ᐃᐱᓯᔭᓇ 6:10 - ᐅᔅᑭ ᑎᔅᑌᒥᓐᑦ

¹⁰ ᒫᒋᒡ, ᓂᒋᔖᓂᑐᒃ, ᒪᔥᑲᐎᓯᒃ ᐅᑎᐯᓕᒋᑫᒃ, ᓀᔥᑕ ᐁ ᐃᔑ ᑲᔥᑭᐅᒪᑲᓂᓕᒃ ᐅ ᓯᑳᑎᓯᐎᓐ᙮

ᐃᐱᓯᔭᓇ 6:10 Iomraidhean Croise

ᓂᔥᑕᒻ ᑯᕆᓐᑎᐊᓇ 16:13

ᐊᔕᐙᐱᒃ, ᐋᔭᒋᑳᐸᐎᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᓈᐯᐗᒃ ᐎᐃᑎᒃ, ᒪᔥᑲᐎᓯᒃ᙮

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᐃᐱᓯᔭᓇ 1:19

ᓀᔥᑕ ᐁᔅᐱᒋ ᒥᔖᓕᒃ ᐅ ᑲᔥᑭᐅᐎᓐ ᑭᓚᓈᓇᐤ ᐃᔑ ᑳ ᑖᐺᔦᓕᑕᒪᒃ, ᑖᐱᔅᑯᒡ ᐁ ᐃᔑ ᐊᑑᔅᑫᒪᑲᓂᓕᒃ ᐅ ᓱᑳᑎᓯᐎ ᑲᔥᑭᐅᐎᓐ,

ᐃᐱᓯᔭᓇ 3:16

ᑭᒋ ᐸᑭᑎᓇᒫᑖᒃ, ᐁ ᐃᔅᐱᒋ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ, ᑭᒋ ᒪᔥᑲᐎᐃᑯᔦᒃ ᓱᑳᑎᓯᐎᓐ, ᐅᑦ ᐊᒑᑾ ᐅᒋ, ᑭ ᐱᒋ ᐃᑖᑎᓯᐎᓂᐙᒃ;

ᐱᓕᐱᔭᓇ 3:1

ᒫᒋᒡ, ᓂᒋᔖᓂᑐᒃ, ᒥᓚᐙᑎᒃ ᐅᑎᐯᓕᒋᑫᐤ᙮ ᐁᑯᔑ ᑫᔮᐸᒡ ᐁ ᒫᓯᓇᐊᒫᑕᑾᒃ ᓇᒪᐎᓚ ᓂᑦ ᐊᓕᒥᐃᑯᓐ, ᒫᑲ ᑭᓚᐗᐤ ᐅᒋ ᐱᒫᒋᑌᓕᑖᑾᓐ᙮

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᐱᓕᐱᔭᓇ 4:8

ᒫᒋᒡ ᒫᑲ ᓂᒋᔖᓂᑐᒃ, ᑫᒀᓇ ᑎᐋᐺᒪᑲᓄᑴ, ᑫᒀᓇ ᐁ ᒀᔭᔅᑾᓄᑴ, ᑫᒀᓇ ᐁ ᒀᔭᔅᑳᑎᓯᒪᑲᓄᑴ, ᑫᒀᓇ ᐯᓓᑲᓄᑴ, ᑫᒀᓇ ᓯᐋᑭᑖᓂᐗᓄᑴ, ᑫᒀᓇ ᒣᓗᐋᓕᒧᒋᑖᓂᐗᓄᑴ; ᐁᑕᑾᓄᑴ ᒥᓨᑎᓯᐃᓐ, ᑮᔥᐱᓐ ᓀᔥᑕ ᐁᑕᑾᓄᑴ ᒫᒪᑖᑯᒥᑯᓯᐎᓐ, ᒫᒥᑐᓀᓕᑕᒧᒃ ᐅᐅ ᑫᒀᓇ᙮

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᓂᔓ ᑎᒧᑎ 2:1

ᑭᓚ ᒫᑲ, ᓂᑯᓯᔅ, ᒪᔥᑲᐎᓯ ᔕᐌᓕᒋᑫᐎᓂᒃ ᐊᓂᒪ ᙭ ᒋᓴᔅ ᑳ ᐱᒋᔅᑳᑯᑦ᙮

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᓂᔥᑕᒻ ᒑᓐ 2:14

ᑭ ᑮ ᒪᓯᓇᐊᒫᑎᓇᐗᐤ, ᐅᑖᐎᒫᐎᑐᒃ, ᐌᓴ ᑭ ᑮ ᑭᔅᑫᓕᒪᐗᐤ ᐊᓇ ᒪᐗᒋ ᓃᔥᑕᒻ ᑳ ᐅᒋ ᐃᑖᑦ᙮ ᑭ ᑮ ᒪᓯᓇᐊᒫᑎᓇᐗᐤ, ᐅᔥᑭᓂᑭᑐᒃ, ᐁ ᒪᔥᑲᐎᓯᔦᒃ, ᓀᔥᑕ ᐁ ᐱᒋᔅᑳᑯᐌᒃ ᑭᒋᒪᓂᑐ ᐅᑦ ᐋᔭᒥᐎᓐ, ᓀᔥᑕ ᐁ ᑮ ᔖᑯᒋᐁᒃ ᒣᒋᑣᑦ᙮