ᐃᐱᓯᔭᓇ 3:5 - ᐅᔅᑭ ᑎᔅᑌᒥᓐᑦ

⁵ ᐁᐗᒀᓂ ᐌᔅᑲᒡ ᐁᑳ ᑳ ᑮ ᑭᔅᑫᓕᑕᒥᐋᑲᓂᐎᒋᒃ ᐃᓕᓕᐎᑯᓯᓵᓇᒃ, ᑖᐱᔅᑯᒡ ᐊᓄᒡ ᐁ ᐃᔑ ᐙᐸᑎᓛᑲᓂᐎᓕᒋ ᐅ ᐸᓓᑭ ᐊᐸᔅᑕᓕᒪ ᓀᔥᑕ ᐅ ᑭᔅᑭᐙᐃᑫᒪ ᐊᒑᑾ ᐅᒋ;

ᐃᐱᓯᔭᓇ 3:5 Iomraidhean Croise

ᐅᐸᓓᑭᔅ ᒫᑎᐤ 13:17

ᐌᓴ ᑖᐺ ᑭᑦ ᐃᑎᓇᐗᐤ, ᒥᒉᑦ ᐅᑭᔅᑭᐙᐃᑫᐗᒃ ᓀᔥᑕ ᐅᒀᔭᔅᑭᑖᑎᓯᐗᒃ ᑮ ᐊᑲᐙᑕᒶᒃ ᑭᒋ ᐐᐸᑕᑭᒃ ᐅᐅ ᑫᒀᓇ ᑳ ᐙᐸᑕᒣᒃ, ᓇᒪ ᒫᑲ ᐅᒋ ᐙᐸᑕᒶᒃ; ᓀᔥᑕ ᑭᒋ ᐯᑕᑭᒃ ᐅᐅ ᑫᒀᓇ ᑳ ᐯᑕᒣᒃ, ᓇᒪ ᒫᑲ ᑮ ᐯᑕᒶᒃ᙮

ᐅᐸᓓᑭᔅ ᒫᑎᐤ 20:7

ᐃᑌᐗᒃ, ᐁᑳ ᐊᐌᓇ ᐁ ᐅᒋ ᐊᑐᑕᐎᔭᒥᑦ᙮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ; ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 23:34

ᐁᑯᔑ ᒫᑲ, ᒫᑎᑲ, ᑭᑦ ᐃᑎᔕᐊᒫᑎᓇᐗᐤ ᐅᑭᔅᑭᐙᐃᑫᐗᒃ ᓀᔥᑕ ᑫᑫᑕᐌᓕᑕᑭᒃ ᐃᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᓂᐸᐋᐗᐗᒃ ᓀᔥᑕ ᒋᔅᑖᔅᑯᐙᐙᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᐸᐸᓴᔅᑌᐙᐗᐗᒃ ᑭᑦ ᐋᔭᒥᐁᐎᑲᒥᑯᐗᒃ, ᓀᔥᑕ ᒥᓯᐌ ᐃᑖᐎᓂᒃ ᑭ ᑳ ᑲᒀᑕᑭᐊᐙᐗᒃ᙮

ᐅᐸᓓᑭᔅ ᓘᒃ 10:24

ᐌᓴ ᑭᑦ ᐃᑎᓇᐗᐤ, ᒥᒉᑦ ᐅᑭᔅᑭᐙᐃᑫᐗᒃ ᓀᔥᑕ ᑭᒋᐅᑭᒫᐗᒃ ᑭ ᓇᑕᐌᓕᑕᒶᒃ ᑭᒋ ᐙᐸᑕᑭᒃ ᐊᓂᐃ ᑫᒀᓇ ᑭᓚᐗᐤ ᑳ ᐙᐸᑕᒣᒃ, ᓇᒪᐎᓚ ᒫᑲ ᐅᒋ ᐙᐸᑕᒶᒃ; ᓀᔥᑕ ᑭᒋ ᐯᑕᑭᒃ ᐊᓂᐃ ᑫᒀᓇ ᑭᓚᐗᐤ ᑳ ᐯᑕᒣᒃ, ᓇᒪᐎᓚ ᒫᑲ ᐅᒋ ᐯᑕᒶᒃ᙮

ᐅᐸᓓᑭᔅ ᓘᒃ 11:49

ᐁᐗᑯ ᐌᒋ ᐃᑗᒪᑲᓂᓕᒃ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ, ᓂ ᑳ ᐃᔑᑎᔕᐊᒪᐙᐗᒃ ᐅᑭᔅᑭᐙᐃᑫᐗ ᓀᔥᑕ ᐊᐸᔅᑕᓚ, ᐋᑎᑦ ᒫᑲ ᐁ ᐃᑕᓯᓕᒋ ᑲᑕ ᓂᐸᐁᐗᒃ ᓀᔥᑕ ᑲᑕ ᑲᒀᑕᑭᐁᐗᒃ;

