17 ᐁᐗᑯ ᐌᒋ ᐁᑳᐎᓚ ᑲᑫᐹᑎᓰᒃ, ᒫᑲ ᐁ ᓂᓯᑐᑕᒬᒃ ᐅᑎᐯᓕᒋᑫᐤ ᐅᑦ ᐃᑌᓕᑕᒧᐎᓐ᙮
ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮
ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮
ᔮᑾᒥᓯᒃ ᒫᑲ ᑭᒋ ᓕᑆᑲᐎ ᐱᒧᑌᔦᒃ, ᓇᒪᐎᓚ ᑖᐱᔅᑯᒡ ᑳ ᑲᑫᐹᑎᓯᒋᒃ, ᒫᑲ ᑖᐱᔅᑯᒡ ᑳ ᑲᑫᑕᐌᓕᑕᑭᒃ,
ᐅᒪ ᐅᒋ ᓂᓚᓈᓐ ᓀᔥᑕ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒫᒃ, ᓇᒪᐎᓚ ᓂ ᐳᓂᓈᓐ ᐁ ᐋᔭᒥᐁᔅᑕᒫᑕᑾᒃ, ᑭᒋ ᓴᑲᔅᑭᓀᔅᑳᑯᐌᒃ ᐁ ᑭᔅᑫᓕᒋᑳᑌᓕᒃ ᐅᑦ ᐃᑌᓕᑕᒧᐎᓐ, ᒥᓯᐌ ᑲᑫᑕᐌᓕᑕᒧᐎᓂᒃ ᓀᔥᑕ ᐊᒑᑯᐎ ᓂᓯᑐᑕᒧᐎᓂᒃ;
ᐱᒧᑌᒃ ᑲᑫᑕᐌᓕᑕᒧᐎᓂᒃ ᐊᓂᑭ ᐃᔑ ᐗᓚᐎᑎᒥᒃ ᑳ ᐃᑖᒋᒃ, ᐁ ᑭᔑᑳᑭ ᐁᒀᔭᔅᑯ ᐋᐸᒋᑖᔦᒃ᙮
ᒥᓯᐌ ᑫᒀᓐ ᐅᒋ ᓈᓈᔅᑯᒧᒃ: ᐌᓴ ᐁᐗᑯ ᑭᒋᒪᓂᑐ ᐅᑦ ᐃᑌᓕᑕᐊᐎᓐ ᙭ ᒋᓴᓯᒃ ᑭᓚᐗᐤ ᐅᒋ᙮
ᐁᑳᐎᓚ ᑫᔮᐸᒡ ᑭᒋ ᐱᒫᑎᓯᑦ ᐃᔥᐱᔥ ᐁ ᐅ ᑭᔑᑳᒥᑦ ᐎᔮᓯᐎᓂᒃ ᐅ ᒪᒋᓇᑕᐌᓕᑕᒧᐎᓂᓕᒃ ᐃᓕᓕᐗ, ᒫᑲ ᐅᑦ ᐃᑌᓕᑕᒧᐎᓂᓕᒃ ᑭᒋᒪᓂᑐᐗ᙮
