ᐃᐱᓯᔭᓇ 5:3 - ᐅᔅᑭ ᑎᔅᑌᒥᓐᑦ

³ ᒫᑲ ᐱᔑᒀᑎᓯᐎᓐ, ᓀᔥᑕ ᒥᓯᐌ ᐎᓂᓯᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᑳᐎᓚ ᐎᔅᑲᑦ ᑲᑕ ᐋᓕᒧᒋᑳᑌᐤ ᐃᑌ ᐁ ᐃᑕᔦᒃ, ᑳ ᐃᔑ ᓇᑕᐌᓕᑖᑯᓯᒋᒃ ᐅᐸᓓᑭᓴᒃ;

ᐃᐱᓯᔭᓇ 5:3 Iomraidhean Croise

ᐅᐸᓓᑭᔅ ᒫᑎᐤ 15:19

ᐌᓴ ᒥᑌᐃᒃ ᐅᒋᐸᓕᐗ ᒪᒋ ᒥᑐᓀᓕᒋᑫᐎᓇ, ᓂᐹᔨᐌᐎᓇ, ᒫᒪᐎᐃᑐᐎᓇ, ᐱᔑᒀᑎᓯᐎᓇ, ᑭᒧᑎᐎᓇ, ᑭᓛᔅᑭᐎᓐ, ᐹᔅᑕᒧᐎᓇ:

ᐅᐸᓓᑭᔅ ᓘᒃ 12:15

ᑮ ᐃᑌᐤ ᒫᑲ, ᔮᒀᒦᔅᑕᒧᒃ ᓀᔥᑕ ᑯᔅᐸᓂᔅᑕᒧᒃ ᒧᔅᑌᓇᒫᑫᐎᓐ: ᐌᓴ ᐃᓕᓕᐤ ᐅ ᐱᒫᑎᓯᐎᓐ ᓇᒪᐎᓚ ᐁᐗᑴᓕᐤ ᑳ ᐃᔅᐱᒋ ᐌᓗᑎᓰᑦ᙮

ᐅᐸᓓᑭᔅ ᓘᒃ 16:14

ᐹᕋᓯᔭᒃ ᒫᑲ, ᑳ ᒧᔅᑌᓇᒫᑫᒋᒃ, ᑭ ᐯᑕᒶᒃ ᒥᓯᐌ ᐅᐅ ᑫᒀᓇ; ᑮ ᐅᔑᓇᐌᐗᒃ ᒫᑲ᙮

ᐊᐸᔅᑕᓚᒃ 15:20

ᒫᑲ ᑭᒋ ᒪᓯᓇᐊᒪᐗᑭᒃ, ᑭᒋ ᐌᐱᓇᑭᒃ ᐎᓕᐱᓯᐎᓇ ᒪᓂᑐᑲᓇ ᐅᒋ, ᓀᔥᑕ ᐱᔑᑾᑎᓯᐎᓐ, ᓀᔥᑕ ᐊᓂᐃ ᑫᒀᓇ ᑳ ᑭᐱᑴᐱᒋᑳᑌᑭ ᐅᒋ, ᓀᔥᑕ ᒥᑯ᙮

ᐊᐸᔅᑕᓚᒃ 20:33

ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᒧᔅᑌᓇᒸᓐ ᐅ ᔓᓕᐋᓈᐱᔅᑯᒪ, ᓀᔥᑕᐱᑯ ᐅᑦ ᐅᓴᐎᔓᓕᐋᓈᐱᔅᑯᒪ, ᒋᑲ ᓀᔥᑕ ᐱᑯ ᐅ ᐎᓛᒋᑲᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:29

ᐁ ᑮ ᓵᑲᔅᑭᓀᔅᑳᑯᒋᒃ ᒥᓯᐌ ᒪᒑᑎᓯᐎᓂᓕᐤ, ᐱᔑᒀᑎᓯᐎᓂᓕᐤ, ᒪᒋᑣᐎᓂᓕᐤ, ᒧᔅᑌᓇᒫᑫᐎᓂᓕᐤ, ᑭᒧᒋᐸᒀᑎᑐᐎᓂᓕᐤ; ᐁ ᓵᑲᔅᑭᓀᔅᑳᑯᒋᒃ ᐅᑌᓕᑕᒧᐎᓂᓕᐤ, ᓂᐸᔨᐌᐎᓂᓕᐤ, ᑲᑴᔕᑯᒋᒥᑐᐎᓂᓕᐤ, ᑲᑳᔦᓕᓯᐎᓂᓕᐤ, ᒪᒉᓕᒥᐌᐎᓂᓕᐤ; ᐁ ᑭᒧᑐᐌᔅᑭᒋᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:2

