ᐃᐱᓯᔭᓇ 4:17 - ᐅᔅᑭ ᑎᔅᑌᒥᓐᑦ

¹⁷ ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᐃᐱᓯᔭᓇ 4:17 Iomraidhean Croise

ᐅᐸᓓᑭᔅ ᓘᒃ 16:28

ᐌᓴ ᓂᔮᓚᓕᐗᒃ ᓂᒋᔖᓇᒃ; ᑭᒋ ᐃᑖᒋᒧᔅᑕᐙᑦ, ᐁᑳ ᐎᓚᐗᐤ ᐊᓯᒋ ᐅᑕ ᑭᒋ ᐯᒋ ᐃᑐᑌᒋᒃ ᐃᑕ ᐁ ᐙᐎᓴᑫᓕᒋᑳᑌᒃ᙮

ᐊᐸᔅᑕᓚᒃ 14:15

ᐁ ᐃᑗᒋᒃ ᒫᑲ, ᐅᑭᒫᑐᒃ, ᑖᓀᑭ ᐌᒋ ᑐᑕᒣᒃ ᐅᐅ ᑫᒀᓇ? ᓂᓚᓈᓐ ᓀᔥᑕ ᓂᑦ ᐃᓕᓕᐎᓈᓐ ᐁ ᐃᔑᓈᑯᓯᔮᒃ ᑖᐱᔅᑯᒡ ᑭᓚᐙᐤ, ᑭ ᑲᑫᔅᑭᒥᑎᓈᓐ ᒫᑲ, ᑭᒋ ᑮ ᓇᑲᑕᒣᒃ ᐅᐅ ᐸᑾᓐᑕᐤ ᑫᒀᓇ, ᑭᒋ ᑴᔅᑭᔅᑕᐌᒃ ᑳ ᐱᒫᑎᓯᑦ ᑭᒋᒪᓂᑐ, ᑳ ᑮ ᐅᔑᑖᑦ ᑭᒋᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓂᓕᑭ;

ᐊᐸᔅᑕᓚᒃ 18:5

ᐃᔅᐱ ᒫᑲ ᓵᐃᓚᔅ ᓀᔥᑕ ᑕᐃᒧᑎᐊᔅ ᑳ ᐯᒋ ᐅᑐᑌᒋᒃ ᒫᓯᑐᓂᐊᐃᒃ ᐅᒋ, ᐹᓪ ᑮ ᐋᑲᒣᓕᑕᒻ ᐅᑦ ᐊᒑᑯᒃ, ᓀᔥᑕ ᑮ ᑎᐸᒋᒧᔅᑕᐌᐤ ᐊᓂᐃ ᒎᐗ ᒋᓴᓴ ᐁ ᙭ᑎᐎᓕᒋ᙮

ᐊᐸᔅᑕᓚᒃ 2:40

ᒥᒉᑦ ᒫᑲ ᑯᑕᑭᔭ ᐋᔭᒥᐎᓇ ᐅᒋ ᑮ ᑎᐸᒋᒧᔅᑕᐌᐤ, ᓀᔥᑕ ᑮ ᔑᑭᒣᐤ, ᐁ ᐃᑗᑦ, ᐱᒫᒋᐃᑎᓱᒃ ᐅᑯ ᐅᒋ ᐊᓄᒡ ᑳ ᐋᓂᔅᑫ ᐱᒫᑎᓯᒋᒃ ᑳ ᑲᑫᐹᑎᓯᒋᒃ᙮

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:21

ᐌᓴ ᐃᔅᐱ ᑫᔅᑫᓕᒫᒋᒃ ᑭᒋᒪᓂᑐᐗ, ᓇᒪᐎᓚ ᑖᐱᔅᑯᒡ ᑭᒋᒪᓂᑐ ᑮ ᐃᔑ ᑭᔅᑌᓕᑖᑯᐁᐗᒃ, ᓇᒪ ᓀᔥᑕ ᑮ ᓇᓈᔅᑯᒧᐗᒃ; ᒫᑲ ᐸᑾᓐᑕᐤ ᑮ ᐊᑎ ᐃᑎᐗᒃ ᐅ ᒥᑐᓀᓕᒋᑲᓂᐙᒃ, ᓀᔥᑕ ᐅ ᑲᑫᐹᒋᑌᐃᐗᐤ ᑮ ᐗᓂᑎᐱᔅᑳᓕᐤ᙮

