4 ᒥᑐᓂ ᑭᒋ ᑭᔅᑫᓕᑖᑯᑖᔮᓐ, ᑫ ᐃᔑ ᐋᔭᒥᐋᐸᓐ᙮
ᐊᓄᒡ ᒫᑲ, ᑌᐯᓕᒋᑫᔭᓐ, ᐙᐸᑕᒻ ᐅ ᑭᓯᔅᑕᑭᐎᓂᐗᐤ: ᒥᓕᒃ ᒫᑲ ᑭᑦ ᐋᑐᔅᑫᓛᑲᓇᒃ, ᒥᓯᐌ ᓱᑫᓕᒧᐎᓂᒃ ᑭᒋ ᑮ ᐋᓕᒧᑕᑭᒃ ᑭᑦ ᐋᔭᒥᐎᓂᓕᐤ᙮
ᐁᑯ ᐱᑕᕐ ᓀᔥᑕ ᑯᑕᑭᔭᒃ ᐊᐸᔅᑕᓚᒃ ᑳ ᓇᔅᑴᐗᔑᐃᐌᒋᒃ ᓀᔥᑕ ᐃᑗᒋᒃ, ᓂ ᑳ ᐱᔑᒋᐋᑖᓈᓐ ᑭᒋᒪᓂᑐ ᐊᐙᓯᑌ ᐃᔥᐱᔥ ᐃᓕᓕᐗᒃ᙮
ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ:
ᐊᓂᒪ ᑳ ᐅᒋ ᐃᔑᑎᔕᐗᑲᓂᔮᓐ ᐁ ᒫᒫᒋᒀᐱᔅᑳᐅᑲᐎᔮᓐ: ᐁᐗᑯ ᑭᒋ ᑮ ᑎᐹᑐᑕᒫᓐ ᐁ ᓱᑭᑌᐁᔮᓐ ᑫ ᐃᔑ ᑎᐹᑐᑕᒫᐸᓐ᙮
ᐱᒧᑌᒃ ᑲᑫᑕᐌᓕᑕᒧᐎᓂᒃ ᐊᓂᑭ ᐃᔑ ᐗᓚᐎᑎᒥᒃ ᑳ ᐃᑖᒋᒃ, ᐁ ᑭᔑᑳᑭ ᐁᒀᔭᔅᑯ ᐋᐸᒋᑖᔦᒃ᙮
ᐁᑯᔑ ᑭᑦ ᐋᔭᒥᐎᓂᐗᐤ ᒧᔕᒃ ᑲᑕ ᔕᐌᓕᑖᑾᓐ, ᔑᐎᑖᑲᓐ ᐁ ᐅᒋ ᔑᐎᑖᓂᐗᒃ, ᑭᒋ ᑭᔅᑫᓕᑕᒣᒃ ᑫ ᐃᔑ ᓇᔥᑴᐗᔑᒣᒃ ᒥᓯᐌ ᑕᑐ ᐃᓕᓕᐤ᙮
