ᑯᓚᔑᔭᓇ 3:3 - ᐅᔅᑭ ᑎᔅᑌᒥᓐᑦ

³ ᐌᓴ ᑭ ᓂᐱᓇᐗᐤ, ᓀᔥᑕ ᑭ ᐱᒫᑎᓯᐎᓂᐗᐤ ᑳᑖᓂᐗᓐ ᐊᓯᒋ ᙭ ᑭᒋᒪᓂᑐᓈᒃ᙮

ᑯᓚᔑᔭᓇ 3:3 Iomraidhean Croise

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᒑᓐ 14:19

ᑫᔮᐸᒡ ᐎᓕᐱᔉ, ᐁᑯ ᐊᔅᑭ ᐁᑳ ᒥᓇ ᑫ ᐙᐸᒥᑯᔮᓐ; ᒫᑲ ᑭᓚᐗᐤ ᑭ ᑳ ᐙᐸᒥᓇᐗᐤ: ᐁ ᐱᒫᑎᓯᔮᓐ ᓂᓚ, ᐁᐗᑯ ᑭᓚᐗᐤ ᓀᔥᑕ ᑫ ᐅᒋ ᐱᒫᑎᓯᔦᒃ᙮

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 5:21

ᐌᓴ ᑖᐱᔅᑯᒡ ᐅᑖᐎᒫᐤ ᐁ ᐃᔑ ᐗᓂᔥᑳᓈᑦ ᑳ ᓂᐱᓕᒋ, ᓀᔥᑕ ᐁ ᐋᐱᓯᐋᑦ: ᐁᑯ ᓀᔥᑕ ᐅᑯᓯᓯᒪᐤ ᐁ ᐃᔑ ᐋᐱᓯᐋᑦ ᐊᓂᐃ ᐙᑐᑕᐙᑦ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 5:40

ᓇᒪᐎᓚ ᓀᔥᑕ ᑭ ᐎ ᐯᒋ ᓈᔑᓇᐗᐤ, ᑭᒋ ᐋᔭᔦᒃ ᐱᒫᑎᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:10

ᐌᓴ ᑮᔥᐱᓐ ᐃᔅᐱ ᑫᔮᐸᒡ ᑳ ᐸᒀᔑᐌᔭᑯᐸᓐ, ᑭ ᑮ ᐙᑯᑕᐃᑲᐎᓈᓇᐤ ᑭᒋᒪᓂᑐ ᐅ ᓂᐱᐎᓂᓕᒃ ᐅᒋ ᐅᑯᓯᓴ, ᐊᐙᓯᑌ ᒫᑲ, ᐋᔕᔾ ᐁ ᑮ ᐙᑯᑕᐃᑲᐎᔦᒃ, ᑭ ᑳ ᐱᒫᒋᐃᑲᐎᓈᓇᐤ ᐅ ᐱᒫᑎᓯᐎᓂᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:21

ᑖᐱᔅᑯᒡ ᒫᑲ ᒪᒋᑣᐎᓐ ᑳ ᐃᔑ ᑎᐯᓕᒋᑫᒪᑲᒃ ᓂᐱᐎᓂᒃ ᐃᔑ, ᐁᑯ ᑖᐱᔅᑯᒡ ᔕᐌᓕᒋᑫᐎᓐ ᑫ ᑎᐯᓕᒋᑫᒪᑲᒃ ᒀᔭᔅᑭᑖᑎᓯᐎᓐ ᐅᒋ ᑳᑭᑫ ᐱᒫᑎᓯᐎᓂᒃ ᐃᔑ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:11

ᐁᑯ ᓀᔥᑕ ᑭᓚᐗᐤ ᐃᑕᑭᒥᑎᓯᒃ ᐁ ᓂᐱᔦᒃ ᒪᒋᑣᐎᓂᒃ ᐅᒋ, ᒫᑲ ᐁ ᐱᒫᑎᓲᔅᑕᐌᒃ ᑭᒋᒪᓂᑐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:2

