1 ᐊᐙᔑᔑᑐᒃ, ᓇᓇᐃᑖᑯᒃ ᑭ ᓂᑭᐃᑯᐙᐗᒃ ᐅᑎᐯᓕᒋᑫᒃ; ᐌᓴ ᐅᒪ ᐁ ᐃᔑ ᑾᔭᔅᑾᒃ᙮
ᑮ ᑭᐌ ᐎᒉᐌᐤ ᒫᑲ, ᑮ ᑕᑯᔑᓋᒃ ᒫᑲ ᓈᓴᕆᑎᒃ, ᓀᔥᑕ ᑮ ᑕᐸᑌᓕᒥᑎᓱᔅᑕᐌᐤ: ᒫᑲ ᐅᑳᐎᔭ ᑮ ᑲᓇᐌᓕᑕᒥᓕᐗ ᒥᓯᐌ ᐅᐅ ᐃᑗᐎᓇ ᐅᑌᐃᓕᐤ᙮
ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮
ᑭᒋ ᐱᑐᑲᐁᒃ ᐅᑎᐯᓕᒋᑫᐗ ᐃᔑ, ᐁ ᐃᔑᑣᒋᒃ ᐅᐸᓓᑭᓯᐗᒃ, ᓀᔥᑕ ᑭᒋ ᐎᒋᐁᒃ ᐱᑯ ᑫᒀᓐ ᑫ ᐃᔑ ᓇᑕᐌᓕᑕᒫᑖᒃ: ᐌᓴ ᒥᒉᑦ ᑮ ᓈᓂᔓᑲᒪᐌᐤ, ᓂᓚ ᓀᔥᑕ ᓂ ᑮ ᓂᔓᑲᒫᒃ᙮
ᐁᐗᑯ ᒫᑲ ᐅᒋ ᐅᓚᔓᐌᐎᓐ ᐸᓓᑲᓐ, ᓀᔥᑕ ᑲᑫᔅᑴᐎᓐ ᐸᓓᑲᓐ, ᓀᔥᑕ ᒀᔭᔅᑭᑎᐗᓐ, ᓀᔥᑕ ᒥᓨᔑᓐ᙮
ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮
ᒫᑲ ᑮᔥᐱᓐ ᐊᐌᓇ ᑭᑎᒫᑭᔅᑴᐤ ᐅᑕᐙᔑᒥᔑᒋ ᓀᔥᑕᐱᑯ ᐅᑐᔑᒥᒋ, ᐁᑯᔑ ᓂᔥᑕᒻ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᐙᐸᑎᓕᐌᒋᒃ ᑭᔐᐙᑎᓯᐎᓂᓕᐤ ᐎᑭᐙᒃ ᓀᔥᑕ ᑭᒋ ᓇᐃᓚᐌᐋᒋᒃ ᐅᓂᑭᐃᑯᐙᐗ: ᐌᓴ ᐁᐗᑯ ᒥᓨᔑᓐ ᓀᔥᑕ ᒥᓗᑲᓇᐙᐸᑕᒻ ᑭᒋᒪᓂᑐ᙮
ᐸᑭᑎᓂᑎᓱᒃ ᑭᒋ ᑎᐯᓕᒥᑯᐌᒃ ᒥᓯᐌ ᐅᑦ ᐅᓚᔓᐌᐎᓂᐙᐗ ᐃᓕᓕᐗᒃ ᐁ ᐃᔑ ᓇᑕᐌᓕᒥᑖᒃ ᐅᑎᐯᓕᒋᑫᐤ: ᑮᔥᐱᓐ ᑭᒋᐅᑭᒪᐤ ᐁ ᒪᐗᒋ ᑭᔅᑎᓯᑦ;
