ᑖᐱᔅᑯᒡ ᐁ ᐃᔑ ᐸᓓᑭᓯᑦ ᐊᓇ ᑳ ᑮ ᓇᑐᒥᑖᒃ, ᐁᑯ ᓀᔥᑕ ᑭᓚᐗᐤ ᐸᓓᑭᓯᒃ ᒥᓯᐌ ᐁ ᐃᔑ ᐱᒫᑎᓯᓈᓂᐗᒃ;

ᓂᔓ ᐱᑕᕐ 1:3

ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᑭᔅᑫᓕᑖᑯᑖᑫᐎᓐ 22:21

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ ᒥᓯᐌ ᐁ ᐃᑕᔑᔦᒃ᙮ ᐁᒣᓐ᙮