ᐃᐱᓯᔭᓇ 3:1 - ᐅᔅᑭ ᑎᔅᑌᒥᓐᑦ

¹ ᐁᐗᑯ ᐅᒪ ᐅᒋ ᓂᓚ ᐹᓪ, ᒋᓴᔅ ᙭ ᐅ ᑭᐸᐙᑲᓇ ᑭᓚᐗᐤ ᒉᓐᑖᐃᓚᒃ ᐅᒋ;

ᐃᐱᓯᔭᓇ 3:1 Iomraidhean Croise

ᐅᐸᓓᑭᔅ ᓘᒃ 21:12

ᒫᑲ ᐸᒧᔑ ᒥᓯᐌ ᐅᐅ, ᑭ ᑳ ᒫᑯᓂᑯᐙᐗᒃ, ᓀᔥᑕ ᑭ ᑳ ᑲᒀᑕᑭᐃᑯᐙᐗᒃ, ᐁ ᐸᑭᑎᓂᑖᑾᒃ ᐋᔭᒥᐁᐎᑲᒥᑯᒃ, ᓀᔥᑕ ᑭᐸᐅᑐᐎᑲᒥᑯᒃ, ᐁ ᐃᑐᑕᐃᑲᐎᔦᒃ ᐅᑎᔥᑳᐤ ᑭᒋᐅᑭᒫᐗᒃ ᓀᔥᑕ ᐅᑎᐯᓕᒋᑫᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 21:33

ᐁᑯ ᑭᒋ ᓇᑐᐸᓕᐎᑭᒪᐤ ᐱᐁᒋ ᐃᑐᑌᑦ, ᓀᔥᑕ ᑮ ᐅᑎᓀᐤ, ᓀᔥᑕ ᑮ ᐃᑕᔓᐌᐤ ᓂᔓ ᐱᐙᐱᔅᑴᔮᐱᔭ ᑭᒋ ᐅᒋ ᒫᒪᒋᒀᐱᓱᓕᒋ; ᑮ ᑲᑴᒋᑫᒧ ᒫᑲ ᐊᐌᓇ ᐁ ᐋᐎᓕᒋ ᓀᔥᑕ ᑫᒀᓕᐤ ᑳ ᑮ ᑐᑕᒥᓕᒋ᙮

ᐊᐸᔅᑕᓚᒃ 23:18

ᐁᑯ ᐌᑎᓈᑦ, ᓀᔥᑕ ᑮ ᐯᑐᐌᐤ ᑭᒋ ᓇᑐᐸᓕᐎᑭᒫᐗ, ᑮ ᐃᑗᐤ ᒫᑲ, ᐊᓇ ᑭᐸᐙᑲᓐ ᐹᓪ ᓂ ᑮ ᓇᑐᒥᒃ, ᓀᔥᑕ ᓂ ᑮ ᐸᑯᓭᓕᒥᒃ ᐊᐗ ᐅᔥᑭᓂᑭᐤ ᑭᒋ ᐯᑣᑖᓐ, ᑳ ᐋᔮᑦ ᐙᔦᔥ ᑭᒋ ᐎᑕᒫᔉ᙮

ᐊᐸᔅᑕᓚᒃ 26:29

ᐹᓪ ᒫᑲ ᑮ ᐃᑗᐤ, ᓂ ᐸᑯᓭᓕᒪᐤ ᑭᒋᒪᓂᑐ, ᓇᒪᐎᓚ ᑭᓚ ᐱᑯ, ᒫᑲ ᐊᓯᒋ ᒥᓯᐌ ᐊᓂᑭ ᑳ ᐯᑖᐎᒋᒃ ᐊᓄᒡ ᐁ ᑭᔑᑳᒃ ᒫᒪᐤ ᑫᑳᑦ ᑭᒋ ᐃᑎᒋᒃ, ᓀᔥᑕ ᒥᑐᓂ ᑖᐱᔅᑯᒡ ᐁ ᐃᑎᔮᓐ, ᐱᑯ ᐅᐅ ᒫᒫᒋᑯᐱᓱᐎᓇ᙮

ᐊᐸᔅᑕᓚᒃ 9:15

ᒫᑲ ᐅᑎᐯᓕᒋᑫᐤ ᑮ ᐃᑌᐤ, ᒫᒑ ᐃᓴ; ᐌᓴ ᓂ ᑮ ᐙᐌᓛᐸᒪᐤ ᑭᒋ ᐃᔑᐎᑖᑦ ᓂᑦ ᐃᔑᓂᑳᓱᐎᓂᓕᐤ ᐅᑎᔥᑲᐤ ᐊᓂᐃ ᒉᓐᑖᐃᓚ, ᓀᔥᑕ ᑭᒋᐅᑭᒪᐗ; ᓀᔥᑕ ᐃᔅᕃᐃᓪ ᐅᑦ ᐊᐙᔑᒥᔕ:

ᓂᔓ ᑯᕆᓐᑎᐊᓇ 1:6

ᓀᔥᑕ ᒫᑲ ᑮᔥᐱᓐ ᑲᒀᑕᑭᓯᔮᒃ, ᐃᑭᓐ ᑭᒋ ᐅᒋ ᑲᑮᒋᐃᑲᐎᔦᒃ ᓀᔥᑕ ᐱᒫᒋᐃᑲᐎᔦᒃ, ᑳ ᐅᒋ ᑲᔥᑭᑖᔦᒃ ᑭᒋ ᔑᐯᓕᑐᒣᒃ ᐊᓂᐃ ᐎᓴᑫᓕᑕᒧᐎᓇ ᑖᐱᔅᑯᒡ ᐊᓂᐃ ᐁ ᐃᔑ ᐎᓴᑫᓕᑕᒫᒃ ᓂᓇᓈᓐ; ᑮᔥᐱᓐ ᒫᑲ ᑳᑮᒋᐃᑳᐎᔮᒃ, ᐃᑭᓐ ᑭᒋ ᐅᒋ ᑲᑭᒋᐃᑲᐎᔦᒃ ᓀᔥᑕ ᐱᒫᒋᐃᑲᐎᔦᒃ ᑭᓚᐗᐤ᙮

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᑲᓓᔕᐊᓇ 5:11

ᓂᓚ ᒫᑲ, ᓂᒋᔖᓂᑐᒃ, ᑮᔥᐱᓐ ᑫᔮᐸᒡ ᑫᑫᔅᑭᒥᐌᔮᓂ ᑭᔅᑭᓄᐙᒋᔓᐎᓐ, ᑖᓀᑭ ᐌᒋ ᑫᔮᐸᒡ ᑲᒀᑕᑭᐃᑲᐎᔮᓐ? ᐁᑯᔑ ᒫᑲ ᐱᐅᓂᐸᓕᒃ ᐁ ᓈᔦᑕᐌᓕᒋᑳᑌᒃ ᐋᔑᑌᐋᑎᒃ᙮

ᑲᓓᔕᐊᓇ 5:2

ᒫᑎᑲ, ᓂᓚ ᐹᓪ ᑭᑦ ᐃᑎᓇᐗᐤ, ᑮᔥᐱᓐ ᑭᔅᑭᓄᐙᒋᔓᑳᐎᔦᒃ, ᙭ ᓇᒪᐎᓚ ᐙᔦᔥ ᑭ ᑳ ᐃᑖᐸᒋᐃᑯᐗᐤ᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᐃᐱᓯᔭᓇ 3:11

ᑳ ᐃᑕᔅᑌᒃ ᐊᓂᒪ ᑳᑭᑫ ᑫᒋᓀᓕᑕᒧᐎᓐ, ᑳ ᑮ ᑫᒋᓀᓕᑕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ;

ᐃᐱᓯᔭᓇ 3:13

ᐁᐗᑯ ᒫᑲ ᐅᒋ ᓂ ᓇᑕᐌᓕᑌᓐ ᐁᑳ ᑭᒋ ᐊᑲᐌᓕᑕᒥᐃᑯᔦᒃ ᓂᑦ ᐊᓕᒥᓯᐎᓇ ᑭᓚᐗᐤ ᑳ ᐅᒋ ᐅᑎᑎᑯᔮᓐ, ᑳ ᐃᔅᐯᓕᑖᑯᐃᑯᔦᒃ᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐃᐱᓯᔭᓇ 6:20

ᐊᓂᒪ ᑳ ᐅᒋ ᐃᔑᑎᔕᐗᑲᓂᔮᓐ ᐁ ᒫᒫᒋᒀᐱᔅᑳᐅᑲᐎᔮᓐ: ᐁᐗᑯ ᑭᒋ ᑮ ᑎᐹᑐᑕᒫᓐ ᐁ ᓱᑭᑌᐁᔮᓐ ᑫ ᐃᔑ ᑎᐹᑐᑕᒫᐸᓐ᙮

ᐱᓕᐱᔭᓇ 1:7

ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᑯᓚᔑᔭᓇ 4:18

ᐊᑕᒥᔅᑳᑫᐎᓐ ᓂᓚ ᐹᓪ ᓂᒋᒋᒃ ᐅᒋ᙮ ᑭᔅᑭᓯᑐᑕᒪᒃ ᓂ ᒪᒪᒋᑾᐱᔅᑲᐃᑲᓇ᙮ ᔕᐌᓕᒋᑫᐎᓐ ᑭ ᑳ ᐎ ᐎᒉᐎᑯᓇᐗᐤ᙮ ᐁᒣᓐ᙮

ᑯᓚᔑᔭᓇ 4:3

ᐊᓯᒋ ᓀᔥᑕ ᐁ ᐋᔭᒥᐁᔅᑕᒪᐎᔮᒃ, ᑭᒋᒪᓂᑐ ᑭᒋ ᐹᔅᑭᑌᓇᒪᐎᔭᒥᑦ ᓂᑕᐌᐎᓂᐃᔥᒀᑌᒡ, ᑭᒋ ᐋᓕᒪᑕᒲᒃ ᙭ ᐅ ᒫᒪᔅᑳᑌᓕᑖᑯᓯᐎᓐ, ᐁᐗᑯ ᑳ ᐅᒋ ᒫᒫᒋᒀᐱᓱᔮᓐ:

ᓂᔓ ᑎᒧᑎ 1:16

ᐅᑎᐯᓕᒋᑫᐤ ᑲᑕ ᐎ ᒥᓓᐤ ᔕᐌᓕᒋᑫᐎᓂᓕᐤ ᐁᑕᓯᓕᒋ ᐎᑭᓕᒃ ᐅᓂᓯᐳᕋᔅ; ᐌᓴ ᒥᒉᑡᐤ ᓂ ᑮ ᒥᓜᓕᑕᒥᐃᒃ, ᓇᒪ ᓀᔥᑕ ᑮ ᓇᓀᐯᐎᓯᔅᑕᒻ ᓂ ᑕᑯᐱᓱᐎᓈᐱᔉ;

ᓂᔓ ᑎᒧᑎ 1:8

ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᐹᐃᓕᒪᓐ 1:1

ᐹᓪ, ᐅ ᑭᐸᐙᑲᓇ ᒋᓴᔅ ᙭, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐹᐃᓕᒪᓐ ᓈᔅᐱᒡ ᑳ ᓵᑭᐃᑕᒃ, ᓀᔥᑕ ᓂᒋ ᐊᑑᔅᑫᓛᑲᓂᓈᓐ;

ᐹᐃᓕᒪᓐ 1:23

ᐅᑯ ᑭᑦ ᐊᑕᒥᔅᑳᑾᒃ ᐁᐸᑉᕌᔅ, ᓂᒋᑭᐸᐙᑲᓐ ᙭ ᒋᓴᓯᒃ;

ᐹᐃᓕᒪᓐ 1:9

ᐁᓕᐌᒃ ᒫᑲ ᓵᑭᐃᐌᐎᓐ ᐅᒋ, ᓇᐗᒡ ᑭ ᐸᑯᓭᓕᒥᑎᓐ, ᐁ ᐋᐎᔮᓐ ᐊᓇ ᐹᓪ ᑳ ᑫᑌᔮᑎᓰᑦ, ᐊᓄᒡ ᓀᔥᑕ ᐅ ᑭᐸᐙᑲᓇ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