2 ᑭᔅᑌᓕᒻ ᑯᑖᐎ ᓀᔥᑕ ᑭᑳᐎ; ᐁᐗᑯ ᓂᔥᑕᒻ ᑲᑫᔅᑴᐎᓐ ᑳ ᐊᔓᑕᒫᑫᒪᑲᒃ;
ᐁᐗᑯ ᐅᒋ ᒥᓖᑯᒃ ᒥᓯᐌ ᑫ ᐋᔭᐙᔅᐸᓐ: ᑎᐯᓕᒋᑫᐎ ᔔᓕᐋᓐ ᐊᓂᑭ ᑫ ᐅᑎᓇᐙᔅᐸᓐ ᑎᐯᓕᒋᑫᐎ ᔔᓕᐋᓇ; ᑎᐸᐊᒫᑫᐎᓐ ᐊᓂᑭ ᑫ ᐅᑎᓇᒪᐙᔅᐸᓐ ᑎᐸᐊᒫᑫᐎᓇ; ᓇᓂᒋᐎᓂᓕᐤ ᐊᓂᑭ ᑫ ᓇᓂᒋᔅᑕᐙᑲᓂᐎᐙᔅᐸᓐ; ᑭᔅᑌᓕᑖᑯᓯᐎᓂᓕᐤ ᐊᓂᑭ ᑫ ᑭᔅᑌᓕᑖᑯᓯᐙᔅᐸᓐ᙮
ᑭᒋ ᒥᓗᐸᓕᐃᑯᔭᓐ, ᓀᔥᑕ ᑭᓉᔥ ᑭᒋ ᐱᒫᑎᓯᔭᓐ ᐅᑕ ᐊᔅᑮᒃ᙮
ᒫᑲ ᑮᔥᐱᓐ ᐊᐌᓇ ᑭᑎᒫᑭᔅᑴᐤ ᐅᑕᐙᔑᒥᔑᒋ ᓀᔥᑕᐱᑯ ᐅᑐᔑᒥᒋ, ᐁᑯᔑ ᓂᔥᑕᒻ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᐙᐸᑎᓕᐌᒋᒃ ᑭᔐᐙᑎᓯᐎᓂᓕᐤ ᐎᑭᐙᒃ ᓀᔥᑕ ᑭᒋ ᓇᐃᓚᐌᐋᒋᒃ ᐅᓂᑭᐃᑯᐙᐗ: ᐌᓴ ᐁᐗᑯ ᒥᓨᔑᓐ ᓀᔥᑕ ᒥᓗᑲᓇᐙᐸᑕᒻ ᑭᒋᒪᓂᑐ᙮
