ᐃᐱᓯᔭᓇ 4:14 - ᐅᔅᑭ ᑎᔅᑌᒥᓐᑦ

¹⁴ ᐁᑳ ᑫᔮᐸᒡ ᑭᒋ ᐊᐙᔑᔑᐎᔭᒃ ᐁ ᒫᒦᔅᑯᒋᐸᓕᔭᒃ ᐸᐹᐌᐹᔅᑎᒥᑯᔭᒃ ᒥᓯᐌ ᐹᐱᑐᔥ ᑭᔅᑭᓄᐊᒫᑫᐎᓐ, ᐁ ᒋᔑᐃᑕᑾᒃ ᐙᔦᔑᐃᐌᐎᓕᓕᐗᒃ, ᓀᔥᑕ ᐅ ᒪᒋ ᑲᑳᔦᓕᓯᐎᓂᐗᐤ, ᐃᑕ ᑳ ᐅᒋ ᐊᔣᐃᑫᒋᒃ ᑭᒋ ᐙᔦᔑᐃᐌᒋᒃ;

ᐃᐱᓯᔭᓇ 4:14 Iomraidhean Croise

ᐅᐸᓓᑭᔅ ᒫᑎᐤ 11:7

ᐁ ᐊᑎ ᑭᑐᑌᓕᒋ ᒫᑲ, ᒋᓴᔅ ᑮ ᒫᒋ ᐃᑌᐤ ᒥᔮᒪᐎᒥᒉᑎᓕᒋ ᐃᓕᓕᐗ ᐁ ᐋᓕᒧᒫᑦ ᒑᓇ, ᑫᒀᓐ ᐙ ᐙᐸᑕᒣᒃ ᐃᔅᐱ ᑳ ᐃᑐᑌᔦᒃ ᐸᑾᑕᔅᑲᒥᑲᒃ? ᐎᐹᔉ ᓈ ᐁ ᐌᐌᐹᔅᑕᒃ?

ᐅᐸᓓᑭᔅ ᒫᑎᐤ 24:11

ᒥᒉᑦ ᒫᑲ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᒥᒉᑦ ᒫᑲ ᑲᑕ ᐙᔦᔑᐁᐗᒃ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐊᐸᔅᑕᓚᒃ 23:21

ᒫᑲ ᐁᑳᐎᓚ ᑖᐺᑖᒃ: ᐌᓴ ᐊᐙᓯᑌ ᐃᔥᐱᔥ ᓀᒥᑕᓇᐤ ᐃᓕᓕᐗᒃ ᑮ ᒫᑯᐱᑎᓱᐗᒃ ᐁ ᑭᒋᐃᑗᒋᒃ, ᐁᑳ ᑭᒋ ᒥᒋᓱᒋᒃ ᐁᑳ ᓀᔥᑕ ᑭᒋ ᒥᓂᑴᒋᒃ ᐹᑎᒫ ᑮ ᓂᐸᐋᑡᐌ: ᐊᓄᒡ ᒫᑲ ᐋᔦᔅᑲᐎᓯᐗᒃ ᐁ ᐊᔅᐯᓕᑐᑖᔅᑭᒃ ᑭᒋ ᐊᔓᑕᒪᐌᒃ᙮

ᓂᔥᑕᒻ ᑯᕆᓐᑎᐊᓇ 12:2

ᑭ ᑭᔅᑫᓕᑌᓇᐗᐤ ᐁ ᑮ ᒉᓐᑖᐃᓕᐎᔦᒃ, ᐁ ᐗᓂᐎᓕᑲᐎᔦᒃ ᑭᒋ ᐊᑑᔅᑲᐌᑾᒃ ᐅᑯ ᐁᑳ ᑳ ᓂᑕᐌᒋᒃ ᒪᓂᑐᑳᓇᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᑕᐃᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 14:20

ᓂᒋᔖᓂᑐᒃ, ᐁᑳᐎᓚ ᐊᐙᔑᔑᐎᒃ ᓂᓯᑐᑕᒧᐎᓂᒃ: ᒫᑲ ᐎᓚ ᑭᓰᔅᑖᑐᐎᓂᒃ ᐊᐙᔑᔑᐎᒃ, ᒫᑲ ᓂᓯᑐᑕᒧᐎᓂᒃ ᑭᔖᐯᐎᒃ᙮

ᓂᔥᑕᒻ ᑯᕆᓐᑎᐊᓇ 3:19

ᐌᓴ ᐅᒪ ᐊᔅᑭ ᑲᑫᑕᐌᓕᑕᒧᐎᓐ ᑲᑫᐹᑎᓯᐎᓐ ᐃᑌᓕᑕᒻ ᑭᒋᒪᓂᑐ᙮ ᐌᓴ ᐃᑕᓯᓇᐃᑳᑌᐤ, ᑎᐱᓚᐌ ᐅ ᑲᑳᔦᓕᓯᐎᓂᓕᒃ ᒫᒋᑯᓀᐤ ᐊᓂᐃ ᑳ ᑲᑫᑕᐌᓕᑕᒥᓕᒋ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᑲᓓᔕᐊᓇ 3:1

