ᐃᐱᓯᔭᓇ 4:6 - ᐅᔅᑭ ᑎᔅᑌᒥᓐᑦ

⁶ ᐯᔭᑯ ᑭᒋᒪᓂᑐ ᓀᔥᑕ ᑳ ᐅᑕᐎᒥᑯᑦ ᒥᓯᐌ, ᑳ ᑎᐯᓕᒫᑦ ᒥᓯᐌ, ᑳ ᔖᐳᔥᑲᐙᑦ ᒥᓯᐌ ᓀᔥᑕ ᑳ ᐱᒋᔅᑳᑖᒃ ᒥᓯᐌ ᐁ ᐃᑕᔑᔦᒃ᙮

ᐃᐱᓯᔭᓇ 4:6 Iomraidhean Croise

ᐅᐸᓓᑭᔅ ᒫᑎᐤ 6:13

ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ: ᐌᓴ ᑭᓚ ᑭ ᑎᐱᓚᐌᐎᓯᓐ ᐅᑭᒪᐎᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᑭᔅᑌᓖᑖᑯᓯᐎᓐ, ᑳᑭᑫ᙮ ᐁᒣᓐ᙮

ᐅᐸᓓᑭᔅ ᒫᑎᐤ 6:9

ᐅᒪ ᐃᔑ ᒫᑲ ᐋᔭᒥᐋᒃ: ᓄᑖᐎᓈᓐ ᑭᒋᑭᔑᑯᒃ ᑳ ᐃᑖᔭᓐ, ᑲᑕ ᐎ ᐸᓓᑫᓕᒋᑳᑌᐤ ᑭᑦ ᐃᔑᓂᑳᓯᐎᓐ᙮

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᐅᐸᓓᑭᔅ ᒑᓐ 17:26

ᓂ ᑮ ᐎᑕᒪᐙᐗᒃ ᒫᑲ ᑭᑦ ᐃᔑᓂᑳᓱᐎᓂᓕᐤ, ᓀᔥᑕ ᓂ ᑳ ᐎᑌᓐ: ᐊᓂᒪ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᔭᓐ ᑭᒋ ᐱᒋᔅᑳᑯᒋᒃ, ᓂᓚ ᓀᔥᑕ ᑭᒋ ᐱᒋᔅᑲᐗᑭᒃ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:36

ᐌᓴ ᐎᓚ ᐅᒋᐸᓕᐗ, ᓀᔥᑕ ᐎᓚ ᐅᒋ, ᓀᔥᑕ ᐎᓚ ᑭᒋ ᐋᔮᑦ, ᐃᑕᒀᓋ ᒥᓯᐌ ᑫᒀᓇ: ᑲᑕ ᐎ ᐋᔭᐤ ᒫᑲ ᑭᔅᑖᒋᒥᑯᓯᐎᓂᓕᐤ ᑳᑭᑫ᙮ ᐁᒣᓐ᙮

ᓂᔥᑕᒻ ᑯᕆᓐᑎᐊᓇ 12:6

ᐹᐱᑐᔥ ᓀᔥᑕ ᐁ ᐃᔑ ᐋᔨᑎᓈᓂᐗᒃ, ᒫᑲ ᐁᐗᒀᓇ ᑫᔮᐸᒡ ᑭᒋᒪᓂᑐ ᒥᓯᐌ ᓀᔥᑕ ᒥᓯᐌ ᑳ ᑐᑕᒫᑫᑦ᙮

ᓂᔥᑕᒻ ᑯᕆᓐᑎᐊᓇ 8:6

ᒫᑲ ᑭᓚᓈᓇᐤ ᐅᒋ ᐯᔭᑯ ᐱᑯ ᑭᒋᒪᓂᑐ, ᐊᓇ ᐌᐅᑖᐎᒫᐎᑦ, ᑳ ᐅᒋᐸᓕᑭ ᒥᓯᐌ ᑫᒀᓇ, ᓀᔥᑕ ᑭᓚᓈᓇᐤ ᐊᓇ ᑳ ᐅᒋ ᐃᑖᔭᒃ᙮

ᓂᔓ ᑯᕆᓐᑎᐊᓇ 6:16

ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᐃᐱᓯᔭᓇ 1:21

ᐃᑕ ᓈᔅᐱᒡ ᐊᐙᓯᑌ ᐁ ᐃᔅᐯᓕᑖᑾᓂᓕᒃ ᐃᔥᐱᔥ ᒥᓯᐌ ᑎᐯᓕᒋᑫᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᓀᔥᑕ ᐅᑭᒫᐎᐎᓐ, ᓀᔥᑕ ᒥᓯᐌ ᑕᑐ ᐃᔑᓂᑳᓱᐎᓐ ᑳ ᐙᐎᒋᑳᑌᒃ, ᓇᒪᐎᓚ ᐅᑕ ᐊᔅᑮᒃ ᐱᑯ, ᒫᑲ ᐊᓂᒪ ᐊᔅᑮᒃ ᓀᔥᑕ ᑫ ᐅᑎᒋᐸᓕᒃ:

ᐃᐱᓯᔭᓇ 2:22

ᐊᓇ ᐃᑕ ᑭᓚᐗᐤ ᐊᓯᒋ ᑳ ᒫᒪᐎ ᒋᒪᓕᑲᐎᔦᒃ ᑭᒋ ᐋᐎᔦᒃ ᐃᑕ ᐁ ᐎᑭᑦ ᑭᒋᒪᓂᑐ ᐎᓚ ᐊᒑᒃ ᐅᒋ᙮

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᐃᐱᓯᔭᓇ 6:23

ᑳᔮᒣᓕᑕᒧᐎᓂᓕᐤ ᑲᑕ ᐎ ᐋᔭᐗᒃ ᐎᒋᔖᓂᒪᐗᒃ, ᓀᔥᑕ ᓵᑭᐃᐌᐎᓂᓕᐤ ᐊᓯᒋ ᑖᐺᔦᓕᑕᒧᐎᓂᓕᐤ, ᑭᒋᒪᓂᑐ ᐌᐅᑖᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᓂᔥᑕᒻ ᒑᓐ 3:24

ᐊᓇ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᐱᒋᔅᑲᐌᐤ, ᓀᔥᑕ ᐱᒋᔅᑳᑯ᙮ ᓀᔥᑕ ᐁᑯᑕ ᐌᒋ ᑭᔅᑫᓕᑕᒪᒃ ᑕᑭ ᐁ ᐱᒋᔅᑳᑕᒃ, ᐊᓂᐃ ᐊᒑᑾ ᐅᒋ ᑳ ᑮ ᒥᓕᑕᒃ᙮