ᐃᐱᓯᔭᓇ 3:2 - ᐅᔅᑭ ᑎᔅᑌᒥᓐᑦ

² ᑮᔥᐱᓐ ᑳ ᐯᑕᒧᐌᑴ ᐁ ᑲᓇᐌᓕᑕᒥᐋᑲᓂᐎᐗᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑭᓚᐗᐤ ᐅᒋ:

ᐃᐱᓯᔭᓇ 3:2 Iomraidhean Croise

ᐊᐸᔅᑕᓚᒃ 13:2

ᒣᒀᒡ ᐁ ᐋᑐᔅᑫᔅᑕᐙᒋᒃ ᐅᑎᐯᓕᒋᑫᐗ, ᓀᔥᑕ ᐁ ᓂᑲᓱᒋᒃ, ᑳ ᐸᓓᑭᓯᑦ ᐊᒑᒃ ᑮ ᐃᑗᐤ, ᐹᑲᓇᒪᐎᒃ ᐹᕐᓇᐸᔅ ᓀᔥᑕ ᓵᓪ ᐊᓂᒪ ᐊᑐᔅᑫᐎᓐ ᐅᒋ ᑳ ᑮ ᐃᔑ ᓇᑐᒪᑭᒃ᙮

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 22:21

ᓂ ᑮ ᐃᑎᒃ ᒫᑲ, ᑭᑐᑌ: ᐌᓴ ᐙᓚᐤ ᑭ ᑳ ᐃᔑᑎᔕᐅᑎᓐ ᑭᒋ ᓈᑕᒋᒃ ᒉᓐᑖᐃᓚᒃ᙮

ᐊᐸᔅᑕᓚᒃ 9:15

ᒫᑲ ᐅᑎᐯᓕᒋᑫᐤ ᑮ ᐃᑌᐤ, ᒫᒑ ᐃᓴ; ᐌᓴ ᓂ ᑮ ᐙᐌᓛᐸᒪᐤ ᑭᒋ ᐃᔑᐎᑖᑦ ᓂᑦ ᐃᔑᓂᑳᓱᐎᓂᓕᐤ ᐅᑎᔥᑲᐤ ᐊᓂᐃ ᒉᓐᑖᐃᓚ, ᓀᔥᑕ ᑭᒋᐅᑭᒪᐗ; ᓀᔥᑕ ᐃᔅᕃᐃᓪ ᐅᑦ ᐊᐙᔑᒥᔕ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:13

ᐌᓴ ᑭᑦ ᐗᔭᒥᐃᑎᓇᐗᐤ ᑭᓚᐗᐤ ᒉᓐᑖᐃᓕᑐᒃ, ᐎᓚ ᓂᓚ ᐁ ᐅᑦ ᐊᐸᔅᑕᓕᒥᒥᒋᒃ ᒉᓐᑖᐃᓚᒃ, ᓂ ᑭᔅᑌᓕᑌᓐ ᓂᑦ ᐊᑑᔅᑫᐎᓐ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:3

ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 4:1

ᐁᑯᔑ ᐊᐌᓇ ᓂ ᑳ ᐃᑕᑭᒥᑯᓈᓐ ᐁ ᐅᑦ ᐋᔭᒥᐋᐎᐊᑑᔅᑫᓚᑲᓂᒥᔭᒥᑦ ᙭, ᓀᔥᑕ ᐁ ᑲᓇᐌᓕᑎᓕᑲᐎᔮᒃ ᑭᒋᒪᓂᑐ ᐅ ᑳᒋ ᑫᒀᓇ᙮

ᑲᓓᔕᐊᓇ 1:13

ᐌᓴ ᑭ ᑮ ᐯᑌᓇᐗᐤ ᐌᔅᑲᒡ ᑳ ᑮ ᐋᔨᑎᔮᓐ ᒎᐗᒃ ᐅᑦ ᐋᔭᒥᐋᐎᓂᐙᒃ, ᑳ ᑮ ᐃᔑ ᐋᓕᐙᒃ ᑲᒀᑕᑭᐃᒪᒃ ᐅᑦ ᐋᔭᒥᐋᒪ ᑭᒋᒪᓂᑐ, ᓀᔥᑕ ᑳ ᑮ ᐃᔑ ᓂᔑᐗᓈᒋᐃᒪᒃ:

ᐃᐱᓯᔭᓇ 1:10

ᐃᔅᐱ ᒥᑐᓂ ᐅᑎᒋᐸᓕᑫ ᐁ ᑭᔑᑳᒃ, ᑭᒋ ᐯᔭᑯ ᒫᒪᐎ ᒪᐗᒋᑖᑦ ᒥᓯᐌ ᑫᒀᓇ ᙭ᑎᒃ, ᐊᓂᐃ ᑭᒋᑭᔑᑯᒃ ᑳ ᐃᑕᑾᓂᓕᑭ, ᐊᓂᐃ ᓀᔥᑕ ᐅᑕ ᐊᔅᑮᒃ ᑳ ᐃᑕᑾᓂᓕᑭ, ᐎᓚ ᐅᑎ ᑭᒋ ᐱᒋᔅᑳᑯᑦ:

