ᐃᐱᓯᔭᓇ 1:5 - ᐅᔅᑭ ᑎᔅᑌᒥᓐᑦ

⁵ ᐁ ᑮ ᓂᑳᓂᑭᔅᑭᓇᐌᓕᒥᑕᒃ ᐁ ᑖᐸᑯᔅᑕᒫᓱᑦ ᑭᒋ ᐅᑦ ᐊᐙᔑᒥᔑᒥᑦ ᒋᓴᔅ ᙭ ᐅᒋ, ᑖᐱᔅᑯᒡ ᐁ ᐃᔑ ᒥᓗ ᐃᑌᓕᑕᒃ,

ᐃᐱᓯᔭᓇ 1:5 Iomraidhean Croise

ᐅᐸᓓᑭᔅ ᒫᑎᐤ 1:25

ᓇᒪᐎᓚ ᒫᑲ ᑮ ᐅᒋ ᑭᔅᑫᓕᒣᐤ ᐱᓕᔥ ᐃᓕᑯᒃ ᑳ ᑮ ᓂᑖᐎᑭᐋᓕᒋ ᓃᔥᑕᒻ ᐅᑯᓯᓯᓕᐗ, ᒋᓴᔅ ᒫᑲ ᑮ ᐃᔑᓂᑳᑎᒣᐤ᙮

ᐅᐸᓓᑭᔅ ᒫᑎᐤ 11:26

ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮

ᐅᐸᓓᑭᔅ ᓘᒃ 10:21

ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᒋᓴᔅ ᑮ ᒥᓚᐙᑕᒻ ᐅᑦ ᐊᒑᑯᒃ, ᑮ ᐃᑗᐤ ᒫᑲ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ ᑌᐯᓕᒋᑫᔭᓐ ᑭᒋᑭᔑᑯᒃ, ᓀᔥᑕ ᐊᔅᑭᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ: ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮

ᐅᐸᓓᑭᔅ ᓘᒃ 11:32

ᓂᓂᐱ ᐃᓕᓕᐗᒃ ᑲᑕ ᐎᒋᑳᐸᐎᔅᑕᐌᐗᒃ ᐅᐅ ᐊᓄᒡ ᑳ ᐱᒫᑎᓯᓕᒋ, ᑲᑕ ᓂᔑᐗᓇᒋᒣᐗᒃ ᒫᑲ: ᐌᓴ ᑮ ᒥᒋᓇᐌᔦᓕᑕᒶᒃ ᐁ ᑮ ᑲᑫᔅᑭᒥᑯᒋᒃ ᒍᓇᐗ; ᒫᑎᑲ, ᒫᑲ, ᐊᐌᓇ ᐊᐙᓯᑌ ᐁ ᐃᔅᐯᓕᑖᑯᓯᑕ ᐃᔥᐱᔥ ᒍᓇ ᐅᑕ ᐃᑖᐤ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 1:12

ᒥᓯᐌ ᐊᓂᐃ ᒫᑲ ᑳ ᐅᑎᓂᑯᑦ, ᐁᐗᒀᓂᐃ ᒫᓛᑦ ᑲᔥᑭᐅᐎᓂᓕᐤ ᑭᒋ ᐅᑯᓯᓯᒥᑯᓕᒋ ᑭᒋᒪᓂᑐᐗ, ᐊᓂᐃ ᐅᑎ ᑳ ᑖᐺᔦᓕᑕᒥᓕᒋ ᐅᑦ ᐃᔑᓂᑳᓱᐎᓐ᙮

ᐅᐸᓓᑭᔅ ᒑᓐ 11:52

ᓇᒪᐎᓚ ᒫᑲ ᐱᑯ ᐊᓂᐃ ᐃᓕᓕᐗ ᐅᒋ, ᒫᑲ ᐊᓯᒋ ᑭᒋ ᒪᐗᒋᐃᒫᓕᒋ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᑭᒋ ᐯᔭᑯᓕᒋ ᑳ ᓇᓈᓂᔅ ᐃᑖᓕᒋ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐊᐸᔅᑕᓚᒃ 13:48

ᐃᔅᐱ ᒫᑲ ᒉᓐᑖᐃᓚᒃ ᐅᒪ ᐱᐁᑕᑭᒃ ᑭ ᓯᑭᓓᓯᐗᒃ, ᓀᔥᑕ ᑭ ᑭᔅᑌᓕᑕᒶᒃ ᐅᑎᐯᓕᒋᑫᐗ ᐅᑦ ᐊᔭᒥᐎᓂᓕᐤ: ᒥᓯᐌ ᒫᑲ ᑳ ᑮ ᐃᑕᑭᒥᒋᒃ ᑳᑭᑫ ᐱᒫᑎᓯᐃᓂᒃ ᐃᔑ, ᑮ ᑖᐺᑕᒶᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:23

ᓇᒪᐎᓚ ᒫᑲ ᐎᓚᐗᐤ ᐱᑯ, ᒫᑲ ᑭᓚᓈᓇᐤ ᓀᔥᑕ ᑳ ᐋᔮᔭᒃ ᐊᓂᐃ ᑳ ᓂᑳᓂᒥᓂᔑᐎᑦ ᐊᒑᒃ, ᑭᓚᓈᓇᐤ ᑫᒋᐙᒃ ᑭ ᒫᒫᑗᓈᓇᐤ ᐱᒋ ᑭᔭᐎᓈᒃ, ᐁ ᐯᑖᔭᒃ ᑭᒋ ᐅᑦ ᐊᐙᔑᒥᔑᒥᑲᐎᔭᒃ, ᑭᒋ ᐱᒫᒋᑖᓂᐗᒃ ᑭᔭᐎᓇᐤ ᐅᑎ᙮

ᓂᔥᑕᒻ ᑯᕆᓐᑎᐊᓇ 1:1

ᐹᓪ, ᑳ ᑮ ᓇᑕᒫᑲᓂᐎᑦ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᓱᔅᑐᓃᔅ ᑭᒋᔖᓂᓇᐤ:

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔓ ᑯᕆᓐᑎᐊᓇ 6:18

ᓀᔥᑕ ᑭ ᑳ ᐅᑦ ᐅᑕᐎᒥᓇᐗᐤ, ᓀᔥᑕ ᑭᓚᐗᐤ ᑭ ᑳ ᐅᑯᓯᓯᒥᑎᓇᐗᐤ ᓀᔥᑕ ᑭ ᑳ ᐅᑖᓂᓯᒥᑎᓇᐗᐤ, ᐃᑗᐤ ᐅᑎᐯᓕᒋᑫᐤ ᒥᓯᐌ ᓯᔫᑳᑎᓰᑦ᙮

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᐃᐱᓯᔭᓇ 1:11

ᐊᓇ ᓀᔥᑕ ᑳ ᑮ ᐅᒋ ᐋᔮᔭᒃ ᑎᐱᓚᐌᐎᓯᐎᓐ, ᐁ ᓂᑳᓂᑭᔅᑭᓇᐌᓕᒥᑲᐎᔭᒃ ᐁ ᐃᔑ ᑫᒋᓀᓕᑕᒃ ᐊᓇ ᑳ ᐋᔨᑐᑕᒃ ᒥᓯᐌ ᑫᒀᓇ ᐁ ᐃᔑ ᑲᑫᔅᑭᒥᐌᒪᑲᓂᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ:

ᐃᐱᓯᔭᓇ 1:9

ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;

ᐱᓕᐱᔭᓇ 2:13

ᐌᓴ ᑭᒋᒪᓂᑐ ᐁᐗᒀᓇ ᑳ ᑐᑖᑖᒃ ᑭᒋ ᐃᑌᓕᑕᒣᒃ ᓀᔥᑕ ᑭᒋ ᑐᑕᒣᒃ ᐁ ᐃᔑ ᒥᓜᓕᑕᒃ:

ᑯᓚᔑᔭᓇ 1:19

ᐌᓴ ᑮ ᒥᓜᓕᑕᒻ ᐌᐅᑖᐎᒪᐎᑦ ᒥᓯᐌ ᒥᑐᓂᐎᓯᐎᓂᓕᐤ ᑭᒋ ᐱᒋᔅᑳᑯᓕᒋ᙮

ᓂᔓ ᑌᓴᓗᓂᔭᓇ 1:11

ᐁᐗᑯ ᐅᒋ ᒧᔕᒃ ᑭᑦ ᐋᔭᒥᐁᔅᑕᒫᑎᓈᓐ, ᑭ ᑭᒋᒪᓂᑐᒥᓇᐤ ᑭᒋ ᑌᐸᑫᓕᒥᑖᒃ ᐅᒪ ᓇᑐᑫᐎᓂᒃ, ᓀᔥᑕ ᑭᒋ ᑎᐱᑐᑕᒫᑖᒃ ᒥᓯᐌ ᐁ ᐃᔑ ᒥᓨᔑᑭ, ᓀᔥᑕ ᑖᐺᔦᓕᑕᒧᐎᓂ ᐊᑑᔅᑫᐎᓐ ᑲᔅᑭᐅᐎᓂᒃ;

ᐦᐃᑉᕉᐗ 2:4

ᑭᒋᒫᓂᑐ ᓀᔥᑕ ᐁ ᑎᐹᒋᒧᑦ, ᑭᔅᑭᓄᐙᒋᒋᑲᓇ ᐅᒋ ᓀᔥᑕ ᓇᓈᑲᐤ ᒫᒪᑖᐎ ᐃᔑᒋᑫᐎᓇ, ᓀᔥᑕ ᐹᐱᑐᔥ ᒫᒪᔅᑳᒋ ᐋᔨᑎᐎᓇ, ᓀᔥᑕ ᐁ ᒫᒥᓕᐌᑦ ᐸᓓᑭ ᐊᒑᑾ, ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ?

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᑭᔅᑫᓕᑖᑯᑖᑫᐎᓐ 21:7

ᐊᓇ ᑳ ᔖᑯᒋᐃᐌᑦ ᑲᑕ ᐊᑎ ᐋᔭᐤ ᐅᐅ ᑫᒀᓇ; ᓂ ᑳ ᐅ ᑭᒋᒪᓂᑐᒥᒥᒃ ᒫᑲ, ᓂᓚ ᓀᔥᑕ ᓂ ᑳ ᐅᑯᓯᓯᒪᐤ᙮