15 ᐊᓇ ᑳ ᐅᒋ ᐎᓛᑲᓂᐎᒋᒃ ᒥᓯᐌ ᐁ ᒫᒪᐤ ᐅᑌᐎᓯᒋᒃ ᑭᒋᑭᔑᑯᒃ ᓀᔥᑕ ᐊᔅᑮᒃ;
ᐃᔅᐱ ᒫᑲ ᑳ ᑮ ᒥᔅᑲᐙᑦ, ᑮ ᐯᔑᐌᐤ ᐊᓐᑕ ᐊᓐᑎᐊᑭᒃ᙮ ᑮ ᐃᑭᓐ ᒫᑲ ᒥᑐᓂ ᐯᔭᑾᐤ ᐁ ᐱᐳᒃ ᑮ ᒫᐗᒋᐃᑐᐗᒃ ᐊᓯᒋ ᒫᒪᐎᐋᔭᒥᐋᐗ, ᓀᔥᑕ ᑮ ᑭᔅᑭᓄᐊᒪᐌᐗᒃ ᒥᒉᑦ ᐃᓕᓕᐗ᙮ ᑭᔅᑭᓄᐊᒪᐗᑲᓇᒃ ᒫᑲ ᓃᔥᑕᒻ ᒃᕆᔅᑎᔮᓇᒃ ᑮ ᐃᔑᓂᑲᑖᑲᓂᐎᐗᒃ ᐊᓐᑕ ᐊᓐᑎᐊᑭᒃ᙮
ᐃᔅᐱ ᒥᑐᓂ ᐅᑎᒋᐸᓕᑫ ᐁ ᑭᔑᑳᒃ, ᑭᒋ ᐯᔭᑯ ᒫᒪᐎ ᒪᐗᒋᑖᑦ ᒥᓯᐌ ᑫᒀᓇ ᙭ᑎᒃ, ᐊᓂᐃ ᑭᒋᑭᔑᑯᒃ ᑳ ᐃᑕᑾᓂᓕᑭ, ᐊᓂᐃ ᓀᔥᑕ ᐅᑕ ᐊᔅᑮᒃ ᑳ ᐃᑕᑾᓂᓕᑭ, ᐎᓚ ᐅᑎ ᑭᒋ ᐱᒋᔅᑳᑯᑦ:
ᐃᑕ ᓈᔅᐱᒡ ᐊᐙᓯᑌ ᐁ ᐃᔅᐯᓕᑖᑾᓂᓕᒃ ᐃᔥᐱᔥ ᒥᓯᐌ ᑎᐯᓕᒋᑫᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᓀᔥᑕ ᐅᑭᒫᐎᐎᓐ, ᓀᔥᑕ ᒥᓯᐌ ᑕᑐ ᐃᔑᓂᑳᓱᐎᓐ ᑳ ᐙᐎᒋᑳᑌᒃ, ᓇᒪᐎᓚ ᐅᑕ ᐊᔅᑮᒃ ᐱᑯ, ᒫᑲ ᐊᓂᒪ ᐊᔅᑮᒃ ᓀᔥᑕ ᑫ ᐅᑎᒋᐸᓕᒃ:
ᐁᐗᑯ ᐌᒋ ᐱᑭᒋᑾᓀᔅᑖᒪᑭ ᒋᓴᔅ ᙭ ᑭ ᑎᐯᓕᒋᑫᒥᓇᐤ ᐅᑖᐎᔭ,
ᑭᒋ ᐸᑭᑎᓇᒫᑖᒃ, ᐁ ᐃᔅᐱᒋ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ, ᑭᒋ ᒪᔥᑲᐎᐃᑯᔦᒃ ᓱᑳᑎᓯᐎᓐ, ᐅᑦ ᐊᒑᑾ ᐅᒋ, ᑭ ᐱᒋ ᐃᑖᑎᓯᐎᓂᐙᒃ;
ᓀᔥᑕ ᒫᑲ ᐁ ᑮ ᑳᔮᒣᓕᑕᒧᐎᓂᑫᑦ ᐁ ᒥᑯᐗᓂᓕᒃ ᐅᑦ ᐋᔑᑌᐋᑎᑯᒻ ᐅᒋ, ᐎᓚ ᐅᒋ ᑭᒋ ᐙᑯᐙᒋᑕᒫᓱᑦ ᒥᓯᐌ ᑫᒀᓇ; ᐎᓚ ᐅᒋ, ᓂᑦ ᐃᑣᓐ, ᑮᔥᐱᓐ ᐊᔅᑮᒃ ᑳ ᐃᑕᑾᑭ, ᓀᔥᑕᐱᑯ ᑭᒋᑭᔑᑯᒃ ᑳ ᐃᑕᑾᑭ᙮
ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ! ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᒥᒋᑦ ᑳ ᑳᒋᑳᑌᓕᒃ ᒫᓇ, ᓂ ᑳ ᒥᓚᐤ ᓀᔥᑕ ᐙᐸᓯᓂᔭ, ᓀᔥᑕ ᐊᓯᓂᒃ ᐅᔥᑭ ᐃᔑᓂᑳᓱᐎᓐ ᐁ ᒪᓯᓇᐃᑳᑌᒃ, ᐁᑳ ᐊᐌᓇ ᐃᓕᓕᐤ ᑳ ᑭᔅᑫᓕᑕᒃ, ᐊᓇ ᐱᑯ ᑳ ᐅᑎᓇᒃ᙮
ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮
