ᐃᐱᓯᔭᓇ 2:2 - ᐅᔅᑭ ᑎᔅᑌᒥᓐᑦ

² ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᐃᐱᓯᔭᓇ 2:2 Iomraidhean Croise

ᐅᐸᓓᑭᔅ ᒫᑎᐤ 11:19

ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᐁ ᒥᒋᓱᑦ ᓀᔥᑕ ᐁ ᒥᓂᑴᑦ, ᐃᑗᐗᒃ ᒫᑲ, ᒫᑎᑲ, ᐃᓕᓕᐤ ᐁ ᐅᑳᔑᑭᒥᑦ ᓀᔥᑕ ᑳ ᓂᑖᒥᓂᑴᑦ, ᑳ ᐅᑐᑌᒥᒫᑦ ᐸᑉᓕᑳᓇ ᓀᔥᑕ ᐅᒪᒋᑣᐗ᙮ ᒫᑲ ᑲᑫᑕᐌᓕᑕᒧᐎᓐ ᐱᔑᒋᑖᑯ ᐅᑦ ᐊᐙᔑᒥᔕ᙮

ᐅᐸᓓᑭᔅ ᒫᑎᐤ 13:22

ᐊᓇ ᓀᔥᑕ ᑳ ᐅᑎᓇᒃ ᓯᒥᓇ ᒥᔑᑲᐎᒥᓇᑯᓰᔅᑳᒃ, ᐁᐗᒀᓇ ᑳ ᐯᑕᒃ ᐋᔭᒥᐎᓂᓕᐤ ᐁ ᐅᑕᒣᓕᑕᒃ ᒫᑲ ᐅᒣᓕᐤ ᐊᔅᑭᓕᐤ, ᓀᔥᑕ ᐁ ᐙᔦᔑᐃᑯᑦ ᒥᔕᑭᓯᐎᓇ, ᑭᐱᔅᑲᒶᒃ ᐋᔭᒥᐎᓂᓕᐤ ᓇᒪᐎᓚ ᒫᑲ ᒥᓂᔑᐎᐤ᙮

ᐅᐸᓓᑭᔅ ᒫᑎᐤ 13:38

ᓂᑖᐎᑭᒋᑲᓐ ᐁᐗᑯ ᐅᒪ ᐊᔅᑭ; ᐊᓂᐃ ᒥᓗ ᓯᒥᓇ ᐁᐙᒀᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐅᑭᒫᐎᐎᓂᓕᐤ; ᒫᑲ ᒪᒋ ᒪᔅᑯᔑᔭ ᐁᐗᒀᓂᑭ ᐅᒪᒋᑡᐤ ᐅᑦ ᐊᐙᔑᒥᔕ;

ᐅᐸᓓᑭᔅ ᒫᕐᒃ 4:19

ᐁ ᐅᑕᒣᓕᑕᑭᒃ ᒫᑲ ᐅᒣᓕᐤ ᐊᔅᑭᓕᐤ, ᓀᔥᑕ ᐁ ᐙᔦᔑᐃᑯᒋᒃ ᒥᔕᑭᓯᐎᓇ, ᓀᔥᑕ ᐁ ᓇᑕᐌᓕᒋᑳᑌᑭ ᑯᑕᑭᔭ ᑫᒀᓇ ᐁ ᐱᑐᑫᒪᑲᑭ, ᑭᐱᔅᑲᒶᒃ ᐋᔭᒥᐎᓂᓕᐤ, ᓇᒪᐎᓚ ᒫᑲ ᒥᓂᔑᐗᓐ᙮

