ᑲᓓᔕᐊᓇ 1:10 - ᐅᔅᑭ ᑎᔅᑌᒥᓐᑦ

¹⁰ ᐌᓴ ᓂᓚ ᓈ ᐊᓄᒡ ᓂ ᔑᑭᒪᐗᒃ ᐃᓕᓕᐗᒃ, ᓀᔥᑕᐱᑯ ᑭᒋᒪᓂᑐ? ᓀᔥᑕᐱᑯ ᓂ ᑯᒋ ᓇᐃᓚᐌᐋᐗᒃ ᓈ ᐃᓕᓕᐗᒃ? ᐌᓴ ᑮᔥᐱᓐ ᑫᔮᐸᒡ ᓇᐃᓚᐌᐊᑭᒃ ᐃᓕᓕᐗᒃ, ᓇᒪᐎᓚ ᓂ ᑳ ᐅᑦ ᐊᑑᔅᑫᓚᑲᓂᐎᑕᐃ ᙭᙮

ᑲᓓᔕᐊᓇ 1:10 Iomraidhean Croise

ᐅᐸᓓᑭᔅ ᒫᑎᐤ 22:16

ᑮ ᐃᔑᑎᔕᐊᒪᐌᐗᒃ ᒫᑲ ᐅ ᑭᔅᑭᓄᐊᒪᐙᑲᓂᐙᐗ ᐊᓯᒋ ᐦᐁᕈᑎᔭᓇ, ᐁ ᐃᑗᓕᒋ, ᐅᑭᔅᑭᓄᐊᒫᑫᐤ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᓀᔥᑕ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ᙮

ᐅᐸᓓᑭᔅ ᒫᑎᐤ 28:14

ᑮᔥᐱᓐ ᒫᑲ ᐅᒣᓕᐤ ᐯᑕᑫ ᐅᑎᐯᓕᒋᑫᐤ, ᓂ ᑳ ᔖᑯᒋᒫᓈᓐ, ᓇᒪᐎᓚ ᐙᔦᔥ ᒫᑲ ᑭ ᑳ ᑐᑖᑲᐎᓇᐗᐤ᙮

ᐅᐸᓓᑭᔅ ᒫᑎᐤ 6:24

ᓇᒪᐎᓚ ᐊᐌᓇ ᐃᓕᓕᐤ ᑲᑕ ᑮ ᐊᑑᔅᑲᐌᐤ ᓂᔓ ᐅᑭᒫᐗ: ᐌᓴ ᐯᔭᒃ ᑲᑕ ᐸᒀᑌᐤ, ᓀᔥᑕ ᑯᑕᑭᔭ ᑲᑕ ᓵᑭᐁᐤ; ᓀᔥᑕᐱᑯ ᐯᔭᒃ ᑲᑕ ᑭᔅᑌᓕᒣᐤ, ᑯᑕᑭᔭ ᒫᑲ ᑲᑕ ᐋᑕᐌᓕᒣᐤ᙮ ᓇᒪᐎᓚ ᑭ ᑳ ᑮ ᐊᑐᔅᑫᔅᑕᐗᐗᐤ ᑭᒋᒪᓂᑐ ᓀᔥᑕ ᒥᔕᑭᓯᐎᓐ᙮

ᐊᐸᔅᑕᓚᒃ 12:20

ᐦᐁᕋᑦ ᒫᑲ ᓈᔅᐱᒡ ᑮ ᓇᔦᑕᐌᓕᒣᐤ ᐊᓂᐃ ᑖᐃᕐ ᓀᔥᑕ ᓵᐃᑕᓂᒃ ᑳ ᐃᑖᓕᒋ: ᒫᑲ ᑮ ᐯᒋ ᒫᒪᐎ ᓈᑌᐗᒃ: ᐁ ᑮ ᑐᑕᐙᒋᒃ ᒫᑲ ᑉᓛᔅᑕᔅ ᑭᒋ ᐅᑭᒪᐗ ᐅᑦ ᐊᑐᔅᑫᓛᑲᓂᒪ ᑭᒋ ᐅᑑᑌᒥᒥᑯᒋᒃ, ᑮ ᓇᑕᐌᓕᑕᒶᒃ ᑳᔭᒣᐎᓯᐎᓂᓕᐤ: ᐌᓴ ᐅᑦ ᐊᔅᑭᐗᐤ ᑮ ᐅᒋ ᐱᒫᑕᓐ ᑭᒋᐅᑭᒪᐤ ᐅᑦ ᐊᔅᑭᓕᐤ ᐅᒋ᙮

