ᐃᐱᓯᔭᓇ 4:22 - ᐅᔅᑭ ᑎᔅᑌᒥᓐᑦ

²² ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᐃᐱᓯᔭᓇ 4:22 Iomraidhean Croise

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:6

ᐅᒪ ᐁ ᑭᔅᑫᓕᑕᒪᒃ ᑭ ᑳᔮᔥ ᐃᓕᓕᐎᐎᓂᓇᐤ ᑳ ᒋᔅᑖᔅᑾᐃᑳᑌᒃ ᐊᓯᒋ ᐎᓚ, ᒪᒋᑣᐎᓂ ᒥᔭᐤ ᑭᒋ ᓂᔑᐗᓈᑕᒃ, ᐁᑯᔅᐱ ᐅᒋ ᐁᑳ ᑭᒋ ᐊᑑᔅᑫᔅᑕᒪᒃ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:11

ᐌᓴ ᒪᒋᑣᐎᓐ, ᐊᓂᒪ ᑲᑫᔅᑴᐎᓐ ᐅᒋ, ᓂ ᑮ ᐙᔦᔑᐃᑯᓐ, ᓀᔥᑕ ᐁᐗᑯ ᐅᒋ ᓂ ᑮ ᓂᐹᔨᑯᓐ᙮

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᑲᓓᔕᐊᓇ 1:13

ᐌᓴ ᑭ ᑮ ᐯᑌᓇᐗᐤ ᐌᔅᑲᒡ ᑳ ᑮ ᐋᔨᑎᔮᓐ ᒎᐗᒃ ᐅᑦ ᐋᔭᒥᐋᐎᓂᐙᒃ, ᑳ ᑮ ᐃᔑ ᐋᓕᐙᒃ ᑲᒀᑕᑭᐃᒪᒃ ᐅᑦ ᐋᔭᒥᐋᒪ ᑭᒋᒪᓂᑐ, ᓀᔥᑕ ᑳ ᑮ ᐃᔑ ᓂᔑᐗᓈᒋᐃᒪᒃ:

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᐃᐱᓯᔭᓇ 4:25

ᐁᐗᑯ ᐅᒋ, ᐁ ᐌᐱᓇᒣᒃ ᑭᓛᔅᑭᐎᓐ, ᐁᑯᔑ ᒥᓯᐌ ᐊᐌᓇ ᑲᑕ ᑖᐺᒣᐤ ᐎᒋᐃᓕᓕᐗ: ᐌᓴ ᑭ ᐯᔭᑯᑌᐎᓯᓈᓇᐤ᙮

ᐃᐱᓯᔭᓇ 4:31

ᐌᐱᓇᒧᒃ ᒥᓯᐌ ᐊᒀᑎᓯᐎᓐ, ᓀᔥᑕ ᐋᑯᓚᐌᓯᐎᓐ, ᓀᔥᑕ ᑭᓯᐙᓯᐎᓐ, ᓀᔥᑕ ᑭᓯᐙᓯᐎ ᐋᔭᒥᐎᓐ, ᓀᔥᑕ ᒪᒋ ᐋᔭᒥᐎᓐ, ᓀᔥᑕ ᒥᓯᐌ ᑭᒧᒋᐸᒀᑎᑐᐎᓐ:

ᑯᓚᔑᔭᓇ 2:11

ᐊᓇ ᑭᓚᐗᐤ ᓀᔥᑕ ᑳ ᐅᒋ ᑭᔅᑭᓄᐙᒋᔓᑲᐎᔦᒃ ᐊᓂᒪ ᑭᔅᑭᓄᐙᒋᔓᐎᓐ ᐅᒋ ᐁᑳ ᒥᒋᒋᔭ ᑳ ᐅᒋ ᐅᔑᑖᓂᐗᒃ, ᐁ ᐃᑲᑌᔅᑖᔦᒃ ᐁ ᐎᔭᐎᒪᑲᑭ ᐎᔮᓯᐎᓂ ᒪᒋᑣᐎᓇ, ᐅ ᑭᔅᑭᓄᐙᒋᔔᐃᓐ ᙭ ᐅᒋ:

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᐦᐃᑉᕉᐗ 3:13

ᒫᑲ ᒧᔕᒃ ᑲᑫᔅᑭᒥᑐᒃ, ᒣᒀᒡ ᐊᓄᒡ ᐁ ᑭᔑᑳᒃ ᐁ ᐃᔑᓂᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᔥᑲᐎᑌᐁᔅᑳᑯᑦ ᐁ ᐃᔑ ᑲᑳᔦᓕᓯᒪᑲᓂᓕᒃ ᒪᒋᑣᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:21

