ᑲᓓᔕᐊᓇ 1:4 - ᐅᔅᑭ ᑎᔅᑌᒥᓐᑦ

⁴ ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᑲᓓᔕᐊᓇ 1:4 Iomraidhean Croise

ᐅᐸᓓᑭᔅ ᒫᑎᐤ 13:22

ᐊᓇ ᓀᔥᑕ ᑳ ᐅᑎᓇᒃ ᓯᒥᓇ ᒥᔑᑲᐎᒥᓇᑯᓰᔅᑳᒃ, ᐁᐗᒀᓇ ᑳ ᐯᑕᒃ ᐋᔭᒥᐎᓂᓕᐤ ᐁ ᐅᑕᒣᓕᑕᒃ ᒫᑲ ᐅᒣᓕᐤ ᐊᔅᑭᓕᐤ, ᓀᔥᑕ ᐁ ᐙᔦᔑᐃᑯᑦ ᒥᔕᑭᓯᐎᓇ, ᑭᐱᔅᑲᒶᒃ ᐋᔭᒥᐎᓂᓕᐤ ᓇᒪᐎᓚ ᒫᑲ ᒥᓂᔑᐎᐤ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒫᑎᐤ 26:28

ᐌᓴ ᐁᐗᑯ ᐅᒪ ᓂᒥᑯᒻ ᐅᔥᑭ ᓇᔅᑯᒥᑐᐎᓂᒃ, ᒥᒉᑦ ᑳ ᐅᒋ ᓯᑲᐃᑳᑌᒃ ᑭᒋ ᐌᐯᓕᒋᑳᑌᑭ ᒪᒋᑣᐎᓇ᙮

ᐅᐸᓓᑭᔅ ᒫᑎᐤ 26:42

ᒥᓇ ᒫᑲ ᑮ ᐃᑐᑌᐤ ᐁᑯ ᓂᔡᐤ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ, ᑮᔥᐱᓐ ᐅᒪ ᒥᓂᒀᑲᓐ ᐁᑳ ᑫ ᑮ ᒥᔮᔕᑳᑯᐙᓀ ᐹᑎᒫ ᑮ ᒥᓂᑴᔮᓀ, ᐁᑯᔑ ᑭᑦ ᐃᑌᓕᑕᒧᐎᓐ ᑲᑕ ᐃᑭᓐ᙮

ᐅᐸᓓᑭᔅ ᒫᑎᐤ 6:9

ᐅᒪ ᐃᔑ ᒫᑲ ᐋᔭᒥᐋᒃ: ᓄᑖᐎᓈᓐ ᑭᒋᑭᔑᑯᒃ ᑳ ᐃᑖᔭᓐ, ᑲᑕ ᐎ ᐸᓓᑫᓕᒋᑳᑌᐤ ᑭᑦ ᐃᔑᓂᑳᓯᐎᓐ᙮

ᐅᐸᓓᑭᔅ ᒫᕐᒃ 10:45

ᐌᓴ ᐊᐳᒋᑲ ᐃᓕᓕᐎᑯᓯᓵᓐ ᓇᒪᐎᓚ ᐅᒋ ᑕᑯᔑᓐ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᓘᒃ 22:19

ᑮ ᐅᑎᓀᐤ ᒫᑲ ᐊᓚᑯᓇᐗ, ᑮ ᓇᓇᔅᑯᒧ ᒫᑲ, ᓀᔥᑕ ᑮ ᐱᑯᓀᐤ, ᐁᑯ ᒫᓛᑦ, ᐁ ᐃᑗᑦ, ᐁᐗᑯ ᐅᒪ ᓂᔭᐤ ᑳ ᒥᓕᐙᓂᐗᒃ ᑭᓚᐗᐤ ᐅᒋ: ᐅᒪ ᑐᑕᒧᒃ ᐁ ᑭᔅᑭᓯᑐᑕᐎᔦᒃ᙮

ᐅᐸᓓᑭᔅ ᓘᒃ 22:42

ᐁ ᐃᑗᑦ, ᓄᑖ, ᑮᔥᐱᓐ ᐙ ᑐᑕᒧᐗᓂ, ᐃᑲᑌᓇᒪᐎᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ, ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ, ᑲᑕ ᐃᑭᓐ᙮

ᐅᐸᓓᑭᔅ ᒑᓐ 10:11

ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ: ᒥᓗ ᒫᓂᔥᒑᓂᔑᐎᓕᓕᐤ ᒥᓕᐌᐤ ᐅ ᐱᒫᑎᓯᐎᓐ ᒫᓂᔥᒑᓂᔕ ᐅᒋ᙮

