ᐃᐱᓯᔭᓇ 3:10 - ᐅᔅᑭ ᑎᔅᑌᒥᓐᑦ

¹⁰ ᐊᓂᑭ ᑳ ᑎᐯᓕᒋᑫᒋᒃ ᓀᔥᑕ ᑳ ᓯᑳᑎᓯᒋᒃ ᑭᒋᑭᔑᑯᒃ ᐊᓄᒡ ᒫᒪᐎᐋᔭᒥᐊᐗ ᐅᒋ, ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᑲᑫᑕᐌᓕᑕᒧᐎᓂᓕᐤ ᑳ ᐋᔭᑶᑕᐗᓂᓕᒃ,

ᐃᐱᓯᔭᓇ 3:10 Iomraidhean Croise

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:33

ᐙ ᑎᐱᔮᓕᒃ ᐁ ᐃᔑ ᐌᓗᑕᓂᓕᒃ ᐅ ᑲᑫᑕᐌᓕᑕᒧᐎᓐ ᓀᔥᑕ ᐅ ᑭᔅᑫᓕᑕᒧᐎᐤ ᑭᒋᒪᓂᑐ! ᑖᐺ ᓇᒪᐎᓚ ᑲᑕ ᑮ ᓈᓇᑕᐙᐸᒋᑳᑌᓕᐤ ᐅ ᑎᐹᔅᑯᓂᑫᐎᓇ, ᓀᔥᑕ ᐅᑦ ᐃᔑᑣᐎᓇ ᓇᒪᐎᓚ ᑲᑕ ᑮ ᑌᐱ ᒥᔅᑲᐙᒋᑳᑌᓕᐤ!

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:38

ᐌᓴ ᓂ ᑫᒋᓇᐅᓐ, ᓇᒪᐎᓚ ᓂᐱᐎᓐ, ᓀᔥᑕᐱᑯ ᐱᒫᑎᓯᐎᓐ, ᓀᔥᑕᐱᑯ ᐁᓐᒐᓚᒃ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑳ ᑭᔅᑕᑭᑖᑾᑭ, ᓀᔥᑕᐱᑯ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᐁᔥᑾ ᑫ ᐃᑕᑾᑭ,

ᓂᔥᑕᒻ ᑯᕆᓐᑎᐊᓇ 1:24

ᒫᑲ ᐊᓂᑭ ᑳ ᓇᑐᒫᑲᓂᐎᒋᒃ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ, ᐁᐗᑯ ᑳ ᐃᑌᓕᑕᑭᒃ, ᙭ ᐅ ᑲᔥᑭᐅᐎᓐ ᑭᒋᒪᓂᑐ, ᓀᔥᑕ ᐅ ᑲᑫᑕᐌᓕᑕᒧᐎᓐ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 2:7

ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᐃᐱᓯᔭᓇ 1:21

ᐃᑕ ᓈᔅᐱᒡ ᐊᐙᓯᑌ ᐁ ᐃᔅᐯᓕᑖᑾᓂᓕᒃ ᐃᔥᐱᔥ ᒥᓯᐌ ᑎᐯᓕᒋᑫᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᓀᔥᑕ ᐅᑭᒫᐎᐎᓐ, ᓀᔥᑕ ᒥᓯᐌ ᑕᑐ ᐃᔑᓂᑳᓱᐎᓐ ᑳ ᐙᐎᒋᑳᑌᒃ, ᓇᒪᐎᓚ ᐅᑕ ᐊᔅᑮᒃ ᐱᑯ, ᒫᑲ ᐊᓂᒪ ᐊᔅᑮᒃ ᓀᔥᑕ ᑫ ᐅᑎᒋᐸᓕᒃ:

ᐃᐱᓯᔭᓇ 1:23

ᐁᐗᑯ ᑳ ᐅ ᐎᔭᐎᑦ, ᐅ ᓵᑲᔅᑭᓀᐎᓐ ᐊᓇ ᒥᓯᐌ ᑳ ᓵᑲᔅᑭᓇᑫᑦ ᒥᓯᐌ ᐃᔑ᙮

ᐃᐱᓯᔭᓇ 1:3

ᑲᑕ ᐎ ᒥᓦᑭᑖᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑳ ᑮ ᐸᑭᑎᓇᒫᑕᒃ ᒥᓯᐌ ᐊᒑᑯᐎ ᔕᐌᓕᑖᑯᓯᐎᓇ ᑭᒋᑭᔑᑳᐎ ᑫᒀᓇ ᐃᔑ ᙭ᑎᒃ:

ᐃᐱᓯᔭᓇ 1:8

ᐃᑕ ᑳ ᑮ ᐃᔑ ᐌᓗᒋᐃᑕᒃ ᒥᓯᐌ ᑲᑫᑕᐌᓕᑕᒧᐎᓂᒃ ᓀᔥᑕ ᓕᑄᑲᐎᓂᒃ;

ᐃᐱᓯᔭᓇ 6:12

ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮

ᑯᓚᔑᔭᓇ 1:16

ᐌᓴ ᐎᓚ ᐅᒋ ᒥᓯᐌ ᑫᒀᓇ ᑮ ᐅᔑᑖᓂᐗᓋ, ᑭᒋᑭᔑᑯᒃ ᑳ ᐃᑕᑾᑭ, ᓀᔥᑕ ᐊᔅᑮᒃ ᑳ ᐃᑕᑾᑭ, ᑳ ᓄᑾᑭ, ᓀᔥᑕ ᐁᑳ ᑳ ᓄᑾᑭ, ᑮᔥᐱᓐ ᐅᑭᒪᐗᐱᐎᓇ, ᓀᔥᑕᐱᑯ ᐅᑭᒪᐎᐎᓇ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑲᔥᑭᐅᐎᓇ: ᒥᓯᐌ ᑫᒀᓇ ᐎᓚ ᑮ ᐅᒋ ᐅᔑᑖᓂᐗᓋ, ᓀᔥᑕ ᐎᓚ ᑭᒋ ᐋᔮᑦ᙮

ᑯᓚᔑᔭᓇ 2:10

ᑭᓚᐗᐤ ᒫᑲ ᑭ ᒥᑐᓂᐎᓯᓇᐗᐤ ᐎᔭᐎᒃ, ᐊᓇ ᑳ ᑎᐯᓕᑕᒃ ᒥᓯᐌ ᑎᐯᓕᒋᑫᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ:

ᑯᓚᔑᔭᓇ 2:15

ᐁ ᑮ ᐃᑲᑌᓇᒃ ᒫᑲ ᒥᓯᐌ ᑎᐯᓕᒋᑫᐎᓇ ᓀᔥᑕ ᑲᔥᑭᐅᐎᓇ, ᒧᔐ ᐁ ᓄᑯᑖᑦ, ᐎᓚ ᑫᒋᐙᒃ ᐁ ᑮ ᔖᑯᒋᑖᑦ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔥᑕᒻ ᐱᑕᕐ 3:22

ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