ᐃᐱᓯᔭᓇ 2:5 - ᐅᔅᑭ ᑎᔅᑌᒥᓐᑦ

⁵ ᐊᐳᒋᑲ ᒣᒀᒡ ᐁ ᓂᐱᔭᒃ ᒪᒋᑣᐎᓂᒃ, ᐊᓯᒋ ᙭ ᑭ ᑮ ᒫᒪᐎ ᐱᒫᑎᓯᐃᑯᓇᐤ, ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ;

ᐃᐱᓯᔭᓇ 2:5 Iomraidhean Croise

ᐅᐸᓓᑭᔅ ᓘᒃ 15:24

ᐌᓴ ᐊᐗ ᓂᑲᓯᔅ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᑮ ᐗᓂᐊᐤ, ᒥᔅᑲᐗᐤ ᒫᑲ᙮ ᐁᑯ ᒥᐋᒋ ᒧᒋᑫᓕᑕᑭᒃ᙮

ᐅᐸᓓᑭᔅ ᒑᓐ 5:21

ᐌᓴ ᑖᐱᔅᑯᒡ ᐅᑖᐎᒫᐤ ᐁ ᐃᔑ ᐗᓂᔥᑳᓈᑦ ᑳ ᓂᐱᓕᒋ, ᓀᔥᑕ ᐁ ᐋᐱᓯᐋᑦ: ᐁᑯ ᓀᔥᑕ ᐅᑯᓯᓯᒪᐤ ᐁ ᐃᔑ ᐋᐱᓯᐋᑦ ᐊᓂᐃ ᐙᑐᑕᐙᑦ᙮

ᐅᐸᓓᑭᔅ ᒑᓐ 6:63

ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮

ᐊᐸᔅᑕᓚᒃ 15:11

ᒫᑲ ᑭ ᑖᐺᑌᓈᓇᐤ, ᐅ ᔕᐌᓕᒋᑫᐎᓐ ᐅᒋ ᐅᑎᐯᓕᒋᑫᐤ ᒋᓴᔅ ᙭ ᑭᒋ ᐱᒫᒋᐃᑲᐎᔭᒃ, ᑖᐱᔅᑯᒡ ᐎᓚᐗᐤ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:20

ᑭᒋᒪᓂᑐ ᒫᑲ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᐎᐸᒡ ᑲᑕ ᐊᐱᑕᐌᐤ ᓭᑕᓇ ᔑᐹ ᑭᓯᑎᐙᒃ᙮ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:24

ᒧᔐ ᐁ ᒀᔭᔅᑭᑖᑎᓯᐃᑲᐎᔭᒡ ᐅ ᔕᐌᓕᒋᑫᐎᓂᒡ ᐅᒋ ᐊᓂᒪ ᐱᒫᒋᐃᐌᐎᓐ ᐅᒋ ᒋᓴᔅ ᙭ ᑳ ᐅᒋ ᑕᑾᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:16

ᑖᐺᔦᓕᑕᒧᐎᓂᒃ ᒫᑲ ᐅᒋ, ᔕᐌᓕᒋᑫᐎᓂᒃ ᑭᒋ ᐅᒋᐸᓕᒃ: ᐊᓂᐁᓕᐤ ᐊᔓᑕᒫᑫᐎᓂᓕᐤ ᑫᒋᓈᔥ ᑭᒋ ᐃᔅᐸᓕᐃᑯᒋᒃ ᒥᓯᐌ ᐊᓂᑭ ᐊᐙᔑᔕᒃ: ᓇᒪᐎᓚ ᐱᑯ ᐊᓂᑭ ᑳ ᑎᐯᓕᒥᑯᒋᒃ ᐅᓚᔓᐌᐎᓂᓕᐤ, ᒫᑲ ᐊᓂᑭ ᐅᒋ ᑳ ᐃᑖᒋᒃ ᐁᑉᕃᐋᒻ ᐅ ᑖᐺᔦᓕᑕᒧᐎᓂᒃ; ᐊᓇ ᒥᓯᐌ ᑳ ᐃᑕᔑᔭᒃ ᑳ ᐅᑖᐎᔭᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:10

ᐌᓴ ᑮᔥᐱᓐ ᐃᔅᐱ ᑫᔮᐸᒡ ᑳ ᐸᒀᔑᐌᔭᑯᐸᓐ, ᑭ ᑮ ᐙᑯᑕᐃᑲᐎᓈᓇᐤ ᑭᒋᒪᓂᑐ ᐅ ᓂᐱᐎᓂᓕᒃ ᐅᒋ ᐅᑯᓯᓴ, ᐊᐙᓯᑌ ᒫᑲ, ᐋᔕᔾ ᐁ ᑮ ᐙᑯᑕᐃᑲᐎᔦᒃ, ᑭ ᑳ ᐱᒫᒋᐃᑲᐎᓈᓇᐤ ᐅ ᐱᒫᑎᓯᐎᓂᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:6

ᐌᓴ ᒣᒀᒡ ᑫᔮᐸᒡ ᐁᑳ ᐁ ᒪᔥᑲᐎᓯᐎᓂᔭᒃ, ᐃᔅᐱ ᐁᑎ ᐅᑎᒋᐸᓕᒃ, ᙭ ᑮ ᓂᐳᔅᑐᒪᐌᐤ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:8

ᒫᑲ ᑭᒋᒪᓂᑐ ᑭ ᐙᐸᑎᓕᑯᓇᐤ ᐅ ᓵᑭᐃᐌᐎᓐ, ᒣᒀᒡ ᑫᔮᐸᒡ ᐁ ᑮ ᒪᒋᑣᔭᒃ, ᙭ ᑭ ᑮ ᓂᐸᔅᑕᒫᑯᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:2

ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮

ᓂᔓ ᑯᕆᓐᑎᐊᓇ 13:14

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐅ ᓵᑭᐃᐌᐎᓐ ᑭᒋᒪᓂᑐ, ᓀᔥᑕ ᐅ ᐎᒋᐃᐌᐎᓐ ᐯᓓᑭᓯᑦ ᐊᒑᒃ ᒥᓯᐌ ᑭ ᑳ ᐎ ᐎᒉᐎᑯᐗᓇᐗᐤ᙮ ᐁᒣᓐ᙮

ᐃᐱᓯᔭᓇ 2:1

ᑭᓚᐗᐤ ᒫᑲ ᑭ ᑮ ᐱᒫᑎᓯᐃᑯᐗᐤ, ᑳ ᑮ ᓂᐱᔦᒃ ᐗᓂᑐᑕᒧᐎᓂᒃ ᓀᔥᑕ ᒪᒋᑣᐎᓂᒃ;

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᐃᐱᓯᔭᓇ 5:14

ᐁᐗᑯ ᐌᒋ ᐃᑗᑦ, ᑯᔅᑯᓯ, ᑭᓚ ᑳ ᓂᐹᔭᓐ, ᐗᓂᔥᑳ ᐅᓂᐱᐗ ᐅᒋ, ᙭ ᒫᑲ ᑭ ᑳ ᒥᓕᒃ ᐙᔅᑌᐎᓂᓕᐤ᙮

ᑯᓚᔑᔭᓇ 2:13

ᑭᓚᐗᐤ ᒫᑲ, ᐁ ᑮ ᓂᐱᔦᒃ ᑭ ᒪᒋᑣᐎᓂᐙᒃ, ᓀᔥᑕ ᐁᑳ ᐁ ᑮ ᑭᔅᑭᓄᐙᒋᔑᑳᑌᒃ ᑭ ᐎᔮᓯᐗᐤ, ᐊᓯᒋ ᐎᓚ ᑭ ᑮ ᐱᒫᑎᓯᐃᑯᐗᐧ, ᐁ ᑮ ᐌᐯᓕᑕᒫᑖᒃ ᒥᓯᐌ ᐗᓂᑐᑕᒧᐎᓇ;

ᑕᐃᑕᔅ 2:11

ᐌᓴ ᐅ ᔕᐌᓕᒋᑫᐎᓐ ᑭᒋᒪᓂᑐ, ᑳ ᐯᑕᒧᒪᑲᒃ ᐱᒫᒋᐃᐌᐎᓐ, ᑮ ᓄᑯᓯᔅᑖᑯᐗᒃ ᒥᓯᐌ ᐃᓕᓕᐗᒃ,

ᑕᐃᑕᔅ 3:5

ᓇᒪᐎᓚ ᑾᔭᔅᑭᑕᑎᓯᐎᓂ ᐊᑑᔅᑫᐎᓇ ᑳ ᑮ ᑐᑕᒪᒃ ᐅᒋ, ᒫᑲ ᐁ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑮ ᐅᒋ ᐱᒫᒋᐃᑯᓇᐤ, ᐅᔥᑭ ᓂᑕᐎᑭᐎᓂ ᑭᒋᔅᑖᐸᐎᑭᒋᑫᐎᓐ ᐅᒋ, ᓀᔥᑕ ᐅᑦ ᐅᔥᑭ ᐅᔑᐃᐌᐎᓐ ᐯᓓᑭᓯᑦ ᐊᒑᒃ,

ᑭᔅᑫᓕᑖᑯᑖᑫᐎᓐ 22:21

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ ᒥᓯᐌ ᐁ ᐃᑕᔑᔦᒃ᙮ ᐁᒣᓐ᙮