ᐅᐸᓓᑭᔅ ᒑᓐ 12:31

ᐊᓄᒡ ᑎᐹᔅᑯᓂᑳᑌᐤ ᐅᒪ ᐊᔅᑭ: ᐊᓄᒡ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ ᑲᑕ ᐗᓚᐎᐌᐱᓈᑲᓂᐎᐤ᙮

ᐅᐸᓓᑭᔅ ᒑᓐ 5:30

ᓂᓚ ᑫᒋᐙᒃ ᓇᒪᐎᓚ ᑫᒀᓐ ᓂ ᑮ ᑐᑌᓐ: ᐁ ᐃᔑ ᐯᑕᒫᓐ ᓂᑦ ᐃᔑ ᑎᐹᔅᑯᓂᑳᓐ: ᓂ ᑎᐹᔅᑯᓂᑫᐎᓐ ᒫᑲ ᑳᔨᔅᑾᓐ: ᐁᑳ ᐁ ᐎ ᑐᑕᒫᓐ ᓂᓚ ᑎᐱᓚᐌ ᓃᑦ ᐃᑌᓕᑕᒧᐎᓐ, ᒫᑲ ᐅᑦ ᐃᑌᓕᑕᒧᐎᓐ ᐅᑖᐎᒪᐤ ᑳ ᑮ ᐯᒋᑎᔕᐅᑦ᙮

ᐅᐸᓓᑭᔅ ᒑᓐ 6:38

ᐌᓴ ᓂ ᑮ ᐯᒋ ᓛᔑᓐ ᑭᒋᑭᔑᑯᒃ ᐅᒋ, ᓇᒪᐎᓚ ᑭᒋ ᑐᑕᒫᓐ ᓂᓚ ᑎᐱᓚᐌ ᓂᑦ ᐃᑌᓕᑕᒧᐎᓐ, ᒫᑲ ᐊᓇ ᑳ ᐯᒋᑎᔕᐅᑦ ᐅᑦ ᐃᑌᓕᑕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:7

ᒥᓯᐌ ᕈᒥᒃ ᑳ ᐃᑖᔦᒃ, ᑳ ᓵᑭᐃᑖᒃ ᑭᒋᒪᓂᑐ, ᑳ ᓇᑐᒥᑳᐎᔦᒃ ᑭᒋ ᐸᓓᑭᓯᔦᒃ: ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑌᐯᓕᒋᑫᑦ ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:2

ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:25

ᐊᓇ ᑳ ᑮ ᐸᑭᑎᓈᑲᓂᐎᑦ ᑭ ᐗᓂᐊᔨᑎᐎᓂᓇᐗ ᐅᒋ, ᓀᔥᑕ ᑳ ᑮ ᐗᓂᔥᑳᓈᑲᓂᐎᑦ ᑭᒋ ᐅᒋ ᒀᔭᔅᑭᑖᑎᓯᐃᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:27

ᐊᓇ ᒫᑲ ᑳ ᓈᓇᑕᐎᑭᔅᑫᓕᑕᒃ ᒥᑌᐊ, ᑭᔅᑫᓕᑕᒻ ᑫᒀᓕᐤ ᐁᑌᓕᑕᒥᓕᒋ ᐊᒑᑾ, ᐌᓴ ᐋᔭᒥᐁᔅᑕᒪᐌᐤ ᐅᐸᓓᑭᓴ ᐁ ᐃᔑ ᓇᑕᐌᓕᑕᒥᓕᒋ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᓂᔥᑕᒻ ᑯᕆᓐᑎᐊᓇ 15:3

ᐌᓴ ᓃᔥᑕᒻ ᑭ ᑮ ᐸᑭᑎᓇᒫᑎᓇᐊᐤ ᐊᓂᒪ ᑳ ᑮ ᑭᔅᑫᓕᑕᒥᐃᑳᐎᔮᓐ, ᙭ ᐁ ᑮ ᓂᐱᑦ ᑭ ᒪᒋᑣᐎᓂᓇᐗ ᐅᒋ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᐃᐱᓯᔭᓇ 1:11

ᐊᓇ ᓀᔥᑕ ᑳ ᑮ ᐅᒋ ᐋᔮᔭᒃ ᑎᐱᓚᐌᐎᓯᐎᓐ, ᐁ ᓂᑳᓂᑭᔅᑭᓇᐌᓕᒥᑲᐎᔭᒃ ᐁ ᐃᔑ ᑫᒋᓀᓕᑕᒃ ᐊᓇ ᑳ ᐋᔨᑐᑕᒃ ᒥᓯᐌ ᑫᒀᓇ ᐁ ᐃᔑ ᑲᑫᔅᑭᒥᐌᒪᑲᓂᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ:

ᐃᐱᓯᔭᓇ 2:2

ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᐃᐱᓯᔭᓇ 5:16

ᒀᔭᔉ ᐁ ᐋᐸᒋᑕᔦᒃ ᐁ ᑭᔑᑳᑭ, ᐁ ᒫᓛᑕᑭ ᐅᐅ ᑭᔑᑳᐗ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐃᐱᓯᔭᓇ 6:12

ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮

ᐱᓕᐱᔭᓇ 4:20

ᐊᓄᒡ ᒫᑲ ᑭᒋᒪᓂᑐ ᑯᑖᐎᓇᐤ ᑲᑕ ᐎ ᒫᒥᒋᒫᑲᓂᐎᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔥᑕᒻ ᑌᓴᓗᓂᔭᓇ 3:11

ᐁᑯ ᓇᑕᒫᑕ ᑭᒋᒪᓂᑐ ᑫᒋᐙᒃ ᑯᑖᐎᓇᐤ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭᔅᑭᓄᑕᐃᔭᒥᑦ ᑭᒋ ᓈᑎᑖᒃ᙮

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔥᑕᒻ ᑎᒧᑎ 2:6

ᐊᓇ ᑳ ᑮ ᐸᑭᑎᓂᑎᓱᑦ ᑭᒋ ᑎᐸᐊᒫᑫᔅᑕᒪᐙᑦ ᒥᓯᐌ, ᐁ ᑎᐱᐸᓕᒃ ᐁ ᑭᔑᑳᒃ ᑭᒋ ᑎᐹᑐᒋᑳᑌᒃ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 2:5

ᐌᓴ ᐊᓂᐃ ᐁᓐᒐᓚ ᓇᒪᐎᓚ ᑮ ᑎᐯᓕᑕᒥᐁᐤ ᐊᓂᐁᓕᐤ ᐊᔅᑭᓕᐤ ᑫ ᐹᐸᓕᓕᒃ; ᐊᓂᒪ ᑳ ᐋᓕᒧᑕᒪᒃ᙮

ᐦᐃᑉᕉᐗ 6:5

ᓀᔥᑕ ᑳ ᑮ ᑯᒋᔅᑕᒸᒋᒃ ᐅ ᒥᓗ ᐋᔭᒥᐎᓂᓂᐤ ᑭᒋᒪᓂᑐᐗ, ᓀᔥᑕ ᐁ ᐃᔑ ᓱᑳᑎᓯᒪᑲᒃ ᐊᓂᒪ ᐊᔅᑭ ᑫ ᐹᐸᓕᓕᒃ,

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᓂᔥᑕᒻ ᒑᓐ 3:16

ᐁᑯᑕ ᑳ ᐅᒋ ᐙᐸᑕᒶᒃ ᑭᒋᒪᓂᑐ ᐅ ᓵᑭᐃᐌᐎᓐ, ᐁ ᑮ ᐱᒥᑎᑖᑦ ᐅ ᐱᒫᑎᓯᐎᓐ ᑭᓚᓈᓇᐤ ᐅᒋ: ᑭᓚᓈᓇᐤ ᓀᔥᑕ ᑭ ᑳ ᐱᒥᑎᑖᑖᓇᐤ ᑭ ᐱᒫᑎᓯᐎᓂᓇᐗ ᑳ ᐋᔭᒥᐋᐎ ᐎᒋᔖᓂᑐᒋᒃ ᐅᒋ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;

ᑭᔅᑫᓕᑖᑯᑖᑫᐎᓐ 7:9

ᑳ ᐳᓂᐸᓕᒃ ᐅᒪ ᓂ ᑮ ᐙᐸᑌᓐ, ᒫᑎᑲ ᒫᑲ ᓈᔅᐱᒡ ᐁ ᒥᒉᑎᒋᒃ ᐃᓕᓕᐗᒃ ᐁᑳ ᑳ ᑮ ᐊᑭᒥᑯᒋᒃ ᐊᓂᐁᓕᐗ, ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ ᐅᒋ, ᓀᔥᑕ ᐁ ᐃᑕᑐᑌᐎᓯᒋᒃ ᐃᓕᓕᐗᒃ, ᓀᔥᑕ ᐹᐱᑐᔥ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᔑᑭᔗᒋᒃ, ᑮ ᓂᐸᐎᐗᒃ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᓀᔥᑕ ᐅᑎᔥᑲᐤ ᒫᓂᔥᒑᓂᔑᔕ, ᐁ ᑭᑭᔥᑲᑭᒃ ᐙᐱ ᐊᑲᐅᓇ, ᓀᔥᑕ ᐁ ᑕᑯᓇᑭᒃ ᐹᒻ ᐗᑎᑾᓇ;