ᐃᐱᓯᔭᓇ 4:12 - ᐅᔅᑭ ᑎᔅᑌᒥᓐᑦ

¹² ᑭᒋ ᒥᑐᓂᐎᐋᑲᓂᐎᒋᒃ ᐅᐸᓓᑭᓴᒃ, ᑭᒋ ᐋᔭᒥᐋᐎ ᐊᑑᔅᑫᒋᒃ, ᑭᒋ ᐅᒋ ᓚᑭᑭᓂᓕᒃ ᙭ ᐎᔭᐤ:

ᐃᐱᓯᔭᓇ 4:12 Iomraidhean Croise

ᐅᐸᓓᑭᔅ ᓘᒃ 22:32

ᒫᑲ ᑭ ᑮ ᐋᔭᒥᐁᔅᑕᒫᑎᓐ, ᐁᑳ ᑭᒋ ᓄᑌᐸᓕᒃ ᑭ ᑖᐺᔦᓕᑕᒧᐎᓐ᙮ ᐃᔅᐱ ᒫᑲ ᑮ ᑴᔅᑳᑎᓯᔭᓀ, ᓵᐱᐎᐃᒃ ᑭᒋᔖᓇᒃ᙮

ᐊᐸᔅᑕᓚᒃ 1:17

ᐌᓴ ᑮ ᐃᑕᑭᒫᑲᓂᐎᐤ ᐊᓯᒋ ᑭᓚᓈᓇᐤ, ᓀᔥᑕ ᑮ ᒥᓛᑲᓂᐎᐤ ᐸᔅᑭ ᐅᒪ ᐋᔭᒥᐋᐎ ᐊᑑᔅᑫᐎᓐ᙮

ᐊᐸᔅᑕᓚᒃ 1:25

ᑭᒋ ᐎᒋᐃᐌᑦ ᐅᒪ ᐋᔭᒥᐋᐎ ᐊᑑᔅᑫᐎᓂᒃ, ᓀᔥᑕ ᐊᐸᔅᑕᓕᐎᐎᓂᒃ, ᑳ ᐅᒋ ᐸᑭᔑᒃ ᒎᑕᔅ, ᒪᒋ ᐋᔨᑎᐎᓐ ᐅᒋ, ᑭᒋ ᐃᑐᑌᑦ ᑎᐱᓚᐌ ᐅ ᑕᔑᑫᐎᓂᒃ᙮

ᐊᐸᔅᑕᓚᒃ 11:23

ᐊᓇ, ᐃᔅᐱ ᑳ ᑕᑯᔑᒃ, ᓀᔥᑕ ᑳ ᑮ ᐙᐸᑕᒸᑦ ᑭᒋᒪᓂᑐᐗ ᐅ ᔕᐌᓕᒋᑫᐎᓂᓕᐤ, ᑮ ᓯᑭᓓᓯᐤ, ᓀᔥᑕ ᑮ ᑲᑫᔅᑭᒣᐤ ᒥᓯᐌ, ᐅᑌᐃᓕᒃ ᐅᒋ ᑭᒋ ᒥᒋᒥᓈᓕᒋ ᐅᑎᐯᓕᒋᑫᐗ᙮

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:5

ᐁᑯ ᑖᐱᔅᑯᒡ ᑭᓚᓈᓇᐤ ᐁ ᒥᒉᑎᔭᒃ ᑭ ᐯᔭᑯ ᒥᔭᐎᐎᓈᓇᐤ ᙭ᑎᒃ, ᓀᔥᑕ ᒥᓯᐌ ᐁ ᐃᑕᔑᔭᒃ ᐁ ᐸᔅᑫᓯᐎᓂᔅᑖᑐᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:7