ᐅᐸᓓᑭᔅ ᓘᒃ 16:8

ᐅᑭᒪᐤ ᒫᑲ ᑮ ᑲᑫᑕᔦᓕᒣᐤ ᐊᓂᐃ ᐁᑳ ᑳ ᒀᔭᔅᑭᑎᓕᒋ ᑲᓇᐌᓕᑎᓛᑲᓇ, ᐁ ᑭ ᑲᑫᑕᐎ ᑐᑕᒥᓕᒋ: ᐌᓴ ᐊᓂᑭ ᑳ ᐅᑕᐙᔑᒥᔑᒥᑯᒋᒃ ᐅᒣᓕᐤ ᐊᔅᑭᓕᐤ ᐊᐙᓯᑌ ᑲᑫᑕᐌᓕᑕᒶᒃ ᐁ ᐋᔮᓂᔅᑫ ᐱᒫᑎᓯᒋᒃ ᐃᔥᐱᔥ ᐊᓂᑭ ᑳ ᐅᑕᐙᔑᒥᔑᒥᑯᒋᒃ ᐙᓭᔮᓯᐎᓂᓕᐤ᙮

ᐅᐸᓓᑭᔅ ᓘᒃ 22:31

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᓵᐃᒪᓐ, ᓵᐃᒪᓐ, ᒫᑎᑲ, ᓭᑖᓐ ᑭ ᑮ ᓇᑕᐌᓕᒥᑯᐗᐤ ᑭᒋ ᓯᑳᐌᐸᓕᐃᑖᒃ ᑖᐱᔅᑯᒡ ᐸᑴᔑᑲᓂᒥᓇ᙮

ᐅᐸᓓᑭᔅ ᒑᓐ 12:31

ᐊᓄᒡ ᑎᐹᔅᑯᓂᑳᑌᐤ ᐅᒪ ᐊᔅᑭ: ᐊᓄᒡ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ ᑲᑕ ᐗᓚᐎᐌᐱᓈᑲᓂᐎᐤ᙮

ᐅᐸᓓᑭᔅ ᒑᓐ 13:2

ᐁᑯ ᑳ ᑭᔑ ᓂᐯᒀᓂᐗᒃ, ᒪᒋᒪᓂᑐ ᐁ ᑮ ᐸᑭᑎᓇᒸᑦ ᐅᑌᐃᓕᒃ ᒎᑕᔅ ᐃᔅᑳᕆᔭᑕ ᓵᐃᒪᓐ ᐅᑯᓯᓴ, ᑭᒋ ᐙᔦᔑᐸᑭᑎᓈᓕᒋ;

ᐅᐸᓓᑭᔅ ᒑᓐ 13:27

ᐃᔅᐱ ᑳ ᒥᓛᑲᓂᐎᑦ ᓴᔅᑲᒧᐎᓂᓕᐤ, ᒪᒋᒪᓂᑐᐗ ᑮ ᐱᑐᑫᔅᑳᑯ᙮ ᐁᑯ ᐁᑎᑯᑦ ᒋᓴᔅ, ᐊᓂᒪ ᑫ ᑐᑕᒪᓐ, ᑭᓕᐱ ᑐᑕ᙮

ᐅᐸᓓᑭᔅ ᒑᓐ 14:30

ᐊᓄᒡ ᐅᒋ ᓇᒪᐎᓚ ᒥᔅᑕᐃ ᑭ ᑳ ᐎᒋᐋᔭᒥᒥᑎᓇᐗᐤ: ᐌᓴ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑭᓕᐤ ᐯᒋ ᐃᑐᑌᐤ, ᓇᒪ ᓀᔥᑕ ᑫᒀᓕᐤ ᐋᔭᐤ ᑳ ᐱᒋᔅᑲᑯᐗᒃ᙮

ᐅᐸᓓᑭᔅ ᒑᓐ 15:19

ᑮᔥᐱᓐ ᐊᔅᑮᒃ ᑮ ᐅᒋᐌᑯᐸᓀ, ᐊᔅᑭ ᑲᑕ ᓵᑭᑖᒪᑲᓄᐸᓐ ᐊᓂᒪ ᑳ ᑎᐱᓚᐌᐎᓯᒪᑲᒃ: ᐁᑳ ᒫᑲ ᐊᔅᑮᒃ ᐁ ᐅᒋᔦᒃ, ᐁ ᑮ ᐙᐌᓛᐸᒥᑕᑾᒃ ᒫᑲ ᐊᔅᑮᒃ ᐅᒋ, ᐁᐗᑯ ᐌᒋ ᐸᒀᑎᑯᔦᒃ ᐊᔅᑭ᙮