ᐅᐸᓓᑭᔅ ᒑᓐ 14:26

ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮

ᐅᐸᓓᑭᔅ ᒑᓐ 16:13

ᐁᓕᐌᒃ ᒫᑲ, ᐃᔅᐱ ᐎᓚ ᑖᐺᐎᓂ ᐋᒐᒃ ᑕᑯᔑᑫ, ᑭ ᑳ ᑭᔅᑭᓄᑕᐃᑯᐗᐤ ᒥᓯᐌ ᑖᐺᐎᓂᒃ: ᐌᓴ ᓇᒪᐎᓚ ᐎᓚ ᑫᒋᐙᒃ ᑲᑕ ᐅᒋ ᐋᔭᒥᐤ; ᒫᑲ ᑕᑐ ᑫᒀᓕᐤ ᑫ ᐯᑕᒃ ᐁᐗᑴᓕᐤ ᑫ ᑎᐹᑐᑕᒃ: ᑫ ᑳ ᐙᐸᑎᓕᑯᐗᐤ ᓀᔥᑕ ᑫᒀᓇ ᑫ ᐃᑭᓂᓕᑭ᙮

ᐊᐸᔅᑕᓚᒃ 10:28

ᑮ ᐃᑌᐤ ᒫᑲ, ᑭ ᑭᔅᑫᓕᑌᓈᐗᐤ ᐁ ᐃᔑ ᓇᔦᑖᐗᒃ ᐃᓕᓕᐤ ᑳ ᒎᐎᑦ ᑭᒋ ᐎᒉᐙᑦ, ᓀᔥᑕᐱᑯ ᑭᒋ ᐱᑐᑲᐙᑦ ᐊᓂᐃ ᐊᔭᒡ ᑳ ᐃᑕᔅᑲᓀᓯᓕᒋ; ᒫᑲ ᑭᒋᒪᓂᑐ ᓂ ᑮ ᐙᐸᑎᓕᒃ ᐁᑳ ᐊᐌᓇ ᐃᓕᓕᐤ ᐋᓉᔦᓕᑖᑯᓯᐤ ᓀᔥᑕ ᓇᒪᐎᓚ ᐸᓓᑭᓯᐤ ᑭᒋ ᐃᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᓂᔥᑕᒻ ᑯᕆᓐᑎᐊᓇ 2:10

ᒫᑲ ᑭᒋᒪᓂᑐ ᐅᐅ ᑭ ᑮ ᐙᐸᑎᓕᑯᓇᐤ ᐅᑦ ᐊᒑᑾ ᐅᒋ: ᐌᓴ ᐊᒑᒃ ᓈᓇᑕᐌᓕᑕᒻ ᒥᓯᐌ ᑫᒀᓇ, ᐁᐁ, ᐊᓂᐃ ᑳ ᒫᒪᔅᑳᑌᓕᑖᑾᓂᓕᑭ ᐅᑦ ᐋᔮᓇ ᑭᒋᒪᓂᑐ᙮

ᐃᐱᓯᔭᓇ 2:20

ᓀᔥᑕ ᐁ ᒋᒪᓕᑲᐎᔦᒃ ᐃᑕ ᐁ ᐋᒋᔪᑖᓂᐗᒃ ᐁᐗᑯ ᐊᐸᔅᑕᓚᒃ ᓀᔥᑕ ᐅᑭᔅᑭᐙᐃᑫᐗᒃ, ᒋᓴᔅ ᙭ ᑫᒋᐙᒃ ᐁ ᐋᐎᑦ ᒫᐗᒋ ᑭᒋ ᐊᓯᓂ ᑭᑫᔮᒃ;

ᐃᐱᓯᔭᓇ 3:9

ᑭᒋ ᑐᑕᐗᑭᒃ ᒫᑲ ᒥᓯᐌ ᐃᓕᓕᐗᒃ ᑭᒋ ᐙᐸᑕᑭᒃ ᐊᓂᐁᓕᐤ ᐅᑐᑌᒥᒥᑐᐎᓂᓕᐤ ᑳ ᒫᒪᔅᑳᑌᓕᑖᑾᓂᓕᒃ, ᐊᔅᐱᓐ ᓂᔥᑕᒻ ᐁ ᐊᔅᑭᐗᒃ ᑳ ᑮ ᑳᑖᓂᐗᓂᓕᒃ ᑭᒋᒪᓂᑐᒃ, ᒥᓯᐌ ᑫᒀᓇ ᑳ ᑮ ᐅᔑᑖᑦ ᒋᓴᔅ ᙭ ᐅᒋ:

ᓂᔓ ᐱᑕᕐ 3:2

ᑭᒋ ᒥᑐᓀᓕᑕᒣᒃ ᐊᓂᐃ ᐋᔭᒥᐎᓇ ᐌᔅᑳᒡ ᑳ ᑮ ᐃᑗᒋᒃ ᐊᓂᑭ ᐸᓓᑭ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᐃ ᑳ ᑮ ᐃᑕᔓᐌᔮᒃ ᓂᓚᓈᓐ ᐅᑦ ᐊᐸᔅᑕᓕᒪ ᐅᑎᐯᓕᒋᑫᐤ ᐯᒫᒋᐃᐌᑦ;

ᒎᑦ 1:17

ᒫᑲ, ᓯᐋᑭᐃᑕᑾᒃ, ᑭᔅᑭᓯᒃ ᐊᓂᐃ ᐋᔭᒥᐎᓇ ᓂᑳᓐ ᑳ ᑮ ᐃᑗᓕᒋ ᐅᑦ ᐊᐸᔅᑕᓕᒪ ᑭ ᑎᐯᓕᒋᑫᒥᓇᐤ ᒋᓴᔅ ᙭;