ᓀᔥᑕᐱᑯ ᐋᔭᒥᐋᐎ ᐊᑑᔅᑫᐎᓐ, ᐁᑯᔑ ᐸᑳᔅᑭᑖᑕᐤ ᑭᑦ ᐋᔭᒥᐋᐎ ᐊᑑᔅᑫᐎᓂᓇᐤ: ᓀᔥᑕᐱᑯ ᐊᓇ ᑳ ᑭᔅᑭᓄᐋᒫᑫᑦ, ᐅ ᑭᔅᑭᓄᐊᒫᑫᐎᓐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14

ᓂᓚ ᓀᔥᑕ ᓂ ᑫᒋᓇᐅᓐ ᐁ ᐃᑌᓕᒥᑖᑾᒃ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐁ ᓵᑲᔅᑭᓀᔅᑳᑯᔦᒃ ᒥᓨᑎᓯᐎᓐ, ᐁ ᓵᑲᔅᑭᓀᔅᑳᑯᔦᒃ ᒥᓯᐌ ᑭᔅᑫᓕᑕᒧᐎᓐ, ᐁ ᑲᔥᑭᑖᔦᒃ ᓀᔥᑕ ᑭᒋ ᑲᑫᔅᑭᒥᑐᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:2

ᐁᑯᔑ ᒥᓯᐌ ᑕᑐ ᐊᐌᓇ ᐁ ᐃᑕᔑᔭᒃ ᑲᑕ ᓂᐃᓚᐌᐁᐤ ᐎᒋᐃᓕᓕᐗ ᑭᒋ ᐃᔑ ᒥᓗᑭᔅᑭᓄᐊᒫᑯᐎᓯᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:29

ᐌᓴ ᓂ ᑫᒋᓇᐅᓐ, ᐃᔅᐱ ᐯᒋ ᐅᑎᑎᑕᑾᐗ, ᓂ ᑳ ᑕᑯᔑᓂᓐ ᐁ ᐃᔑ ᑭᔅᑌᓕᑖᑯᓯᐎ ᔕᐌᓕᑖᑾᓂᓕᒃ ᐅ ᒥᓗᐋᒋᒧᐎᓐ ᙭᙮

ᓂᔥᑕᒻ ᑯᕆᓐᑎᐊᓇ 12:27

ᑭᓚᐗᐤ ᒫᑲ ᐁᐗᑯ ᙭ ᐎᔭᐤ, ᓀᔥᑕ ᐯᐯᔭᒃ ᐁ ᐸᔅᑫᓯᐎᓂᐎᔦᒃ᙮

ᓂᔥᑕᒻ ᑯᕆᓐᑎᐊᓇ 12:7

ᒫᑲ ᐊᒑᒃ ᐅ ᐙᐸᑎᓕᐌᐎᓐ ᒥᓛᑲᓂᐎᐤ ᒥᓯᐌ ᑕᑐ ᐃᓕᓕᐤ ᑭᒋ ᐅᒋ ᐋᓕᐗᒃ ᐅᑎ᙮

ᓂᔥᑕᒻ ᑯᕆᓐᑎᐊᓇ 14:12

ᐁᑯ ᑖᐱᔅᑯᒡ ᑭᓚᐗᐤ, ᓈᔅᐱᒡ ᐁ ᓇᑕᐌᓕᑕᒣᒃ ᐊᒑᑯᐎ ᒥᓕᐌᐎᓇ, ᓈᓇᑕᐌᓕᑕᒧᒃ ᑭᒋ ᐃᔑ ᐸᔅᑭᓛᑫᔦᒃ ᑭᒋ ᑭᔅᑭᓄᐊᒪᐌᑾᒃ ᒫᒪᐎᐋᔭᒥᐋᐗᒃ᙮

ᓂᔥᑕᒻ ᑯᕆᓐᑎᐊᓇ 14:14

ᐌᓴ ᑮᔥᐱᓐ ᐋᔭᒥᔮᓐ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ, ᓂᑦ ᐊᒑᒃ ᐋᔭᒥᐊᐤ, ᒫᑲ ᓂ ᓂᓯᑐᑕᒧᐎᓐ ᓇᒪᐎᓚ ᓈᓐᑕᐤ ᐃᑖᐸᑕᓐ᙮

ᓂᔥᑕᒻ ᑯᕆᓐᑎᐊᓇ 14:26

ᑖᓐ ᐁᔑ ᐃᑭᒃ, ᓂᒋᔖᓂᑐᒃ? ᐃᔅᐱ ᐯᒋ ᒪᐗᒋᐃᑐᔦᒃ, ᑕᑐ ᐁ ᐃᑕᔑᔦᒃ ᐋᔭᐤ ᓂᑲᒧᐎᓐ, ᐋᔭᐤ ᑭᔅᑭᓄᐊᒫᑫᐎᓐ, ᐋᔭᐤ ᐃᔑᑭᔗᐎᓐ, ᐋᔭᐤ ᑭᔅᑫᓕᑖᑯᑖᑫᐎᓐ, ᐋᔭᐤ ᐃᑗᔅᑕᒫᑫᐎᓐ᙮ ᐁᑯᔑ ᒥᓯᐌ ᑫᒀᓇ ᑲᑕ ᑐᒋᑳᑌᐤ ᑭᒋ ᐃᔑ ᑭᔅᑭᓄᐊᒫᑳᓂᐗᒃ᙮

ᓂᔓ ᑯᕆᓐᑎᐊᓇ 12:19

ᒥᓇ, ᑭᑦ ᐃᑌᓕᑌᓇᐗᐤ ᓈ ᐁ ᐎ ᒫᒥᓄᒥᑎᓯᔅᑖᑕᑾᒃ? ᐅᑎᔥᑲᐤ ᑭᒋᒪᓂᑐ ᙭ᑎᒃ ᓂᑦ ᐋᔭᒥᓈᓐ: ᒫᑲ ᒥᓯᐌ ᑫᒀᓇ ᓂ ᑐᑌᓈᓐ, ᑫᒋ ᓵᑭᐃᑕᑾᒃ, ᑭᓚᐗᐤ ᑭᒋ ᑭᔅᑭᓄᐊᒫᑲᐎᔦᒃ᙮

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᓂᔓ ᑯᕆᓐᑎᐊᓇ 13:9

ᐌᓴ ᓂ ᓯᑭᓓᓯᓈᓐ ᐃᔅᐱ ᓕᐃᓚᒥᓯᔮᑭ ᑭᓚᐗᐤ ᒫᑲ ᐁ ᒪᔅᑲᐎᓯᔦᒃ; ᐅᒪ ᒫᑲ ᐊᓯᒋ ᓂ ᓇᑕᐌᓕᑌᓈᓐ ᑭ ᒥᑐᓂᐎᐃᑯᓯᐎᓂᐗᐤ ᐅᑎ᙮

ᓂᔓ ᑯᕆᓐᑎᐊᓇ 3:8

ᓇᒪ ᓈ ᐊᐙᓯᑌ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᐊᒑᑯᒃ ᑳ ᐅᒋᒪᑲᒃ?

ᓂᔓ ᑯᕆᓐᑎᐊᓇ 4:1

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᐋᔭᒥᐋᐎ ᐊᑐᔅᑫᐎᓐ, ᑳ ᑮ ᐃᔑ ᒥᓕᑲᐎᔮᒃ ᔕᐌᓕᒋᑫᐎᓐ, ᓇᒪᐎᓚ ᓂ ᔖᑯᑌᐋᓈᓐ;

ᓂᔓ ᑯᕆᓐᑎᐊᓇ 5:18

ᓀᔥᑕ ᒥᓯᐌ ᑫᒀᓇ ᐃᑕᑾᓂᓕᐤ ᑭᒋᒪᓂᑐ ᐅᒋ, ᑳ ᑮ ᐅᑐᑌᒥᒥᑕᒃ ᒋᓴᔅ ᙭ ᐅᒋ, ᓀᔥᑕ ᑳ ᑮ ᒥᓕᑕᒃ ᐅᑐᑌᒥᐃᐌᐎ ᐊᑑᔅᑫᐎᓐ;

ᓂᔓ ᑯᕆᓐᑎᐊᓇ 6:3

ᐁᑳ ᑫᒀᓐ ᐁ ᑐᑕᒫᒃ ᑫ ᐅᒋ ᓈᔦᑕᐌᓕᑕᒥᐃᐌᔮᒃ, ᐋᔭᒥᐋᐎ ᐊᑑᔅᑭᐎᓐ ᐁᑳ ᑭᒋ ᒪᒋ ᐋᓕᒧᒋᑳᑌᓐ;

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᐃᐱᓯᔭᓇ 1:23

ᐁᐗᑯ ᑳ ᐅ ᐎᔭᐎᑦ, ᐅ ᓵᑲᔅᑭᓀᐎᓐ ᐊᓇ ᒥᓯᐌ ᑳ ᓵᑲᔅᑭᓇᑫᑦ ᒥᓯᐌ ᐃᔑ᙮

ᐃᐱᓯᔭᓇ 4:16

ᐊᓇ ᒥᓯᐌ ᒥᔭᐤ ᑳ ᐅᒋ ᒥᓗ ᒫᒪᐗᒧᑖᑲᓂᐗᒃ ᓀᔥᑕ ᐋᓕᑕᐱᑳᑌᒃ ᐊᓂᒪ ᐅᒋ ᑳ ᒥᓕᐌᒪᑲᒃ ᒥᓯᐌ ᐁ ᐊᔮᓂᔅᑳᓂᐗᒃ ᒥᔭᐤ ᐁ ᐃᔑ ᑖᐺ ᐋᐸᑎᓯᒪᑲᒃ ᒥᓯᐌ ᐁ ᓇᓈᑲᐗᒃ, ᑭᒋ ᓚᑭᑭᒪᑲᒃ ᒥᔭᐤ, ᑭᒋ ᓚᑭᐃᑎᓱᒪᑲᒃ ᓵᑭᐃᐌᐎᓂᒃ᙮

ᐃᐱᓯᔭᓇ 4:29

ᐁᑳᐎᓚ ᒪᒋ ᐋᔭᒥᐎᓐ ᑲᑕ ᐅᒋᐸᓕᐤ ᑭᑐᓂᐙᒃ, ᒫᑲ ᐊᓂᒪ ᑳ ᒥᓨᔑᒃ ᐁ ᐃᑖᐸᑕᒃ ᑭᒋ ᑭᔅᑭᓄᐊᒫᑫᒪᑲᒃ, ᑭᒋ ᑮ ᒥᓗᑐᑖᑯᒋᒃ ᐊᓂᑭ ᑳ ᐯᑕᑭᒃ᙮

ᐃᐱᓯᔭᓇ 4:4

ᐯᔭᑾᓐ ᒥᔭᐤ, ᓀᔥᑕ ᐯᔭᑯ ᐊᒑᒃ, ᑖᐱᔅᑯᒡ ᐁ ᐃᔑ ᓇᑐᒥᑲᐎᔦᒃ ᑭᒋ ᐯᔭᑯ ᐊᔅᐯᓕᒧᔦᒃ ᑭ ᓇᑐᒥᑯᓯᐎᓂᐙᒃ;

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᑯᓚᔑᔭᓇ 1:28

ᐊᓇ ᑳ ᑲᑫᔅᑭᒥᐌᔮᓐ, ᐁ ᔭᒀᒥᒪᑭᑦ ᒥᓯᐌ ᑕᑐ ᐃᓕᓕᐤ, ᓀᔥᑕ ᐁ ᑭᔅᑭᓄᐊᒪᐗᑭᑦ ᒥᓯᐌ ᑕᑐ ᐃᓕᓕᐤ, ᒥᓯᐌ ᑲᑫᑕᐌᓕᑕᒧᐎᓂᒃ; ᒥᓯᐌ ᑕᑐ ᐃᓕᓕᐤ ᒥᑐᓂ ᐁ ᒥᓦᑎᓯᑦ ᑭᒋ ᐸᑭᑎᓇᒫᐗᑭᑦ ᙭ ᒋᓴᔅ:

ᑯᓚᔑᔭᓇ 4:17

ᐃᑎᒃ ᒫᑲ ᐊᕐᑭᐸᔅ, ᔮᒀᒥᓰᔅᑕ ᐊᓂᒪ ᐋᔮᒥᐊᐎ ᐊᑑᔅᑫᐎᓐ ᑳ ᑮ ᐅᑎᓇᒪᓐ ᐅᑎᐯᓕᒋᑫᒃ, ᑭᒋ ᑎᐱᑐᑕᒪᓐ᙮

ᓂᔥᑕᒻ ᑎᒧᑎ 1:12

ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᓂᔓ ᑎᒧᑎ 4:11

ᓘᒃ ᐱᑯ ᓂ ᐎᒉᐎᒃ᙮ ᐅᑎᓐ ᒪᕐᒃ, ᐯᒋᐎᒉᐤ ᒫᑲ; ᐌᓴ ᓂ ᐎᒋᐃᒃ ᐊᔭᒥᐋᐎ ᐊᑑᔅᑫᐎᓂᒃ᙮

ᓂᔓ ᑎᒧᑎ 4:5

ᒫᑲ ᑭᓚ ᒥᓯᐌ ᑫᒀᓇ ᐊᔕᐙᐸᑕ, ᔑᐯᓕᑕ ᑲᒀᑕᑭᓯᐎᓇ, ᑐᑕᒻ ᐅᑦ ᐊᑑᔅᑫᐎᓐ ᒥᓗᐋᒋᒧᐎᓕᓕᐤ, ᒥᑐᓂ ᑭᔅᑫᓕᑖᑯᑖ ᑭᑦ ᐊᑑᔅᑫᐎᓐ᙮

ᐦᐃᑉᕉᐗ 13:17

ᓇᓇᐃᑖᑯᒃ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᑕᐸᑌᓕᒥᑎᓱᔅᑖᑯᒃ: ᐌᓴ ᐊᔕᐙᐸᒣᐗᐤ ᑭᑦ ᐊᒑᑯᐙᐗ, ᑖᐱᔅᑯᒡ ᐊᓂᑭ ᑫ ᐃᑖᒋᒧᒋᒃ, ᒥᓚᐙᑕᒧᐎᓂᒃ ᑭᒋ ᐃᔑ ᑐᑕᑭᒃ, ᓇᒪ ᒫᑲ ᒪᒥᔕᒣᓕᑕᒧᐎᓂᒃ: ᐌᓴ ᐊᓂᒪ ᓇᒪᐎᓚ ᓈᓐᑕᐤ ᑭᑦ ᐃᑖᐸᒋᐃᑯᓇᐗᐤ᙮

ᐦᐃᑉᕉᐗ 6:1

ᐁᐗᑯ ᐅᒋ ᐁ ᓇᑲᑕᒪᒃ ᑳ ᓂᑳᓀᓕᑖᑾᓂᓕᒃ ᐅ ᑭᔅᑭᓄᐊᒫᑫᐎᓐ ᙭, ᐁᑯᔑ ᐋᒋᐱᑯ ᓈᑖᑕᐤ ᒥᑐᓂᐎᓯᐎᓐ; ᐁᑳ ᒥᓇ ᐁ ᐅᓚᔅᑕᔭᒃ ᐌᒋᐸᓕᒃ ᒥᒋᓚᐌᔦᓕᑕᒧᐎᓐ ᓂᐱᐎᓂ ᐊᑑᔅᑫᐎᓂᒃ ᐅᒋ, ᓀᔥᑕ ᐁ ᑖᐺᔦᓕᒫᑲᓂᐎᑦ ᑭᒋᒪᓂᑐ;