ᐅᐸᓓᑭᔅ ᒑᓐ 16:11

ᑎᐹᔅᑯᓂᑫᐎᓂᓕᐤ ᐅᒋ, ᐁ ᑎᐹᔅᑯᓈᑲᓂᐎᑦ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ᙮

ᐅᐸᓓᑭᔅ ᒑᓐ 7:7

ᐊᔅᑭ ᓇᒪᐎᓚ ᑭ ᑳ ᑮ ᐗᑳᑎᑯᓇᐗᐤ; ᒫᑲ ᓂᓚ ᓂ ᐗᑳᑎᑯᓐ, ᐌᓴ ᓂ ᑎᐹᑐᑌᓐ, ᐁ ᒫᓛᑕᑭ ᐊᓂᐃ ᐋᔨᑎᐎᓇ ᐊᓐᑕ ᐌᒋᒪᑲᑭ᙮

ᐅᐸᓓᑭᔅ ᒑᓐ 8:23

ᑮ ᐃᑌᐤ ᒫᑲ, ᑭᓚᐗᐤ ᑕᐸᔒᔥ ᑮᑦ ᐅᒌᓇᐗᐤ; ᓂᓚ ᐃᔥᐱᒥᒃ ᓂᑦ ᐅᒌᓐ: ᐅᑕ ᐊᔅᑮᒃ ᑭᓚᐗᐤ ᑮᑦ ᐅᒌᓇᐗᐤ; ᓂᓚ ᓇᒪᐎᓚ ᐅᑕ ᐊᔅᑮᒃ ᓂᑦ ᐅᒌᓐ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐊᐸᔅᑕᓚᒃ 19:35

ᐃᔅᐱ ᒫᑲ ᐊᓇ ᐃᑖᐎᓐ ᐅᑭᒫᔑᔥ ᑳ ᑮ ᑳᔭᒣᐎᐋᑦ ᐊᓂᐃ ᐃᓕᓕᐗ, ᑮ ᐃᑗᐤ, ᑭᓚᐗᐤ ᐃᐱᓴᔅ ᐃᓕᓕᑐᒃ, ᑫᑯ ᐃᓕᓕᐤ ᐊᓇ ᐁᑳ ᑳ ᑭᔅᑫᓕᑕᒃ ᐊᓂᒪ ᐅᑦ ᐃᑖᐎᓂᐗᐤ ᐊᓂᑭ ᐃᐱᓯᐊᓇᒃ ᐁ ᐋᔭᒥᐁᔅᑖᐙᒋᒃ ᑳ ᑭᔅᑎᓯᓕᒋ ᒪᓂᑐᐎᔅᑴᐗ ᑖᐃᐊᓇ, ᓀᔥᑕ ᐊᓂᐃ ᒪᓂᑐᑳᓇ ᒎᐱᑕᕐ ᑳ ᑮ ᐅᒋ ᐸᑭᔑᓂᓕᒋ?

ᐊᐸᔅᑕᓚᒃ 5:3

ᒫᑲ ᐱᑕᕐ ᑮ ᐃᑌᐤ ᐋᓇᓈᐃᐊᓴ, ᑕᓀᑭ ᐌᒋ ᓭᑕᓐ ᑮ ᓵᑲᔅᑭᓇᑖᑦ ᑭᑌᐃᓕᐤ ᑭᒋ ᑭᓛᔅᑭᒪ ᑳ ᐸᓓᑭᓯᑦ ᐊᒑᒃ, ᓀᔥᑕ ᑭᒋ ᓇᑳᓇᒪᓐ ᐸᔅᑭ ᐊᓂᒪ ᑳ ᐃᑕᑭᒋᑳᑌᒃ ᐊᔅᑭ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:2

ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮

ᓂᔥᑕᒻ ᑯᕆᓐᑎᐊᓇ 5:10

ᐁᓕᐌᒃ ᒫᑲ ᓇᒪᐎᓚ ᒥᑐᓂ ᑭ ᑭᑕᐊᒫᑎᓇᐗᐤ ᑭᒋ ᐎᒉᐌᑾᒃ ᐅᐱᔑᒀᑎᓰᔅᑲᒃ ᐅᑕ ᐊᔅᑮᒃ, ᓀᔥᑕ ᐅ ᒧᔅᑌᓇᒫᑫᔅᑲᒃ, ᓀᔥᑕ ᐅᒪᔅᑲᑗᔅᑲᒃ, ᓀᔥᑕ ᑳ ᓇᐗᑭᔅᑕᐙᒋᒃ ᒪᓂᑐᑳᓇ; ᐌᓴ ᐁᑯᔅᐱ ᑫ ᐗᓚᐎᔦᑯᐸᓐ ᐊᔅᑮᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᐃᐱᓯᔭᓇ 1:21

ᐃᑕ ᓈᔅᐱᒡ ᐊᐙᓯᑌ ᐁ ᐃᔅᐯᓕᑖᑾᓂᓕᒃ ᐃᔥᐱᔥ ᒥᓯᐌ ᑎᐯᓕᒋᑫᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᓀᔥᑕ ᐅᑭᒫᐎᐎᓐ, ᓀᔥᑕ ᒥᓯᐌ ᑕᑐ ᐃᔑᓂᑳᓱᐎᓐ ᑳ ᐙᐎᒋᑳᑌᒃ, ᓇᒪᐎᓚ ᐅᑕ ᐊᔅᑮᒃ ᐱᑯ, ᒫᑲ ᐊᓂᒪ ᐊᔅᑮᒃ ᓀᔥᑕ ᑫ ᐅᑎᒋᐸᓕᒃ:

ᐃᐱᓯᔭᓇ 2:11

ᐁᐗᑯ ᐅᒋ ᑭᔅᑭᓯᒃ, ᑭᓚᐗᐤ ᑳᔮᔥ ᐁ ᑮ ᒉᓐᑖᐃᓕᐎᔦᒃ ᐎᔮᓯᐎᓂᒃ, ᐊᓂᑭ ᓇᒪᑭᔅᑭᓄᐙᒋᔣᑲᓂᐎᐗᒃ ᑳ ᐃᔑᓂᑳᑎᑖᑾᒃ ᑳ ᑭᔅᑭᓄᐙᒋᔣᑲᓂᐎᒋᒃ ᐎᔮᓯᐎᓂᒃ ᑳ ᐃᑐᑖᑯᒋᒃ ᒥᒋᒋᓕᐤ;

ᐃᐱᓯᔭᓇ 2:13

ᒫᑲ ᐊᓄᒡ ᙭ ᒋᓴᓯᒃ ᑭᓚᐗᐤ ᑳᔮᔥ ᑳ ᑮ ᓚᐎᓈᑯᓯᔦᒃ, ᑭᔑᐙᒃ ᑭ ᑮ ᐯᔑᑯᐙᓇᐗᐤ ᙭ ᐅᒥᑯᒻ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᐃᐱᓯᔭᓇ 5:6

ᐁᑳᐎᓚ ᐊᐌᓇ ᐸᑾᓐᑕᐤ ᐋᔭᒥᐎᓇ ᑭ ᑳ ᐅᒋ ᐙᔦᔑᒥᑯᐗᐤ, ᐌᓴ ᐅᐅ ᑫᒀᓇ ᐅᒋ ᐅᑎᑎᑯᐗᒃ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᑳ ᐋᓉᑖᑫᒋᒃ ᐊᐙᔑᔕᒃ᙮