ᑭᒋ ᐱᑐᑲᐁᒃ ᐅᑎᐯᓕᒋᑫᐗ ᐃᔑ, ᐁ ᐃᔑᑣᒋᒃ ᐅᐸᓓᑭᓯᐗᒃ, ᓀᔥᑕ ᑭᒋ ᐎᒋᐁᒃ ᐱᑯ ᑫᒀᓐ ᑫ ᐃᔑ ᓇᑕᐌᓕᑕᒫᑖᒃ: ᐌᓴ ᒥᒉᑦ ᑮ ᓈᓂᔓᑲᒪᐌᐤ, ᓂᓚ ᓀᔥᑕ ᓂ ᑮ ᓂᔓᑲᒫᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:13

ᐁᑳᐎᓚ ᓀᔥᑕ ᐸᑭᑎᓇᒧᒃ ᑭ ᐸᔅᑫᓯᐎᓂᐙᐗ ᑕᐱᔅᑯᒡ ᒪᒑᑎᓯᐎ ᐋᐸᒋᑖᑲᓇ ᒪᒋᑣᐎᓇᒃ ᐃᔑ: ᒫᑲ ᐸᑭᑎᓇᑎᓯᔅᑖᒃ ᑭᒋᒪᓂᑐ, ᑖᐱᔅᑯᒡ ᐊᓂᑭ ᑳ ᐱᒫᑎᓯᒋᒃ ᐅᓂᐱᐗ ᐅᒋ, ᓀᔥᑕ ᑭ ᐸᔅᑫᓯᐎᓂᐗᐗ ᑖᐱᔅᑯᒡ ᒀᔭᔅᑭᑖᑎᓯᐎ ᐋᐸᒋᑖᑲᓇ ᑭᒋ ᓂᑐᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 10:8

ᐁᑳᐎᓚ ᓀᔥᑕ ᑐᑖᑕᐤ ᐱᔑᒀᑎᓯᐎᓐ, ᑖᐱᔅᑯᒡ ᑳ ᑮ ᑐᑕᑭᒃ ᐋᑎᑦ ᐎᓚᐗᐤ, ᓀᔥᑕ ᐯᔭᑾᐤ ᐁ ᑭᔑᑳᓕᒃ ᑳ ᑮ ᐸᑭᔑᑭᒃ ᓂᔅᑐᔖᑄᐤ ᑭᒋᒥᑖᑐᒥᑕᓇᐤ᙮

ᓂᔥᑕᒻ ᑯᕆᓐᑎᐊᓇ 5:1

ᐃᑖᒋᒧᓋᓂᐗᓐ ᐁ ᐃᑕᑾᒃ ᐱᔑᒀᑎᓯᐎᓐ ᐃᑕ ᐁ ᐃᑖᔦᒃ, ᓀᔥᑕ ᑐᐎ ᐱᔑᒀᑎᓯᐎᓐ ᐁᑳ ᐃᔥᐱᔥ ᑳ ᐋᓕᒧᒋᑳᑌᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᐊᐌᓇ ᑭᒋ ᐋᔮᐄᒫᑦ ᐅᑖᐎᔭ ᐎᐎᓕᐗ᙮

ᓂᔥᑕᒻ ᑯᕆᓐᑎᐊᓇ 6:13

ᒥᒋᒪ ᒥᔅᑕᑖᔾ ᐅᒋ, ᓀᔥᑕ ᒥᔅᑕᑖᔾ ᒥᒋᒪ ᐅᒋ: ᒫᑲ ᑭᒋᒪᓂᑐ ᑖᐱᔅᑯᒡ ᑲᑕ ᓂᔑᐗᓈᒋᑕᐤ᙮ ᒥᔭᐤ ᒫᑲ ᓇᒪᐎᓚ ᑲᑕ ᐋᐸᒋᑖᓂᐗᓄᐸᓐ ᐱᔑᒀᑎᓯᐎᓂᒃ, ᒫᑲ ᑭᒋ ᐅᒋ ᐊᑑᔅᑫᔅᑕᐙᑲᓂᐎᑦ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓀᔥᑕ ᑭᒋ ᑎᐯᓕᑕᒃ ᒥᔭᐎᓕᐤ᙮