ᐊᐸᔅᑕᓚᒃ 5:29

ᐁᑯ ᐱᑕᕐ ᓀᔥᑕ ᑯᑕᑭᔭᒃ ᐊᐸᔅᑕᓚᒃ ᑳ ᓇᔅᑴᐗᔑᐃᐌᒋᒃ ᓀᔥᑕ ᐃᑗᒋᒃ, ᓂ ᑳ ᐱᔑᒋᐋᑖᓈᓐ ᑭᒋᒪᓂᑐ ᐊᐙᓯᑌ ᐃᔥᐱᔥ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:1

ᐹᓪ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᐁ ᑮ ᓇᑐᒥᑲᐎᔮᓐ ᑭᒋ ᐊᐸᔅᑕᓕᐎᔭᓐ, ᐁ ᑮ ᐹᑲᓂᐃᑲᐎᔮᓐ ᑭᒋᒪᓂᑐ ᐅ ᒥᓗᐋᒋᒧᐎᓂᒃ ᐃᔑ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:29

ᒫᑲ ᐁᐗᑯ ᑖᐺ ᒎᐎᐤ, ᐊᓇ ᐅᑎ ᐱᒋ ᐁ ᐃᔑᓈᑯᓯᑦ; ᓀᔥᑕ ᑭᔅᑭᓄᐙᒋᔓᐎᓐ ᐁᐗᑯ ᒥᑌᐃᒃ ᑳ ᐃᑐᒋᑳᑌᒃ, ᐊᒑᑯᒃ, ᓇᒪᐎᓚ ᒫᑲ ᐁ ᐃᑕᓯᓇᐃᑳᑌᒃ; ᐁᑳ ᑲ ᒫᒪᑖᑯᑕᑭᒃ ᐃᓕᓕᐗᒃ, ᒫᑲ ᐱᑯ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:8

ᒫᑲ ᐊᓂᐃ ᑳ ᐗᑴᓕᑖᑯᓯᓕᒋ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᑖᐺᐎᓂᓕᐤ, ᒫᑲ ᑳ ᓇᓇᐃᑕᒥᓕᒋ ᒪᒑᑎᓯᐎᓂᓕᐤ, ᑎᐸᐊᒪᐌᐤ ᑭᒋᑭᓯᐙᓯᐎᓂᓕᐤ ᓀᔥᑕ ᐗᑯᓚᐌᓯᐎᓂᓕᐤ,

ᓂᔥᑕᒻ ᑯᕆᓐᑎᐊᓇ 10:33

ᐁ ᐃᔑ ᓇᐃᓚᐌᐊᑭᒃ ᒥᓯᐌ ᐃᓕᓕᐗᒃ ᒥᓯᐌ ᐃᔑ, ᐁᑳ ᐁ ᓈᓇᑕᐌᓕᑕᒫᓐ ᑎᐱᓚᐌ ᓂᑦ ᐅᑎᓯᐎᓐ, ᒫᑲ ᐅᑦ ᐅᑎᓯᐎᓂᐗᐤ ᒥᒉᑦ, ᑭᒋ ᐅᒋ ᐱᒫᒋᐋᑲᓂᐎᒋᒃ᙮

ᓂᔓ ᑯᕆᓐᑎᐊᓇ 12:19

ᒥᓇ, ᑭᑦ ᐃᑌᓕᑌᓇᐗᐤ ᓈ ᐁ ᐎ ᒫᒥᓄᒥᑎᓯᔅᑖᑕᑾᒃ? ᐅᑎᔥᑲᐤ ᑭᒋᒪᓂᑐ ᙭ᑎᒃ ᓂᑦ ᐋᔭᒥᓈᓐ: ᒫᑲ ᒥᓯᐌ ᑫᒀᓇ ᓂ ᑐᑌᓈᓐ, ᑫᒋ ᓵᑭᐃᑕᑾᒃ, ᑭᓚᐗᐤ ᑭᒋ ᑭᔅᑭᓄᐊᒫᑲᐎᔦᒃ᙮

ᐃᐱᓯᔭᓇ 6:6

ᓇᒪᐎᓚ ᐙᐸᒥᑯᐎ ᐊᑑᔅᑫᐎᓂᒃ, ᑖᐱᔅᑯᒡ ᐊᓂᑭ ᐃᓕᓕᐗ ᐱᑯ ᐁ ᓇᐃᓚᐌᐋᒋᒃ: ᒫᑲ ᑖᐱᔅᑯᒡ ᙭ ᐅᑦ ᐊᑑᔅᑫᓛᑲᓂᒪ, ᐁ ᑐᑕᒬᒃ ᑭᑌᐃᐙᒃ ᐅᒋ ᑭᒋᒪᓂᑐ ᐅᑦ ᐃᑌᓕᑕᒧᐎᓐ;

ᐱᓕᐱᔭᓇ 1:1

ᐹᓪ ᓀᔥᑕ ᑎᒧᑎ, ᐅᑦ ᐊᑑᔅᑫᓛᑲᓂᒪ ᒋᓴᔅ ᙭, ᐁ ᒪᓯᓇᐊᒪᐙᒋᒃ ᒥᓯᐌ ᐅᐸᓓᑭᓴ ᙭ ᒋᓴᓯᒃ, ᑳ ᐃᑖᓕᒋ ᐱᓕᐹᐃᐃᒃ, ᐊᓯᒋ ᑭᒋᐋᔭᒥᐁᐎᑭᒪᐗ ᓀᔥᑕ ᑎᑲᓇ:

ᑯᓚᔑᔭᓇ 3:22

ᐊᑑᔅᑫᓛᑲᓂᑐᒃ, ᒥᓯᐌ ᐃᔑ ᓇᓇᐃᑖᑯᒃ ᑭᑦ ᐅᑭᒫᒥᐗᐗᒃ ᐎᔮᓯᐎᓂᒃ ᐃᔑ; ᓇᒪᐎᓚ ᐁ ᑲᓇᐗᐸᒥᑲᐎᔦᒃ ᐱᑯ, ᑖᐱᔅᑯᒡ ᐊᓂᑭ ᑳ ᓇᐃᓚᐌᐋᒋᒃ ᐃᓕᓕᐗ; ᒫᑲ ᐸᓓᑭ ᒥᑌᐃᒃ, ᐁ ᓂᓇᒋᔅᑕᐌᒃ ᑭᒋᒪᓂᑐ:

ᓂᔥᑕᒻ ᑌᓴᓗᓂᔭᓇ 2:4

ᒫᑲ ᑳ ᑮ ᐃᑌᓕᒥᔭᒥᑦ ᑭᒋᒪᓂᑐ ᑭᒋ ᐸᑭᑎᓇᒫᑲᐎᔮᒃ ᒥᓗᐋᒋᒧᐎᓐ, ᐁᑯ ᐁ ᐃᔑ ᐋᔭᒥᔮᒃ; ᓇᒪᐎᓚ ᐁ ᐎ ᓇᐃᓚᐌᐊᑭᒋᒃ ᐃᓕᓕᐗᒃ, ᒫᑲ ᑭᒋᒪᓂᑐ ᑳ ᑲᑴᒋᑖᑦ ᓂᑌᐃᓈᓇ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 3:9

ᐊᐌᓇ ᑭᒋᒪᓂᑐᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᒪᒋᑐᑕᒻ: ᐌᓴ ᐅ ᓯᒥᓂᒪ ᐱᒋᔅᑳᑯᓕᐗ; ᓇᒪᐎᓚ ᒫᑲ ᑲᑕ ᑮ ᒪᒋᑐᑕᒻ, ᑭᒋᒪᓂᑐᒃ ᐁ ᑮ ᐅᒋ ᓂᑕᐎᑭᑦ᙮