7 ᒫᑲ ᒥᓯᐌ ᐁ ᐃᑕᔑᔭᒃ ᑭ ᒥᓕᑲᐎᓈᓇᐤ ᔕᐌᓕᒋᑫᐎᓐ, ᐁ ᐃᔥᐱᔑ ᒫᑎᓇᒫᑕᒃ ᙭᙮
ᐯᔭᒃ ᐊᓂᐃ ᒫᑲ ᑮ ᒥᓓᐤ ᓂᔮᓚᓐ ᑖᓕᓐᑕ, ᑯᑕᑭᔭ ᓂᔔ, ᑯᑕᑭᔭ ᒫᑲ ᐯᔭᒃ; ᒥᓯᐌ ᑕᑐ ᐃᓕᓕᐗ ᑮ ᒫᑎᓇᒪᐌᐤ ᐱᑯ ᐁᔅᐱᒋ ᑲᔥᑭᑖᓕᒋ; ᐁᑯ ᒫᑲ ᑫᑐᑌᑦ᙮
ᐌᓴ ᐊᓇ ᑳ ᐃᑎᔕᐅᑯᑦ ᑭᒋᒪᓂᑐᐗ, ᐋᔭᒥᐌᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᐌᓴ ᑭᒋᒪᓂᑐᐗ ᓇᒪᐎᓚ ᑎᐯᓕᑕᒫᑯ ᐊᒑᑾ᙮
ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮
ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮
ᑮᔥᐱᓐ ᑳ ᐯᑕᒧᐌᑴ ᐁ ᑲᓇᐌᓕᑕᒥᐋᑲᓂᐎᐗᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑭᓚᐗᐤ ᐅᒋ:
ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,
ᑭᒋᒫᓂᑐ ᓀᔥᑕ ᐁ ᑎᐹᒋᒧᑦ, ᑭᔅᑭᓄᐙᒋᒋᑲᓇ ᐅᒋ ᓀᔥᑕ ᓇᓈᑲᐤ ᒫᒪᑖᐎ ᐃᔑᒋᑫᐎᓇ, ᓀᔥᑕ ᐹᐱᑐᔥ ᒫᒪᔅᑳᒋ ᐋᔨᑎᐎᓇ, ᓀᔥᑕ ᐁ ᒫᒥᓕᐌᑦ ᐸᓓᑭ ᐊᒑᑾ, ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ?
ᑖᐱᔅᑯᒡ ᒥᓯᐌ ᑕᑐ ᐃᓕᓕᐤ ᐁ ᑮ ᒥᓛᑳᓂᐎᑦ ᒥᓕᑯᓯᐃᓂᓕᐤ, ᐁᑯ ᐃᔑ ᒫᒥᔅᑯ ᐅᒌᔅᑕᒫᑐᒃ, ᑖᐱᔅᑯᒡ ᒥᓗ ᑲᓇᐌᓕᑎᓛᑲᓇᒃ ᑳ ᑲᓇᐌᓕᑕᒬᒃ ᑭᒋᒪᓂᑐ ᑳ ᐋᔭᑶᑕᐗᔅᑌᓕᒃ ᐅ ᔕᐌᓕᒋᑫᐎᓐ᙮