ᓇᒪᐎᓚ ᑲᑕ ᐎ ᐃᑭᓐ᙮ ᑭᓚᓈᓇᐤ ᑳ ᓂᐱᔭᒃ ᒪᒋᑣᐎᓂᒃ ᐅᒋ, ᑖᓂ ᑫ ᐃᔑ ᐱᒫᑎᓯᔭᒃ ᐁᑯᑕ ᑭᔮᐸᒡ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:2

ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮

ᓂᔥᑕᒻ ᑯᕆᓐᑎᐊᓇ 15:45

ᐁᑯ ᓀᔥᑕ ᐁᑕᓯᓇᐃᑳᑌᒃ, ᐊᓇ ᓃᔥᑕᒻ ᓈᐯᐤ, ᐋᑕᒻ, ᑮ ᐃᔑᐋᑲᓂᐎᐤ ᐁ ᐱᒫᑎᓯᓕᒋ ᐊᒑᑾ ᑭᒋ ᐋᔭᐙᑦ; ᐊᓇ ᒫᒋᒡ ᐋᑕᒻ ᑮ ᐃᔑᐋᑲᓂᐎᐤ ᑭᒋ ᐱᒫᑎᓯᐃᐌᑦ ᐊᒑᒃ᙮

ᓂᔥᑕᒻ ᑯᕆᓐᑎᐊᓇ 2:14

ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔓ ᑯᕆᓐᑎᐊᓇ 5:14

ᐌᓴ ᐅ ᓵᑭᐃᐌᐎᓐ ᙭ ᓂ ᔑᑭᐃᑯᐙᓈᓐ; ᐌᓴ ᐅᒪ ᓂᑦ ᐃᔑ ᑎᐹᔅᑯᓀᓕᑌᓈᓐ, ᑮᔥᐱᓐ ᐯᔭᒃ ᐊᐌᓇ ᑮ ᓂᐳᔅᑕᒪᐙᑦ ᒥᓯᐌ, ᒥᓯᐌ ᐁᑯ ᑳ ᓂᐱᓕᒋ;

ᓂᔓ ᑯᕆᓐᑎᐊᓇ 5:7

ᐌᓴ ᑖᐺᔦᓕᑕᒧᐎᓐ ᑭᑦ ᐅᒋ ᐱᒧᑕᓈᓇᐤ, ᓇᒪᐎᓚ ᐊᓂᐃ ᐅᒋ ᑳ ᐗᐸᑕᒪᒃ:

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᐃᐱᓯᔭᓇ 3:9

ᑭᒋ ᑐᑕᐗᑭᒃ ᒫᑲ ᒥᓯᐌ ᐃᓕᓕᐗᒃ ᑭᒋ ᐙᐸᑕᑭᒃ ᐊᓂᐁᓕᐤ ᐅᑐᑌᒥᒥᑐᐎᓂᓕᐤ ᑳ ᒫᒪᔅᑳᑌᓕᑖᑾᓂᓕᒃ, ᐊᔅᐱᓐ ᓂᔥᑕᒻ ᐁ ᐊᔅᑭᐗᒃ ᑳ ᑮ ᑳᑖᓂᐗᓂᓕᒃ ᑭᒋᒪᓂᑐᒃ, ᒥᓯᐌ ᑫᒀᓇ ᑳ ᑮ ᐅᔑᑖᑦ ᒋᓴᔅ ᙭ ᐅᒋ:

ᐱᓕᐱᔭᓇ 4:7

ᓀᔥᑕ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ, ᐁᑳ ᑎᐁᐱ ᓂᓯᑐᑖᑲᓂᐗᒃ ᑭ ᑳ ᑲᓇᐌᓕᑕᒫᑯᓇᐗᐤ ᑭᑌᐃᐙᐗ ᓀᔥᑕ ᑭ ᒥᑐᓀᓕᒋᑲᓂᐗᐗ ᐎᓚ ᐅᒋ ᒋᓴᔅ ᙭᙮