ᓂᔥᑕᒻ ᑯᕆᓐᑎᐊᓇ 1:12

ᐅᒪ ᒫᑲ ᓂᑦ ᐃᑣᓐ, ᒥᓯᐌ ᑕᑐ ᐁ ᐃᑕᔑᔦᒃ ᐁ ᐃᑗᑦ, ᓂᓚ ᓂ ᓄᔅᐱᓇᑕᐤ ᐹᓪ; ᓀᔥᑕ ᓂᓚ ᐊᐸᓚᔅ; ᓀᔥᑕ ᓂᓚ ᓯᐸᔅ; ᓀᔥᑕ ᓂᓚ ᙭᙮

ᓂᔥᑕᒻ ᑯᕆᓐᑎᐊᓇ 15:50

ᐅᒪ ᒫᑲ ᓂᑦ ᐃᑣᓐ, ᓂᒋᔖᓂᑐᒃ, ᐎᔮᔅ ᓀᔥᑕ ᒥᑯ ᓇᒪᐎᓚ ᑲᑕ ᑮ ᐱᑐᑫᒪᑲᓋ ᑭᒋᒪᓂᑐ ᐅᑦ ᐅᑭᒪᐎᐎᓂᓐ; ᓇᒪ ᓀᔥᑕ ᐊᓂᒪ ᑳ ᓂᔑᐗᓈᑕᒃ ᑲᑕ ᑮ ᐊᔑᑕᑭᑌᐤ ᐊᓂᒪ ᐁᑳ ᑳ ᓂᔑᐗᓈᑕᒃ᙮

ᓂᔓ ᑯᕆᓐᑎᐊᓇ 9:6

ᒫᑲ ᐅᒪ ᓂᑦ ᐃᑣᓐ, ᐊᓇ ᐋᐱᔑᔥ ᐱᑯ ᑳ ᐗᓴᓶᐱᓂᑫᑦ ᐋᐱᔑᔥ ᐱᑯ ᑲᑕ ᒪᓂᔑᑯᐤ; ᐊᓇ ᒫᑲ ᒥᔅᑕᐃ ᑳ ᐗᓴᓶᐱᓂᑫᑦ ᒥᔅᑕᐃ ᓀᔥᑕ ᑲᑕ ᒪᓂᔑᑫᐤ᙮

ᑲᓓᔕᐊᓇ 3:17

ᐅᒪ ᓀᔥᑕ ᓂᑦ ᐃᑣᓐ, ᐊᓂᒪ ᓇᔅᑯᒥᑐᐎᓐ, ᓂᑳᓐ ᑳ ᑮ ᐋᔨᒋᑖᑦ ᑭᒋᒪᓂᑐ ᙭ᑎᒃ, ᐅᓚᔓᐌᐎᓐ ᐹᑎᒫ ᓀᐗᐤ ᒥᑖᑐᒥᑕᓇᐤ ᓀᔥᑕ ᓂᔅᑐᒥᑕᓇᐤ ᐱᐴᓋ ᑳ ᒥᓕᐙᓂᐗᒃ, ᓇᒪᐎᓚ ᑮ ᑴᔅᑭᑖᒪᑲᓐ ᑭᒋ ᐅᒋ ᐁᑳ ᐋᐸᑕᒃ ᐊᓂᒪ ᐊᔔᑕᒫᑫᐎᓐ᙮

ᑲᓓᔕᐊᓇ 5:3

ᐌᓴ ᒥᓇ ᓂ ᐎᑕᒪᐗᐤ ᒥᓯᐌ ᑕᑐ ᐃᓕᓕᐤ ᑳ ᑭᔅᑭᓄᐙᒋᔣᑲᓂᐎᑦ, ᒪᓯᓇᐃᑫᐤ ᒥᑐᓂ ᑭᒋ ᑎᐱᑐᑕᒃ ᐅᓚᔓᐌᐎᓂᓕᐤ᙮

ᐃᐱᓯᔭᓇ 1:22

ᓀᔥᑕ ᒥᓯᐌ ᑫᒀᓇ ᔑᐹ ᐅᓯᑎᓕᒃ ᐁ ᑮ ᐃᑕᔅᑕᐙᑦ, ᓀᔥᑕ ᐁ ᑮ ᒥᓛᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ ᐅᑦ ᐋᔭᒥᐋᐎᓂᒃ,

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᑯᓚᔑᔭᓇ 2:4

ᐅᒪ ᒫᑲ ᓂᑦ ᐃᑣᓐ, ᐁᑳ ᐊᐌᓇ ᐃᓕᓕᐤ ᑭᒋ ᐙᔦᔑᒥᑖᒃ ᔓᔅᒀᒋᐋᔭᒥᐎᓇ ᐅᒋ᙮

ᓂᔥᑕᒻ ᑌᓴᓗᓂᔭᓇ 4:6

ᐁᑳᐎᓚ ᐊᐌᓇ ᐙᔦᔥ ᐁ ᑐᑕᒃ ᑭᒋ ᒪᒋᑐᑕᐙᑦ ᓀᔥᑕ ᐙᔦᔑᐋᑦ ᐎᒋᔖᓇ; ᐌᓴ ᐅᑎᐯᓕᒋᑫᐤ ᑲᑕ ᐋᔅᑯᒋᐁᐤ ᒥᓯᐌ ᐁᑯᑐᐎ, ᑖᐱᔅᑯᒡ ᐁ ᑮ ᐃᔑ ᓂᔮᑲᓇ ᐎᑕᒫᑖᒃ ᓀᔥᑕ ᐋᓕᒧᑕᒫᑖᒃ᙮

ᓂᔥᑕᒻ ᑎᒧᑎ 5:21

ᑭ ᔮᒀᒥᒥᑎᓐ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᓀᔥᑕ ᑳ ᐙᐌᓛᐸ ᒫᑲᓂᐎᒋᒃ ᐁᓐᒐᓚᒃ, ᑭᒋ ᓈᑲᑕᐌᓕᑕᒪᓐ ᐅᐅ, ᐁᑳ ᐊᐙᓯᑌ ᐁ ᑭᔅᑌᓕᒪᑦ ᐯᔭᒃ ᐊᐌᓇ ᐃᔥᐱᔥ ᑯᑕᒃ, ᐁᑳ ᑫᒀᓐ ᐁ ᑐᑕᒪᓐ ᐁᑳ ᐁ ᐃᔑ ᒀᔭᔉ ᑎᐹᔅᑯᓀᓕᒋᑳᑌᒃ᙮

ᓂᔥᑕᒻ ᑎᒧᑎ 6:13

ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᓂᔥᑕᒻ ᐱᑕᕐ 1:18

ᐌᓴ ᑭ ᑭᔅᑫᓕᑌᓇᐗᐤ ᐁᑳ ᐁ ᑮ ᐅᒋ ᐱᒫᒋᐃᑳᐎᔦᒃ ᑳ ᓂᔑᐗᓈᑕᑭ ᑫᒀᓇ, ᑖᐱᔅᑯᒡ ᔖᓕᐋᓈᐱᔉ ᓀᔥᑕᐱᑯ ᐅᓵᐎᔔᓂᐋᓈᐱᔉ, ᑭ ᑲᑫᐹᑎᓯᐎ ᐃᔑᐱᒫᑎᓯᐎᓂᐙᒃ ᐅᒋ ᑳ ᐋᔭᔦᒃ ᐅ ᑭᔅᑭᓄᐊᒫᑫᐎᓂᐙᒃ ᑯᑖᐎᐗᐗᒃ ᐅᒋ;

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