ᐅ ᑫᑫᐹᑎᓯᔦᒃ ᑲᓓᔕᐊᓂᑐᒃ, ᐊᐌᓇ ᑳ ᑮ ᑲᑫᐹᒋᐃᑖᒃ, ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ, ᒧᔑᔐ ᑭᔥᑭᔑᑯᐙᒃ ᒋᓴᔅ ᙭ ᐁ ᑮ ᐙᐸᑎᓕᑲᐎᔦᒃ, ᐁ ᑮ ᒋᔅᑖᔅᑾᐙᑲᓂᐎᑦ ᐃᑕ ᐁ ᐃᑖᔦᒃ?

ᐃᐱᓯᔭᓇ 6:11

ᐳᔅᑎᔥᑲᒸᒃ ᒥᓯᐌ ᐅ ᓇᑐᐸᓕᐎ ᐋᐸᒋᑖᐎᓇ ᑭᒋᒪᓂᑐ, ᑭᒋ ᑮ ᓂᐸᐎᔅᑕᒬᒃ ᒪᒋᒪᓂᑐ ᐅ ᐙᔦᔑᐃᐌᐎᓇ᙮

ᓂᔥᑕᒻ ᑎᒧᑎ 3:6

ᐁᑳ ᐊᓄᒋᑫ ᑳ ᑮ ᐯᒋ ᑕᐺᔦᓕᑕᒃ, ᒫᔅᑯᒡ ᐅᑐᑫ ᐁ ᓵᑲᔅᑭᓀᔅᑳᑯᑦ ᑭᔅᑌᓕᒥᑎᓱᐎᓂᓕᐤ, ᑲᑕ ᐸᑭᔑᓐ ᐅ ᓂᔑᐗᓈᒋᒥᐌᐎᓂᓕᒃ ᒪᒋᒪᓂᑐᐗ᙮

ᓂᔓ ᑎᒧᑎ 1:15

ᐅᒪ ᑭ ᑭᔅᑫᓕᑌᓐ, ᒥᓯᐌ ᐊᓂᑭ ᐁᔕᐃᒃ ᑳ ᐃᑖᒋᒃ ᐁ ᑮ ᓇᑲᔑᒋᒃ; ᐅᑯ ᐋᑎᑦ ᐊᓂᑭ ᐸᐃᒋᓚᔅ ᓀᔥᑕ ᐦᐊᕐᒪᒋᓃᔅ᙮

ᓂᔓ ᑎᒧᑎ 3:13

ᒫᑲ ᒪᒋ ᐃᓕᓕᐗᒃ ᓀᔥᑕ ᐅᐙᔦᔑᐃᐌᐗᒃ ᐋᒋᐱᑯ ᐋᒋᐱᑯ ᑲᑕ ᒪᒋᑣᐗᒃ, ᐁ ᐙᔦᔑᐃᐌᒋᒃ ᓀᔥᑕ ᐁ ᐙᔦᔑᐋᑲᓂᐎᒋᒃ᙮

ᓂᔓ ᑎᒧᑎ 4:3

ᐌᓴ ᐁ ᑭᔑᑳᒃ ᐁᔥᑾ ᑲᑕ ᐅᑎᒋᐸᓕᐤ, ᐃᔅᐱ ᐁᑳ ᑫ ᔑᐯᓕᑕᑭᒃ ᒀᔭᔉ ᑭᔅᑭᓄᐊᒫᑫᐎᓂᓕᐤ; ᒫᑲ ᐁᑕᔅᑌᓕᑭ ᑎᐱᓚᐌ ᐅ ᒪᒋᐃᑌᓕᑕᒧᐎᓂᐗᐗ ᑲᑕ ᒪᐗᓭᑯᓇᒫᓱᐗᒃ ᐅᑭᔅᑭᓄᐊᒫᑫᐗ, ᐁ ᑭᔭᑭᑐᐗᑫᒋᒃ:

ᐦᐃᑉᕉᐗ 13:9

ᐁᑳᐎᓚ ᑭ ᑳ ᐸᐱᒥᐎᓕᑯᓇᐗᐤ ᓇᓈᑲᐤ ᓀᔥᑕ ᐹᐱᑐᔥ ᑭᔅᑭᓄᐊᒫᑫᐎᓇ; ᐌᓴ ᒥᓨᔑᓐ ᒥᑌᐃ ᑭᒋ ᐋᔨᒋᑖᓂᐗᒃ ᔕᐌᓕᒋᑫᐎᓂᒃ, ᓇᒪᐎᓚ ᒥᒋᒥᒃ, ᐁᑳ ᓈᓐᑕᐤ ᑳ ᑮ ᐃᑖᐸᒋᐃᑯᒋᒃ ᐊᓂᑭ ᐁᑯᑕ ᑳ ᑮ ᐱᒧᑌᒋᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:6

ᒫᑲ ᐁᑯᔑ ᑲᑕ ᓇᑐᑕᒪᐤ ᑖᐺᔦᓕᑕᒧᐎᓂᒃ, ᐁᑳ ᒥᑐᓂ ᐁ ᔖᑴᓕᒧᑕᒃ: ᐌᓴ ᐊᓇ ᑳ ᔖᑴᓕᒧᑕᒃ ᓇᔅᐱᑕᐌᐤ ᑲᔅᑲᓇ ᑭᒋᑲᒦᒃ, ᐁ ᐱᒋᑕᔑᓕᒋ ᓀᔥᑕ ᐁ ᐅᐹᔑᓕᒋ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:4

ᑲᓇᐙᐸᑕᒧᒃ ᓀᔥᑕ ᓈᐱᒀᓇ, ᐋᑕ ᓈᔅᐱᒡ ᐁ ᒥᔖᑭ, ᓀᔥᑕ ᐁ ᑭᔑᐸᓕᐃᑯᒪᑲᑭ ᐁ ᓱᑭᓚᐌᒃ, ᐁᓕᐌᒃ ᒫᑲ ᑴᔅᑭᐸᓕᑖᓂᐗᓋ ᓈᔅᐱᒡ ᐁ ᐋᐱᔖᔑᒃ ᑕᑾᐃᑲᓐ ᐅᒋ, ᐃᑕ ᐱᑯ ᐁ ᐃᑌᓕᑕᒃ ᐊᓇ ᑳ ᑎᐯᓕᑕᒃ᙮

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᓂᔥᑕᒻ ᒑᓐ 2:19

ᑭᓚᓇᓇᐤ ᐃᑕ ᐁ ᐃᑖᔭᒃ ᑮ ᐅᒋ ᐗᓚᐎᐗᒃ, ᒫᑲ ᓇᒪᐎᓚ ᑭ ᑮ ᐅᐎᒉᐙᑲᓂᓈᐤ: ᐌᓴ ᑮᔥᐱᓐ ᑮ ᐅᐎᒉᐙᑲᓂᔭᒃ, ᑫᔮᐸᒡ ᑭ ᑳ ᐎᒉᐎᑯᑖᓇᐗᒃ; ᒫᑲ ᑮ ᐗᓚᐎᐗᒃ ᑭᒋ ᑭᔅᑫᓕᑖᑯᓯᒋᒃ ᐁᑳ ᒥᓯᐌ ᐁ ᑮ ᐅᐎᒉᐙᑲᓂᔭᒃ᙮

ᓂᔥᑕᒻ ᒑᓐ 2:26

ᐅᐅ ᑫᒀᓇ ᑭᑭ ᒪᓯᓇᐊᒫᑎᓇᐗᐤ ᐁ ᐋᓕᒧᒪᑭᒃ ᐊᓂᑭ ᑳ ᐙᔦᔑᒥᑖᑾᒃ᙮

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮

ᒎᑦ 1:12

ᐅᑯ ᒪᓯᓇᓱᐎᓂᐎᐗᒃ ᑭ ᓵᑭᐃᐌᐎ ᒪᑯᔐᐎᓂᐙᒃ, ᐃᔅᐱ ᐙᒋᒪᑯᔐᒥᑖᑾᒃ, ᐁᑳ ᐁ ᓭᑭᓯᒋᒃ ᐁ ᐊᔕᒥᑎᓱᒋᒃ: ᐗᔅᑯᐎᐗᒃ ᐁᑳ ᑳ ᓂᐱᐗᑭ, ᐁ ᐌᐌᐹᔅᑕᑭ; ᒥᔅᑎᑾᒃ ᐅ ᒥᓂᔑᒥᐗᐗ ᑳ ᓂᔑᐗᓈᑕᓂᓕᑭ, ᐁᑳ ᐁ ᒥᓂᔑᐎᒋᒃ, ᓂᔡᐤ ᐁ ᓂᐱᒋᒃ, ᐁ ᒋᒋᐸᔅᑯᒋᐌᐱᑖᑲᓂᐎᒋᒃ;

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