ᐃᐱᓯᔭᓇ 3:19 - ᐅᔅᑭ ᑎᔅᑌᒥᓐᑦ

¹⁹ ᓀᔥᑕ ᑭᒋ ᑭᔅᑫᓕᑕᒬᒃ ᙭ ᐅ ᓵᑭᐃᐌᐎᓐ, ᑳ ᒥᔮᔥᑲᒧᒪᑲᐤ ᑭᔅᑫᓕᑕᒧᐎᓐ, ᑭᒋ ᐅᒋ ᓵᑲᔅᑭᓇᐃᑲᐎᔦᒃ ᒥᓯᐌ ᐅ ᓵᑲᔅᑭᓀᐎᓐ ᑭᒋᒪᓂᑐ᙮

ᐃᐱᓯᔭᓇ 3:19 Iomraidhean Croise

ᐅᐸᓓᑭᔅ ᒫᑎᐤ 5:6

ᔕᐌᓕᑖᑯᓯᐗᒃ ᐊᓂᑭ ᑳ ᓄᑌᑲᑌᑐᑕᑭᒃ ᓀᔥᑕ ᑳ ᓄᑌᔮᐸᒀᑐᑕᑭᒃ ᒀᔭᔅᑭᑖᑎᓯᐎᓂᓕᐤ; ᐌᓴ ᑲᑕ ᑮᔥᐳᐋᐗᒃ᙮

ᐅᐸᓓᑭᔅ ᒑᓐ 1:16

ᓀᔥᑕ ᐅ ᐱᓵᑯᓯᐎᓂᒃ ᐅᒋ ᒥᓯᐌ ᑭᓚᓈᓇᐤ ᑭ ᑮ ᐅᑎᓀᓈᓇᐤ, ᓀᔥᑕ ᔕᐌᓕᒋᑫᐎᓐ ᔕᐌᓕᒋᑫᐎᓐ ᐅᒋ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:35

ᐊᐌᓇ ᑫ ᐹᑲᓂᐃᑕᒃ ᙭ ᐅ ᓵᑭᐃᐌᐎᓂᒃ ᐅᒋ? ᑲᒀᑕᑭᓯᐎᓐ ᓈ, ᓀᔥᑕᐱᑯ ᐊᓕᒥᓯᐎᓐ, ᓀᔥᑕᐱᑯ ᓇᓀᑳᒋᐃᑯᓯᐎᓐ, ᓀᔥᑕᐱᑯ ᑲᐗᑲᑌᐎᓐ, ᓀᔥᑕᐱᑯ ᒧᔐᔥᑲᑌᐎᓐ, ᓀᔥᑕᐱᑯ ᓈᓂᓵᓂᓯᐎᓐ, ᓀᔥᑕᐱᑯ ᔑᒫᑲᓐ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:39

ᓀᔥᑕᐱᑯ ᐁ ᐃᔥᐹᒃ, ᓀᔥᑕᐱᑯ ᐁ ᑎᒥᔮᒃ, ᓀᔥᑕᐱᑯ ᑯᑕᒃ ᐅᔑᐋᑲᓐ, ᑲᑕ ᑮ ᑲᔥᑭᑕᐤ ᑭᒋ ᐹᑳᓂᐃᑕᒃ ᐅ ᓵᑭᐃᐌᐎᓂᒃ ᐅᒋ ᑭᒋᒪᓂᑐ, ᑳ ᐃᑕᑾᓂᓕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ᙮

ᓂᔓ ᑯᕆᓐᑎᐊᓇ 5:14

ᐌᓴ ᐅ ᓵᑭᐃᐌᐎᓐ ᙭ ᓂ ᔑᑭᐃᑯᐙᓈᓐ; ᐌᓴ ᐅᒪ ᓂᑦ ᐃᔑ ᑎᐹᔅᑯᓀᓕᑌᓈᓐ, ᑮᔥᐱᓐ ᐯᔭᒃ ᐊᐌᓇ ᑮ ᓂᐳᔅᑕᒪᐙᑦ ᒥᓯᐌ, ᒥᓯᐌ ᐁᑯ ᑳ ᓂᐱᓕᒋ;

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᐃᐱᓯᔭᓇ 1:23

ᐁᐗᑯ ᑳ ᐅ ᐎᔭᐎᑦ, ᐅ ᓵᑲᔅᑭᓀᐎᓐ ᐊᓇ ᒥᓯᐌ ᑳ ᓵᑲᔅᑭᓇᑫᑦ ᒥᓯᐌ ᐃᔑ᙮

ᐃᐱᓯᔭᓇ 3:18

ᑭᒋ ᑮ ᓂᓯᑐᑕᒣᒃ ᐊᓯᒋ ᒥᓯᐌ ᐅᐸᓓᑭᓴᒃ ᐁᔅᐱᒋ ᐋᓚᑲᔥᑳᒃ, ᓀᔥᑕ ᑭᓍᒃ, ᓀᔥᑕ ᑭᔅᐸᑳᒃ, ᓀᔥᑕ ᐃᔥᐹᒃ;

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐃᐱᓯᔭᓇ 5:25

ᓈᐯᑐᒃ, ᓵᑭᐃᑯᒃ ᑭ ᐎᐙᐗᒃ, ᑖᐱᔅᑯᒡ ᙭ ᑳ ᑮ ᐃᔑ ᓵᑭᐋᑦ ᒫᒪᐎᐋᔭᒥᐊᐗ ᓀᔥᑕ ᑳ ᑮ ᐸᑭᑎᓂᑎᓱᔅᑕᒪᐙᑦ;

ᐱᓕᐱᔭᓇ 1:7

ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮

ᐱᓕᐱᔭᓇ 4:7

ᓀᔥᑕ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ, ᐁᑳ ᑎᐁᐱ ᓂᓯᑐᑖᑲᓂᐗᒃ ᑭ ᑳ ᑲᓇᐌᓕᑕᒫᑯᓇᐗᐤ ᑭᑌᐃᐙᐗ ᓀᔥᑕ ᑭ ᒥᑐᓀᓕᒋᑲᓂᐗᐗ ᐎᓚ ᐅᒋ ᒋᓴᔅ ᙭᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