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᑯᓚᔑᔭᓇ 2:20

ᐁᐗᑯ ᐅᒋ, ᑮᔥᐱᓐ ᑮ ᐎᒋᓂᐱᒣᒃ ᙭ ᐊᔅᑭᐎ ᓂᔥᑕᒻ ᑭᔅᑭᓄᐊᒫᑫᐎᓇ ᐅᒋ, ᑖᓀᑭ ᐌᒋ, ᑖᐱᔅᑯᒡ ᐁ ᐱᒫᑎᓯᔦᒃ ᐊᔅᑮᒃ, ᑎᐯᓕᒥᑯᔦᒃ ᐃᑕᔓᐌᐎᓇ,

ᑯᓚᔑᔭᓇ 2:3

ᐊᓇ ᑳ ᐱᒋᔅᑳᑯᑦ ᒥᓯᐌ ᐌᓗᒋ ᑲᑫᑕᐌᓕᑕᒧᐎᓂᓕᐤ ᓀᔥᑕ ᑭᔅᑫᓕᑕᒧᐎᓂᓕᐤ᙮

ᑯᓚᔑᔭᓇ 3:4

ᐃᔅᐱ ᙭, ᐁᐗᑯ ᑭ ᐱᒫᑎᓯᐎᓂᓇᐤ ᓄᑯᓯᑌ, ᐁᑯ ᓀᔥᑕ ᑭᓚᐗᐤ ᑫ ᐎᒋᓄᑯᓯᒣᒃ ᒪᓂᑐᐙᔅᑌᐎᓂᒃ᙮

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔥᑕᒻ ᐱᑕᕐ 3:4

ᒫᑲ ᐁᑯᔑ ᐊᓂᒪ ᐊᑖᒥᒃ ᐃᑖᑎᓯᐎᓐ ᒥᑌᐃᒃ ᑳ ᐃᑕᑾᒃ, ᐊᓂᒪ ᐁᑳ ᑫ ᓂᔑᐗᓈᑕᒃ; ᐊᓂᒪ ᐙᐌᔑᐅᓐ ᐅᑎ ᓗᔅᐱᓯᐎ ᓀᔥᑕ ᑳᔮᒣᐎᓯᐎ ᐊᒑᒃ ᑳ ᑭᔅᑕᑭᒥᑯᑦ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 4:2

ᐁᑳᐎᓚ ᑫᔮᐸᒡ ᑭᒋ ᐱᒫᑎᓯᑦ ᐃᔥᐱᔥ ᐁ ᐅ ᑭᔑᑳᒥᑦ ᐎᔮᓯᐎᓂᒃ ᐅ ᒪᒋᓇᑕᐌᓕᑕᒧᐎᓂᓕᒃ ᐃᓕᓕᐗ, ᒫᑲ ᐅᑦ ᐃᑌᓕᑕᒧᐎᓂᓕᒃ ᑭᒋᒪᓂᑐᐗ᙮

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᑭᔅᑫᓕᑖᑯᑖᑫᐎᓐ 2:17

ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ! ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᒥᒋᑦ ᑳ ᑳᒋᑳᑌᓕᒃ ᒫᓇ, ᓂ ᑳ ᒥᓚᐤ ᓀᔥᑕ ᐙᐸᓯᓂᔭ, ᓀᔥᑕ ᐊᓯᓂᒃ ᐅᔥᑭ ᐃᔑᓂᑳᓱᐎᓐ ᐁ ᒪᓯᓇᐃᑳᑌᒃ, ᐁᑳ ᐊᐌᓇ ᐃᓕᓕᐤ ᑳ ᑭᔅᑫᓕᑕᒃ, ᐊᓇ ᐱᑯ ᑳ ᐅᑎᓇᒃ᙮