ᐃᐱᓯᔭᓇ 3:9 - ᐅᔅᑭ ᑎᔅᑌᒥᓐᑦ

⁹ ᑭᒋ ᑐᑕᐗᑭᒃ ᒫᑲ ᒥᓯᐌ ᐃᓕᓕᐗᒃ ᑭᒋ ᐙᐸᑕᑭᒃ ᐊᓂᐁᓕᐤ ᐅᑐᑌᒥᒥᑐᐎᓂᓕᐤ ᑳ ᒫᒪᔅᑳᑌᓕᑖᑾᓂᓕᒃ, ᐊᔅᐱᓐ ᓂᔥᑕᒻ ᐁ ᐊᔅᑭᐗᒃ ᑳ ᑮ ᑳᑖᓂᐗᓂᓕᒃ ᑭᒋᒪᓂᑐᒃ, ᒥᓯᐌ ᑫᒀᓇ ᑳ ᑮ ᐅᔑᑖᑦ ᒋᓴᔅ ᙭ ᐅᒋ:

ᐃᐱᓯᔭᓇ 3:9 Iomraidhean Croise

ᐅᐸᓓᑭᔅ ᒫᑎᐤ 10:27

ᑫᒀᓐ ᑳ ᐎᑕᒫᑕᑾᒃ ᐁ ᐗᓂᑎᐱᔅᑳᒃ, ᐁᐗᑯ ᐋᓕᒧᑕᒧᒃ ᐁ ᐙᔅᑌᒃ; ᑫᒀᓐ ᓀᔥᑕ ᑳ ᐯᑕᒣᒃ ᑭᑕᐗᑳᐙᒃ, ᐁᐗᑯ ᐙᐎᑕᒧᒃ ᑕᑯᒡ ᐙᔅᑳᔨᑲᓂᒃ᙮

ᐅᐸᓓᑭᔅ ᒫᑎᐤ 13:35

ᑭᒋ ᑎᐱᐸᓕᓕᒃ ᑳ ᑮ ᐃᑗᑦ ᐅᑭᔅᑭᐙᐃᑫᐤ, ᐁ ᐃᑗᑦ, ᓂ ᑳ ᐹᔅᑭᑐᓀᓕᓐ ᓇᔅᐱᑐᐌᐎ ᐋᑕᓗᑳᓂᒃ; ᓂ ᑳ ᐎᑌᓐ ᑫᒀᓇ ᑳ ᑮ ᑳᒋᑳᑌᑭ ᐊᔅᐱᓐ ᑳ ᐯᒋ ᐊᔅᑭᐗᒃ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᒑᓐ 10:30

ᓂᓚ ᓀᔥᑕ ᓄᑖᐎ ᓂ ᐯᔭᑯᓈᓐ᙮

ᐅᐸᓓᑭᔅ ᒑᓐ 5:17

ᒫᑲ ᒋᓴᔅ ᑮ ᓇᔥᑴᐗᔑᐁᐤ, ᓄᑖᐎ ᐯᒋ ᐋᐸᑎᓯᐤ ᐊᓄᒡ ᐃᔅᑯ, ᓂᓚ ᓀᔥᑕ ᓂᑦ ᐋᐸᑎᓯᓐ᙮

ᐅᐸᓓᑭᔅ ᒑᓐ 5:19

ᐁᑯ ᓀᔥᑴᐗᔑᐋᑦ ᒋᓴᔅ, ᓀᔥᑕ ᑮ ᐃᑌᐤ, ᑖᐺ, ᑖᐺ ᑭᑦ ᐃᑎᓇᐗᐤ, ᐅᑯᓯᓯᒫᐤ ᐁ ᐯᔭᑯᑦ ᓇᒪᐎᓚ ᑫᒀᓕᐤ ᑲᑕ ᑮ ᑐᑕᒻ, ᐱᑯ ᑫᒀᓕᐤ ᐁ ᐙᐸᒫᑦ ᐅᑖᐎᒫᐗ ᐁ ᑐᑕᒥᓕᒋ, ᐅᐅ ᓀᔥᑕ ᑐᑕᒻ ᐅᑯᓯᓯᒫᐤ᙮

ᐊᐸᔅᑕᓚᒃ 15:18

ᑭᔅᑫᓕᑕᒻ ᑭᒋᒪᓂᑐ ᒥᓯᐌ ᐅᑦ ᐊᑐᔅᑫᐎᓇ, ᒫᐗᒡ ᓃᔥᑕᒻ ᐁ ᐊᔅᑭᐗᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:25

ᐌᓴ ᓇᒪᐎᓚ ᓂ ᓇᑕᐌᓕᑌᓐ, ᓂᒋᔖᓂᑐᒃ, ᐁᑳ ᑭᒋ ᑭᔅᑫᓕᑕᒣᒃ ᐅᒪ ᑳᒋ ᑫᒀᓐ, ᐁᑳ ᑭᒋ ᑲᑫᑕᐌᓕᑕᒣᒃ ᑎᐱᓚᐌ ᑭᑦ ᐃᑌᓕᑕᒧᐎᓂᐙᒃ; ᓇᒪᐙᐱᐎᓂᓕᐤ ᐸᔅᑭ ᐁ ᑮ ᐅᑎᑎᑯᑦ ᐃᔅᕃᐃᓪ, ᐹᑎᒫ ᐅᑎᒋᐸᓕᓕᑫ ᐅ ᐌᓗᑎᓯᐎᓂᐗᐤ ᒉᓐᑖᐃᓚᒃ᙮

ᓂᔥᑕᒻ ᑯᕆᓐᑎᐊᓇ 2:7

ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᐃᐱᓯᔭᓇ 1:4

ᑖᐱᔅᑯᒡ ᑳ ᑮ ᐃᔑ ᐙᐌᓛᐸᒫᑕᒃ ᑭᒋ ᐱᒋᔥᑲᐗᑭᑦ ᐸᒧᔑ ᑮ ᒫᒋ ᐅᔑᑖᓂᐗᒃ ᐅᒪ ᐊᔅᑭ, ᑭᒋ ᐸᓓᑭᓯᔭᒃ, ᓀᔥᑕ ᐁᑳ ᑭᒋ ᐊᑖᒣᓕᑕᑯᓯᔭᒃ ᐁᑖᔅᑕᒪᐱᑦ ᓵᑭᐃᐌᐎᓂᒃ:

ᐃᐱᓯᔭᓇ 3:2

ᑮᔥᐱᓐ ᑳ ᐯᑕᒧᐌᑴ ᐁ ᑲᓇᐌᓕᑕᒥᐋᑲᓂᐎᐗᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑭᓚᐗᐤ ᐅᒋ:

ᐃᐱᓯᔭᓇ 6:19

ᓀᔥᑕ ᓂᓚ ᐊᓯᒋ, ᑭᒋ ᒥᓕᑲᐎᔮᓐ ᑭᒋ ᐹᔅᑭᑐᓀᓕᔮᓐ, ᑭᒋ ᑭᔅᑫᓕᑖᑯᑖᔮᓐ ᐁ ᐃᔑ ᒫᒪᔅᑳᑌᓕᑖᑾᒃ ᒥᓗᐋᒋᒧᐎᓐ:

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:26

ᐊᓂᒪ ᐅᑎ ᑳ ᒫᒪᔅᑳᑌᓕᑖᑾᒃ ᑕᑭ ᑳ ᑮ ᑳᑖᓂᐗᒃ ᓀᔥᑕ ᑳ ᐊᑎ ᐋᔭᓂᔅᑫ ᐱᒫᑎᓯᓈᓂᐗᒃ, ᒫᑲ ᐊᓄᒡ ᑳ ᐸᔭᑌ ᐙᐸᑎᓛᒋᒃ ᐅ ᐸᓓᑭᓯᒪ;

ᑯᓚᔑᔭᓇ 3:3

ᐌᓴ ᑭ ᓂᐱᓇᐗᐤ, ᓀᔥᑕ ᑭ ᐱᒫᑎᓯᐎᓂᐗᐤ ᑳᑖᓂᐗᓐ ᐊᓯᒋ ᙭ ᑭᒋᒪᓂᑐᓈᒃ᙮

ᑯᓚᔑᔭᓇ 4:3

ᐊᓯᒋ ᓀᔥᑕ ᐁ ᐋᔭᒥᐁᔅᑕᒪᐎᔮᒃ, ᑭᒋᒪᓂᑐ ᑭᒋ ᐹᔅᑭᑌᓇᒪᐎᔭᒥᑦ ᓂᑕᐌᐎᓂᐃᔥᒀᑌᒡ, ᑭᒋ ᐋᓕᒪᑕᒲᒃ ᙭ ᐅ ᒫᒪᔅᑳᑌᓕᑖᑯᓯᐎᓐ, ᐁᐗᑯ ᑳ ᐅᒋ ᒫᒫᒋᒀᐱᓱᔮᓐ:

ᓂᔓ ᑌᓴᓗᓂᔭᓇ 2:13

ᒫᑲ ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ, ᓂᒋᔖᓂᑐᒃ, ᑳ ᓵᑭᐃᑖᒃ ᐅᑎᐯᓕᒋᑫᐤ, ᐌᔅᑲᒡ ᐅᒋ ᐁ ᑮ ᐙᐌᓛᐸᒥᑖᒃ ᑭᒋᒪᓂᑐ ᑭᒋ ᐱᒫᒋᐃᑲᐎᔦᒃ, ᐁ ᐸᓓᑭᐃᑖᒃ ᐊᒑᒃ, ᓀᔥᑕ ᐁ ᑖᐺᑕᒣᒃ ᑖᐺᐎᓐ:

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 14:6

ᓂ ᑮ ᐙᐸᒪᐤ ᒫᑲ ᑯᑕᒃ ᐁᓐᒐᓪ ᐁ ᔖᐳᓛᑦ ᑭᔑᑯᒃ, ᐁ ᐋᔮᑦ ᑳᑭᑫ ᒥᓗᐋᒋᒧᐎᓂᓕᐤ ᑭᒋ ᑲᑫᔅᑭᒫᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᓀᔥᑕ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ, ᓀᔥᑕ ᑳ ᑕᑐᑌᐎᓯᓕᒋ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᐃᓕᓕᐗ,

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