1 ᐁᐗᑯ ᐅᒋ ᒫᑲ ᓇᔅᐱᑖᒃ ᑭᒋᒪᓂᑐ, ᑖᐱᔅᑯᒡ ᐁ ᓵᑭᐋᑲᓂᐎᒋᒃ ᐊᐙᔑᔕᒃ:
ᑭᒋ ᐅᑦ ᐊᐙᔑᒥᔑᒥᑖᒃ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ: ᐌᓴ ᐎᓚ ᑐᑕᐌᐤ ᐱᓯᒶ ᑭᒋ ᒐᑳᓯᑫᔅᑕᐙᓕᒋ ᐅᒪᒋᑡᐗ ᓀᔥᑕ ᐅᒥᓗᑡᐗ, ᐃᔑᑎᔕᐊᒪᐌᐤ ᒫᑲ ᑭᒋ ᑭᒥᐗᓂᓕᒃ ᐅᒀᔭᔅᑭᑎᐗ ᓀᔥᑕ ᐅᒪᒑᑎᓯᐗ᙮
ᐁᐗᑯ ᐅᒋ ᒥᑐᓂ ᒥᓨᑎᓰᒃ, ᑖᐱᔅᑯᒡ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐁ ᐃᔑ ᒥᑐᓂ ᒥᓨᑎᓰᑦ᙮
ᒥᓯᐌ ᐊᓂᐃ ᒫᑲ ᑳ ᐅᑎᓂᑯᑦ, ᐁᐗᒀᓂᐃ ᒫᓛᑦ ᑲᔥᑭᐅᐎᓂᓕᐤ ᑭᒋ ᐅᑯᓯᓯᒥᑯᓕᒋ ᑭᒋᒪᓂᑐᐗ, ᐊᓂᐃ ᐅᑎ ᑳ ᑖᐺᔦᓕᑕᒥᓕᒋ ᐅᑦ ᐃᔑᓂᑳᓱᐎᓐ᙮
ᓀᔥᑕ ᒫᑲ ᑭᔐᐙᑐᑖᑐᒃ, ᐁ ᔕᐎᑌᐁᔦᒃ, ᐁ ᐌᐯᓕᑕᒫᑐᔦᒃ, ᑖᐱᔅᑯᒡ ᑭᒋᒪᓂᑐ ᙭ ᐅᒋ ᐁ ᑮ ᐌᐯᓕᑕᒫᑖᒃ᙮
ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ:
ᐁᐗᑯ ᐌᒋ ᐳᔅᑎᔥᑲᒧᒃ, ᑖᐱᔅᑯᒡ ᐅ ᐙᐌᓛᐸᒫᑲᓇ ᑭᒋᒪᓂᑐ, ᐯᓓᑭᓯᔦᒃ ᓀᔥᑕ ᓯᐋᑭᐃᑲᐎᔦᒃ, ᔕᐌᓕᒋᑫᐎ ᒥᑌᐃ, ᑭᔐᐙᑎᓯᐎᓐ, ᑕᐸᑌᓕᒧᐎᓐ, ᓗᔅᐱᓯᐎᓐ, ᔑᐱᓚᐌᓯᐎᓐ;
ᓯᐋᑭᐃᑕᑾᒃ, ᑮᔥᐱᓐ ᑭᒋᒪᓂᑐ ᐅᒪ ᐃᔑ ᑮ ᓵᑭᐃᑕᒃ, ᑭᓚᓈᓇᐤ ᑭ ᑳ ᓵᑭᐃᑐᑖᓇᐤ᙮