ᐁᐗᑯ ᐅᒋ, ᓇᑲᑕᒧᒃ ᒥᓯᐌ ᐎᓂᓯᐎᓐ ᓀᔥᑕ ᑳ ᒥᒉᑎᒃ ᒪᒑᑎᓯᐎᓐ, ᐅᑎᓇᒧᒃ ᒫᑲ ᓗᔅᐹᑎᓯᐎᓂᒃ ᐊᓂᒪ ᑭᒋᑭᔑᑲᐎ ᐋᔭᒥᐎᓐ ᑫ ᑮ ᐅᒋ ᐱᒫᒋᐋᑲᓂᐎᒋᒃ ᑭᑦ ᐊᒑᑯᐙᐗᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:26

ᑮᔥᐱᓐ ᐊᐌᓇ ᐁ ᐃᑕᔑᔦᒃ ᐅᑖᔭᒥᐊᐤ ᐙ ᐃᑌᓕᑖᑯᓯᑴ, ᐁᑳ ᒫᑲ ᑌᐯᓕᑕᑭ ᐅᑌᓕᓕ, ᒫᑲ ᐁ ᐙᔦᔑᑖᑦ ᑎᐱᓚᐌ ᐅᑌᐃ, ᐊᐗ ᐃᓕᓕᐤ ᐅᑦ ᐋᔭᒥᐋᐎᓐ ᓇᒪᐎᓚ ᐙᔦᔥ ᐃᑖᐸᑕᓂᓕᐤ᙮

ᓂᔥᑕᒻ ᐱᑕᕐ 1:18

ᐌᓴ ᑭ ᑭᔅᑫᓕᑌᓇᐗᐤ ᐁᑳ ᐁ ᑮ ᐅᒋ ᐱᒫᒋᐃᑳᐎᔦᒃ ᑳ ᓂᔑᐗᓈᑕᑭ ᑫᒀᓇ, ᑖᐱᔅᑯᒡ ᔖᓕᐋᓈᐱᔉ ᓀᔥᑕᐱᑯ ᐅᓵᐎᔔᓂᐋᓈᐱᔉ, ᑭ ᑲᑫᐹᑎᓯᐎ ᐃᔑᐱᒫᑎᓯᐎᓂᐙᒃ ᐅᒋ ᑳ ᐋᔭᔦᒃ ᐅ ᑭᔅᑭᓄᐊᒫᑫᐎᓂᐙᒃ ᑯᑖᐎᐗᐗᒃ ᐅᒋ;

ᓂᔥᑕᒻ ᐱᑕᕐ 4:3

ᐌᓴ ᐃᔥᐱᔥ ᑳ ᒫᔭᐎᐸᓕᒃ ᑭ ᐱᒫᑎᓯᐎᓂᓇᐤ ᐁᒀᓂ ᑭᒋ ᑮ ᑐᑐᒶᒃ ᐅᑦ ᐃᑌᓕᑕᒧᐎᓂᐗᐤ ᒉᓐᑖᐃᓚᒃ, ᐃᔅᐱ ᐁ ᑮ ᐱᒧᑌᔭᒃ ᑭᔥᑴᔮᑎᓯᐎᓂᒃ, ᒪᒋᓇᑕᐌᓕᑕᒧᐎᓂᒃ, ᐁ ᐅᓵᒥᓂᑾᓂᐙᒃ ᔓᒥᓇᐳ, ᑭᔥᑴᐯᐎᓂᒃ, ᐎᑯᑐᐎᓂᒃ, ᓀᔥᑕ ᐁ ᒪᒋ ᓇᐗᑭᔅᑕᐗᑭᒃ ᒪᓂᑐᑳᓇᒃ:

ᓂᔓ ᐱᑕᕐ 2:13

ᑲᑕ ᐅᑎᓇᒶᒃ ᒫᑲ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓐ, ᑖᐱᔅᑯᒡ ᐊᓂᑭ ᒥᓚᐙᑎᑾᓐ ᑳ ᐃᑌᓕᑕᑭᒃ ᑭᒋ ᑭᔥᑴᔮᑎᓯᓈᓂᐗᒃ ᒣᒀᒡ ᐁ ᑭᔑᑳᒃ: ᒪᓯᓈᓱᐗᒃ ᓀᔥᑕ ᐅᐎᓕᐱᓯᐗᒃ, ᐁ ᒥᓚᐙᑎᑯᐃᑎᓱᒋᒃ ᐅ ᑲᑳᔦᓕᓯᐎᓂᐙᒃ ᒣᒀᒡ ᐁ ᐎᒋᐎᑯᑐᒥᑖᑾᒃ;

ᓂᔓ ᐱᑕᕐ 2:7

ᓀᔥᑕ ᑮ ᐎᑾᒋᐁᐤ ᑳ ᒀᔭᔅᑭᑎᓕᑭ ᓚᑕ, ᐁ ᒪᒥᔕᒣᓕᑕᒥᐃᑯᓕᒋ ᐅ ᐎᓂᓯᐎ ᐃᔑᐱᒫᑎᓯᐎᓂᓕᐤ ᑳ ᒪᒋᑣᓕᒋ: