ᐃᐱᓯᔭᓇ 2:15 - ᐅᔅᑭ ᑎᔅᑌᒥᓐᑦ

¹⁵ ᐁ ᑮ ᓂᔑᐗᓈᒋᑖᑦ ᐅᐎᔮᓯᒃ ᐊᓂᐁᓕᐤ ᐸᒀᑎᑐᐎᓂᓕᐤ, ᑲᑫᔅᑴᐎ ᐅᓚᔓᐌᐎᓂᓕᐤ ᑳ ᐃᑕᑾᓂᓕᒃ ᐃᑕᔓᐌᐎᓂᒃ; ᑭᒋ ᐅᔑᑕᒫᓱᑦ ᐊᓂᐃ ᑳ ᓂᔑᓕᒋ ᑭᒋ ᐯᔭᑯ ᐅᔥᑭ ᐃᓕᓕᐎᓕᒋ, ᐁᑯᔑ ᐁ ᑳᔮᒣᓕᑕᒧᐎᓂᑫᑦ;

ᐃᐱᓯᔭᓇ 2:15 Iomraidhean Croise

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᑲᓓᔕᐊᓇ 3:10

ᐌᓴ ᒥᓯᐌ ᑳ ᑎᐯᓕᑖᑯᓯᒋᒃ ᐅᓚᔓᐌᐎ ᐃᔑᒋᑫᐎᓂᒃ ᒪᒐᑭᑖᑯᓯᐎᓂᒃ ᐃᑕᐗᒃ: ᐌᓴ ᐃᑕᓯᓇᐃᑳᑌᐤ, ᒪᒉᓕᑖᑯᓯᐤ ᒥᓯᐌ ᑕᑐ ᐊᐌᓇᐌᑳ ᒧᔕᒃ ᑳ ᑲᓇᐌᓕᑕᒃ ᒥᓯᐌ ᑫᒀᓇ ᑳ ᒪᓯᓇᐃᑳᑌᓕᒋ ᐅᓚᔓᐌᐎᓂ ᒪᓯᓇᐃᑲᓂᒃ ᑭᒋ ᑐᑕᒃ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᑲᓓᔕᐊᓇ 6:15

ᐌᓴ ᙭ ᒋᓴᓯᒃ ᑭᔅᑭᓄᐙᒋᔓᑲᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᑲᐎᓐ, ᒫᑲ ᐅᔥᑭ ᐅᔑᐋᑲᓐ᙮

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᐃᐱᓯᔭᓇ 2:14

ᐌᓴ ᐎᓚ ᐁᐗᑯ ᑭ ᑳᔮᒣᓕᑕᒧᐎᓂᐗᐤ, ᐊᓇ ᑳ ᑮ ᐯᔭᑯᑖᑦ ᐊᓂᐃ ᑳ ᓂᔑᓂᓕᑭ, ᓀᔥᑕ ᑳ ᑮ ᓂᒋᐌᐸᐊᒃ ᐱᔅᑭᒋ ᒣᓂᑲᓂᓕᐤ;

ᐃᐱᓯᔭᓇ 2:16

ᓀᔥᑕ ᐋᔑᑌᐋᑎᑯᒃ ᐅᒋ ᐯᔭᒃ ᒥᔭᐎᒃ ᐊᓂᐃ ᑳ ᓂᔑᓕᒋ ᑭᒋ ᐙᑯᐙᒋᑕᒧᐙᑦ ᑭᒋᒪᓂᑐᐗ, ᐁᑯᑕ ᐁ ᑮ ᐅᒋ ᓂᐸᑖᑦ ᐊᓂᐁᓕᐤ ᐸᒀᑎᑐᐎᓂᓕᐤ;

ᐃᐱᓯᔭᓇ 4:16

ᐊᓇ ᒥᓯᐌ ᒥᔭᐤ ᑳ ᐅᒋ ᒥᓗ ᒫᒪᐗᒧᑖᑲᓂᐗᒃ ᓀᔥᑕ ᐋᓕᑕᐱᑳᑌᒃ ᐊᓂᒪ ᐅᒋ ᑳ ᒥᓕᐌᒪᑲᒃ ᒥᓯᐌ ᐁ ᐊᔮᓂᔅᑳᓂᐗᒃ ᒥᔭᐤ ᐁ ᐃᔑ ᑖᐺ ᐋᐸᑎᓯᒪᑲᒃ ᒥᓯᐌ ᐁ ᓇᓈᑲᐗᒃ, ᑭᒋ ᓚᑭᑭᒪᑲᒃ ᒥᔭᐤ, ᑭᒋ ᓚᑭᐃᑎᓱᒪᑲᒃ ᓵᑭᐃᐌᐎᓂᒃ᙮

ᑯᓚᔑᔭᓇ 2:14

ᐁ ᑮ ᑳᓯᐊᒃ ᐊᓂᒪ ᒥᒋᒋᐎ ᒪᓯᓇᐃᑫᐎᓐ ᐊᓂᐃ ᐃᑕᔓᐌᐎᓇ ᑳ ᑮ ᐸᑲᒥᔅᑳᑯᔭᒃ ᐊᓂᒪ ᑳ ᑮ ᑭᐱᔥᑳᑯᔭᒃ, ᒣᔅᑲᓈᒃ ᒫᑲ ᐁ ᑮ ᐅᒋ ᐃᑲᑌᓇᒃ, ᐁ ᑮ ᒋᔅᑖᔅᒀᑕᒃ ᐅᑦ ᐋᔑᑌᐋᑎᑯᒥᒃ;

ᑯᓚᔑᔭᓇ 2:20

ᐁᐗᑯ ᐅᒋ, ᑮᔥᐱᓐ ᑮ ᐎᒋᓂᐱᒣᒃ ᙭ ᐊᔅᑭᐎ ᓂᔥᑕᒻ ᑭᔅᑭᓄᐊᒫᑫᐎᓇ ᐅᒋ, ᑖᓀᑭ ᐌᒋ, ᑖᐱᔅᑯᒡ ᐁ ᐱᒫᑎᓯᔦᒃ ᐊᔅᑮᒃ, ᑎᐯᓕᒥᑯᔦᒃ ᐃᑕᔓᐌᐎᓇ,

ᑯᓚᔑᔭᓇ 3:10

ᓀᔥᑕ ᐁ ᑮ ᐳᔅᑎᔥᑲᐌᒃ ᐅᔥᑭ ᐃᓕᓕᐤ, ᑳ ᐅᔥᑭᐋᑲᓂᐎᑦ ᑭᔅᑫᓕᑕᒧᐎᓂᒃ, ᐅᑦ ᐃᔑᓈᑯᓯᐎᓂᓕᒃ ᐊᓂᐃ ᑳ ᑮ ᐅᔑᐃᑯᑦ;

ᑯᓚᔑᔭᓇ 3:11

ᐃᑕ ᐁᑳ ᐁ ᐃᑖᑦ ᒃᕆᒃ, ᐁᑳ ᓀᔥᑕ ᒎ, ᑭᔅᑭᓄᐙᒋᔓᐎᓐ, ᓇᒪ ᓀᔥᑕ ᓇᒪᑭᔅᑭᓄᐗᒋᔓᐎᓐ, ᐹᕐᐯᕆᔭᓐ, ᓯᑎᔭᓐ, ᐊᐗᑳᓐ, ᓇᒪ ᓀᔥᑕ ᑳ ᑎᐯᓕᒥᑎᓱᑦ: ᒫᑲ ᙭ ᒥᓯᐌ ᐁ ᑎᐯᓕᒫᑦ, ᓀᔥᑕ ᒥᓯᐌ ᐁ ᐱᒋᔅᑲᐙᑦ᙮

ᑯᓚᔑᔭᓇ 3:15

ᐁᑯᔑ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ ᑭ ᑳ ᑎᐯᓕᒥᑯᐙᓇᐗᐤ ᑭᑌᐃᐙᒃ, ᐁᐗᑯ ᓀᔥᑕ ᑳ ᐃᔑ ᓇᑐᒥᑲᐎᔦᒃ ᐯᔭᒃ ᒥᔭᐎᒃ; ᓇᓈᔅᑯᒧᒃ ᒫᑲ᙮

ᐦᐃᑉᕉᐗ 7:16

ᑳ ᐃᔑᐋᑲᓂᐎᑦ ᓇᒪᐎᓚ ᐁ ᐃᑕᔓᐌᒪᑲᒃ ᐎᔮᓯᐎ ᑲᑫᔅᑴᐎᓐ, ᒫᑲ ᐁ ᐃᔑ ᑲᔥᑭᐅᒪᑲᒃ ᐊᓂᒪ ᐁᑳ ᑫ ᐳᓂᐸᓕᒃ ᐱᒫᑎᓯᐎᓐ᙮

ᐦᐃᑉᕉᐗ 8:13

ᐁ ᐃᑗᑦ ᒫᑲ, ᐅᔥᑭ ᓇᔅᑯᒥᑐᐎᓐ, ᐊᓂᒪ ᓃᔥᑕᒻ ᑮ ᑳᔮᔑᑕᐤ᙮ ᐁᑯ ᐊᓂᒪ ᑳ ᐊᑎ ᓂᔑᐗᓈᑕᒃ ᓀᔥᑕ ᑳ ᐊᑎ ᑳᔮᔑᐗᒃ ᐋᔕᔾ ᐃᑌᓕᑖᑾᓐ ᑭᒋ ᐹᔑᑯᓈᑾᒃ᙮

ᐦᐃᑉᕉᐗ 9:23

ᐁᐗᑯ ᐅᒋ ᐅᒋᑕᐤ ᑮ ᐃᑌᓕᑖᑾᓐ ᐊᓂᐃ ᑳ ᓇᔅᐱᑕᒧᒪᑲᑭ ᑫᒀᓇ ᑭᒋᑭᔑᑯᒃ ᑳ ᐃᑕᑾᑭ ᐅᐅ ᑭᒋ ᐅᒋ ᐹᔦᑭᑖᓂᐗᑭ; ᒫᑲ ᑫᒋᐙᒃ ᑭᒋᑭᔑᑳᐎ ᑫᒀᓇ, ᐊᐙᓯᑌ ᐁ ᒥᓨᔑᑭ ᓵᓵᑭᐎᓕᐌᐎᓇ ᐅᒋ ᐃᔥᐱᔥ ᐅᐅ᙮