2 ᒫᒥᑐᓀᓕᑕᒧᒃ ᐊᓂᐃ ᑫᒀᓇ ᐃᔥᐱᒥᒃ ᑳ ᐃᑕᑾᑭ, ᐁᑳ ᑫᒀᓇ ᐊᔅᑮᒃ᙮
ᒫᑲ ᐁ ᑴᔅᑭᑳᐸᐎᑦ, ᑮ ᐃᑌᐤ ᐱᑕᕋ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ: ᑭ ᓈᔦᑕᐌᓕᑕᒥᐃᓐ; ᐌᓴ ᓇᒪᐎᓚ ᑭᒋᒪᓂᑐ ᐅᑦ ᐋᔮᓇ ᑭ ᒫᒥᑐᓀᓕᑕᒸᓐ, ᒫᑲ ᐊᓂᐃ ᐃᓕᓕᐗᒃ ᑳ ᐅᑦ ᐋᔮᓂᒋᒃ᙮
ᐁᑳᐎᓚ ᓈᐋᔅᑣᓱᒃ ᒥᔕᑭᓯᐎᓇ ᐅᑕ ᐊᔅᑮᒃ, ᐊᓐᑕ ᐁ ᐃᔑ ᓂᔑᐗᓈᒋᑖᑦ ᒪᓂᒍᔥ, ᓀᔥᑕ ᐁ ᐊᒀᒀᐱᔅᑳᒃ, ᐊᓐᑕ ᓀᔥᑕ ᑭᒧᑎᔅᑲᒃ ᑳ ᐸᔅᐱᐱᑯᐊᑭᒃ ᐁ ᑭᒧᑎᒋᒃ:
ᑮ ᐃᑌᐤ ᒫᑲ, ᔮᒀᒦᔅᑕᒧᒃ ᓀᔥᑕ ᑯᔅᐸᓂᔅᑕᒧᒃ ᒧᔅᑌᓇᒫᑫᐎᓐ: ᐌᓴ ᐃᓕᓕᐤ ᐅ ᐱᒫᑎᓯᐎᓐ ᓇᒪᐎᓚ ᐁᐗᑴᓕᐤ ᑳ ᐃᔅᐱᒋ ᐌᓗᑎᓰᑦ᙮
ᑮᔥᐱᓐ ᒫᑲ ᐁᑳ ᑳ ᒀᔭᔅᑭᑎᐌᑴ ᒥᔭᓛᑕᑭ ᒥᔕᑭᓯᐎᓇ ᐅᒋ, ᐊᐌᓇ ᑫ ᑲᓇᐌᓕᑎᓕᑖᒃ ᑖᐺ ᒥᔕᑭᓯᐎᓇ?
ᐌᓴ ᓂ ᐙᐙᓀᓕᔅᑳᑯᓐ ᑳ ᓂᔑᑭ, ᐁ ᓇᑕᐌᓕᑕᒫᓐ ᑭᒋ ᑭᑐᑌᔮᓐ, ᓀᔥᑕ ᑭᒋ ᐎᒋᑕᔑᑫᒪᒃ ᙭, ᐁᐗᑯ ᓈᔅᐱᒡ ᐊᐙᓯᑌ ᐁ ᒥᓨᔑᒃ:
ᑮᔥᐱᓐ ᒫᑲ ᑮ ᐎᒋᐗᓂᔥᑳᒣᒃ ᙭, ᓈᓇᑕᐌᓕᑕᒧᒃ ᐊᓂᐃ ᐃᔥᐱᒥᒃ ᑳ ᐃᑕᑾᑭ, ᐃᑕ ᙭ ᐁ ᐊᐱᐙᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ᙮
ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:
