ᐃᐱᓯᔭᓇ 2:3 - ᐅᔅᑭ ᑎᔅᑌᒥᓐᑦ

³ ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐃᐱᓯᔭᓇ 2:3 Iomraidhean Croise

ᐅᐸᓓᑭᔅ ᒫᕐᒃ 4:19

ᐁ ᐅᑕᒣᓕᑕᑭᒃ ᒫᑲ ᐅᒣᓕᐤ ᐊᔅᑭᓕᐤ, ᓀᔥᑕ ᐁ ᐙᔦᔑᐃᑯᒋᒃ ᒥᔕᑭᓯᐎᓇ, ᓀᔥᑕ ᐁ ᓇᑕᐌᓕᒋᑳᑌᑭ ᑯᑕᑭᔭ ᑫᒀᓇ ᐁ ᐱᑐᑫᒪᑲᑭ, ᑭᐱᔅᑲᒶᒃ ᐋᔭᒥᐎᓂᓕᐤ, ᓇᒪᐎᓚ ᒫᑲ ᒥᓂᔑᐗᓐ᙮

ᐅᐸᓓᑭᔅ ᒑᓐ 1:13

ᐊᓂᑭ ᐁᑳ ᒥᑯᒃ ᑳ ᐅᒋ ᓂᑖᐎᑭᒋᒃ, ᐁᑳ ᓀᔥᑕ ᐎᔮᓯᐎ ᐃᑌᓕᑕᒧᐎᓂᒃ, ᐁᑳ ᓀᔥᑕ ᐃᓕᓕᐎ ᐃᑌᓕᑕᒧᐎᓂᒃ, ᒫᑳ ᑭᒋᒪᓂᑐᒃ ᐅᒋ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐊᐸᔅᑕᓚᒃ 14:16

ᐊᓇ ᐌᔅᑲᒡ ᑳ ᑮ ᐃᓕᓇᐗᑦ ᒥᓯᐌ ᐁ ᑕᑐᔅᑳᓀᓕᒋ ᐃᓕᓕᐗ ᑭᒋ ᐱᒧᑌᓕᒋ ᑎᐱᓚᐌ ᐅᑦ ᐃᔑᑣᐎᓂᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:24

ᐁᐗᑯ ᐅᒋ ᒫᑲ ᑭᒋᒪᓂᑐ ᑮ ᐸᑭᑎᓀᐤ ᐎᓂᐅᐎᓂᒃ ᐃᔑ, ᐁ ᐃᔅᐱᒋ ᒪᒋ ᓇᑕᐌᓕᑕᑭᒃ ᑎᐱᓚᐌ ᐅᑌᐃᐙᒃ, ᑭᒋ ᒪᒉᓕᑖᑯᑕᒫᑐᒋᒃ ᑎᐱᓚᐌ ᐎᔭᐙᐗ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:30

ᐌᓴ ᑖᐱᔅᑯᒡ ᐅᑖᓈᒃ ᑳ ᑮ ᐃᔑ ᐁᑳ ᑖᐺᑕᐌᑯᐸᓐ ᑭᒋᒪᓂᑐ, ᐁᓕᐌᒃ ᒫᑲ ᐊᓄᒡ ᐁ ᑮ ᒥᓕᑳᐎᔦᒃ ᔕᐌᓕᒋᑫᐎᓐ ᐅᑦ ᐋᓉᔦᓕᑕᒧᐎᓂᐗᐤ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:14

ᒫᑲ ᐳᔅᑎᔥᑳᒃ ᐅᑎᐯᓕᒋᑫᐤ ᒋᓴᔅ ᙭, ᐁᑳᐎᓚ ᒫᑲ ᐙᔦᔥ ᐃᑌᓕᑕᒧᒃ ᐎᔮᓯᐎᐤ, ᑭᑕ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:14

ᐌᓴ ᐃᔅᐱ ᒉᓐᑖᐃᓚᒃ, ᐁᑳ ᑳ ᐋᔮᒋᒃ ᐅᓚᔓᐌᐎᓂᓕᐤ, ᑎᐅᑕᑾᐎ ᐁ ᐃᑖᑎᓯᒋᒃ ᐊᓂᐃ ᐅᓚᔓᐌᐎᓂᒃ ᑳ ᐃᑕᑾᓂᓕᑭ, ᐅᑯ, ᐁᑳ ᐁ ᐋᔮᒋᒃ ᐅᓚᔓᐌᐎᓂᓕᐤ, ᐎᓚᐗᐤ ᑫᒋᐙᒃ ᐅᓚᔓᐌᐎᓂᑳᑖᓱᐗᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:10

ᐌᓴ ᑮᔥᐱᓐ ᐃᔅᐱ ᑫᔮᐸᒡ ᑳ ᐸᒀᔑᐌᔭᑯᐸᓐ, ᑭ ᑮ ᐙᑯᑕᐃᑲᐎᓈᓇᐤ ᑭᒋᒪᓂᑐ ᐅ ᓂᐱᐎᓂᓕᒃ ᐅᒋ ᐅᑯᓯᓴ, ᐊᐙᓯᑌ ᒫᑲ, ᐋᔕᔾ ᐁ ᑮ ᐙᑯᑕᐃᑲᐎᔦᒃ, ᑭ ᑳ ᐱᒫᒋᐃᑲᐎᓈᓇᐤ ᐅ ᐱᒫᑎᓯᐎᓂᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:9

ᐊᐙᓯᑌ ᒫᑲ, ᐁᑯ ᐁ ᑮ ᒀᔭᔅᑭᑖᑎᓯᐃᑲᐎᔭᒃ ᐅᒥᑯᒻ ᐅᒋ, ᑭ ᑳ ᐱᒫᒋᐃᑲᐎᓈᓇᐤ ᐋᑯᓚᐌᓯᐎᓂᒃ ᐅᒋ ᐎᓚ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:12

ᐁᐗᑯ ᒫᑲ ᐅᒋ ᐁᑳᐎᓚ ᒪᒋᑣᐎᓐ ᑭ ᑳ ᑎᐯᓕᒥᑯᓇᐗᐤ ᑭᔭᐎᐙᒃ ᑫ ᓂᐱᒫᑲᑭ, ᑭᒋ ᐎ ᓇᓇᐃᑕᒣᒃ ᐁ ᐃᔑ ᒪᒋᐃᑌᓕᑕᒧᒪᑲᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:18

ᐌᓴ ᓂ ᑭᔅᑫᓕᑌᓐ ᐱᒋ ᓂᔭᐎᒃ, ᓂ ᐎᔮᓯᒃ ᐅᑎ, ᐁᑳ ᑫᒀᓐ ᑳ ᒥᓨᔑᒃ ᐁ ᐱᒋᔅᑳᑯᔮᓐ: ᐌᓴ ᑭᒋ ᐃᑌᓕᑕᒫᓐ ᓂ ᑮ ᑐᑌᓐ, ᒫᑲ ᑫ ᐃᔑ ᑎᐱᑐᑕᒫᓐ ᐊᓂᒪ ᑳ ᒥᓨᔑᒃ ᓇᒪᐎᓚ ᓂ ᒥᔅᑫᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:22

ᑫᒀᓐ ᑮᔥᐱᓐ ᑭᒋᒪᓂᑐ, ᐁ ᐃᑌᓕᑕᒃ ᑭᒋ ᓄᑯᑖᑦ ᐅ ᑭᓯᐙᓯᐎᓐ, ᓀᔥᑕ ᑭᒋ ᑭᔅᑫᓕᑫᓂᑖᑯᑖᑦ ᑭ ᑲᔥᑭᐅᐎᓐ, ᑮ ᐯᑳᑌᓕᑕᒃ ᒥᔅᑕᐃ ᔑᐱᓚᐌᓯᐎᓂᒃ ᐊᓂᐃ ᐋᑯᓚᐌᓯᐎ ᐊᓯᐗᒋᑲᓇ ᑳ ᑮ ᐃᑕᔅᑖᓂᐗᑭ ᑭᒋ ᓂᔑᐗᓈᑕᑭ:

ᓂᔥᑕᒻ ᑯᕆᓐᑎᐊᓇ 4:7

ᐌᓴ ᐊᐁᓋ ᑳ ᑮ ᐃᔑᐃᔉ ᐱᑐᔥ ᑭᒋ ᐃᔑᓈᑯᓯᔭᓐ ᐃᔥᐱᔥ ᑯᑕᒃ ᐊᐌᓇ? ᑫᒀᓐ ᓀᔥᑕ ᐁᔮᔭᓐ ᐁᑳ ᑳ ᑮ ᒥᓕᑲᐎᔭᓐ? ᑮᔥᐱᓐ ᒫᑲ ᑮ ᒥᓕᑲᐎᔭᓐ, ᑖᓀᑭ ᐌᒋ ᒫᒪᑕᑯᒧᔭᓐ, ᒫᓇ ᐱᑯ ᐁᑳ ᐁ ᑮ ᒥᓕᑳᐎᔭᓐ?

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᑲᓓᔕᐊᓇ 3:22

ᒫᑲ ᑭᒋ ᒪᓯᓇᐃᑫᐎᓐ ᐃᑗᒪᑲᓐ ᒥᓯᐌ ᐁ ᑎᐯᓕᒥᑯᒋᒃ ᒪᒋᑣᐎᓂᓕᐤ, ᐁ ᑖᐺᔦᓕᒫᒋᒃ ᒋᓴᔅ ᙭ᑕ, ᐊᓂᐁᓕᐤ ᐊᔓᑕᒫᑫᐎᓂᓕᐤ ᑭᒋ ᒥᓛᑲᓂᐎᒋᒃ ᐊᓂᑭ ᑳ ᑖᐺᑕᑭᒃ᙮

ᐃᐱᓯᔭᓇ 2:2

ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᑯᓚᔑᔭᓇ 1:21

ᑭᓚᐗᐤ ᒫᑲ, ᐌᔅᑲᒡ ᑳ ᑮ ᒫᓐᑌᐎᑖᑎᓯᔦᒃ, ᓀᔥᑕ ᑳ ᑮ ᐸᒀᔑᐌᔭᒃ ᑭ ᒥᑐᓀᓕᒋᑲᓂᐙᒃ ᐁ ᑮ ᒪᒋ ᐃᔑᒋᑫᔦᒃ, ᐊᓄᒡ ᐋᑕ ᑭ ᑮ ᐙᑯᐙᒋᐃᑯᐗᐤ,

ᓂᔥᑕᒻ ᑌᓴᓗᓂᔭᓇ 4:13

ᒫᑲ ᓇᒪᐎᓚ ᓂ ᓇᑕᐌᓕᑌᓐ ᐁᑳ ᑭᒋ ᑭᔅᑫᓕᑕᒣᒃ, ᓂᒋᔖᓂᑐᒃ, ᐁ ᐃᑖᒋᒫᑲᓂᐎᒋᒃ ᐊᓂᑭ ᑳ ᓂᐹᒋᒃ, ᐁᑳ ᑭᒋ ᒥᒋᓚᐌᓯᔦᒃ, ᑖᐱᔅᑯᒡ ᑯᑕᑭᔭᒃ ᐁᑳ ᑳ ᐅᑦ ᐊᔅᐯᓕᒧᐎᓂᒋᒃ᙮

