21 ᐹᑎᒫ ᒫᑲ ᓂ ᑮ ᐯᒋ ᐃᑐᑖᓐ ᐊᓐᑕ ᓯᕆᔭᐃᒃ ᓀᔥᑕ ᓯᓕᓯᔭᐃᒃ:
ᑮ ᐸᐹᑎᐹᒋᒫᑲᓂᐎᐤ ᒫᑲ ᒥᓯᐌ ᓯᕆᔭᐃᒃ: ᑮ ᐯᑐᐌᐗᒃ ᒫᑲ ᒥᓯᐌ ᑮ ᐋᑯᓯᓕᒋ ᐃᓕᓕᐗ ᓇᓈᑲᐤ ᑳ ᐃᑖᔅᐱᓀᓕᒋ ᓀᔥᑕ ᐃᔑ ᐙᐎᓴᑫᓕᑕᒥᓕᒋ, ᐊᓂᐃ ᓀᔥᑕ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐊᓂᐃ ᓀᔥᑕ ᑳ ᑮᔥᑴᓕᒋ, ᐊᓂᐃ ᓀᔥᑕ ᑳ ᓇᓇᒫᔅᐱᓀᓕᒋ; ᑮ ᒥᓇᐙᒋᐁᐤ ᒫᑲ᙮
ᐁᑯᔅᐱ ᑮ ᐃᑖᐗᒃ ᐊᓐᑕ ᐋᔭᒥᐁᐎᑲᒥᑯᒃ ᑳ ᐃᑕᑾᒃ ᐋᓐᑎᐊᑭᒃ ᐊᑎᑦ ᐅᑭᔅᑭᐙᐃᑫᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ; ᐹᕐᓇᐸᔅ, ᓀᔥᑕ ᓯᒥᔭᓐ ᑳ ᐃᔑᓂᑳᓱᑦ ᓇᐃᑲᕐ, ᓀᔥᑕ ᓘᓯᐊᔅ, ᓴᐃᕆᓂᐃᒃ ᑳ ᐅᒌᑦ, ᓀᔥᑕ ᒣᓀᐃᓐ ᑳ ᑮ ᐎᒋᐅᐱᑭᒫᑦ ᐦᐁᕋᑕ ᑳ ᐅᑭᒫᐎᓕᒋ ᓀᔥᑕ ᓵᓪ᙮
ᑮ ᒪᓯᓇᐊᒪᐌᐗᒃ ᒫᑲ ᐎᓚᐊᐤ ᐅᒋ ᐅᒪ ᐃᔑ; ᐊᓂᑭ ᐊᐸᔅᑕᓚᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᓀᔥᑕ ᑳ ᐎᒋᔕᓂᑐᒋᒃ, ᐃᔑᑎᔕᐊᒫᑫᐗᒃ ᐁ ᐊᑕᒥᔅᑲᐙᒋᒃ ᐊᓂᐃ ᑳ ᐎᒋᔕᓂᑐᓕᒋ ᑳ ᒉᓐᑕᐃᓕᐎᓕᒋ ᐋᓐᑎᐊᑭᒃ ᑳ ᐃᑖᓕᒋ, ᓀᔥᑕ ᓯᕆᐊᐃᒃ, ᓀᔥᑕ ᓯᓕᓯᐊᐃᒃ;
ᑮ ᐸᐹᒥᔕᐳᔥᑲᒻ ᒫᑲ ᓯᕆᐊ ᓀᔥᑕ ᓯᓕᓯᐊ, ᐁ ᐋᔨᒋᐋᑦ ᒫᒪᐎᐋᔭᒥᐋᐗ᙮
ᐹᓪ ᒫᑲ ᐹᑎᒪ ᐅᒪ ᑫᔮᐸᒡ ᑭᓉᔥ ᓇᐗᒡ ᐊᓐᑕ ᑮ ᑕᔑᑫᐤ, ᐁᑯ ᒫᑲ ᑳ ᓇᑲᑖᑦ ᐊᓂᐃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑖᔑᐤ ᐊᓐᑕ ᓰᕆᐊᐃᒃ, ᑮ ᐎᒉᐎᑯ ᒫᑲ ᐊᓂᐃ ᑉᕆᓯᓚ ᓀᔥᑕ ᐋᑶᓚ; ᐁ ᑮ ᑳᔥᑭᐹᑕᒃ ᐅᔅᑎᒀᓐ ᐊᓐᑕ ᓯᓐᒃᕆᐊᐃᒃ: ᐌᓴ ᑮ ᑭᔅᑭᒧ᙮
ᐃᔅᐱ ᒫᑲ ᑳ ᑮ ᐙᐸᑕᒫᒃ ᓴᐃᑉᕋᔅ, ᓇᒪᑎᓂᔉ ᐃᑌᑫ ᓂ ᑮ ᓇᑲᑕᐁᓈᓐ, ᐊᓐᑕ ᓯᕆᔭ ᒫᑲ ᓂ ᑮ ᐃᑖᔑᓈᓐ, ᓀᔥᑕ ᐊᓐᑕ ᑖᐃᕐ ᓂ ᑮ ᑲᐹᓈᓐ: ᐌᓴ ᐁᑯᑕ ᑫ ᑲᐸᑌᓈᓱᓈᓂᐗᒃ ᓈᐱᒀᓂᒃ ᐅᒋ᙮
ᒫᑲ ᐹᓪ ᑮ ᐃᑗᐤ, ᓂᓚ ᓂᑦ ᐃᓕᓕᐎᓐ ᐁ ᒎᐎᔮᓐ ᑖᕐᓴᓯᒃ ᐁ ᐅᒋᔮᓐ, ᐃᑖᐎᓐ ᓯᓕᓯᔭᐃᒃ, ᐁ ᐃᑖᐎᓂᐎᓕᓕᐎᔮᓐ ᐁᑳ ᐁ ᐋᐱᔅᑌᓕᑖᑾᒃ ᐃᑖᐎᓐ ᐅᒋ: ᑭ ᐸᑯᓭᓕᒥᑎᓐ ᒫᑲ, ᐃᓕᓈᐎᓐ ᑭᒋ ᐋᔭᒥᐊᑭᒃ ᐃᓕᓕᐗᒃ᙮
ᓂᓚ ᑖᐺ ᓂᑦ ᐃᓕᓕᐎᓐ ᐁ ᒎᐎᔮᓐ, ᑳ ᓂᑖᐎᑭᔮᓐ ᑖᕐᓴᓯᒃ, ᐃᑖᐎᓐ ᓯᓕᓯᔭᐃᒃ, ᒫᑲ ᐅᒪ ᐃᑖᐎᓂᒃ ᐁ ᑮ ᐅᐱᑭᐃᑳᐎᔮᓐ, ᐅᓯᑎᒃ ᑲᒣᓕᔭᓪ, ᓀᔥᑕ ᐁ ᑮ ᑭᔅᑭᓄᐊᒫᑲᐎᔮᓐ ᒬᒋ ᑳ ᐃᑕᔅᑌᓕᒃ ᐅᑦ ᐅᓚᔓᐌᐎᓂᐗᐤ ᐅᑖᐎᒫᐗᒃ, ᓀᔥᑕ ᓂ ᑮ ᒪᔥᑲᐌᓕᒪᐤ ᑭᒋᒪᓂᑐ, ᑖᐱᔅᑯᒡ ᐁ ᐃᑎᔦᒃ ᒥᓯᐌ ᐁ ᐃᑕᔑᔦᒃ ᐊᓄᒡ ᐁ ᑭᔑᑳᒃ᙮
ᐃᔅᐱ ᒫᑲ ᐅᑎᐯᓕᒋᑫᐤ ᑳ ᑮ ᐋᔭᒥᑖᑦ ᒪᓯᓇᐊᒫᑐᐎᓂᓕᐤ, ᑮ ᑲᑴᒋᑫᒧ ᑫᑯ ᑎᐯᓕᒋᑫᐎᓂᒃ ᐌᒋᓕᒋ᙮ ᐃᔅᐱ ᒫᑲ ᑫᔅᑫᓕᑕᒃ ᓯᓕᓯᔭᐃᒃ ᐅᒋ;
ᐁᑯ ᒫᑲ ᐋᑎᑦ ᑮ ᐸᓯᑯᐗᒃ ᐊᓂᒪ ᐋᔭᒥᐁᐎᑲᒥᒃ ᐅᒋ, ᑳ ᐃᔑᓂᑳᑌᒃ ᐅᑦ ᐋᔭᒥᐁᐎᑲᒥᑯᐗᐤ ᐊᓂᑭ ᓕᐸᕐᑕᐃᓇᒃ; ᓀᔥᑕ ᓴᐃᕆᓂᐊᓇᒃ, ᓀᔥᑕ ᐊᓕᒃᓵᓐᑦᕋᐃᓇᒃ, ᓀᔥᑕ ᐊᓂᑭ ᓯᓕᓯᔭᐃᒃ ᐅᒋ ᓀᔥᑕ ᐁᔕᐃᒃ, ᐁ ᐊᔮᔑᑌᒫᒋᒃ ᔅᑎᐱᓇ᙮
ᐊᓂᐁᓕᐤ ᐃᔅᐱ ᑫᔅᑫᓕᑕᑭᒃ ᑳ ᐎᒋᔖᓂᑐᒋᒃ, ᑮ ᐯᒋ ᐃᑐᑕᐁᐙᒃ ᐊᓐᑕ ᓯᓴᕆᐊᐃᒃ, ᓀᔥᑕ ᑮ ᐃᔑᑎᔕᐌᐗᒃ ᑖᕐᓴᓯᒃ᙮