ᐃᐱᓯᔭᓇ 5:8

ᐌᓴ ᐌᔅᑲᒡ ᑭ ᑮ ᐗᓂᑎᐱᔅᑭᓯᓇᐗᐤ, ᐊᓄᒡ ᒫᑲ ᑭ ᐙᔅᑌᐎᓇᐗᐤ ᐅᑎᐯᓕᒋᑫᒃ: ᐱᒧᑌᒃ ᑖᐱᔅᑯᒡ ᐙᔅᑌᐎᓂ ᐊᐙᔑᔕᒃ᙮

ᐃᐱᓯᔭᓇ 6:12

ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮

ᑯᓚᔑᔭᓇ 1:21

ᑭᓚᐗᐤ ᒫᑲ, ᐌᔅᑲᒡ ᑳ ᑮ ᒫᓐᑌᐎᑖᑎᓯᔦᒃ, ᓀᔥᑕ ᑳ ᑮ ᐸᒀᔑᐌᔭᒃ ᑭ ᒥᑐᓀᓕᒋᑲᓂᐙᒃ ᐁ ᑮ ᒪᒋ ᐃᔑᒋᑫᔦᒃ, ᐊᓄᒡ ᐋᑕ ᑭ ᑮ ᐙᑯᐙᒋᐃᑯᐗᐤ,

ᓂᔓ ᑎᒧᑎ 4:10

ᐌᓴ ᑎᒫᔅ ᓂ ᑮ ᓇᑲᑎᒃ, ᐁ ᑮ ᓵᑭᑖᑦ ᐊᔅᑭᓕᐤ ᐊᓄᒡ ᑳ ᐃᑕᑾᓂᓕᒃ, ᑮ ᐃᑐᑌᐤ ᒫᑲ ᑌᓴᓗᓇᐃᑲᐃᒃ; ᒃᕃᓯᓐᔅ ᑲᓓᔕᐃᒃ; ᑕᐃᑕᔅ ᑖᓪᒣᔕᐃᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:27

ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:7

ᐌᓴ ᐁᑳᐎᓚ ᐊᓇ ᐃᓕᓕᐤ ᑲᑕ ᐃᑌᓕᑕᒻ ᑫᒀᓕᐤ ᑭᒋ ᒥᓕᑯᑦ ᐅᑎᐯᓕᒋᑫᐗ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 1:14

ᑖᐱᔅᑯᒡ ᑳ ᓇᓇᐃᑕᑭᒃ ᐊᐙᔑᔕᒃ, ᐁᑳ ᐁ ᐃᔑᐃᑎᓱᔦᒃ ᑳ ᑮ ᐃᔑ ᒪᒋ ᓇᑕᐌᓕᑕᒣᒃ ᐌᔅᑳᒡ ᐃᔅᐱ ᐁᑳ ᑳ ᑮ ᑭᔅᑫᓕᑕᒣᒃ;

ᓂᔥᑕᒻ ᐱᑕᕐ 4:3

ᐌᓴ ᐃᔥᐱᔥ ᑳ ᒫᔭᐎᐸᓕᒃ ᑭ ᐱᒫᑎᓯᐎᓂᓇᐤ ᐁᒀᓂ ᑭᒋ ᑮ ᑐᑐᒶᒃ ᐅᑦ ᐃᑌᓕᑕᒧᐎᓂᐗᐤ ᒉᓐᑖᐃᓚᒃ, ᐃᔅᐱ ᐁ ᑮ ᐱᒧᑌᔭᒃ ᑭᔥᑴᔮᑎᓯᐎᓂᒃ, ᒪᒋᓇᑕᐌᓕᑕᒧᐎᓂᒃ, ᐁ ᐅᓵᒥᓂᑾᓂᐙᒃ ᔓᒥᓇᐳ, ᑭᔥᑴᐯᐎᓂᒃ, ᐎᑯᑐᐎᓂᒃ, ᓀᔥᑕ ᐁ ᒪᒋ ᓇᐗᑭᔅᑕᐗᑭᒃ ᒪᓂᑐᑳᓇᒃ:

ᓂᔓ ᐱᑕᕐ 2:14

ᐅᔅᑭᔑᑯᐙᒃ ᐁ ᓵᑲᔅᑭᓀᓕᒃ ᐱᔑᒀᑎᓯᐎᓐ, ᐁᑳ ᐁ ᑮ ᐳᓂᑖᒋᒃ ᒪᒋᑐᑕᒧᐎᓂᓕᐤ; ᐁ ᐙᔦᔑᒫᒋᒃ ᐁᑳ ᑳ ᐋᔨᒋᑳᐸᐎᓕᒋ ᐊᒑᑾ: ᐅᑌᐃᐙᒃ ᑮ ᐊᑑᔅᑳᑕᒶᒃ ᒧᔅᑌᓇᒫᑫᐎ ᐃᔑᒋᑫᐎᓇ; ᑳ ᒪᒐᑭᑖᑯᓯᒋᒃ ᐊᐙᔑᔕᒃ:

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮

ᓂᔥᑕᒻ ᒑᓐ 3:8

ᐊᓇ ᑳ ᒪᒋᑐᑕᒃ ᒪᒋᒪᓂᑐᒃ ᐅᒋᐤ; ᐌᓴ ᒪᒋᒪᓂᑐ ᓃᔥᑕᒻ ᐅᒋ ᑮ ᐯᒋ ᒪᒋᑐᑕᒻ᙮ ᐁᐗᑯ ᐌᒋ ᑮ ᓄᑯᐋᑲᓂᐎᓕᒋ ᑭᒋᒪᓂᑐ ᐅᑯᓯᓴ, ᑭᒋ ᓂᔑᐗᓈᒋᑕᐙᓕᒋ ᒪᒋᒪᓂᑐᐗ ᐅᑦ ᐊᑑᔅᑫᐎᓂᓕᐗ᙮

ᓂᔥᑕᒻ ᒑᓐ 4:4

ᑭᓚᐗᐤ ᑭᒋᒪᓂᑐᒃ ᑭᑦ ᐅᒋᓇᐗᐤ, ᐊᐱᔅᑕᐙᔑᔑᑐᒃ, ᑭ ᑮ ᔖᑯᒋᐊᐗᐗᒃ ᒫᑲ: ᐌᓴ ᐊᐙᓯᑌ ᑭᔅᑎᓯᐤ ᐊᓇ ᑳ ᐱᒋᔅᑳᑖᒃ ᐃᔥᐱᔥ ᐊᓇ ᐊᔅᑮᒃ ᑳ ᐃᑖᑦ᙮

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮

ᓂᔥᑕᒻ ᒑᓐ 5:4

ᐌᓴ ᒥᓯᐌ ᑫᒀᓕᐤ ᑳ ᓂᑕᐎᑭᑖᑦ ᑭᒋᒪᓂᑐ ᔖᑯᒋᐃᐌᒪᑲᓐ ᐊᔅᑭ: ᓀᔥᑕ ᐁᐗᑯ ᐅᒪ ᔖᑯᒋᐃᐌᐎᓐ ᑳ ᔖᑯᒋᑖᒪᑲᒃ ᐊᔅᑭ, ᑭ ᑖᐺᔦᓕᑕᒧᐎᓂᓇᐤ ᐅᑎ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 16:17

ᐊᓇ ᓂᔂᔅ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᒧᔐᑭᔑᑯᒃ ᑮ ᐃᔑ ᓯᑭᓇᒻ: ᑮ ᐯᒋ ᓄᑕᑾᓐ ᒫᑲ ᑭᒋ ᐯᑖᑯᓯᐎᓐ ᑭᒋᐋᔭᒥᐁᐎᑲᒥᑯᒃ ᐅᒋ ᑭᒋᑭᔑᑯᒃ, ᐅᑭᒫᐗᐱᐎᓂᒃ ᐅᒋ ᐁ ᐃᑗᒪᑲᒃ, ᑮ ᑐᒋᑳᑌᐤ,

ᑭᔅᑫᓕᑖᑯᑖᑫᐎᓐ 20:2

ᑮ ᐅᑎᑎᓀᐤ ᒫᑲ ᒥᔑᑭᓀᐱᑾ, ᐊᓂᐃ ᑭᔐ ᒥᔑᑭᓀᐱᑾ, ᐁᐗᑯ ᒪᒋᒪᓂᑐ ᓀᔥᑕ ᓭᑖᓐ, ᑮ ᒫᒫᒋᒀᐱᑌᐤ ᒫᑲ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ,