ᐃᐱᓯᔭᓇ 1:4 - ᐅᔅᑭ ᑎᔅᑌᒥᓐᑦ

⁴ ᑖᐱᔅᑯᒡ ᑳ ᑮ ᐃᔑ ᐙᐌᓛᐸᒫᑕᒃ ᑭᒋ ᐱᒋᔥᑲᐗᑭᑦ ᐸᒧᔑ ᑮ ᒫᒋ ᐅᔑᑖᓂᐗᒃ ᐅᒪ ᐊᔅᑭ, ᑭᒋ ᐸᓓᑭᓯᔭᒃ, ᓀᔥᑕ ᐁᑳ ᑭᒋ ᐊᑖᒣᓕᑕᑯᓯᔭᒃ ᐁᑖᔅᑕᒪᐱᑦ ᓵᑭᐃᐌᐎᓂᒃ:

ᐃᐱᓯᔭᓇ 1:4 Iomraidhean Croise

ᐅᐸᓓᑭᔅ ᒫᑎᐤ 24:22

ᑮᔥᐱᓐ ᒫᑲ ᐁᑳ ᑕᑯᑖᑲᓂᐎᑭ ᐊᓂᐃ ᑭᔑᑳᐗ, ᓇᒪᐎᓚ ᐊᐌᓇ ᑲᑕ ᐱᒫᒋᐅᐸᓐ: ᒫᑲ ᐎᓚᐗᐤ ᑳ ᐙᐌᓛᐸᒫᑲᓂᐎᒋᒃ ᑲᑕ ᐅᒋ ᑕᑯᑖᑲᓂᐎᐗ ᐊᓂᐃ ᑭᔑᑳᐗ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᑎᐤ 24:31

ᑲᑕ ᐃᔑᑎᔕᐌᐤ ᒫᑲ ᐅᑦ ᐁᓐᒐᓕᒪ ᓈᔅᐱᒡ ᐁ ᑭᔗᐌᒪᑲᒃ ᐳᑖᒋᑲᓐ, ᑲᑕ ᒪᐗᒋᐁᓕᐗ ᒫᑲ ᐊᓂᐃ ᑳ ᐙᐌᓛᐸᒥᒥᒋ ᓀᐤ ᐁ ᐅᒋᓚᐌᒃ ᐅᒋ, ᓀᔥᑕ ᒥᓯᐌ ᐁᔅᐱᔖᒃ ᐊᑖᒥᒃ ᑭᔑᑯᒃ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒑᓐ 10:16

ᑯᑕᑭᔭᒃ ᓀᔥᑕ ᒫᓂᔥᒑᓂᔕᒃ ᓂᑦ ᐋᔭᐙᐗᒃ ᐁᑳ ᐅᒪ ᒫᓂᔥᒑᓂᔑᑲᒥᑯᒃ ᐁ ᐃᑖᒋᒃ ᐁᐗᒀᓂᑭ ᔮᓕᑌᓪ ᑫ ᐯᔑᐗᑭᒃ, ᑲᑕ ᓇᑐᑕᒶᒃ ᒫᑲ ᓂ ᐯᑖᑯᓯᐎᓂᓕᐤ; ᐁᑯ ᑫ ᐯᔭᑾᒃ ᒫᓂᔥᒑᓂᔑᑲᒥᒃ, ᓀᔥᑕ ᑫ ᐯᔭᑯᑦ ᒫᓂᔥᒑᓂᔑᐎᓕᓕᐤ᙮

ᐅᐸᓓᑭᔅ ᒑᓐ 15:16

ᓇᒪᐎᓚ ᑭᓚᐗᐤ ᑭ ᐅᒋ ᐙᐌᓛᐸᒥᓇᐗᐤ, ᒫᑲ ᓂᓚ ᑭ ᑭᑮᐙᐌᓛᐸᒥᑎᓇᐗᐤ, ᓀᔥᑕ ᑭ ᑮ ᐹᑲᓂᐃᑎᓇᐗᐤ ᑭᒋ ᓇᑕᐎ ᓂᑖᐎᑭᑖᔦᒃ ᒥᓂᔕ, ᓀᔥᑕ ᑭ ᒥᓂᔑᒥᐙᐗ ᑭᒋ ᐃᑕᑾᑭ: ᐱᑯ ᑫᒀᓐ ᒫᑲ ᑫ ᓇᑐᑕᒪᐗᐌᑴ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ ᑭᒋ ᒥᓕᑖᒃ᙮

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐊᐸᔅᑕᓚᒃ 13:48

ᐃᔅᐱ ᒫᑲ ᒉᓐᑖᐃᓚᒃ ᐅᒪ ᐱᐁᑕᑭᒃ ᑭ ᓯᑭᓓᓯᐗᒃ, ᓀᔥᑕ ᑭ ᑭᔅᑌᓕᑕᒶᒃ ᐅᑎᐯᓕᒋᑫᐗ ᐅᑦ ᐊᔭᒥᐎᓂᓕᐤ: ᒥᓯᐌ ᒫᑲ ᑳ ᑮ ᐃᑕᑭᒥᒋᒃ ᑳᑭᑫ ᐱᒫᑎᓯᐃᓂᒃ ᐃᔑ, ᑮ ᑖᐺᑕᒶᒃ᙮

ᐊᐸᔅᑕᓚᒃ 15:18

ᑭᔅᑫᓕᑕᒻ ᑭᒋᒪᓂᑐ ᒥᓯᐌ ᐅᑦ ᐊᑐᔅᑫᐎᓇ, ᒫᐗᒡ ᓃᔥᑕᒻ ᐁ ᐊᔅᑭᐗᒃ ᐅᒋ᙮

ᐊᐸᔅᑕᓚᒃ 18:10

ᐌᓴ ᑭ ᐎᒉᐎᑎᓐ, ᓇᒪᐎᓚ ᒫᑲ ᐊᐌᓇ ᐃᓕᓕᐤ ᐙᔦᔥ ᑭ ᑳ ᑐᑕᒃ ᑭᒋ ᐋᑯᐃᔉ: ᐌᓴ ᓂᑦ ᐋᔭᐙᐗᒃ ᒥᒉᑦ ᐃᓕᓕᐗᒃ ᐅᒪ ᐃᑖᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:33

ᐊᐌᓇ ᑫ ᑮ ᒪᒥᔑᒥᒫᑦ ᑭᒋᒪᓂᑐ ᐅ ᐙᐌᓛᐸᒫᑲᓇ? ᑭᒋᒪᓂᑐ ᐁᐗᒀᓇ ᑳ ᒀᔭᔅᑭᑖᑎᓯᐃᐌᑦ᙮

ᓂᔥᑕᒻ ᑯᕆᓐᑎᐊᓇ 1:8

ᐊᓇ ᓀᔥᑕ ᑫ ᐋᔨᒋᐃᑖᒃ ᐃᔅᒀᔮᒡ ᐃᔅᑯ, ᐁᑳ ᐗᔦᔥ ᑭᒋ ᐋᑖᒥᒥᑳᐎᔦᒃ ᐅᑎᒋᐸᓕᓕᑫ ᐅ ᑭᔑᑳᒻ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᑲᓓᔕᐊᓇ 5:13

ᐌᓴ, ᓂᒋᔖᓂᑐᒃ, ᑭ ᑮ ᓇᑐᒥᑲᐎᓇᐗᐤ ᑎᐯᓕᒥᑎᓱᐎᓂᒃ ᐃᔑ; ᐁᑳᐎᓚ ᒫᑲ ᐋᐸᒋᑖᒃ ᑎᐯᓕᒥᑎᓱᐎᓐ ᐎᔮᓯᐎᓂᒃ ᐃᔑ, ᒫᑲ ᓵᑭᐃᐌᐎᓂᒃ ᐊᑑᔅᑳᑐᒃ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᐃᐱᓯᔭᓇ 4:2

ᒥᓯᐌ ᑕᐸᑌᓕᒧᐎᓂᒃ ᓀᔥᑕ ᓗᔅᐹᑎᓯᐎᓂᒃ, ᔑᐱᓚᐌᓯᐎᓂᒃ, ᐁ ᔑᐱᓚᐗᓰᔅᑖᑐᔦᒃ ᓵᑭᐃᐌᐎᓂᒃ;

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐃᐱᓯᔭᓇ 5:27

ᑭᒋ ᑮ ᐸᑭᑎᓇᒫᓱᑦ ᐁ ᑭᔅᑖᑎᓯᓕᒋ ᒫᒪᐎᐋᔭᒥᐊᐗ, ᐁᑳ ᐁ ᐸᐸᑌᐎᓯᓕᒋ, ᐁᑳ ᓀᔥᑕ ᐁ ᐅᓯᑭᓯᓕᒋ, ᐁᑳ ᓀᔥᑕ ᐁ ᐋᔮᓕᒋ ᐅᒪ ᑐᐎ ᑫᒀᓕᐤ; ᒫᑲ ᑭᒋ ᐸᓓᑭᓯᓕᒋ ᓀᔥᑕ ᐁᑳ ᑭᒋ ᒪᔅᑭᓯᓕᒋ᙮

ᐱᓕᐱᔭᓇ 2:15

ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ:

ᑯᓚᔑᔭᓇ 1:22

ᐁ ᐎᔭᐎᒪᑲᓂᓕᒃ ᐅ ᐎᔮᓯᒃ ᓂᐱᐎᓐ ᐅᒋ, ᐁ ᐸᓓᑭᓯᔦᒃ, ᓀᔥᑕ ᐁᑳ ᐁ ᐊᑖᒣᓕᑖᑯᓯᔦᒃ, ᓀᔥᑕ ᐁᑳ ᐁ ᑭᑐᑖᑯᓯᔦᒃ ᐁ ᑲᓇᐗᐸᒥᑖᒃ:

ᑯᓚᔑᔭᓇ 2:2

ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᑯᓚᔑᔭᓇ 3:12

ᐁᐗᑯ ᐌᒋ ᐳᔅᑎᔥᑲᒧᒃ, ᑖᐱᔅᑯᒡ ᐅ ᐙᐌᓛᐸᒫᑲᓇ ᑭᒋᒪᓂᑐ, ᐯᓓᑭᓯᔦᒃ ᓀᔥᑕ ᓯᐋᑭᐃᑲᐎᔦᒃ, ᔕᐌᓕᒋᑫᐎ ᒥᑌᐃ, ᑭᔐᐙᑎᓯᐎᓐ, ᑕᐸᑌᓕᒧᐎᓐ, ᓗᔅᐱᓯᐎᓐ, ᔑᐱᓚᐌᓯᐎᓐ;

ᓂᔥᑕᒻ ᑌᓴᓗᓂᔭᓇ 3:12

ᑌᐯᓕᒋᑫᑦ ᓀᔥᑕ ᑭ ᑳ ᐎ ᑐᑖᑯᐗᐤ ᑭᒋ ᓚᑭᐋᔮᔦᒃ ᓀᔥᑕ ᑭᒋ ᐌᓗᑎᓯᔦᒃ ᓵᑭᐃᐌᐎᓐ ᐁ ᐃᔑ ᓴᑭᐃᑐᔦᒃ, ᓀᔥᑕ ᒥᓯᐌ ᐃᓕᓕᐗᒃ, ᑖᐱᔅᑯᒡ ᓂᓚᓈᓐ ᑳ ᐋᔨᑐᑖᑖᒃ:

ᓂᔥᑕᒻ ᑌᓴᓗᓂᔭᓇ 4:7

ᐌᓴ ᑭᒋᒪᓂᑐ ᓇᒪᐎᓚ ᑭ ᑮ ᐅᒋ ᓇᑐᒥᑯᓇᐤ ᐎᓂᓯᐎᓂᒃ ᐃᔑ ᒫᑲ ᐸᓓᑭᓯᐎᓂᒃ᙮

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᓂᔓ ᑎᒧᑎ 2:19

ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᓂᔥᑕᒻ ᐱᑕᕐ 1:2

ᑳ ᑮ ᐙᐌᓛᐸᒥᒋᒃ ᑳ ᐃᑕᔅᑌᓕᒃ ᑭᒋᒪᓂᑐ ᐌᐅᑖᐎᒪᐎᑦ ᐅ ᓂᑳᓂ ᑭᔅᑫᓕᑕᒧᐎᓐ, ᐅ ᐸᓓᑭᐃᐌᐎᓐ ᐊᒑᒃ ᐅᒋ, ᓇᓇᐃᑕᒧᐎᓂᒃ ᐃᔑ ᓀᔥᑕ ᐁ ᐊᑭᑲᐎᐌᐱᓂᑳᑌᓕᒃ ᐅᒥᑯ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ᙮

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔓ ᐱᑕᕐ 3:14

ᐁᐗᑯ ᐅᒋ, ᓯᐋᑭᐃᑕᑾᒃ, ᐁ ᓄᑾᒃ ᐁ ᐊᔕᐙᐸᑕᒣᒃ ᐅᐅ ᑫᒀᓇ, ᑭᓯᓴᐎᓯᒃ ᑳᔮᒣᓕᑕᒧᐎᓂᒃ ᑭᒋ ᒥᔅᑳᑖᒃ, ᐁᑳ ᐁ ᒪᓯᓈᓱᔦᒃ ᓀᔥᑕ ᐁ ᒥᓗᐃᑌᓕᑖᑯᓯᔦᒃ:

ᓂᔥᑕᒻ ᒑᓐ 4:16

ᑭ ᑮ ᑭᔅᑫᓕᑌᓈᓇᐤ ᒫᑲ ᓀᔥᑕ ᑭ ᑮ ᑖᐺᑌᓈᓇᐤ ᐁ ᐃᔑ ᓵᑭᐃᑕᒃ ᑭᒋᒪᓂᑐ᙮ ᑭᒋᒪᓂᑐ ᓵᑭᐃᐌᐎᓂᐎᐤ; ᐊᓇ ᒫᑲ ᑳ ᐃᑖᑦ ᓵᑭᐃᐌᐎᓂᒃ, ᐱᒋᔅᑲᐌᐤ ᑭᒋᒪᓂᑐᐗ ᓀᔥᑕ ᐱᒋᔅᑳᑯ ᑭᒋᒪᓂᑐᐗ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