ᓂᔥᑕᒻ ᑌᓴᓗᓂᔭᓇ 5:6

ᐁᐗᑯ ᐅᒋ ᐁᑳᐎᓚ ᓂᐹᑕᐤ, ᑖᐱᔅᑯᒡ ᑯᑕᑭᔭᒃ; ᒫᑲ ᐁᑯᔑ ᐊᔕᐙᐱᑕᐤ ᓀᔥᑕ ᐯᑳᑖᑎᓯᑕᐤ᙮

ᓂᔥᑕᒻ ᑎᒧᑎ 6:9

ᒫᑲ ᐊᓂᑭ ᑫ ᐎ ᐌᓗᑎᓯᑭᒃ, ᐸᑭᔑᓋᒃ ᑲᑴᒋᐃᐌᐎᓂᒃ, ᓀᔥᑕ ᓇᒀᑲᓂᒃ, ᓀᔥᑕ ᒥᒉᑦ ᑲᑫᐹᑎᓯᐎ ᓀᔥᑕ ᐋᑯ ᒪᒋᓇᑕᐌᓕᑕᒧᐎᓂᒃ, ᐊᓂᐃ ᑳ ᓂᔅᑖᐸᐗᓕᑯᒋᒃ ᐃᓕᓕᐗᒃ ᓂᔑᐗᓈᑎᓯᐎᓂᒃ ᓀᔥᑕ ᐗᓂᔑᓄᐎᓂᒃ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᓂᔥᑕᒻ ᐱᑕᕐ 1:14

ᑖᐱᔅᑯᒡ ᑳ ᓇᓇᐃᑕᑭᒃ ᐊᐙᔑᔕᒃ, ᐁᑳ ᐁ ᐃᔑᐃᑎᓱᔦᒃ ᑳ ᑮ ᐃᔑ ᒪᒋ ᓇᑕᐌᓕᑕᒣᒃ ᐌᔅᑳᒡ ᐃᔅᐱ ᐁᑳ ᑳ ᑮ ᑭᔅᑫᓕᑕᒣᒃ;

ᓂᔓ ᐱᑕᕐ 2:14

ᐅᔅᑭᔑᑯᐙᒃ ᐁ ᓵᑲᔅᑭᓀᓕᒃ ᐱᔑᒀᑎᓯᐎᓐ, ᐁᑳ ᐁ ᑮ ᐳᓂᑖᒋᒃ ᒪᒋᑐᑕᒧᐎᓂᓕᐤ; ᐁ ᐙᔦᔑᒫᒋᒃ ᐁᑳ ᑳ ᐋᔨᒋᑳᐸᐎᓕᒋ ᐊᒑᑾ: ᐅᑌᐃᐙᒃ ᑮ ᐊᑑᔅᑳᑕᒶᒃ ᒧᔅᑌᓇᒫᑫᐎ ᐃᔑᒋᑫᐎᓇ; ᑳ ᒪᒐᑭᑖᑯᓯᒋᒃ ᐊᐙᔑᔕᒃ:

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᓂᔥᑕᒻ ᒑᓐ 2:16

ᐌᓴ ᒥᓯᐌ ᐊᔅᑮᒃ ᑳ ᐃᑕᑾᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᐎᓐ, ᓀᔥᑕ ᐁ ᐃᔑ ᒪᒋ ᓇᑕᐌᓕᑕᒧᒪᑲᑭ ᒥᔅᑭᔑᑾ, ᓀᔥᑕ ᐁ ᐃᔑ ᑭᔅᑌᓕᒧᒪᑲᒃ ᐱᒫᑎᓯᐎᓐ, ᓇᒪᐎᓚ ᐅᑖᐎᒫᒃ ᐅᒋᐸᓕᐤ, ᒫᑲ ᐊᔅᑮᒃ ᐅᒋᐸᓕᐤ᙮

ᓂᔥᑕᒻ ᒑᓐ 2:8

ᒥᓇ, ᐅᔥᑭ ᑲᑫᔅᑴᐎᓐ ᑭ ᒪᓯᓇᐊᒫᑎᓇᐗᐤ: ᐊᓂᒪ ᑳ ᑖᐺᒪᑲᓂᓕᒃ ᐁ ᐱᒋᔅᑳᑯᑦ ᓀᔥᑕ ᑭᓚᐗᐤ ᐁ ᐱᒋᔅᑳᑯᔦᒃ: ᐌᓴ ᐗᓂᑎᐱᔅᑭᓯᐎᓐ ᒫᔭᐎᐸᓕᐤ, ᓀᔥᑕ ᑖᐺ ᐙᓭᔮᓯᐎᓐ ᐊᓄᒡ ᒐᑳᓯᑫᐤ᙮