ᓂᔥᑕᒻ ᑯᕆᓐᑎᐊᓇ 6:18

ᐅᔑᑕᒧᒃ ᐱᔑᒀᑎᓯᐎᓐ, ᑕᑐ ᒪᒋᑐᑕᒧᐎᓐ ᐃᓕᓕᐤ ᑳ ᑐᑕᒃ ᐗᓚᐎᑎᒥᒃ ᐎᔭᐎᒃ ᐃᑐᑕᒻ; ᒫᑲ ᐊᓇ ᑳ ᑐᑕᒃ ᐱᔑᒀᑎᓯᐎᓂᓕᐤ ᒪᒋᑐᑕᒻ ᑎᐱᓚᐌ ᐎᔭᐤ᙮

ᓂᔓ ᑯᕆᓐᑎᐊᓇ 12:21

ᒫᔅᑯᒡ ᓀᔥᑕ, ᐃᔅᐱ ᒥᓇ ᑕᑯᔑᓂᔮᓀ, ᓂ ᑭᒋᒪᓂᑐᒻ ᓂ ᑳ ᑕᐸᒥᓕᒥᐃᒃ ᐃᑕ ᐁ ᐃᑖᔦᒃ, ᓀᔥᑕ ᓂ ᑳ ᒫᑐᑐᑕᐙᐗᒃ ᒥᒉᑦ ᐋᔕᔾ ᑳ ᑮ ᒪᒋᑐᑕᑭᒃ, ᐁᑳ ᓀᔥᑕ ᑳ ᑮ ᒥᑖᑕᑭᒃ ᐎᓂᓯᐎᓂᓕᐤ, ᓀᔥᑕ ᐱᔑᒀᑎᓯᐎᓂᓕᐤ, ᓀᔥᑕ ᐱᔑᒀᑎᓯᐎ ᐃᑌᓕᑕᒧᐎᓂᓕᐤ ᑳ ᑮ ᐋᔨᑐᑕᑭᒃ᙮

ᐃᐱᓯᔭᓇ 5:12

ᐌᓴ ᓇᓀᐯᐌᓕᑖᑾᒃ ᐙᐙᒡ ᑭᒋ ᐋᓕᒧᒋᑳᑌᑭ ᐊᓂᐃ ᑲᑕᓄᒃ ᑳ ᑐᑕᑭᒃ᙮

ᐃᐱᓯᔭᓇ 5:5

ᐌᓴ ᐅᒪ ᑭ ᑭᔅᑫᓕᑌᓇᐗᐤ, ᓇᒪᐎᓚ ᐊᐌᓇ ᑳ ᐱᔑᒀᑎᓯᑦ, ᓀᔥᑕ ᐊᐌᓇ ᑳ ᐎᓂᓯᑦ, ᓀᔥᑕ ᐊᐌᓇ ᑳ ᒧᔅᑌᓇᒫᑫᑦ, ᐁ ᓇᐗᑭᔅᑕᐙᑦ ᒪᓂᑐᑳᓇ, ᐋᔭᐤ ᑎᐱᓚᐌᐎᓯᐎᓐ ᑭᒋᒪᓂᑐ ᓀᔥᑕ ᙭ ᐅᑦ ᐅᑭᒪᐎᐎᓂᒃ᙮

ᐱᓕᐱᔭᓇ 1:27

ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᓂᔥᑕᒻ ᑌᓴᓗᓂᔭᓇ 4:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑭ ᐸᓓᑭᐃᑯᓯᐎᓂᐗᐤ ᐅᑎ, ᐁᑳ ᑭᒋ ᑐᑕᒣᒃ ᐱᔑᒀᑎᓯᐎᓐ;

ᓂᔥᑕᒻ ᑌᓴᓗᓂᔭᓇ 4:7

ᐌᓴ ᑭᒋᒪᓂᑐ ᓇᒪᐎᓚ ᑭ ᑮ ᐅᒋ ᓇᑐᒥᑯᓇᐤ ᐎᓂᓯᐎᓂᒃ ᐃᔑ ᒫᑲ ᐸᓓᑭᓯᐎᓂᒃ᙮

ᓂᔥᑕᒻ ᑎᒧᑎ 2:10

ᒫᑲ (ᑖᐱᔅᑯᒡ ᑫ ᐃᑎᐙᔅᐸᓐ ᐃᔅᑴᐗᒃ ᑳ ᐎᑕᑭᐤ ᐁ ᓵᑭᑖᒋᒃ ᒪᓂᑐᐙᑎᓯᐎᓂᓕᐤ) ᒥᓗ ᐊᑑᔅᑫᐎᓇ ᐅᒋ᙮

ᓂᔥᑕᒻ ᑎᒧᑎ 3:3

ᐁᑳ ᐁ ᐅᓵᒥᓂᑴᑦ ᔓᒥᓈᐳᓕᐤ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ; ᒫᑲ ᐁ ᔑᐱᓚᐌᓯᑦ, ᐁᑳ ᐁ ᒀᓗᑐᑖᑫᑦ, ᐁᑳ ᐁ ᒧᔅᑌᓇᒫᑫᑦ;

ᓂᔥᑕᒻ ᑎᒧᑎ 6:10

ᐌᓴ ᐁ ᓵᑭᐊᑲᓂᐎᑦ ᔔᓕᐋᓐ ᐁᐗᑯ ᑳ ᐅᒉᐱᑭᐎᒃ ᒥᓯᐌ ᑳ ᒫᓚᑕᒃ: ᐊᓂᒪ ᒣᒀᒡ ᐋᑎᑦ ᐁ ᑮ ᒧᔅᑌᓇᑭᒃ, ᑮ ᐗᓂᔑᓋᒃ ᑖᐺᔦᓕᑕᒧᐎᓂᒃ ᐅᒋ, ᓀᔥᑕ ᑮ ᔖᐳᔅᑕᐅᓱᐗᒃ ᒥᒉᑦ ᒥᒋᓚᐌᓯᐎᓇ ᐅᒋ᙮

ᓂᔓ ᑎᒧᑎ 3:2

ᐌᓴ ᐃᓕᓕᐗᒃ ᐎᓚᐗᐤ ᑫᒋᐙᒃ ᑲᑕ ᓵᑭᐃᑎᓱᐗᒃ, ᐁ ᒧᔅᑌᓇᒫᑫᒋᒃ, ᐁ ᒫᒪᑖᑯᒧᒋᒃ ᐁ ᑭᔅᑌᓕᒧᒋᒃ, ᐁ ᐹᔅᑖᒧᔅᑭᒋᒃ, ᐁ ᐋᓉᑕᐙᒋᒃ ᐅᓂᑭᐃᑯᐗᐗ, ᐁᑳ ᐁ ᓇᓈᔅᑯᒧᒋᒃ, ᐁᑳ ᐁ ᐸᓓᑭᓯᒋᒃ,

ᑕᐃᑕᔅ 1:11

ᐅᑐᓂᐗᐗ ᑫ ᑭᐸᐃᑲᑌᓕᑭ, ᑳ ᑴᑎᐱᓇᑭᒃ ᑳ ᒥᓯᐌᔮᑭ ᐙᔅᑳᔨᑲᓇ, ᐁ ᑭᔅᑭᓄᐊᒫᑫᒋᒃ ᑫᒀᓇ ᐁᑳ ᑫ ᑮ ᑭᔅᑭᓄᐊᒫᑫᐙᔅᐸᓐ, ᒪᒋ ᐅᑎᓯᐎᓐ ᐅᒋ᙮

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᑕᐃᑕᔅ 2:3

ᑖᐱᔅᑯᒡ ᓀᔥᑕ ᑭᔐᐃᔅᑴᐗᒃ, ᐅᑦ ᐃᑖᑎᓯᐎᓂᐙᒃ ᑭᒋ ᓄᑯᑖᒋᒃ ᐸᓓᑭᓯᐎᓂᓕᐤ, ᐁᑳ ᑭᒋ ᑭᓛᔅᑭᐎ ᒪᒥᔑᒥᐌᒋᒃ, ᐁᑳ ᒥᔅᑕᐃ ᑭᒋ ᒥᓂᑴᒋᒃ ᔓᒥᓈᐳᓕᐤ, ᑭᒋ ᑭᔅᑭᓄᐊᒫᑫᒋᒃ ᒥᓗ ᑫᒀᓇ:

ᐦᐃᑉᕉᐗ 12:16

ᐁᑳ ᑭᒋ ᐃᑖᑦ ᐊᐌᓇ ᐯᔑᒀᑎᓯᔅᑭᑦ, ᓀᔥᑕᐱᑯ ᑳ ᐅ ᒪᒋ ᒥᑐᓀᓕᒋᑲᓂᑦ, ᑖᐱᔅᑯᒡ ᐃᓴᐤ, ᐊᓇ ᐯᔭᑯ ᓴᔅᑲᒧᐎᓐ ᒥᑭᒥᓕᐤ ᑳ ᑮ ᐊᑖᐙᑫᑦ ᐅ ᓃᔥᑕᒧᔖᓂᐎᐎᓐ᙮