ᐃᐱᓯᔭᓇ 3:7

ᐁᐗᒀᓂᒪ ᑳ ᐅᒋ ᐋᔭᒥᐋᐎ ᐊᑑᔅᑫᓛᑲᓂᐎᔮᓐ, ᐁᔅᐱᔑ ᒥᓕᑲᐎᐗᒃ ᐅ ᔕᐌᓕᒋᑫᐎᓐ ᑭᒋᒪᓂᑐ, ᒀᔭᔉ ᐁ ᐃᔑᐃᑯᐗᒃ ᐅ ᑲᔥᑭᐅᐎᓐ᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᐃᐱᓯᔭᓇ 3:9

ᑭᒋ ᑐᑕᐗᑭᒃ ᒫᑲ ᒥᓯᐌ ᐃᓕᓕᐗᒃ ᑭᒋ ᐙᐸᑕᑭᒃ ᐊᓂᐁᓕᐤ ᐅᑐᑌᒥᒥᑐᐎᓂᓕᐤ ᑳ ᒫᒪᔅᑳᑌᓕᑖᑾᓂᓕᒃ, ᐊᔅᐱᓐ ᓂᔥᑕᒻ ᐁ ᐊᔅᑭᐗᒃ ᑳ ᑮ ᑳᑖᓂᐗᓂᓕᒃ ᑭᒋᒪᓂᑐᒃ, ᒥᓯᐌ ᑫᒀᓇ ᑳ ᑮ ᐅᔑᑖᑦ ᒋᓴᔅ ᙭ ᐅᒋ:

ᐃᐱᓯᔭᓇ 4:21

ᑮᔥᐱᓐ ᑳ ᐯᑕᐙᐌᑴ, ᓀᔥᑕ ᑳ ᑭᔅᑭᓄᐊᒫᑖᑾ, ᑳ ᐃᔑ ᐙᐸᑎᓕᐌᑦ ᑖᐺᐎᓂᓕᐤ ᒋᓴᔅ:

ᐃᐱᓯᔭᓇ 4:7

ᒫᑲ ᒥᓯᐌ ᐁ ᐃᑕᔑᔭᒃ ᑭ ᒥᓕᑲᐎᓈᓇᐤ ᔕᐌᓕᒋᑫᐎᓐ, ᐁ ᐃᔥᐱᔑ ᒫᑎᓇᒫᑕᒃ ᙭᙮

ᑯᓚᔑᔭᓇ 1:4

ᐊᔅᐱᓐ ᐁ ᑮ ᐯᑐᒫᒃ ᐁ ᐃᔑ ᑖᐺᔦᓕᒣᒃ ᒋᓴᔅ ᙭, ᓀᔥᑕ ᐁᔅᐱᒋ ᓵᑭᐁᒀᒃ ᒥᓯᐌ ᐅᐸᓓᑭᓴᒃ;

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᓂᔥᑕᒻ ᑎᒧᑎ 1:11

ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮

ᓂᔥᑕᒻ ᑎᒧᑎ 1:4

ᐁᑳ ᓀᔥᑕ ᑭᒋ ᐱᓯᔅᑫᓕᑕᑭᒃ ᑭᓛᔅᑭᐙᒋᒧᐎᓇ ᓀᔥᑕ ᐁᑳ ᐎᔅᑳᑦ ᑳ ᐳᓂᐸᓕᑭ ᐊᔮᓂᔅᑫᐋᔭᒥᐎᓇ, ᑳ ᐅᒋ ᐅᒋᐸᓕᑭ ᑲᑴᒋᒥᑐᐎᓇ ᐊᐙᓯᑌ ᐃᔥᐱᔥ ᒪᓂᑐᐎ ᑭᔅᑭᓄᐊᒫᑫᐎᓐ ᑖᐺᔦᓕᑕᒧᐎᓂᒃ ᑳ ᐃᑕᑾᒃ᙮

ᓂᔥᑕᒻ ᑎᒧᑎ 2:7

ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮

ᓂᔓ ᑎᒧᑎ 1:11

ᐃᑕ ᑳ ᑮ ᐅᒋ ᐃᑕᔓᐙᑎᑲᐎᔮᓐ ᑭᒋ ᑲᑫᔅᑭᒥᐌᔮᓐ, ᓀᔥᑕ ᑭᒋ ᐊᐸᔅᑕᓕᐎᔮᓐ, ᓀᔥᑕ ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ᙮