ᓂᔥᑕᒻ ᐱᑕᕐ 5:2

ᐊᔕᒥᑯᒃ ᐅ ᒫᓂᔥᒑᓂᔑᒪ ᑭᒋᒪᓂᑐ ᑳ ᐎᒉᐎᑖᑾᒃ, ᐁ ᓈᓈᑲᑕᐙᐸᒣᑾᒃ, ᓇᒪᐎᓚ ᐱᑯ ᐁ ᔑᑭᒥᑲᐎᔦᒃ ᐅᒋ, ᒫᑲ ᐁ ᒥᓜᓕᑕᒣᒃ; ᓇᒪᐎᓚ ᒪᒋ ᐅᑎᓯᐎᓐ ᐅᒋ ᐋᔦᔅᑲᐎᓯᐎ ᒥᑐᓀᓕᒋᑲᓂᒃ:

ᓂᔓ ᐱᑕᕐ 2:10

ᒫᑲ ᐅᓵᒻ ᐊᓂᐃ ᑳ ᐱᒧᑖᑕᒥᓕᒋ ᐁ ᐃᔑᑡᒪᑲᓂᓕᒃ ᐎᔮᓯᓕᐤ, ᐎᓂᓯᐎ ᐃᑌᓕᑕᒧᐎᓂᒃ, ᓀᔥᑕ ᑳ ᐋᑕᐌᓕᑕᒥᓕᒋ ᑎᐯᓕᒋᑫᐎᓂᓕᐤ᙮ ᓱᑭᑌᐁᐗᒃ, ᐎ ᑎᐯᓕᒥᑎᓱᐗᒃ; ᓇᒪ ᓀᔥᑕ ᓭᑭᓯᐗᒃ ᑭᒋ ᒪᒋ ᐋᓕᒧᑕᑭᒃ ᑭᔅᑌᓕᑖᑯᓯᐎᓇ᙮

ᓂᔓ ᐱᑕᕐ 2:14

ᐅᔅᑭᔑᑯᐙᒃ ᐁ ᓵᑲᔅᑭᓀᓕᒃ ᐱᔑᒀᑎᓯᐎᓐ, ᐁᑳ ᐁ ᑮ ᐳᓂᑖᒋᒃ ᒪᒋᑐᑕᒧᐎᓂᓕᐤ; ᐁ ᐙᔦᔑᒫᒋᒃ ᐁᑳ ᑳ ᐋᔨᒋᑳᐸᐎᓕᒋ ᐊᒑᑾ: ᐅᑌᐃᐙᒃ ᑮ ᐊᑑᔅᑳᑕᒶᒃ ᒧᔅᑌᓇᒫᑫᐎ ᐃᔑᒋᑫᐎᓇ; ᑳ ᒪᒐᑭᑖᑯᓯᒋᒃ ᐊᐙᔑᔕᒃ:

ᓂᔓ ᐱᑕᕐ 2:3

ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮

ᑭᔅᑫᓕᑖᑯᑖᑫᐎᓐ 2:14

ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮

ᑭᔅᑫᓕᑖᑯᑖᑫᐎᓐ 2:21

ᓂ ᑮ ᑕᐎᓇᒪᐗᐤ ᒫᑲ ᑭᒋ ᒥᒋᓚᐌᔦᓕᑕᒃ ᐅ ᐱᔑᑾᑎᓯᐎᓐ; ᓇᒪᐎᓚ ᒫᑲ ᑮ ᐅᒋ ᒥᒋᓚᐌᔦᓕᑕᒻ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 9:21

ᓇᒪ ᓀᔥᑕ ᑮ ᒥᒋᓚᐌᔦᓕᑕᒶᒃ ᐅ ᓂᐹᔨᐌᐎᓂᐙᐗ, ᓀᔥᑕ ᐅ ᒥᑌᐃᐎᓂᐙᐗ, ᓀᔥᑕ ᐅ ᐱᔑᒀᑎᓯᐎᓂᐙᐗ, ᓀᔥᑕ ᐅ ᑭᒧᑎᔅᑭᐎᓂᐙᐗ᙮